Suurat Ya-Sin pdf — Down-load (Qafar af)
Suurat Ya-Sin pdf Qafar af — Down-load Suurat Ya-Sin Tarjumaan. Suurat Ya-Sin (Meccan) 83 Aayat.
Related
- Suurat Ya-Sin TarjumaanQafar af
- Suurat Ya-Sin mp3Xasiis
- Quran Index Qafar af114
More Suurat PDF
Suurat Ya-Sin
ﭬﭭ
36:1
Yaa-siin, (edde faxem Yalli yaaxige)
ﭮﭯﭰ
36:2
Yalli maxcoocá kak diggale Qhuraanal xiibita
ﭱﭲﭳﭴ
36:3
Diggah nabiyow atu farmoytiitik numuk teyna kinnitoomul
ﭵﭶﭷﭸ
36:4
Massa-le gitih bagul anuk (Islaam diini kinnuk)
ﭹﭺﭻﭼ
36:5
A Qhuraan maysoleeh, nacrur-le Rabbih kabuk oobe
ﭽﭾﭿﮀﮁﮂﮃﮄ
36:6
Nabiyow a-Qhuraan kol kah oobisnem abbobti kak meesiisime wayte mara edde meesissuh, usun iimaanak garcit yanin
ﮅﮆﮇﮈﮉﮊﮋﮌﮍ
36:7
Nummah ama-korosuk maggo maral digaalá dabaqteh, usun aamine waanamih sabbatah
ﮎﮏﮐﮑﮒﮓﮔﮕﮖﮗﮘ
36:8
Diggah nanu ken gaboobi ken fillittet nexeeh tet debeenat keenik neyseede, tohih sabbatah moyyaayi kareeril loonuuh, addah haanam maduudan
ﮙﮚﮛﮜﮝﮞﮟﮠﮡﮢﮣﮤﮥ
36:9
Kaadu foocal alifuh reebu keenik hayneeh, derrel alifuh reebu keenik hayne. Tokkel intiita keenik alifneh, tohih sabbatah usun cakkik-tu mayablan
ﮦﮧﮨﮩﮪﮫﮬﮭﮮ
36:10
Kaadu keenil inki gide nabiyow atu ken meesissam kee hinnay ken meesiise waytam, usun ma- yaaminan
ﮯﮰﮱﯓﯔﯕﯖﯗﯘﯙﯚﯛﯜﯝ
36:11
Cagalah ku-meesisso tu-kah xiqtam Qhuraan kataateeh, qellut Yallak meesite numu, toysa kaa ayti-kumus dambi cabtii kee kaxxa galtól (jannat kinnuk)
ﯞﯟﯠﯡﯢﯣﯤﯥﯦﯧﯨﯩﯪﯫﯬﯭ
36:12
Diggah nanu rabtem inkih naynuwweeh, addunyal maqaanék umaanék uysukummu heenim kee ken raatitte naktubeh, kaadu ummaanim baxxaqqa-le kitaabal (lowcal macfuuz kinnuk) lowsisne Gxxisne
ﭑﭒﭓﭔﭕﭖﭗﭘﭙ
36:13
Nabiyow isi marah magaalâ marih ceelallo ugur (waris) farmoytit keenih temeete waqdi
ﭚﭛﭜﭝﭞﭟﭠﭡﭢﭣﭤﭥ
36:14
Namma farmoyta keenih rubne waqdii, ken nammay dirabboyseenih, kaadu sidoccaytut ken maqarrosneeh, diggah nanu sin fan rubsumte farmoytit kinnino keenik iyyen
ﭦﭧﭨﭩﭪﭫﭬﭭﭮﭯﭰﭱﭲﭳﭴﭵ
36:15
Magaalâ mari woo farmoytiitik iyyeh; “isin tu-hinniton ninnah tan seehada kinnitoonum akke wayteenik, kaadu Yalli wacyik-tu moobisinna, isin ixxicci ittaanam manton dirab taceenim akke waytek”
ﭶﭷﭸﭹﭺﭻﭼ
36:16
Farmoytit keenik itteh; “diggah nanu sin fanah rubsumte farmoytit kinninom diggah Ni-Rabbi yaaxigeh”
ﭽﭾﭿﮀﮁﮂ
36:17
Kaadu nel tanim matan baxxaqqa- le gudduysiyya akke waytek iyyen
ﮃﮄﮅﮆﮇﮈﮉﮊﮋﮌﮍﮎﮏﮐ
36:18
Magaalâ mari keenik iyyeh; diggah nee geyte umaané siinik malkinna, usun xiibitak tamahak aadee wayteenik xeet siinit heennooh, qansarissa digaalá nek sin xagele iyyen
