Simoore Qaf pdf Wolof

Simoore Qaf

PDF —

45 Aaya Meccan PDF

Built right in your browser — download starts automatically

Simoore Qaf pdf — Wàcce (Wolof)

Simoore Qaf pdf Wolof — Wàcce Simoore Qaf Tekki. Qaf (Meccan) 45 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Simoore Qaf

45 Aaya · Meccan · Wolof

ﭑﭒﭓﭔﭕ

Qaaf. Ak ci Alxuraan ju tedd ji ( laay giñ) !

ﭖﭗﭘﭙﭚﭛﭜﭝﭞﭟﭠﭡ

Waaye dañoo yéemu ba ñu amee waaraatekat bu bokk ci ñom ; digël leen yéefar ya di wax naan : “Lii dey mbir mu yéeme la”.

ﭢﭣﭤﭥﭦﭧﭨﭩﭪ

Ana ! Luy xew bu ñu deewee ba doon suuf...? Moo ndaw dellu guy sori waay ” !

ﭫﭬﭭﭮﭯﭰﭱﭲﭳﭴﭵ

(Man Yàlla) Xam na a li suuf si di lekk ci ñoom ; te it Téere bu sàmmu baa ngi fi Nun (“Allawhul Mahfuuz”).

ﭶﭷﭸﭹﭺﭻﭼﭽﭾﭿ

Ñoom weddi nañu dëgg ca waxtu wa mu dikëlee : ñoo nga ca mbirumu walayaange.

ﮀﮁﮂﮃﮄﮅﮆﮇﮈﮉﮊﮋﮌ

Moo ndax ñoom dañu téenul xool asamaan si leen tiim, ci melo wi Nu ko tabaxe taaral ko (ak i biddiw) ; te amul benn bënn-bënn ?

ﮍﮎﮏﮐﮑﮒﮓﮔﮕﮖﮗﮘ

(Ak it Ñuy settantal) suuf si, ni Nu ko tàllale dott ca biir tundi doj saxal ca wépp xeetu gàncax wu naat te taaru.

ﮙﮚﮛﮜﮝﮞ

mu di am njis ak ug fàttali ñeel bépp jaam buy sàkku dellu ca Boroomam.

ﮟﮠﮡﮢﮣﮤﮥﮦﮧﮨﮩ

Wàcce Nanu ndox mu barkeel mu bawoo asamaan, ñu daldi cay saxal ay tooli dër ak mbay yu ñuy góob (di ko dénc),

ﮪﮫﮬﮭﮮﮯ

tàndarma yu gudd am cëgg yu rankaloo (menn gàcc),

ﮰﮱﯓﯔﯕﯖﯗﯘﯙﯚﯛ

muy wërsëgu jaam ñi. Ci ndox la Nuy dekkale suuf naatal ko. Noonu it la dekkiwaat ga di deme.

ﯜﯝﯞﯟﯠﯡﯢﯣ

Ca la leen jiitu woon, nitu Nooh , ak waa Rasi ak waa Samuud weddiwoon nañu,

ﯤﯥﯦﯧﯨ

ak waa Aad ak Firawna ak mbokki Lóot,

ﯩﯪﯫﯬﯭﯮﯯﯰﯱﯲﯳ

ak waa Aykata ak nitu Tubba’a. Ñépp weddiwoon Yonent ya. Samag tëkku dal leen (di mbugël).

ﯴﯵﯶﯷﯸﯹﯺﯻﯼﯽﯾﯿ

Nga ne ma lan ? Nun Yàlla danoo sonn ca bind gu jëkk ga ? Ñii kay ñi ngi cim lënt ci mbirum dekkiwaat (ku sos dekkil jaaxalu ko).

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ

Nun Yàlla Noo sàkk nit bind ko te it xam Nanu liy jax-jaxi ci am xolam te sax Nun Noo ko gën a jegeñ buum giy téye ab xol

ﭡﭢﭣﭤﭥﭦﭧﭨﭩ

ngir ñaari way joqalante yaa ngay joqalante, tey fuglu ndeyjoor ak càmmoñ.

ﭪﭫﭬﭭﭮﭯﭰﭱﭲ

Amul jenn wax ju muy àddu lu dul ne Raqiib ak Atiid ña nga ko tiim (ñiy bind jëfi nit ñi) .

ﭳﭴﭵﭶﭷﭸﭹﭺﭻﭼﭽ

Sukraatus ndee aksi na ci ñoom tigi : “Loolu moo di li nga daan weddi”.

ﭾﭿﮀﮁﮂﮃﮄﮅ

Bu nu wolee Bufta bi : Loolu moo di bisub Tëkóo ba.

ﮆﮇﮈﮉﮊﮋﮌ

Bakkan bu nekk dikk ànd ak ku koy wommat ak ku koy seede.

ﮍﮎﮏﮐﮑﮒﮓﮔﮕﮖﮗﮘﮙ

“Lii lépp danga ko sàgganewoon. Bis niki tey, wuññi Nanu kiiraay li nekkoon ci say gët ; tey jii am nga gis bu xóot.

