Suurat Al-Hijr pdf Qafar af

Suurat Al-Hijr

PDF —

99 Aayat Meccan PDF

Built right in your browser — download starts automatically

Suurat Al-Hijr pdf — Down-load (Qafar af)

Suurat Al-Hijr pdf Qafar af — Down-load Suurat Al-Hijr Tarjumaan. Al-Hijr (Meccan) 99 Aayat.

📚 Akriya 🎧 Xasiis mp3 📜 Qhuraanul Kariim

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suurat Al-Hijr

99 Aayat · Meccan · Qafar af

ﭑﭒﭓﭔﭕﭖﭗﭘ

Alif-Laam-Raa (edde faxem Yalli yaaxige) amah Qhuraan kitaabih aayootaa kee baxxaqqa le Qhuraan kinni

ﭙﭚﭛﭜﭝﭞﭟﭠ

koroosite mari Akeeral, addunyal muslimiinih sugaanam sinnik qaagitak yenen

ﭡﭢﭣﭤﭥﭦﭧﭨﭩ

Nabiyow ama koros addunyal takamay hataktay usun addunyah- lon baaker Yallih taaqatak ken gabxisay ixxic;toysa addunyaay akeeral ken geyuwaa finga sarrah Aaxige loonuk

ﭪﭫﭬﭭﭮﭯﭰﭱﭲ

Magaaloolî marak hebeltô magaalah mara mafinqisinno tet mara edde finqisnaah bayisna waktiy finqah keenih xagne yani kaa akke waytek

ﭳﭴﭵﭶﭷﭸﭹﭺ

Hebeltoh ummattay finqi teetik edde yan waktik taakumeeh wadirrowta matan

ﭻﭼﭽﭾﭿﮀﮁﮂﮃ

Nabii Mucammad fraseo dirabboyse mari (koros kinnuk) anqasah kaak iyyeh : kee Qhuraan elle obsime numow diggah atu cabuli anu Nabii kinniyo itta waqdi

ﮄﮅﮆﮇﮈﮉﮊﮋﮌ

Malayka macah neh baahe waytaa Yalli nee fan koo ruubeemih koh sumaaqittamkeh atu numma yacee marih num tekkek? kaak iyyen

ﮍﮎﮏﮐﮑﮒﮓﮔﮕﮖ

Yalli keenil gacisak iyyeh :Nanu malayka moobisna cakkķil finqa kah fanna marih digaalah ken oobisna nee akke waytek, toysa malayka ken digaalah obta waqdi usun wadirroysima mara hinnon

ﮗﮘﮙﮚﮛﮜﮝﮞ

Diggah Nabii Mucammadal Acsaei yo Qhuraan oobissem Nee, diggah kaa (Qhuraan kinnuk) dacrissam nee tu kaat ossaanaah tu kaak daggoysaanamak

ﮟﮠﮡﮢﮣﮤﮥﮦ

Nummah Nabii Mucammadow Aae kok duma farmoytit rubneh naharsi ummattah buttaatil

ﮧﮨﮩﮪﮫﮬﮭﮮﮯ

Ni farmoytiitik hebeltô farmoytay keenih yamaate mayan kaal anqasak sugeenim akke waytek

ﮰﮱﯓﯔﯕﯖ

Nabii Mucammadow ġcgaseńięe kok duma rubne farmoytit dirabboyse marih lubbittet koroosannu kah culusne innaah makki korosih umeyniitih lubbittet kaa culusnah

ﯗﯘﯙﯚﯛﯜﯝﯞ

Nabii Mucammadow åĝcjaseiýgo ama koros koo kee kool oobisne Qhuraan ma nummassa, nummah koros finqisnam naharsi marih gitay tatrey Yalli ken finqah madqe kinni

ﯟﯠﯡﯢﯣﯤﯥﯦﯧﯨ

Makki korosuh qaran afoofik afa fakinninoy tokkel malayka ubullu haanam fanah awaquk kaat asak yeneeniih woh nummaysak manannon