ﮑﮒﮓﮔﮕﮖﮗﮘﮙﮚﮛﮜ
36:19
Farmoytit keenik itteh; sin geyte umaanéh malkit siinik yan, sinni Rabbil koroositteenimih sabbatah, kayri siinik edde yanim sin kassisnek, umaané nek malkittaanaah digaalál nee meesissaanaa? Aleey, wonna hinnay isin umaanét caddok tatura mara
ﮝﮞﮟﮠﮡﮢﮣﮤﮥﮦﮧ
36:20
Magaalák exxak xerrikek yarde num yemeete, yi-maraw farmoytit kataya keenik iyye
ﮨﮩﮪﮫﮬﮭﮮﮯ
36:21
Farmô gudduysiyyal galtó sin esserewaa mara kataya usun tirtô bagul anuk
ﮰﮱﯓﯔﯕﯖﯗﯘﯙ
36:22
Kaadu anu yoo gine Rabbi kah aqbudewaam macaliyoo? Isin kaadu kaâ fanah aduurê ton rabteeniik lakal
ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ
36:23
Yallak kalah yallitte haysitoo? Yalli umaané yoh faxe kaa tekkek, ken cató tu-yoh maxiqtaay, Yallih digaalák yoo ma-wadaanak
ﯪﯫﯬﯭﯮﯯ
36:24
Diggah anu toysa baxxaqqa-le makoh addat ayyo
ﯰﯱﯲﯳﯴ
36:25
Diggah anu sin Rabbil eemenehik yoo oobbiya keenik iyye
ﯵﯶﯷﯸﯹﯺﯻﯼﯽ
36:26
Too waqdi kaa qideeniih, Yalli jannat cul kaak iyye, maganey yi- mari aaxaginnay
ﯾﯿﰀﰁﰂﰃﰄﰅ
36:27
Yi-Rabbi dambi yoh cabeeh, yessekexxime marih num yoo abem axcuk
ﭑﭒﭓﭔﭕﭖﭗﭘﭙﭚﭛﭜﭝﭞﭟ
36:28
Ken fayuh (catoh) yemeete num qideeniik lakal, kay maral qaraanak qande moobisinninooy, ahak dumal bayissi hayne marah malayka numtin baysah oobise mara makkinnino
ﭠﭡﭢﭣﭤﭥﭦﭧﭨ
36:29
Ken baati makkinna Jibriil inki xongolót tekkeh akke waytek, usun too waqdi inkih Rabte baruuga yekken
ﭩﭪﭫﭬﭭﭮﭯﭰﭱﭲﭳﭴﭵ
36:30
Naqoosa geyta nadaamaay! qhiyaamah ayró digaalá yablen waqdi, Toh ken kah geytam, hebeltô farmoytay keenih yamaate mayan, kaal anqasak sugeenim akķke waytek
ﭶﭷﭸﭹﭺﭻﭼﭽﭾﭿﮀﮁ
36:31
A-koros matablaa! Keenik naharat makina hora bayisnem horaarik? Diggah usun ken fan addunyah aduure waanam mayablaanaa
ﮂﮃﮄﮅﮆﮇﮈ
36:32
Kaadu hebeltô ginó matan qhiyaamah ayró inkih Ni- garil gaaboysimaanaah xayyoysimaanam akke waytek cisaabah
ﮉﮊﮋﮌﮍﮎﮏﮐﮑﮒﮓ
36:33
Qhiyaamah ayró ugtoonu waanamih astá lon rabte baaxó naynuwweeh, ambó teetik nayyaaqeeh, woo ambók yakmeenimit
ﮔﮕﮖﮗﮘﮙﮚﮛﮜﮝﮞ
36:34
Kaadu tet (baaxó kinnuk) addal nakilaa kee qinabak yan basaatin hayneeh, daroorik-tu tet addal nuyfuxxuke (weeqisne)
ﮟﮠﮡﮢﮣﮤﮥﮦﮧﮨ
36:35
Woh inkih kah abnem kay (basaatin kinnuk) mexexuk yakmeenî gidi. Kaadu amah ken gaboobi abtem hinna Yalli isi racmattah keenih abeemikkal, aniqmatal Yalla mafaatitaanaa
ﮩﮪﮫﮬﮭﮮﮯﮰﮱﯓﯔﯕﯖﯗ
36:36
