Suurat An-Najm pdf

Yalli cutuktal xiibite korah qellita waqdi

Sin kataysa (Nabii kinnuk) cakki gitak hoxeweeh awqe weemil

Kaadu nafsi fayxih yaabe waamal

Qhuraan kee cadiis rikeek tanim hinna, Yalli isi farmoyta Nabii Mucammadal 4zsaieńýķo oobise wacyi akke waytek

Gibdi cayla-li (jibriil kinnuk) Qhuraan kaa barse

Usuk (jibriil kinnuk) meqe weeloo kee qande li, edde luk Yalli kaa edde gineh yan weelot massowu iyye

Usuk ayró mawqa le kabuk fayya iyya aracal anuk

Tohuk lakal jibriil Nabii Mucammadal csato xayyooweeh, hangoggu (Qongoggu) kaal iyyeh nabam kaal xayyoowe

Tokkel gassê namma exxah gideh kaak gacca iyye xaynah, hinnay wohuk kaat xayyooweh

Edde luk Yalli isi naqasu Nabii Mucammadal åzsaińíķo wacyi oobise, woh jibriil gitak oobise wacyi kinni

Nabii Mucammad ĝas sorkocobbaxi madirabboysinna kay inti tublem

Ta korosey Nabii Mucammad Aale dirabbossaanaah, kaa giddiytaanaa isi Rabbih Aayootak yableh yaniimil

Nummah Yalli xiibiteh, Nabii Mucammad dzakýķo jibriil malaykatti weeloy Yalli kaa edde ginet anuk nammay haytoh adda kaa yubleemil

Idyâ kusray malcin haytô Qaraanal tanih garil

Tet garil orbeynâ Jannat deqsita jannat yan

Kusra Yallih noorik tet buultah tanim tet buulta waqdi kaa yubleh

Nabii Muccammad ġzsafeýo mabla madaggaawinnaay, caddok matatrinna woo waqdi

Nummah Yalli xiibiteh Nabii Mucammad åzsaińýķo israa kee miqraaj bar isi Rabbih astootik kaxxa astooti yubleemil

Neh warisay ta korosey laat kee Quzza deqsita namma numtinwellu

Kaadu manaatay kalah sidoc haak taqbudeeni

Isin lab xaylo sinnih teexegeenih haysittaanaah, Yallah sinnih faxewaytan say xayló teexegeeniih haytaanaa

Toysa toh dulmi mekla kinni

Korosey tama yallittey isin taqbudeeni tu hinna, cagalah migooqay sin kee sin abbobti yallitteh muggaqsitte akke waytek, Yalli hebeltô sumaq kah moobisinna isin tet taqbudeenimih, ta koros dareemuu kee ken nafsi kicnim akke waytek kataataāaanam malon, nummah Yallih Nabiih arrabat ken Rabbik tirto keenih temeeteh

Hinnak seehadayti faxinnaanim maay le? (mali)

Toysa Yalli le akeeraa kee addunyah amri

Kaadu Qaranwal malaykak maggo malaykay shafaaqatta (cató) kak tuxiqe sinni tan, Yalli idini keenih yeceek lakal akke waytek isih kah faxaah, kicna marah

Digga luk akeeral aamine waa mari malayka say marih migaaqal muggaaqisa

Usun iyyaanamak hebeltoh ixxigah loonum malon, akkalaksa katayaanam malon, digga luk akkal cakkik tu maxiqaay, cakkķi aracat magaca inkinnah

Toysa Nabiyow Ni kassitik (Qhuraanak) waaliyeh derre cabeeh addunya manok sah tu-faxewaa marat derre cab

Toh keenik ixxigak gufti, diggah nabiyow ku Rabbi usuk isi gitak makkoote marat sinaamak ixxigah yaysi kinni, kaadu usuk tirri iyye marat sinaamak ixxigah aysuk raaqa