ﯩﯪﯫﯬﯭﯮﯯﯰﯱ

Cagalah Ni intiita alfinteeh korteh wonna hinnay Nanu elle baaben mara kinnino axcuk yenen cirdih (Qinaadih)

ﭑﭒﭓﭔﭕﭖﭗﭘ

nummah Ni dudda tascasse astootik tanim: addunyâ Qaraanal cutuukâ mafdagoogi hayneeh cutuukut kaa bilqisne kaa fan waktaah cubbusaah elle kaskassoowa marah

ﭙﭚﭛﭜﭝﭞ

kulli sheytanay Yallih Racmattak xiiriyimek kaa (Qaran kinnuk) dacrisneh

ﭟﭠﭡﭢﭣﭤﭥﭦ

Sheytanay qaraanal tan malaykah yab ankacisaah hadfaah garqay hadiidiga dabiiti kataataah carrisa akke waytek

ﭧﭨﭩﭪﭫﭬﭭﭮﭯﭰﭱﭲ

baaxo fidisneeh farakka tet hayneeh qaleelay diggi tet hayta teetil hayne, ummaan iimik timixxigeemiy caggudsumte teetil nuysubuke

ﭳﭴﭵﭶﭷﭸﭹﭺﭻ

quusi siinih teetil (baaxo kinnuk) hayne, xayloo kee lacay tuxxiq edde litoonuy rizqhi kak siinil anee waa siinih ginne

ﭼﭽﭾﭿﮀﮁﮂﮃﮄﮅﮆﮇ

Gino tuxxiq edde leemik tu matan kadnoonî mafaatic Ni xaqul kak yanih akke waytek, Qaraanak baaxô fanah tet (Yallih kadnooni kinnuk) moobisna timixxigeemiy caggudsumte teetik oobisna nee akke waytek

ﮈﮉﮊﮋﮌﮍﮎﮏﮐﮑﮒﮓﮔ

caacooyay qubulta lakabta (labakta) rubneeh Qaraanak robti lee oobisneeh tet sin nafqeeh, isin tet daanissaanam maduddan Nanu tet siinih daanisna nee akke waytek

ﮕﮖﮗﮘﮙﮚﮛ

diggah nanu naynuwweeh nanu qidnaah baaxoo kee baaxô bagul tanim inkih nanu nagra mara kinnino

ﮜﮝﮞﮟﮠﮡﮢﮣ

nummah Nabii Aadamak xabba haanamaay tawayâ fan siinik rabtem Nanu neexegeh, nummah siinik nuwwam kee Qhiyaamah ayrô fanah tamaatu waytaamay wadirrowte Nanu Neexegeh

ﮤﮥﮦﮧﮨﮩﮪﮫﮬ

diggah ku Rabbi Qhiyaamah ayro usuk ken gaaboyse le cisab kee galtoh, diggah usuk isi abtol naggaaraay ummaanim yaaxigi kinniih kaak qellittam matan

ﮭﮮﮯﮰﮱﯓﯔﯕﯖ

nummah seehadaytu (Nabii Aadam kinnuk) kafin kallay kanniy ittay dataah saanittek kaa ginne

ﯗﯘﯙﯚﯛﯜﯝﯞ

Jinni abbay jaan deqsita (ibliis kinnuk) kaxxa niqna le giray qer (qir) Aalle waytak kaa ginne Nabii Aadamak duma

ﯟﯠﯡﯢﯣﯤﯥﯦﯧﯨﯩﯪﯫ

Nabiyow cus; ku Rabbi malaykak diggah Anu seehadaytu kafin kallay kanniy ittay dataah saanitteeh bisi kak milaggootek kaa gine kinniyo teetik iyye waqdi

ﯬﯭﯮﯯﯰﯱﯲﯳﯴﯵ

Tokkel gino kaak missossuuy Yi xaquk yan rooci kaat fuufuyyu haa waqdi, toysa isin malaykak kaah kummaatak gomboh kaah rada massakaxxah