Ummaanimik qaynatitte gine Rabbi Saytunnooweh, baaxó uysubukku haytaamaay ken nafsik (labim kee sayim kinnuk) kaadu usun aaxige waanamak qaynatitte gine Rabbi Saytunnooweh
ﯘﯙﯚﯛﯜﯝﯞﯟﯠﯡ
36:37
Kaadu laqó kak siibna bar astáh loonuuh, usun too waqdi ditet culan, toh Yallih dudda kinni
ﯢﯣﯤﯥﯦﯧﯨﯩﯪﯫ
36:38
Kaadu Yallih dudda tascasse astá lon, ayróy leh tan madabah gexxal, toh mayso-li, ixxigalih yan Yallih caggudusiyya kinni
ﯬﯭﯮﯯﯰﯱﯲﯳ
36:39
Kaadu astá lon mafdagoogi kah caggudusne alsál, tamiirâ (nakli) foynay ragteeh makkotteh innah gacca ittam fanah
ﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄ
36:40
Ayróh matakka alsá eleltam, kaadu barah matakka laqók yaakumem, ummaan tiya keenik isi maroh addal giirissa
ﭑﭒﭓﭔﭕﭖﭗﭘﭙ
36:41
Kaadu Yallih dudda tascasse astá lon, diggah nanu ken samad kibuk tan doynikit nukkuqeemil (Nabii Nuuc doynik kinnuk)
ﭚﭛﭜﭝﭞﭟﭠ
36:42
Kaadu Nabii Nuuc doynikih innah yan dawaanikiy edde feeraana keenih ginne
ﭡﭢﭣﭤﭥﭦﭧﭨﭩﭪ
36:43
Kaadu fannek ken xuumusak (sutusak) nen, tokkel usun cateyna maloonuuy, usun mawaddiiman woo xuumiyyak (sutusiyyak)
ﭫﭬﭭﭮﭯﭰﭱ
36:44
Ken cattam matan Nanu keenih abne racmattaa kee yimixxige waktî (uddurih) fan keenit abne hatkisiyya akke waytek Nel yaduureenî gidih
ﭲﭳﭴﭵﭶﭷﭸﭹﭺﭻﭼﭽ
36:45
Ama koros addunyâ digaaláa kee akeerâ digaalák meesita Yallak nacror geytaanam keh keenik iyyan waqdi, usun too waqdi derre edde cabaanaah, kaxxa-mariinitaanah
ﭾﭿﮀﮁﮂﮃﮄﮅﮆﮇﮈﮉ
36:46
Kaadu ken Rabbih astootik hebeltoh astáy keenih tamaate matan derre teetit cabak sugeenim akke waytek
ﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢ
36:47
Kaadu korosuk Yalli siinih yeceemik-tu acuwa keenik iyyan waqdi, koroosite mari yeemene marak iyyah; Yalli faxinnay askamuk yen mara naskamoo? Yeemene maraw isin massat yan mara hinniton baxxaqqa-le hoxih addat taniinih akke waytek
ﮣﮤﮥﮦﮧﮨﮩﮪ
36:48
A-xagni mawaqdiiy isin numma yacee mara tekkeenik itta koros
ﮫﮬﮭﮮﮯﮰﮱﯓﯔ
36:49
Israafiil baantah inki xongolók-sa qambaalaanam malon, is garcik ken tabbixe usun sinni caagiidat keemaaritak
ﯕﯖﯗﯘﯙﯚﯛﯜ
36:50
Tokkel usun sitta farriimaanam maduudaanaay, sinni maraa kee buxaaxî fanah ma-gacan
ﯝﯞﯟﯠﯡﯢﯣﯤﯥﯦﯧ
36:51
Nammay haytô baantá fuxsumtaah, edde luk usun too waqdi magooqak sinni Rabbî fan sissikuk yawqen
ﯨﯩﯪﯫﯬﯭﯮﯯﯰﯱﯲﯳﯴﯵﯶ
36:52
Koros nadaamitak, nee gee finqaaw! ni-magooqak (kubuuruk) nee teyyeeqem miyyaay itte? Keenil gacisak ah Yalli sinam edde xagniseemiy, farmoytit nummâ xaagu kak tecee kinni keenik iyyan
