სურა ალ-ჯინი არაბულად და ქართულად

წაიკითხეთ სურა ალ-ჯინი სრული ქართული თარგმანით, გამოთქმით და აუდიო წაკითხვით. თითოეული აიათის მნიშვნელობა. (28 აია — مكية). ალ-ჯინი მოსმენა, ალ-ჯინი თარგმანი, ალ-ჯინი mp3, ალ-ჯინი pdf.

სურა ალ-ჯინი წაკითხვა და მოსმენა

🎧 აია
M Mishary Rashid Alafasy ✓
M Mahmoud Khalil Al-Husary ✓
A Abdurrahman As-Sudais ✓
M Mohamed Siddiq Al-Minshawi ✓
A Abdul Basit Abdul Samad ✓
A Ali Al-Hudhaify ✓
A Ahmed ibn Ali al-Ajamy ✓
A Abu Bakr Ash-Shaatree ✓
M Muhammad Ayyoub ✓
A Abdullah Basfar ✓
A Abdullah Al-Juhani ✓
M Maher Al Muaiqly ✓
—
x1
قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ فَقَالُوا إِنَّا سَمِعْنَا قُرْآنًا عَجَبًا ۝١
📖 თარგმანი აია 1
უთხრი (ო, მოციქულო, შენ ხალხს): «მე შთამეგონა, რომ ჯინთა ჯგუფმა მოისმინა (ყურანი) და თქვეს: "ჭეშმარიტად, ჩვენ მოვისმინეთ გასაოცარი ყურანი,
يَهْدِي إِلَى الرُّشْدِ فَآمَنَّا بِهِ ۖ وَلَن نُّشْرِكَ بِرَبِّنَا أَحَدًا ۝٢
📖 თარგმანი აია 2
(რომელიც) ჭეშმარიტ გზაზე მიუთითებს. და ჩვენ [ჯინებმა] ვირწმუნეთ იგი [ყურანი] და არავის გავუთანაბრებთ ჩვენს უფალს [ალლაჰის გარდა არავის ვაღიარებთ ღმერთად].
وَأَنَّهُ تَعَالَىٰ جَدُّ رَبِّنَا مَا اتَّخَذَ صَاحِبَةً وَلَا وَلَدًا ۝٣
📖 თარგმანი აია 3
და (ასევე ვაღიარებთ), რომ მას [ალლაჰს] – უზენაესია ჩვენი უფლის სიდიადე! – არ აუყვანია თავისთვის არც მეუღლე და არც შვილი.
وَأَنَّهُ كَانَ يَقُولُ سَفِيهُنَا عَلَى اللَّهِ شَطَطًا ۝٤
📖 თარგმანი აია 4
და რომ ჩვენს შორის უგუნური (იბლისი) ალლაჰზე ზღვარგადასულს ამბობდა.
وَأَنَّا ظَنَنَّا أَن لَّن تَقُولَ الْإِنسُ وَالْجِنُّ عَلَى اللَّهِ كَذِبًا ۝٥
📖 თარგმანი აია 5
და (ასევე ჩვენ ვაღიარებთ), რომ ვფიქრობდით, თითქოს ადამიანები და ჯინები არასოდეს იტყოდნენ სიცრუეს ალლაჰზე.
وَأَنَّهُ كَانَ رِجَالٌ مِّنَ الْإِنسِ يَعُوذُونَ بِرِجَالٍ مِّنَ الْجِنِّ فَزَادُوهُمْ رَهَقًا ۝٦
📖 თარგმანი აია 6
და რომ ადამიანთა შორის იყვნენ კაცები, რომლებიც ჯინთა შორის მყოფ კაცებს მფარველობას სთხოვდნენ, ხოლო ისინი [ჯინები] (მხოლოდ) შიშს უმატებდნენ მათ.
وَأَنَّهُمْ ظَنُّوا كَمَا ظَنَنتُمْ أَن لَّن يَبْعَثَ اللَّهُ أَحَدًا ۝٧
📖 თარგმანი აია 7