ﯶﯷﯸﯹﯺ

Tokkel malayka inkih kummatte num keenik cine kal

ﯻﯼﯽﯾﯿﰀﰁﰂ

Kinnih immay ibliis malaykâ luk Nabii Aadamah kummaata num yakkem cineh

ﭑﭒﭓﭔﭕﭖﭗﭘﭙ

Yalli ibliisik : kee ibliisow maca litoo?Malaykâ luk Aadamah kummaata num kah akke waytam kaak iyye

ﭚﭛﭜﭝﭞﭟﭠﭡﭢﭣﭤﭥ

Ibliis kaxxa mariinoo kee kuuxe waynaanah anu seehadaytuy kafin kallay kanniy ittay dataah saanitteeh bisi kak milaggootek ginteh kummaatam yoo maceltaay maaba iyye

ﭦﭧﭨﭩﭪﭫ

Yalli kaal gacisak : toysa jannatak eweq diggah atu yi Racmattak yexxeereeh xiiriyime num kinnitok kaak iyye

ﭬﭭﭮﭯﭰﭱﭲ

diggah cisab kee galtoh ayrô fanah Yi naqabuu kee Yi Racmattak taxxeerem kol tanayik

ﭳﭴﭵﭶﭷﭸﭹ

Yi Rabbow addunyal yoo wadirros ku naqoosa edde ugussa ayrô fanah iyye ibliis

ﭺﭻﭼﭽﭾ

Yalli kaal gacisak :tokkel diggah atu ibliisow gino inkih edde rabtu wayta ayrô (Qhiyaamah ayro kinnuk) fanah raba kak wadirrosne marat tanto kaak iyye

ﭿﮀﮁﮂﮃ

Wakti kak yimixxige ayrô fanah sugetto (gino inkih edde rabta ayro kinnuk) kaak iyye

ﮄﮅﮆﮇﮈﮉﮊﮋﮌﮍﮎ

Ibliis Yi Rabbow yoo makkosseeh makot yoo beyteemih sabbatah baaxô bagul Aadam Samadat ku amrî cina keenit bilqiseyyooh tirtô gitak inkih ken makkoyseyyooh ken maxqawiseyyo iyye

ﮏﮐﮑﮒﮓ

Ku naqoosay tirri haytey isi qibaadah doorittey qibaada koh caglissa akke waytek

ﮔﮕﮖﮗﮘﮙ

Yalli kaal gacisak : ah Yi gitay massooway yoo gudduysaah dacayri yol kak tani kinni kaak iyye

ﮚﮛﮜﮝﮞﮟﮠﮡﮢﮣﮤﮥ

Diggah atu Yi naqoosay qibaada yoh caglissa makkossaamih dudda ken amol mantu, kinnih immay atu makot beytaamih dudda kah litom makkoote maray koo kataate kaak iyye Yalli

ﮦﮧﮨﮩﮪ

diggah jahannam gira ibliis kee kaa kataate marak inkih xagni arac kinni

ﮫﮬﮭﮮﮯﮰﮱﯓﯔ

jahannam gira is malcina afa leeh malciin takke, kulli afa teetik ibliis kataate marak kulli mari keenik yimixxige kuray baxsime teetik le

ﯕﯖﯗﯘﯙﯚ

Diggah Yalli maqaanek ken kah amrisem abaah usuk ken kak waaseemik yaxxeere mari jannootaa kee gexxa daroorih addal yan

ﯛﯜﯝﯞ

Kulli umaanek nagaynan luk, kulli digaalák amaanah anuk tet (jannoota kinnuk) cula keenik iyyan

ﯟﯠﯡﯢﯣﯤﯥﯦﯧﯨﯩ

ken (moominiin kinnuk) lubbittek baguumaanee kee kuuxewaynan kalleh usun toobokoh anuk kacanu luk qaraakiy amol itta fan wagitak daffeyan jannat addal

ﯪﯫﯬﯭﯮﯯﯰﯱﯲ

Usun tet (Jannoota kinnuk) addal taqabii kee Saqsaqitik tu ken elle maxagtaay usun teetik inkinnah yawqe mara hinnon