ﮚﮛﮜﮝﮞﮟﮠ

Ka muy lëkóol ma ngay wax naan : “Kii mooy sama àndandoo bi ma dul tàggóolati”.

ﮡﮢﮣﮤﮥﮦﮧ

“Yéen ñaar, sànni leen ca safara weddiwaakoon ya daan féttérlu,

ﮨﮩﮪﮫﮬ

ña daan tere aw yiw, te daan jalgati, daan sikki-sàkka,

ﮭﮮﮯﮰﮱﯓﯔﯕﯖﯗﯘ

ka daan jéem a woote jeneen Yàlla di ko booleek Yàlla. Sànni leen ko ci mbugal mu tar ma”.

ﯙﯚﯛﯜﯝﯞﯟﯠﯡﯢﯣﯤ

Nekkaaleem ja (Saytaane) ngay wax naan : “sama Boroom, man dey bewloowuma ko ; waaye moom dafa nekkoon ci ag réer gu tar”.

ﯥﯦﯧﯨﯩﯪﯫﯬﯭ

(Yàlla daldi ne leen) : “Bu leen fi xulóo ! Lii lépp waxoon naa leen ko.

ﯮﯯﯰﯱﯲﯳﯴﯵﯶ

Wax ja du sippiku fi man ; te it Duma tooñ benn jaam”.

ﯷﯸﯹﯺﯻﯼﯽﯾﯿﰀ

Bu keroogee ba Nuy laaj Safara naan ko ; “Ndax fees nga ? ” Safara naan : “Dolli ma” ?

ﰁﰂﰃﰄﰅﰆ

Nu waajal Àjjana way ragal ña Yàlla mu jigeñ loolu.

ﰇﰈﰉﰊﰋﰌﰍ

“Lii mooy li Nu leen daan dig , [mu ñeel] bépp delluwaakoon ci Boroomam tey sàmm [daytalu Boroomam]

ﰎﰏﰐﰑﰒﰓﰔﰕ

kuy ragal Yàlla Yërëmakoon bi ci kumpa, te ñëw ànd ak xol bu nangu ndigal.

ﰖﰗﰘﰙﰚﰛﰜ

Dugguleen ko ci jàmm ak tal”. Te loolu mooy sax ba fàww (Àjjana) !

ﰝﰞﰟﰠﰡﰢﰣ

Danañu fa am lépp lu leen soob. Te am Nanu ndollen.

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ

aka bari ay xeet yu Nu faagaagaloon, ci ña leen fi jiituwoon, te ëppoon leen kàttan fuuf. Réew mu nekk dem nañu fa, mu fees di rawe.

ﭡﭢﭣﭤﭥﭦﭧﭨﭩﭪﭫﭬﭭﭮ

Ak fàttali nekk na ci biir loolu ñeel képp ku am ub xol, tey déglu booleek teewlu doon seede.

ﭯﭰﭱﭲﭳﭴﭵﭶﭷﭸﭹﭺﭻﭼ

Man Yàlla, Maa bind asamaan yeek suuf ak li nekk ci seen diggante diirub juróom-benni fan, te Amuma ci benn coono.

ﭽﭾﭿﮀﮁﮂﮃﮄﮅﮆﮇﮈﮉ

Nangay muñ li ñuy wax : te nangay kañ di sàbbaal sa Boroom di ko sant balaa jant bi fenk ak balaa muy so ;

ﮊﮋﮌﮍﮎﮏ

guddi gi it dee ko sàbbaal, ak ci ginnaaw julli gu nekk

ﮐﮑﮒﮓﮔﮕﮖﮗ

Yaw (Yonent) bi déglul , bu keroogee ba Wootekat ba (Israafiil) di wootee fu jige,

ﮘﮙﮚﮛﮜﮝﮞﮟﮠ

bis ba nga xam ne danañu dégg xaacu ga. Te bóobule Bis moo di bisub Dekkiwaat ba.

ﮡﮢﮣﮤﮥﮦﮧ

Nun Yàlla (Man Yàlla) Maay dundal di rey, te ci Man la lépp di mujj,

ﮨﮩﮪﮫﮬﮭﮮﮯﮰﮱﯓ

bu keroogee bis ba suuf si di focc ñuy génn gaaw lool. Loolu nag ag dajale la gu yomb ci Nun.

ﯔﯕﯖﯗﯘﯙﯚﯛﯜﯝﯞﯟﯠﯡﯢﯣ

Man Yàlla Maa gëna xam liñuy wax. Yaw nag bokkul ci sa wartéef nga di leen ga. Yaw daal nangay fàttali, Alxuraan képp ku ragal Samab tëkku.

Alxuraan bu Tedd bi

Tuesday, August 18, 2026

Don't forget us in your sincere prayers

Simoore Qaf pdf

Simoore Qaf pdf — Wàcce (Wolof)

Related

More Simoore PDF