Surah Al-Anfal with Fulah

  1. Surah mp3
  2. More
  3. Fulah
The Holy Quran | Quran translation | Language Fulah | Surah Anfal | الأنفال - Ayat Count 75 - The number of the surah in moshaf: 8 - The meaning of the surah in English: The Spoils of War.

يَسْأَلُونَكَ عَنِ الْأَنفَالِ ۖ قُلِ الْأَنفَالُ لِلَّهِ وَالرَّسُولِ ۖ فَاتَّقُوا اللَّهَ وَأَصْلِحُوا ذَاتَ بَيْنِكُمْ ۖ وَأَطِيعُوا اللَّهَ وَرَسُولَهُ إِن كُنتُم مُّؤْمِنِينَ(1)

 Hiɓe lanndo maa fii konhoyri. Maaku : "Konhoyri ndin ko Alla e Nulaaɗo Makko on jeyi". Hulee Alla, moƴƴinon hakkunde mon ɗoftoɗon kadi Alla e Nulaaɗo Makko on si on laatike gomɗimɓe

إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَىٰ رَبِّهِمْ يَتَوَكَّلُونَ(2)

 Pellet, gomɗimɓe ɓen, ko ɓen ɓe (tawata) si Alla jantaama, ɓerɗe maɓɓe ɗen hulay. Si Aayeeje Makko ɗen janngaama e maɓɓe, ɗe ɓeyda ɓe gomɗinal. Ko e Joomi maɓɓe (tun) ɓe fawotoo

الَّذِينَ يُقِيمُونَ الصَّلَاةَ وَمِمَّا رَزَقْنَاهُمْ يُنفِقُونَ(3)

 Ɓen ñinnooɓe julde nden e kon ko Men arsiki ɓe hiɓe wintoo=nafqa

أُولَٰئِكَ هُمُ الْمُؤْمِنُونَ حَقًّا ۚ لَّهُمْ دَرَجَاتٌ عِندَ رَبِّهِمْ وَمَغْفِرَةٌ وَرِزْقٌ كَرِيمٌ(4)

 Ɓen ɗon, ko kamɓe woni gomɗimɓe ɓen ka goonga : hino woodani ɓe darjaaji ka Joomi maɓɓe, e haforaneede e arsike tedduɗo

كَمَا أَخْرَجَكَ رَبُّكَ مِن بَيْتِكَ بِالْحَقِّ وَإِنَّ فَرِيقًا مِّنَ الْمُؤْمِنِينَ لَكَارِهُونَ(5)

 Ko wano Joomi maa yaltinirno maa non ka suudu maa sabu goonga, (tawi non) pellet, fedde e gomɗimɓe ɓen ko añuɓe (ɗum)

يُجَادِلُونَكَ فِي الْحَقِّ بَعْدَمَا تَبَيَّنَ كَأَنَّمَا يُسَاقُونَ إِلَى الْمَوْتِ وَهُمْ يَنظُرُونَ(6)

 Hiɓe wennja maa fii goonga kan ɓaawo nde ka feeñi ; a sikkay ko ɓe wonaaɓe soggeede e maayde hara kamɓe hiɓe ndaara (ɗum)

وَإِذْ يَعِدُكُمُ اللَّهُ إِحْدَى الطَّائِفَتَيْنِ أَنَّهَا لَكُمْ وَتَوَدُّونَ أَنَّ غَيْرَ ذَاتِ الشَّوْكَةِ تَكُونُ لَكُمْ وَيُرِيدُ اللَّهُ أَن يُحِقَّ الْحَقَّ بِكَلِمَاتِهِ وَيَقْطَعَ دَابِرَ الْكَافِرِينَ(7)

 (Jantee) tuma nde Alla fodunoo on gootel e feddeeji ɗin ɗiɗi, wonnde "gootel e majji ko onon woodani, hiɗon yeloo sinno ko fedde nde alaa doole nden laatantoo on, (tawi) Alla no yiɗi nde O goonginirta goonga kan Daaluyeeji Makko ɗin O taƴa ɓabbe heeferaaɓe ɓen

لِيُحِقَّ الْحَقَّ وَيُبْطِلَ الْبَاطِلَ وَلَوْ كَرِهَ الْمُجْرِمُونَ(8)