ﯳﯴﯵﯶﯷﯸﯹﯺ

Nabiyow Yi naqoosah waris, diggah anu dambi cabti li xuwaw li kinniyom yol gace marah

ﯻﯼﯽﯾﯿﰀ

Nabiyow diggah Yi digaala is qansarissa digaala kinnim keenih waris yol gacam cine marah

ﰁﰂﰃﰄﰅ

Nabii Mucammadow ġcsaseio Nabii Ibraahim qibinih (malayka Kinnuk) xaagu keenih waris, Yalli Nabii Ibraahim baxa geyuwaamih ayti kumaa kee Nabii Luut marih baysah ken ruube waqdi

ﭑﭒﭓﭔﭕﭖﭗﭘﭙﭚ

Malayka kaal culteeh salaamaqle kaal qidde waqdi salaąaamaqle keenih yukkuqeeh maaqo keenih xayyoyse, tokkel woo maaqo isik akmewaanam keenik yuble waqdi, diggah nanu siinik meesitnah keenik iyye

ﭛﭜﭝﭞﭟﭠﭡﭢ

Malayka Nabii Ibraahimik :ma meesitin diggah nanu kol kah nemeetem ixxiga le baxal koo ayti kumusnamkeh iyyaanama kaak itte

ﭣﭤﭥﭦﭧﭨﭩﭪﭫ

Nabii Ibraahim qajjibsitak : idoolanni yoo kee yi barra inkih geek lakalaa isin baxal yoo aytikumussaanam ?Ah anninnah tan aytikumaay yoh abtaanam keenik iyye

ﭬﭭﭮﭯﭰﭱﭲﭳ

Malayka Ibraahimow nummah asmatleemiy raq sinnil koo ayti kumusnak, toysa atu nanu koo elle aytikumusnaamak yabboode marih num makkin kaak itte

ﭴﭵﭶﭷﭸﭹﭺﭻﭼ

Nabii Ibraahim isi Rabbih Racmatak iyyi yabboodee makkoote maray tirtô gitak makkoote akke waytek keenik iyye

ﭽﭾﭿﮀﮁﮂ

Yallih xaquk rubsumte malaykay isin yoo elle aytikumusseenimik kalah edde temeeten caagid siinik macaay keenik iyye

ﮃﮄﮅﮆﮇﮈﮉ

Diggah Nanu umeyniitih yan marâ fanah rubsumne ken fingisnankeh kaak itte malayka

ﮊﮋﮌﮍﮎﮏﮐ

Nabii Luutu kee kay buxah marak kaal teemenem kee keenik kalah kay marak kaal teemeneemiy nanu finqak inkih naggosnu wayna akke waytek

ﮑﮒﮓﮔﮕﮖﮗ

Kinnih immay kay barray koroositte diggah is raqqa iyye marâ lih raqtam teetil mekelle digaalat

ﮘﮙﮚﮛﮜﮝ

Tokkel Yallih xaquk rubsumte malayka Nabii Luutul temeete waqdi

ﮞﮟﮠﮡﮢ

Diggah isin waagisan mara kinnitoonuuh anu sin maaxigak maca faxxaanaa? keenik iyye Nabii Luut

ﮣﮤﮥﮦﮧﮨﮩﮪ

Wonna hinnay nanu Yallih farmoytiitik atu ma meesitin nanu digggah ku Rabbih xaquk ku mari edde agaywaagitak suge digaalá keenih luk kol nemeetek kaak (Nabii Luut kinnuk) iyyen

ﮫﮬﮭﮮﮯ

nanu Yallih xaquk numma luk kol nemeete, diggah nanu innaamat numma yacee mara kinnino kaak iyyen

ﮰﮱﯓﯔﯕﯖﯗﯘﯙﯚﯛﯜﯝﯞﯟ

Toysa atu isi buxah maray yeemene luk barak tut edde kuulaay atu ken lakat gexaay ken katay, wadirih num waliqqi siinik hee waay, isin elle amrisinten kabû fanah warrayaay gexa kaak iyyen