ﯷﯸﯹﯺﯻﯼﯽﯾﯿﰀﰁ
36:53
Israafiil baantah inki xongolók-sa ken ugut magooqak edde yekkem mali, eddeluk usun inkih Ni-garil gaaboysimaanaah xayyoysiman cisab kee galtóh
ﰂﰃﰄﰅﰆﰇﰈﰉﰊﰋﰌﰍ
36:54
Woo ayró (qhiyaamah ayró kinnuk) nafsi tul ma-yandulluma. Kaadu addunyal abak sugteenimik-sa elle galtimtaanam manton keenik iyyan
ﭑﭒﭓﭔﭕﭖﭗﭘ
36:55
Diggah woo ayró Jannatti mari ruffu edde iyyan niqmatat agxitan
ﭙﭚﭛﭜﭝﭞﭟﭠ
36:56
Ken kee ken agabi iraawoowal yanin qaraakiy (kaqaadid) amol cusuulah anuk
ﭡﭢﭣﭤﭥﭦﭧ
36:57
Usun Jannat addal maggo qaynatah yan caxâ mixu loonuuh, faxaanaah esseraanam elle lon niqmootak
ﭨﭩﭪﭫﭬﭭ
36:58
Xuwaw-le Rabbik nagaynan maxcó-lon
ﭮﭯﭰﭱﭲ
36:59
Woo ayró a-umeyniitow moominiinik baxsima iyyan korosuk
ﭳﭴﭵﭶﭷﭸﭹﭺﭻﭼﭽﭾﭿﮀﮁﮂ
36:60
Yalli ken sahitak keenik iyyah ; Aadam xayloy Yi-farmoytiitih arrabal sheetan aqbude waytaanaah kaa kataate waytaanamal sin ma- farriimiyyoo, diggah usuk siinik baxxaqqa-le naqboytak
ﮃﮄﮅﮆﮇﮈﮉ
36:61
Kaadu sin ma-amrisinniyoo dibuk Yoo uqbuda iyyaanamah, ah massa-le gita. (Islaam diini kinnuk)
ﮊﮋﮌﮍﮎﮏﮐﮑﮒﮓ
36:62
Nummah sheetanti maggo mara siinik cakkik makehik kas- kassoowa mara matakkaanaa a-korosey
ﮔﮕﮖﮗﮘﮙ
36:63
Ah-jahannam giráy addunyal kah xagnisimak sugteeni keenik iyyan akeeral
ﮚﮛﮜﮝﮞﮟ
36:64
A-saaku tet culaay, teetit carara Yallal koroositak sugteenimih sabbatah
ﮠﮡﮢﮣﮤﮥﮦﮧﮨﮩﮪﮫ
36:65
A-saaku ken afitte alifnaah ken gaboobi neê luk yabta, kaadu ken ibitte keenil sumaaqitta addunyal abak sugen umaanéh
ﮬﮭﮮﮯﮰﮱﯓﯔﯕﯖ
36:66
Faxinninoy intiita ken waysiisak neneeh, duggu keenik haak nen, toysa gitâ fanah sissikuk gexak yenen kaal taturaanamkeh, tokkel mannal yableeniih intiita ken waysisne way
ﯗﯘﯙﯚﯛﯜﯝﯞﯟﯠﯡ
36:67
Fanne nee tekkek ginó keenik korisak neneeh, ken aracal ken daffeysak nen, toysa fooca fan gexaanam duudak manannoonuvy, wadir gacaanam duudak manannon
ﯢﯣﯤﯥﯦﯧﯨﯩﯪ
36:68
Idoolitti iyyam fan qumri kak neyxeere num ginó kaak korisnaah, yooboke saakih innah kaa gacisna hebeebih (sabarah), amah abe Rabbi qhiyaamah ayró ken ugusu waamih dudda leemil ma kas- kassoowaanaa
ﯫﯬﯭﯮﯯﯰﯱﯲﯳﯴﯵﯶﯷﯸ
36:69
Ni-farmoyta Mucammad fzsakáýo Qadar kaa mabarsinninooy, kaa ma-ceela (ma-yangibbiya) Usuk kalah luk yemeetem mali Kassis kee baxxaqqa-le Qhuraan akke waytek
ﯹﯺﯻﯼﯽﯾﯿﰀﰁ
36:70
Ama Qhuraanal sorkocôbaxi (lubbi) kak nuwwa mara meesiisâ gidaay, korosul digaalâ maxcó nummattamkeh
ﭑﭒﭓﭔﭕﭖﭗﭘﭙﭚﭛﭜﭝ
36:71