 Fii yo O goonginiri goonga kan O bonne fii meere nden, hay si bomɓe ɓen yiɗaa

إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّي مُمِدُّكُم بِأَلْفٍ مِّنَ الْمَلَائِكَةِ مُرْدِفِينَ(9)

 (Jantee) tuma nde faabinoranoɗon Joomi mon O jaabinani on : "Min ko Mi ɓeydiroowo on ujunere e Malaa’ika jokkondirooɓe

وَمَا جَعَلَهُ اللَّهُ إِلَّا بُشْرَىٰ وَلِتَطْمَئِنَّ بِهِ قُلُوبُكُمْ ۚ وَمَا النَّصْرُ إِلَّا مِنْ عِندِ اللَّهِ ۚ إِنَّ اللَّهَ عَزِيزٌ حَكِيمٌ(10)

 Alla waɗiraali ɗum si wanaa welo-welo e fii no ɓerɗe mon deeƴira ɗum. Balla wonaali si wanaa immorde ka Alla. Pellet, Alla ko Fooluɗo Ñeeñuɗo

إِذْ يُغَشِّيكُمُ النُّعَاسَ أَمَنَةً مِّنْهُ وَيُنَزِّلُ عَلَيْكُم مِّنَ السَّمَاءِ مَاءً لِّيُطَهِّرَكُم بِهِ وَيُذْهِبَ عَنكُمْ رِجْزَ الشَّيْطَانِ وَلِيَرْبِطَ عَلَىٰ قُلُوبِكُمْ وَيُثَبِّتَ بِهِ الْأَقْدَامَ(11)

 E Tuma nde ŋoŋre nden hippaynoo on hoolaare immorde ka Makko, Himo Jippinana on ndiyam immorde ka kammu fii yo O laɓɓinir on ɗam, O ittana on soɓe seytaane, e fii yo O tiiɗinir (ɗum) e ɓerɗe mon O tabintinira ɗam teppe [mon] ɗen

إِذْ يُوحِي رَبُّكَ إِلَى الْمَلَائِكَةِ أَنِّي مَعَكُمْ فَثَبِّتُوا الَّذِينَ آمَنُوا ۚ سَأُلْقِي فِي قُلُوبِ الَّذِينَ كَفَرُوا الرُّعْبَ فَاضْرِبُوا فَوْقَ الْأَعْنَاقِ وَاضْرِبُوا مِنْهُمْ كُلَّ بَنَانٍ(12)

 Tuma nde Joomi maa wahyinaynoo e Malaa’ikaaɓe ɓe : "Min Miɗo wonndi e mo’on : tabintinee gomɗimɓe ɓen. Arma Mi bugoo ɗenƴere e ɓerɗe heeferɓe ɓen. Tappee dow daaɗe ɗen tappon e maɓɓe kala wunnjere

ذَٰلِكَ بِأَنَّهُمْ شَاقُّوا اللَّهَ وَرَسُولَهُ ۚ وَمَن يُشَاقِقِ اللَّهَ وَرَسُولَهُ فَإِنَّ اللَّهَ شَدِيدُ الْعِقَابِ(13)

 Ɗum, ko fii kamɓe ɓe lunndike Alla e Nulaaɗo Makko on. "Kala non lunndiiɗo Alla e Nulaaɗo Makko on, pellet, Alla ko saɗtuɗo lepte

ذَٰلِكُمْ فَذُوقُوهُ وَأَنَّ لِلْكَافِرِينَ عَذَابَ النَّارِ(14)

 Ɗum mooɗon ; meeɗee ɗum ! E wonnde pellet, no waadani heeferɓe ɓen lepte Yiite

يَا أَيُّهَا الَّذِينَ آمَنُوا إِذَا لَقِيتُمُ الَّذِينَ كَفَرُوا زَحْفًا فَلَا تُوَلُّوهُمُ الْأَدْبَارَ(15)

 Ko onon yo gomɗimɓe, si on hawrii e ɓen heeferɓe ko ɓe mooɓiiɓe, wata on huccintinan ɓe ɓabbe ɗen

وَمَن يُوَلِّهِمْ يَوْمَئِذٍ دُبُرَهُ إِلَّا مُتَحَرِّفًا لِّقِتَالٍ أَوْ مُتَحَيِّزًا إِلَىٰ فِئَةٍ فَقَدْ بَاءَ بِغَضَبٍ مِّنَ اللَّهِ وَمَأْوَاهُ جَهَنَّمُ ۖ وَبِئْسَ الْمَصِيرُ(16)