ﯠﯡﯢﯣﯤﯥﯦﯧﯨﯩ

Nabii Luutul ama caagidih, diggah tama ku maray koroositek ellecabo finqaay saaxa, num keenik raaqe kalah maaci maacisa waqdi iyyaanamah wacyi kaal oobisne

ﯪﯫﯬﯭﯮ

Nabii Luut magaalah mari Nabii Luut xaqul qibni yanim yoobbe waqdi wallitak yemeeten umaane keenit abaanamkeh

ﯯﯰﯱﯲﯳﯴﯵ

Nabii Luut diggah A mari yi qibinaay Yi dacayrih gubat yaniinik, toysa isin yoo mayqunxinaay yoo ma wacarriysina keenik iyye

ﯶﯷﯸﯹﯺ

Yallih digaalak meesitaay umaaneh ken ma niyaatinaay yoo mayqunxiyina keenik iyye

ﯻﯼﯽﯾﯿﰀ

Kay mari kaal gacisak : nanu koo mawaasinninoo? sinaamak hebeltô marih qibnaytiinok kaak iyyen

ﭑﭒﭓﭔﭕﭖﭗ

Nabii Luut tamah Yi sayyok sinni caagid yagdubeeh abam faxa mara tekkeenik ken digbisita, Yalli caraamu abem maabina lab maral orobtaanamal keenik iyye

ﭘﭙﭚﭛﭜﭝ

Nabii Mucammadow ġzsaeio ku-qumril xiibita immay diggah Nabii Luut mari usun gibdi maxqawitih (mako) addat yanin baditiiy agaywaagat amo ayxaaruk kaak iyye Yalli

ﭞﭟﭠﭡ

Edde luk digaalâ xongoloy ken finqissa ken tibbixeeh keenil obte, ayro tawqe wakti

ﭢﭣﭤﭥﭦﭧﭨﭩﭪ

Tokkel ken magaaloolik (Nabii Luut marih magaalooli kinnuk) iro guba teetik ciggiilisneeh girat alasne kallah xeet robti innah irok keenil canne

ﭫﭬﭭﭮﭯﭰ

Diggah ken xagteeh keenil obte digaalat kasleeh cubbusa marah Yallih duddaa kee kay inkittinaane tascasse astooti edde tan

ﭱﭲﭳﭴ

diggah Nabii Luut marih magaalooli gitay safar mari kak tatrak addal tanik elle makaskassoowaanaa

ﭵﭶﭷﭸﭹﭺ

Diggah nanu keenit abne finqat yeemene marah baxxaqqa itta asta edde tan

ﭻﭼﭽﭾﭿﮀ

nummah maggo cooxuy gaabuh yani le magaaloolih mari (Nabii Shuqeybi mara kinnuk) usun sinni nafsi koroosannut yudlume marah sugen

ﮁﮂﮃﮄﮅﮆ

Tokkel cane keenil gacisneeh ken bayisneh, ken dabooqa (Nabii Luut kee Nabii Shuqeybi marih dabooqa kinnuk) baxxaqqa iyya gitay sinam safarah kak gactal tanik usun elle makaskassoowaanaa

ﮇﮈﮉﮊﮋﮌ

nummah Cijri deqsita daqaarih mari (Nabii Saalic mara kinnuk) farmoytit dirabboyseeh wohul Yallih farmoytit inkih dirabboyse mara yekken

ﮍﮎﮏﮐﮑﮒ

Nabii Saalic marah Ni duddaa kee Nabii Saalic cakkil keenih yemeetem tascasse astooti (alaa kee wohuk kalah kaah necee astooti kinnuk) keenih necee, tokkel usun derre teetit cabeeniih teetil kaskassoowa mara makkon

ﮓﮔﮕﮖﮗﮘﮙ

usun (Nabii Saalic mara kinnuk) qaleela urak (orak) Qarwa edde haysitak sugen, is keenil taddigilleemik amaanah anuk

