Suurat Al-Haqqah
PDF —
52 Aayat Meccan PDF
Built right in your browser — download starts automatically

Suurat Al-Haqqah pdf — Down-load (Qafar af)

Suurat Al-Haqqah pdf Qafar af — Down-load Suurat Al-Haqqah Tarjumaan. Suurat Al-Haqqah (Meccan) 52 Aayat.

← Al-QalamSuurat Al-Haqqah Al-Ma'arij →

Related

More Suurat PDF

Al-Baqarah Aali Imran An-Nisa Al-Maidah Yusuf Ibrahim Al-Hijr Al-Kahf Maryam Al-Hajj Al-Qasas Al-'Ankabut As-Sajdah Ya-Sin Ad-Dukhan Al-Fath Al-Hujurat Qaf An-Najm Ar-Rahman Al-Waqi'ah Al-Hashr Al-Mulk Al-Haqqah Al-Inshiqaq Al-A'la Al-Ghashiyah

📚 Akriya 🎧 Xasiis mp3 📜 Qhuraanul Kariim

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली
52 Aayat · Meccan · Qafar af
bismillah
ﮯﮰ
69:1 Alcaaqha is Qhiyaamâ migaqwak migaaqak teynay is nummah takku waytam yascasse kinni
ﮱﯓﯔ
69:2 Qhiyaamay cakkil takku wayta macaay
ﯕﯖﯗﯘﯙ
69:3 Maca koo tiysixxigeeh Nabiyow Qhiyaamay cakkil takku wayta
ﯚﯛﯜﯝﯞ
69:4 Samuud deqsitta kedoó (woh Nabii Saalic mara) kee Qaad deqsitta kedó (woh Nabii Huud mara) Qhiyaamay meesî gibdah lubbî taatuki deqsitta dirabbosseh
ﯟﯠﯡﯢﯣ
69:5 Tokkel samuuduh tu gactek, Yalli caddok taturte xongolot ken finqise
ﯤﯥﯦﯧﯨﯩﯪ
69:6 Kaadu Qaad deqsita marah tu gactek, Yalli kaxxa xongoloo kee xabca le caacayay caddok tatret ken finqise
ﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻ
69:7 Yalli malcina baraay bacra ayroy sitta katattay aggirriqqe sinni caacay keenit ruube, tokkel woo baritteé kee woo ayroorah addat sinaamay rabtey qangalaltay tamiirâ laqiibay gorrittey inaaqah tani ceelah ken table
ﯼﯽﯾﯿﰀﰁ
69:8 Tokkel woo marak numwy finqite kalah raaqe keenik maay table
ﭑﭒﭓﭔﭕﭖﭗ
69:9 Kaadu firqawnaay, kaak naharat korosuh suge maraá kee magaalol elle korsen mari (Nabii Luut mara kinnuk) kaxxa dambi luk yemeeten
ﭘﭙﭚﭛﭜﭝﭞ
69:10 Tokkel usun sinni Rabbih farmoyta cineenih, wonnaluk Yalli gibdi mabbuxuh ken yibbixe (digaalá kinnuk)
ﭟﭠﭡﭢﭣﭤﭥﭦ
69:11 Diggah nanu lee caddok taturteeh kulliimik amo ciggilte waqdi, doynikit Nabii Nuucùû luk sin nukkuqeeh sin raaqisne
ﭧﭨﭩﭪﭫﭬﭭ
69:12 Woo abto kassis siinih abne, kaadu raaqissa ayti tet raaqissamkeh
ﭮﭯﭰﭱﭲﭳﭴ
69:13 Tokkel baantat inki adda fuuxa fuuxumta waqdi
ﭵﭶﭷﭸﭹﭺﭻ
69:14 Kaadu baaxoo kee qaleelá le aroocak tamukkuqeeh, inki atkah sittat tamuttukeeh bulá takke
ﭼﭽﭾﭿ
69:15 Toysa too waqdi Qhiyaama soltah
ﮀﮁﮂﮃﮄﮅ
69:16 Kaadu qaran qanxixaah, usuk woo ayró boolaataah Qande luk maraaqa
ﮆﮇﮈﮉﮊﮋﮌﮍﮎﮏﮐ
69:17 Kaadu malayka kay deraafel gactaah, woo ayró ku Rabbih qarshi malaykak bacra malaykatti isi amol yakkuqe
ﮑﮒﮓﮔﮕﮖﮗ
69:18 Too ayró sinaamey cisab kee galtoh Yallî fooca sin maksan, isin qellissaanamak tu kaak maqellitta
ﮘﮙﮚﮛﮜﮝﮞﮟﮠﮡ