 Kala hunccintinɗo ɓe nden ñalnde (ɓabbal mu’un), -si wanaa hara ko on heɓɓitantooɗo hare nden, maa hara ko ukkitotooɗo e fedde, -gomɗii haray o ruttodii e tikkere immorde ka Alla, jaaƴorde maɓɓe nden ko Jahannama nge bonii ruttorde

فَلَمْ تَقْتُلُوهُمْ وَلَٰكِنَّ اللَّهَ قَتَلَهُمْ ۚ وَمَا رَمَيْتَ إِذْ رَمَيْتَ وَلَٰكِنَّ اللَّهَ رَمَىٰ ۚ وَلِيُبْلِيَ الْمُؤْمِنِينَ مِنْهُ بَلَاءً حَسَنًا ۚ إِنَّ اللَّهَ سَمِيعٌ عَلِيمٌ(17)

 On waraano ɓe : Ko Allaahu On wari ɓe. A feranooki tuma ferinoɗaa : Ko Allaahu On ferii, e fii yo O jarribor gomɗimɓe ɓen immorde ka Makko jarrabuyee moƴƴuɗo. Pellet, Alla ko Nanoowo Annduɗo

ذَٰلِكُمْ وَأَنَّ اللَّهَ مُوهِنُ كَيْدِ الْكَافِرِينَ(18)

 Ɗum mooɗon, ko tawde pellet, Alla ko lo’inoowo pewje heeferɓe ɓen

إِن تَسْتَفْتِحُوا فَقَدْ جَاءَكُمُ الْفَتْحُ ۖ وَإِن تَنتَهُوا فَهُوَ خَيْرٌ لَّكُمْ ۖ وَإِن تَعُودُوا نَعُدْ وَلَن تُغْنِيَ عَنكُمْ فِئَتُكُمْ شَيْئًا وَلَوْ كَثُرَتْ وَأَنَّ اللَّهَ مَعَ الْمُؤْمِنِينَ(19)

 Si on ɗaɓɓii uddital, gomɗii uddital arii on. Si on haɗitike, ko ɗum ɓuri moƴƴannde on. Si on fillitike, Men fillitoo. Fedde mon nden duncanoytaa on hay e huunde, hay si nde ɗuuɗii. Tawde pellet, Alla no wonndi e gomɗimɓe ɓen

يَا أَيُّهَا الَّذِينَ آمَنُوا أَطِيعُوا اللَّهَ وَرَسُولَهُ وَلَا تَوَلَّوْا عَنْهُ وَأَنتُمْ تَسْمَعُونَ(20)

 Ko onon yo gomɗimɓe, ɗoftee Alla e Nulaaɗo Makko on wata on huccu mo hara hiɗon nannde (Aayeeje ɗen)

وَلَا تَكُونُوا كَالَّذِينَ قَالُوا سَمِعْنَا وَهُمْ لَا يَسْمَعُونَ(21)

 Wata on wa’u wa ɓen wi’unooɓe : "Men nanii", tawi kamɓe ɓe alaa e nanude

۞ إِنَّ شَرَّ الدَّوَابِّ عِندَ اللَّهِ الصُّمُّ الْبُكْمُ الَّذِينَ لَا يَعْقِلُونَ(22)

 Pellet, ko ɓuri bonnde e ko ruugata kon ka Alla, ko faaɗuɓe mumɓe ɓe haqqiltaa

وَلَوْ عَلِمَ اللَّهُ فِيهِمْ خَيْرًا لَّأَسْمَعَهُمْ ۖ وَلَوْ أَسْمَعَهُمْ لَتَوَلَّوا وَّهُم مُّعْرِضُونَ(23)

 Sinno Alla annduno e maɓɓe moƴƴere, O naninayno ɓe. Hay si O naninno ɓe, ɓe huccitayno hara ko ɓe ɗuurnii ɓe

يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ ۖ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ(24)

 Ko onon yo gomɗimɓe, Nootee Alla e Nulaaɗo on si ɓe noddii on fi ko wuurnata on (e goonga), anndee pellet, Alla no heeda hakkunde neɗɗo e ɓernde mun, e wonnde pellet, ko ka Makko mooɓoyteɗon