და მათ ეგონათ (ურწმუნოებს), როგორც თქვენ (ჯინები) ფიქრობდით, რომ ალლაჰი არასდროს არავის აღადგენდა.
وَأَنَّا لَمَسْنَا السَّمَاءَ فَوَجَدْنَاهَا مُلِئَتْ حَرَسًا شَدِيدًا وَشُهُبًا ۝٨
📖 თარგმანი აია 8
და (ასევე ჩვენ ვაღიარებთ), რომ ჩვენ შევეხეთ ცას (რათა, როგორც ჩვეულებრივ, ანგელოზების საუბრები მოგვესმინა), მაგრამ აღმოვაჩინეთ, რომ იგი სავსე იყო ძლევამოსილი მცველებით [ანგელოზებით] და (რომლებიც ისროდნენ) (მოგიზგიზე) ცეცხლოვან სხეულებს.
وَأَنَّا كُنَّا نَقْعُدُ مِنْهَا مَقَاعِدَ لِلسَّمْعِ ۖ فَمَن يَسْتَمِعِ الْآنَ يَجِدْ لَهُ شِهَابًا رَّصَدًا ۝٩
📖 თარგმანი აია 9
და რომ ჩვენ (ადრე) ვსხდებოდით მის [ცის] მახლობლად დასაჯდომ ადგილებზე, რათა მიგვეყურადებინა. მაგრამ ვინც ახლა ყურს უგდებს, ის თავისთვის პოულობს ჩასაფრებულ ცეცხლოვან სხეულს (რომელსაც ანგელოზები მას ესვრიან და რომელიც მას წვავს).
وَأَنَّا لَا نَدْرِي أَشَرٌّ أُرِيدَ بِمَن فِي الْأَرْضِ أَمْ أَرَادَ بِهِمْ رَبُّهُمْ رَشَدًا ۝١٠
📖 თარგმანი აია 10
და (ასევე ჩვენ ვაღიარებთ), რომ არ ვიცით, ბოროტება იყო თუ ნაბოძები (იმით, რაც ცაში მოხდა) მათთვის, ვინც დედამიწაზეა, თუ მათმა უფალმა ჭეშმარიტი გზის ჩვენება ინება მათთვის.
وَأَنَّا مِنَّا الصَّالِحُونَ وَمِنَّا دُونَ ذَٰلِكَ ۖ كُنَّا طَرَائِقَ قِدَدًا ۝١١
📖 თარგმანი აია 11
და რომ ჩვენს შორის არიან (ზოგი) მართალნი [ღვთისმოშიშნი], და არიან ჩვენს შორის ისეთებიც, რომლებიც ამაზე დაბლა დგანან [ცოდვილები და ურწმუნოები]; და ჩვენ (სხვადასხვა) გზის მიმდევრები ვიყავით.
وَأَنَّا ظَنَنَّا أَن لَّن نُّعْجِزَ اللَّهَ فِي الْأَرْضِ وَلَن نُّعْجِزَهُ هَرَبًا ۝١٢
📖 თარგმანი აია 12
და (ასევე ჩვენ ვაღიარებთ), რომ ვფიქრობდით, არასოდეს შევძლებდით ალლაჰის დასუსტებას დედამიწაზე და ვერასოდეს დავუსხლტებოდით მის (სასჯელს) გაქცევით.
وَأَنَّا لَمَّا سَمِعْنَا الْهُدَىٰ آمَنَّا بِهِ ۖ فَمَن يُؤْمِن بِرَبِّهِ فَلَا يَخَافُ بَخْسًا وَلَا رَهَقًا ۝١٣
📖 თარგმანი აია 13
და რომ როდესაც ჩვენ გავიგონეთ ჭეშმარიტი ხელმძღვანელობის შესახებ [ყურანის შესახებ], ვირწმუნეთ იგი; ხოლო ვინც თავის უფალს ირწმუნებს, მას არ შეეშინდება არც (მისი კეთილი საქმეების) დაკლების და არც ჩაგვრის (რომ მისი ცუდი საქმეები მოემატება).