ﮚﮛﮜﮝ

Tokkel digaalâ xongoloy ken finqissa ken tibbixeeh maacay maacisa keenil obte

ﮞﮟﮠﮡﮢﮣﮤ

Tokkel ken maaluu kee ken kalqootay qaleelat urak (orak) sugeeni keenih xiqtem mali Yallih digaalak

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖ

Qaranwaa kee baaxooy, ken nammayih fanal tanim cakkik sa elle ginnem mannu, diggah Qhiyaama edde ugutta wakti yamaatu waam raq mali, toysa Nabiyow atu qaxmeqe qafu keenih (koros kinnuk) abaay, usun kol baaheenim keenih cab

ﯗﯘﯙﯚﯛﯜ

Diggah Nabiyow ku Rabbi ummaanim gineeh isi naqoosah caaloota yaaxigi kinni

ﯝﯞﯟﯠﯡﯢﯣﯤ

Nummah Nabiyow faatica deqsitta suuray malcina aayat takkey kulli salaatal gacam gacsimtaa kee nabah yan Qhuraan koh necee

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴ

Diggah Nabiyow addunyal ama korosuk garu edde hatkisne maaluy maggo afah yanî fanah isi namma inti sangeelih maruubin, usun Yallal aamine waanamah keenih marookitinaay, Yallaa kee kay farmoyta nummasse moominiinih nacrooraay, Ramma keenih ixxic

ﯵﯶﯷﯸﯹﯺ

Diggah Nabii Mucammadow Jcsakeiķe anu Yallih amri cina mara Yallih digaalak meesiisey meesisso kak baxxaqqa itta kinniyo keenik ixxic

ﯻﯼﯽﯾﯿ

Nabii Mucammadow åzsateiýço Qhuraan kol oobisneh yahuud kee nasaaral tawraat kee injiiliy usun tu kak nummayseeniih tu kak dirabboyseeni keenil kah oobisne innaah

ﭑﭒﭓﭔﭕ

Usun (Qhureyshi korosuuy, yahuud kee nasaarâ koros kinnuk) Qhuraan kura kurah hee mara kinnon, tu kaak nummaysaanaah tu kaak dirabboysaanamal

ﭖﭗﭘﭙ

Tokkel Nabii Mucammadow ku Rabbi isil xiibitak nanu diggah Qhiyaamah ayró gino inkih esserenno iyye

ﭚﭛﭜﭝ

Usun addunyal numtinwwellitte qibaadaa kee wohuk kalah abak suggu iyyeenimil inkih

ﭞﭟﭠﭡﭢﭣﭤ

Toysa Nabii Mucammadow cakki seecoy ku Rabbi koo kah amrise fayyah, fayya hayisaay, korosut derre cabaay, ken umaanet tu mawin

ﭥﭦﭧﭨ

Diggah Nabiyow nanu Qhureyshi korosih abbobtiy kol anqassah umaanek koo xiqneh ken bayisneemil

ﭩﭪﭫﭬﭭﭮﭯﭰﭱﭲ

Yallâ luk aka Yalla haa mari, sinni uma taamah ellecabo sarrah Aaxigelon, Addunyaa kee akeeral

ﭳﭴﭵﭶﭷﭸﭹﭺ

Nummah Nabiyow diggah atu usun kok iyyaanamat kaalil ceytam nanu naaxigeh

ﭻﭼﭽﭾﭿﮀﮁ

Toysa Nabii Mucammadow atu isi Rabbi saytunnoysak faylisaay, Yallah salat abaah kaa yaqbude marih num tik, koo biyaktaamak usuk koo xiqelek

ﮂﮃﮄﮅﮆﮇ

Nabii Mucammadow isi Rabbi umman uqbud Rabi koh amma iyyam fanah kaak iyye Yalli

Qhuraanul Kariim

Tuesday, August 18, 2026

Don't forget us in your sincere prayers

Suurat Al-Hijr pdf

Suurat Al-Hijr pdf — Down-load (Qafar af)

Related

More Suurat PDF