Qaranwal tanim kee baaxol tanim inkih Yalli le, umam abe mara giral galatuh (digaaluh) kaadu meqem abe mara jannatal galatuh

Usun kaxxa dambittee kee umaaneenak yaxxeere mara qunxa dambitte akke waytek, diggah Nabiyow ku Rabbik dambi cabti farakka le kaal gace marah, usuk ixxigah sin caalootat siinik yaysi, sin abba aadam baaxok gine waqdi, kaadu isin sin inaanih bagut qellitak sugten waqdi, toysa sinni nafsi ma saytunnoysina tet faylissaanamal, usuk ixxigah yaysi kinni isi naqoosak isik meesita marat

Tokkel Yoh warisey Nabiyow iimaan kee Yallih taaqatat derre cabe num

Kaadu isi maaluk dagom baxa yeceeh, tohuk lakal cillaaleh mattaccoo yeyseede num

Qellitteemih ixxiga kay xaqul maay tan usuk intih abaluk, kay gabat tanim tamurruqu waytaamah, edde luk usuk woh intih maay yable? (mayabla)

Hinnak Nabii Muusal oobe tawraat kitaabal tanim kaah mawarsinnoonuu

Kaadu Nabii Ibraahimiy Yalli kaa elle amrisem duuduseeh gudduyseh kitoobah addal tanim kaah mawarsinnoonuu

Dambi le nafsi aka nafsih dambi mayakkuqaay kaa kah makataataana

Kaadu seehadayti taamiteemik kalihim aalle waam galtok

Kaadu diggah, kay taama sarrah ambulluyele akeeral

Tohuk lakal usuk galtimele dudda le galtoh abba hee taamal

Kaadu diggah, Nabiyow ginô gacim ku Rabbit yaadee Qhiyaamah ayro

Kaadu diggah, Yalli usuk isih faxa mara yaysuuleeh isih faxa mara weeqisah

Kaadu diggah, Yalli usuk Qidaah yaynuwweeh

Kaadu diggah, Yalli usuk kulliimik namma Qaynat gine labim kee sayiimih anuk

Daacoyti tiffa, maxaxat caxitta waqdi

Kaadu diggah, aka ginoh ken ginaah ken gacsam Yallal tan rabeeniik lakal Qhiyaamah ayró

Kaadu diggah, Yalli usuk isih faxa mara maalut gaddalisaah, ken edde leedisah

Kaadu diggah, Yalli usuk shiqra deqsita cutuktih Rabbi. (woh qarabak marak teyni aqbudak suge cutukta)

Kaadu diggah, Yalli usuk bayseh naharsi Qaad (usun Nabii Huud meela kinnuk)

Kaadu Yalli Nabii Saalic maray Samuud deqsita bayseeh num keenik macabinna

Kaadu Yalli Nabii Nuuc mara Qaad kee Samuuduk naharat finqise, diggah usun dulmii kee caddok taturuh lafit luk sugen keenik lakal yemeete marak

Kaadu Yalli Nabii Luut marih magaalooli Nabii Luut maral deerik afah korse

Edde luk tet buultem tet buulteh xeet digaalak. (woh Qaraanak keenil oobe xeeti kinnuk)

Toysa seehadaytow anni niqmatitteey, isi Rabbik edde agay waa gittam. (geyyi wayittam)

A meesiise usuk Nabii Mucammaday 4zsafeájķo kaak naharsi ambiyay sinni mara meesiisak temeetek numuk teyna kinni

Qhiyaamay xayyoowa deqsitta xayyowteh

Too waqdi Yallak sa is edde tamaate wakti taaxigem matanaay tet gutuqtam matan

Ta korosey Qajjibsittaanam (cakkumsuttaanam) ta Qhuraanaa

Kaadu anqasah kaal tasuuleeniih, usuk sin akak meesiisaamih conxoh maweqtaanaa

Isin deedalat gabxitak kaat derre cabtan

Toysa Yallah kummaataay, qibaada dubuk kaah caglisa