وَاتَّقُوا فِتْنَةً لَّا تُصِيبَنَّ الَّذِينَ ظَلَمُوا مِنكُمْ خَاصَّةً ۖ وَاعْلَمُوا أَنَّ اللَّهَ شَدِيدُ الْعِقَابِ(25)

 Rentee e bone tawɗo o memataa tooñuɓe ɓen e mooɗon tun. Anndee pellet, Alla ko saɗtuɗo lepte

وَاذْكُرُوا إِذْ أَنتُمْ قَلِيلٌ مُّسْتَضْعَفُونَ فِي الْأَرْضِ تَخَافُونَ أَن يَتَخَطَّفَكُمُ النَّاسُ فَآوَاكُمْ وَأَيَّدَكُم بِنَصْرِهِ وَرَزَقَكُم مِّنَ الطَّيِّبَاتِ لَعَلَّكُمْ تَشْكُرُونَ(26)

 Annditee tuma wonunoɗon fanɗuɓe, lo’inaaɓe ka leydi, hiɗon hula nde yimɓe ɓen jilotoo on. O weerni on, O semmbiniri on ballal Makko ngal, O arsiki on immorde e laaɓuɗi belajo’o, on yettay (neemaaji makko ɗin)

يَا أَيُّهَا الَّذِينَ آمَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنتُمْ تَعْلَمُونَ(27)

 Ko onon yo gomɗimɓe, wata on janfo Alla e Nulaaɗo on, janfoɗon koolaaje mon ɗen hara hiɗon anndi

وَاعْلَمُوا أَنَّمَا أَمْوَالُكُمْ وَأَوْلَادُكُمْ فِتْنَةٌ وَأَنَّ اللَّهَ عِندَهُ أَجْرٌ عَظِيمٌ(28)

 Anndee pellet, jawle mon ɗen e ɓiɗɓe mon ɓen ko fitina e wonnde no ka Alla njoɓdi mawndi

يَا أَيُّهَا الَّذِينَ آمَنُوا إِن تَتَّقُوا اللَّهَ يَجْعَل لَّكُمْ فُرْقَانًا وَيُكَفِّرْ عَنكُمْ سَيِّئَاتِكُمْ وَيَغْفِرْ لَكُمْ ۗ وَاللَّهُ ذُو الْفَضْلِ الْعَظِيمِ(29)

 Ko onon yo gomɗimɓe, si on hulii Alla, O waɗanay on senndindirɗum (goonga e meere), O heefana on bakkatuuji mon O haforana on. Alla ko Jom-Ɓural mawnungal

وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ ۚ وَيَمْكُرُونَ وَيَمْكُرُ اللَّهُ ۖ وَاللَّهُ خَيْرُ الْمَاكِرِينَ(30)

 (Jantii) tuma nde heeferɓe ɓen fewjanayno maa fii yoɓe aamin maa ɓe ware maa ɓe yaltine. Hiɓe fewja, Alla no fewja. Ko Alla ɓuri moƴƴude fewjooɓe ɓen

وَإِذَا تُتْلَىٰ عَلَيْهِمْ آيَاتُنَا قَالُوا قَدْ سَمِعْنَا لَوْ نَشَاءُ لَقُلْنَا مِثْلَ هَٰذَا ۙ إِنْ هَٰذَا إِلَّا أَسَاطِيرُ الْأَوَّلِينَ(31)

 Si Aayeeje Amen ɗen janngaama e maɓɓe, ɓe wi`a : "Gomɗii men nanii, sinno men yiɗuno men wowlayno yeru ɗum, ndee wonaali si wanaa tinndi adinooɓe

وَإِذْ قَالُوا اللَّهُمَّ إِن كَانَ هَٰذَا هُوَ الْحَقَّ مِنْ عِندِكَ فَأَمْطِرْ عَلَيْنَا حِجَارَةً مِّنَ السَّمَاءِ أَوِ ائْتِنَا بِعَذَابٍ أَلِيمٍ(32)

 E tuma ɓe wi’unoo : "Yaa Alla, si tawii ko ɗum woni goonga immorde ka Maaɗa, haray saaƴin kaaƴe e amen immorde ka kammu, maa addanaa men lepte muusuɗe

وَمَا كَانَ اللَّهُ لِيُعَذِّبَهُمْ وَأَنتَ فِيهِمْ ۚ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ(33)