Lacak nanu keenih ginneh nanim mayablaanaa! Ni-gaboobi abteemik, eddeluk usun kaa yamlikeenih (ikoytah kaa lon)
ﭞﭟﭠﭡﭢﭣﭤ
36:72
Kaadu kaa (lac kinnuk) keenih qanneh, tokkel tu-kaak feeraanaah, tu-kaak yakmeenih
ﭥﭦﭧﭨﭩﭪﭫﭬ
36:73
Kaadu lacat maggo tuxxiq kee can kaak nakaanam lon, a-niqmat keenih abe Rabbi ma-faatitaanaa
ﭭﭮﭯﭰﭱﭲﭳﭴ
36:74
Kaadu koros Yallak kalah yaqbuden yallitte haysitte Yallih digaalák ken cattam keh
ﭵﭶﭷﭸﭹﭺﭻﭼ
36:75
Ken yallitte cató keenik maduddaay, koros kee ken yallitte inkih girâ digaaláh gaaboysimaanaah xayyoysiman tu- sittah xiqe kal
ﭽﭾﭿﮀﮁﮂﮃﮄﮅﮆﮇ
36:76
Toysa a-nabiyow usun Yallal koroositaanaah, koo dirabboysaanamih maxcó koo rookise waytay, diggah nanu qellisaanam kee yaybulleenim inkih keenik naaxigeeh ken elle galtenno
ﮈﮉﮊﮋﮌﮍﮎﮏﮐﮑﮒﮓ
36:77
Ama seehadaytuy qhiyaamah ayró yangaddee mayablannaa! Diggah nanu daacoyti tiffak kaa ginnem, tokkel usuk baxxaqqa-le giddeyna
ﮔﮕﮖﮗﮘﮙﮚﮛﮜﮝﮞﮟﮠ
36:78
Kaadu ama giddeyni faxxiime wayta ceelallo Neh yoogoreeh, isi ginó hawweeneh (habbaaleh). Lafoofi iyyi yaynuwwee is bululteeh, rumah anuk iyye
ﮡﮢﮣﮤﮥﮦﮧﮨﮩﮪﮫﮬ
36:79
Kaak ixxic nabiyow; naharsi adda tet gine Rabbi tet yaynuwwe! Usuk isi ginó inkih yaaxigi, kaak qellittam matan
ﮭﮮﮯﮰﮱﯓﯔﯕﯖﯗﯘﯙ
36:80
Usuk anxaxin cooxuk girá siinih yeyyeeqe Rabbi kinni, tokkel isin woo cooxuk girá ursuttan
ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ
36:81
Kaadu qaranwaa kee baaxó gine Rabbi seehadah innah tanim ginaah gacsam ma-duudaa? Yeey, Usuk duudah. Kaadu Usuk ummaanim giné, ummaanim yaaxigi
ﯪﯫﯬﯭﯮﯯﯰﯱﯲﯳﯴ
36:82
Yalli tu-abam faxa waqdi cagalah kay amri wohiimik tik-iyyaama, edde luk wohim edde takke
ﯵﯶﯷﯸﯹﯺﯻﯼﯽ
36:83
Ummaanimih reedá gabat kak tan Yalli saytunnooweeh, cisab kee galtóh kaâ fanah gacsimtan
Qhuraanul Kariim
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Qhuraanul Kariim mp3
Complete Recitation — حفص عن عاصم
Abdul Basit Qhuraanul Kariim mp3
Complete Recitation — حفص عن عاصم
Mishary Rashid Alafasy Qhuraanul Kariim mp3
Complete Recitation — حفص عن عاصم
Al-Hussary Mahmoud Khalil Qhuraanul Kariim mp3
Complete Recitation — حفص عن عاصم
Muhammad Siddiq Al-Minshawi Qhuraanul Kariim mp3
Complete Recitation — حفص عن عاصم
Abdul Rahman Al-Sudais Qhuraanul Kariim mp3
Complete Recitation — حفص عن عاصم
Saud Al-Shuraim Qhuraanul Kariim mp3
Complete Recitation — حفص عن عاصم
Maher Al-Muaiqly Qhuraanul Kariim mp3
Complete Recitation — حفص عن عاصم