وَأَنَّا مِنَّا الْمُسْلِمُونَ وَمِنَّا الْقَاسِطُونَ ۖ فَمَنْ أَسْلَمَ فَأُولَٰئِكَ تَحَرَّوْا رَشَدًا ۝١٤
📖 თარგმანი აია 14
და რომ ჩვენს შორის არიან ისინი, ვინც საკუთარი თავი (სრულად) ალლაჰს დაუმორჩილა, და ჩვენს შორის არიან ისინიც, ვინც გზას ასცდა; ხოლო ისინი, ვინც (სრულად) ალლაჰს დაემოჩილა, ჭეშმარიტ გზას გაჰყვნენ.
وَأَمَّا الْقَاسِطُونَ فَكَانُوا لِجَهَنَّمَ حَطَبًا ۝١٥
📖 თარგმანი აია 15
რაც შეეხება გადახრილებს, ისინი ჯოჯოხეთისთვის საწვავად იქნებიან».
وَأَن لَّوِ اسْتَقَامُوا عَلَى الطَّرِيقَةِ لَأَسْقَيْنَاهُم مَّاءً غَدَقًا ۝١٦
📖 თარგმანი აია 16
და (უთხარი, ო, შენ, შუამავალო, შენს ხალხს): «თუ ისინი ჭეშმარიტ გზას დაადგებოდნენ, ჩვენ [ალლაჰი] დავარწყულებდით მათ უხვი წყლით,
لِّنَفْتِنَهُمْ فِيهِ ۚ وَمَن يُعْرِضْ عَن ذِكْرِ رَبِّهِ يَسْلُكْهُ عَذَابًا صَعَدًا ۝١٧
📖 თარგმანი აია 17
რათა ამით გამოვცადოთ ისინი. და ვინც ზურგს აქცევს თავისი უფლის ხსენებას, ის დაამკვიდრებს მას მკაცრ სასჯელში».
وَأَنَّ الْمَسَاجِدَ لِلَّهِ فَلَا تَدْعُوا مَعَ اللَّهِ أَحَدًا ۝١٨
📖 თარგმანი აია 18
და რომ მეჩეთები ალლაჰისაა, ამიტომ ნუ მოუხმობთ ალლაჰთან ერთად ნურავის.
وَأَنَّهُ لَمَّا قَامَ عَبْدُ اللَّهِ يَدْعُوهُ كَادُوا يَكُونُونَ عَلَيْهِ لِبَدًا ۝١٩
📖 თარგმანი აია 19
და (უთხარი) (ო, მოციქულო) (შენს ხალხს: «ალლაჰისგან გამოცხადებით მეუწყა), რომ როდესაც ალლაჰის მონა [მუჰამმადი] აღდგა და მას (ვედრებით) მიმართავდა, ისინი [ჯინები] (იმდენად დიდი რაოდენობით შეიკრიბნენ, რომ) ლამის გროვად შემოეხვივნენ მას, ერთმანეთზე დაწყობილნი (ყურანის კითხვის მოსასმენად)».
قُلْ إِنَّمَا أَدْعُو رَبِّي وَلَا أُشْرِكُ بِهِ أَحَدًا ۝٢٠
📖 თარგმანი აია 20
თქვი: «მე მხოლოდ ჩემს უფალს ვუხმობ და არავის ვუდგენ მას თანაზიარად».
قُلْ إِنِّي لَا أَمْلِكُ لَكُمْ ضَرًّا وَلَا رَشَدًا ۝٢١
📖 თარგმანი აია 21
თქვი: «მე არც თქვენთვის ზიანის მოყენება ძალმიძს და არც სწორ გზაზე დაყენება».
قُلْ إِنِّي لَن يُجِيرَنِي مِنَ اللَّهِ أَحَدٌ وَلَنْ أَجِدَ مِن دُونِهِ مُلْتَحَدًا ۝٢٢
📖 თარგმანი აია 22
თქვი: «ჭეშმარიტად, ვერავინ დამიცავს ალლაჰისგან და ვერ ვპოვებ მის გარდა თავშესაფარს».