69:19 Le kitab migdi gabah kah yontocowwime numuh tugactek wallê gibdah yi kitab ibbixa ikriya iyya
ﮢﮣﮤﮥﮦﮧ
69:20 Diggah anu asmatuk suge, inni cisaabat (galtot) garayuwaam
ﮨﮩﮪﮫﮬ
69:21 Toysa usuk akeeral ruffu kaa hayta mano le
ﮭﮮﮯﮰ
69:22 Jannatay fayya leh addal yan
ﮱﯓﯔ
69:23 Jannatti mexexi kaa daggaasita marah xayih
ﯕﯖﯗﯘﯙﯚﯛﯜﯝ
69:24 Keenik iyyaanah:akumaay, aquba ruffû xica tatrusutten meqe taamáh sabbatah, taturte ayroorah addat
ﯞﯟﯠﯡﯢﯣﯤﯥﯦﯧﯨ
69:25 Kaadu Le kitab guri gabah kah yontocowwime numuh tu gactek, maganey yi kitab yoh antacawwime wannay iyya
ﯩﯪﯫﯬﯭ
69:26 Kaadu inkinnah maa xaginniyo yicisab kinnim
ﯮﯯﯰﯱ
69:27 Maganey addunyal abe rabi yi manoh ellecabo akkinnay
ﯲﯳﯴﯵﯶﯷ
69:28 Yi maali yoh xiqem mali Yallih digaalák
ﯸﯹﯺﯻ
69:29 Yi duddaa kee reedá yok gexxeh
ﯼﯽﯾ
69:30 Iyyan jahannam malaykak:kaa abbixaay wonnaluk kay namma gaba fillat kaak axuwa silsilatat
ﯿﰀﰁﰂ
69:31 Tohuk lakal jaciim deqsitta girá kaa culusa tet niqna tammoysamkeh
ﰃﰄﰅﰆﰇﰈﰉﰊ
69:32 Tohuk lakal silsilatay xexxaarah malcina tabanih cusul yakket kaa culusa iyyan
ﰋﰌﰍﰎﰏﰐﰑ
69:33 Diggah usuk addunyal Yallay nabah inkittinaanel aamanuk masuginna
ﰒﰓﰔﰕﰖﰗ
69:34 Kaadu tu dagoyta yaskameenimih sinam ilsiisak masuginna addunyal
ﰘﰙﰚﰛﰜﰝ
69:35 Toysa ta saaku usuk takkķel isil xayi numuy digaalá isik waasa mali
ﭑﭒﭓﭔﭕﭖ
69:36 Kaadu hebeltô maaqo mali girâ marak caxta qasaalayi akke waytek
ﭗﭘﭙﭚﭛ
69:37 Ama qasaalayi takmem matan dambileelay koroosannuk kate wayte akke waytek
ﭜﭝﭞﭟﭠ
69:38 Xiibitah an isin tableenimil
ﭡﭢﭣﭤ
69:39 Kaadu able waytaanamal xiibita
ﭥﭦﭧﭨﭩ
69:40 Diggah ta Qhuraan Yallih maxcoy massakaxxa le farmoyti yakriye kinni
ﭪﭫﭬﭭﭮﭯﭰﭱﭲ
69:41 Kaadu usuk (Qhuraan kinnuk) gadabê maxco hinna, kaa nummassaanam siinik dagoh
ﭳﭴﭵﭶﭷﭸﭹﭺ
69:42 Kaadu usuk qellittem aaxigeh iyya ginnilih maxco hinna, isin kassittaanaah elle kaskassowtaanam siinik dagoh
ﭻﭼﭽﭾﭿ
69:43 Usuk ginó gineh yan Rabbih kabuk oobe kitaaba
ﮀﮁﮂﮃﮄﮅ
69:44 Kaadu Nabii Mucammad Asale nanu axce wayneemik tu nel diraabah ginnaasitinnay
ﮆﮇﮈﮉ
69:45 Nanu diggah qanxaffe luk migdi gabah kaa abbaxuk neneeh kaa digaalak nen
ﮊﮋﮌﮍﮎ
69:46 Tohuk lakal canti ramad kaak argaquk nen
ﮏﮐﮑﮒﮓﮔﮕ
69:47 Tokkel siinik ni digaalák kaa reebisaamih dudda num mali
ﮖﮗﮘﮙ
69:48 Kaadu diggah, Qhuraan kassiisi Yallak meesita marah
ﮚﮛﮜﮝﮞﮟ
69:49 Kaadu diggah nanu naaxigeh, siinik diggah ama Qhuraan dirabboysa mara
ﮠﮡﮢﮣﮤ
69:50 Kaadu diggah ama Qhuraan dirabboysaanam, Qhiyaamah ayró koroosite maral kaxxa nadaama akke le
ﮥﮦﮧﮨ
69:51 Kaadu diggah, usuk (Qhuraan kinnuk) nummay asmat le kinni
ﮩﮪﮫﮬﮭ
69:52 Toysa saytunnos! ku Rabbih migaaqay naba
القرآن الكريم ☾ Qhuraanul Kariim

Qhuraanul Kariim
Wednesday, September 9, 2026

Don't forget us in your sincere prayers