 Alla wonaani leptoowo ɓe, hara an hiɗa hakkunde maɓɓe. Alla siforaali leptoowo ɓe, hara kamɓe hiɓe insinaade

وَمَا لَهُمْ أَلَّا يُعَذِّبَهُمُ اللَّهُ وَهُمْ يَصُدُّونَ عَنِ الْمَسْجِدِ الْحَرَامِ وَمَا كَانُوا أَوْلِيَاءَهُ ۚ إِنْ أَوْلِيَاؤُهُ إِلَّا الْمُتَّقُونَ وَلَٰكِنَّ أَكْثَرَهُمْ لَا يَعْلَمُونَ(34)

 Ko haɗata ɓe nde Alla leptataa ɓe, hara kamɓe hiɓe sakkaade Juulirde hormante nden? Ɓe wonaali heftuɓe nde. Heftuɓe Mo wonaali si wanaa ɓen gomɗumɓe, kono ɓurɓe ɗuuɗude e maɓɓe anndaa

وَمَا كَانَ صَلَاتُهُمْ عِندَ الْبَيْتِ إِلَّا مُكَاءً وَتَصْدِيَةً ۚ فَذُوقُوا الْعَذَابَ بِمَا كُنتُمْ تَكْفُرُونَ(35)

 Julde maɓɓe nden ka Suudu wonaali, si wanaa wuuɗugol e kellugol : "Meeɗiree lepte ɗen sabu ko yeddiraynoɗon kon

إِنَّ الَّذِينَ كَفَرُوا يُنفِقُونَ أَمْوَالَهُمْ لِيَصُدُّوا عَن سَبِيلِ اللَّهِ ۚ فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ ۗ وَالَّذِينَ كَفَرُوا إِلَىٰ جَهَنَّمَ يُحْشَرُونَ(36)

 Pellet, ɓen yedduɓe, hiɓe nafqira jawle maɓɓe ɗen no ɓe sakkora (yimɓe ɓen) e laawol Alla ngol. Maa ɓe nafqu ɗe, refti wontana ɓe ninse, refti ɓe foolee. Ɓen yedduɓe non, ko ka Jahannama ɓe mooɓoytee

لِيَمِيزَ اللَّهُ الْخَبِيثَ مِنَ الطَّيِّبِ وَيَجْعَلَ الْخَبِيثَ بَعْضَهُ عَلَىٰ بَعْضٍ فَيَرْكُمَهُ جَمِيعًا فَيَجْعَلَهُ فِي جَهَنَّمَ ۚ أُولَٰئِكَ هُمُ الْخَاسِرُونَ(37)

 Fii yo Alla senndindir soɓe ɗen e ko laaɓi kon, O waɗa soɓe ɗen yoga mun e dow yoga, O fawindira ɗum fow O waɗta ɗum ka nder Jahamma. ko ɓen ɗon woni hayruɓe ɓen

قُل لِّلَّذِينَ كَفَرُوا إِن يَنتَهُوا يُغْفَرْ لَهُم مَّا قَدْ سَلَفَ وَإِن يَعُودُوا فَقَدْ مَضَتْ سُنَّتُ الْأَوَّلِينَ(38)

 Maakan ɓen yedduɓe: si ɓe haɗitike; ɓe haforante ko yawti. Si ɓe fillitike, haray gomɗii laawol adinooɓe ɓen yawtii

وَقَاتِلُوهُمْ حَتَّىٰ لَا تَكُونَ فِتْنَةٌ وَيَكُونَ الدِّينُ كُلُّهُ لِلَّهِ ۚ فَإِنِ انتَهَوْا فَإِنَّ اللَّهَ بِمَا يَعْمَلُونَ بَصِيرٌ(39)

 Haɓee ɓe haa ka tawata fitina laatotaako, diina kan fow laatanoo Alla. Si ɓe haɗitike, haray pellet, Alla ko reenuɗo ko ɓe golla kon

وَإِن تَوَلَّوْا فَاعْلَمُوا أَنَّ اللَّهَ مَوْلَاكُمْ ۚ نِعْمَ الْمَوْلَىٰ وَنِعْمَ النَّصِيرُ(40)

 Si ɓe huccitii, anndee pellet, ko Alla woni Giɗo mon. O yooɗii Giɗo O yooɗii Ballo