إِلَّا بَلَاغًا مِّنَ اللَّهِ وَرِسَالَاتِهِ ۚ وَمَن يَعْصِ اللَّهَ وَرَسُولَهُ فَإِنَّ لَهُ نَارَ جَهَنَّمَ خَالِدِينَ فِيهَا أَبَدًا ۝٢٣
📖 თარგმანი აია 23
(თქვი: «მე თქვენთვის არაფერს განვაგებ), გარდა იმისა, რომ ალლაჰისგან ვაუწყო, რაც მან მიბრძანა, და (გადმოგცეთ) მისი გზავნილები. ხოლო ვინც არ დაემორჩილება ალლაჰს და მის მოციქულს, მაშინ, ჭეშმარიტად, მისთვის გეენის ცეცხლია, რომელშიც ისინი მარადიულად დარჩებიან».
حَتَّىٰ إِذَا رَأَوْا مَا يُوعَدُونَ فَسَيَعْلَمُونَ مَنْ أَضْعَفُ نَاصِرًا وَأَقَلُّ عَدَدًا ۝٢٤
📖 თარგმანი აია 24
(მრავალღმერთიანები და ურწმუნოები ჯიუტად დარჩებიან ურწმუნოებასა და ალლაჰის მოციქულის მიმართ მტრობაში), ვიდრე არ იხილავენ იმას (სასჯელს), რაც მათ აღთქმული ჰქონდათ, და ისინი გაიგებენ, ვინ არის დამხმარეებით უფრო სუსტი და მცირერიცხოვანი.
قُلْ إِنْ أَدْرِي أَقَرِيبٌ مَّا تُوعَدُونَ أَمْ يَجْعَلُ لَهُ رَبِّي أَمَدًا ۝٢٥
📖 თარგმანი აია 25
უთხარი (ო, მოციქულო): «მე არ ვიცი, ახლოს არის თუ არა ის, რაც თქვენ აღგეთქვათ, თუ ჩემმა უფალმა მისთვის გადავადება დაადგინა».
عَالِمُ الْغَيْبِ فَلَا يُظْهِرُ عَلَىٰ غَيْبِهِ أَحَدًا ۝٢٦
📖 თარგმანი აია 26
(ის) უხილავის მცოდნეა და არავის უმხელს თავის დაფარულს.
إِلَّا مَنِ ارْتَضَىٰ مِن رَّسُولٍ فَإِنَّهُ يَسْلُكُ مِن بَيْنِ يَدَيْهِ وَمِنْ خَلْفِهِ رَصَدًا ۝٢٧
📖 თარგმანი აია 27
გარდა იმისა, ვისითაც იგი კმაყოფილია და (რომელიც) (მოციქულად) აირჩია [ასეთებს იგი აძლევს დაფარულის გარკვეულ ცოდნას], და მაშინ მის წინ და უკან აყენებს მცველებს [ანგელოზებს] .
لِّيَعْلَمَ أَن قَدْ أَبْلَغُوا رِسَالَاتِ رَبِّهِمْ وَأَحَاطَ بِمَا لَدَيْهِمْ وَأَحْصَىٰ كُلَّ شَيْءٍ عَدَدًا ۝٢٨
📖 თარგმანი აია 28
რათა მან [მოციქულმა] იცოდეს, რომ მათ [ადრინდელმა მოციქულებმა] უკვე გადასცეს თავიანთი უფლის გზავნილები. ხოლო იგი [ალლაჰი] მოიცავს ყველაფერს, რაც მათ [ანგელოზებსა და მოციქულებს] აქვთ, და მან ყოველივე ზუსტად აღრიცხა.
← 71 ალ-ჯინი (72/114) 73 →
წაკითხვა სურა ალ-ჯინი ქართულად – თარგმანი და აუდიო

72الجن Al-Jinn 📚 28 აია مكية

აიათები – სურა ალ-ჯინი — 28 აია


📚 წმინდა ყურანი 🎧 მოსმენა mp3 ⬇ Quran mp3 📚 ყურანის საძიებელი


წმინდა ყურანი
Tuesday, August 18, 2026

Don't forget us in your sincere prayers