۞ وَاعْلَمُوا أَنَّمَا غَنِمْتُم مِّن شَيْءٍ فَأَنَّ لِلَّهِ خُمُسَهُ وَلِلرَّسُولِ وَلِذِي الْقُرْبَىٰ وَالْيَتَامَىٰ وَالْمَسَاكِينِ وَابْنِ السَّبِيلِ إِن كُنتُمْ آمَنتُم بِاللَّهِ وَمَا أَنزَلْنَا عَلَىٰ عَبْدِنَا يَوْمَ الْفُرْقَانِ يَوْمَ الْتَقَى الْجَمْعَانِ ۗ وَاللَّهُ عَلَىٰ كُلِّ شَيْءٍ قَدِيرٌ(41)

 Anndee wonnde kala ko konɗon e huunde, pellet, hino woodani Alla e Nulaaɗo Makko on jowaɓal mun, e jom-ɓadondiral, e wonɗuɓe (Alyatimeebe) ɓen, e waasuɓe ɓen, e ɓiɗɓe laawol ɓen, si on laatike gomɗimɓe Alla e kon ko Men Jippini e jeyaaɗo Amen on, Ñalnde sertugol (goonga e fenaande): ñalnde dente ɗen ɗiɗi fottunoo. Alla ko hattanɗo kala huunde

إِذْ أَنتُم بِالْعُدْوَةِ الدُّنْيَا وَهُم بِالْعُدْوَةِ الْقُصْوَىٰ وَالرَّكْبُ أَسْفَلَ مِنكُمْ ۚ وَلَوْ تَوَاعَدتُّمْ لَاخْتَلَفْتُمْ فِي الْمِيعَادِ ۙ وَلَٰكِن لِّيَقْضِيَ اللَّهُ أَمْرًا كَانَ مَفْعُولًا لِّيَهْلِكَ مَنْ هَلَكَ عَن بَيِّنَةٍ وَيَحْيَىٰ مَنْ حَيَّ عَن بَيِّنَةٍ ۗ وَإِنَّ اللَّهَ لَسَمِيعٌ عَلِيمٌ(42)

 Nde tawnoo onon hiɗon ka baŋŋe ɓaɗtiiɗe, kamɓe (ayɓe ɓen) hiɓe ka baŋŋe woɗɗitiiɗe, tawi waɗɗiiɓe ɓen no senngo ley mon. Sinno on saatondirno, on luutondirayno ka caate. Kono ko fii yo Alla ñaawu fiyaaku laatinooɗo golleteeɗo, fii yo maayowo maayu e ko ɓanngi, wuuroowo wuura e ɓanngi. E pellet, Alla ko Nanoowo Annduɗo

إِذْ يُرِيكَهُمُ اللَّهُ فِي مَنَامِكَ قَلِيلًا ۖ وَلَوْ أَرَاكَهُمْ كَثِيرًا لَّفَشِلْتُمْ وَلَتَنَازَعْتُمْ فِي الْأَمْرِ وَلَٰكِنَّ اللَّهَ سَلَّمَ ۗ إِنَّهُ عَلِيمٌ بِذَاتِ الصُّدُورِ(43)

 Tuma nde Alla hollayno maa ɓe ka ɗoyngol maaɗa ko ɓe seeɗaaɓe. Sinno O holluno ɓe ko ɓe ɗuuɗuɓe, on lo’ayno, on pooɗindiryno kadi e fiyaaku on. Kono Alla hisini. Pellet, Kanko ko O annduɗo ko woni e ɓerɗe ɗen

وَإِذْ يُرِيكُمُوهُمْ إِذِ الْتَقَيْتُمْ فِي أَعْيُنِكُمْ قَلِيلًا وَيُقَلِّلُكُمْ فِي أَعْيُنِهِمْ لِيَقْضِيَ اللَّهُ أَمْرًا كَانَ مَفْعُولًا ۗ وَإِلَى اللَّهِ تُرْجَعُ الْأُمُورُ(44)

 E tuma nde Alla hollaynoo on ɓe, nde fottunoɗon, ko ɓe seeɗaaɓe e gite mon, Himo fanɗina on kadi e gite maɓɓe fii yo Alla ñaawo fiyaaku laatinooɗo golleteeɗo. Ko faade ka Alla woni ruttorde fiyakuuji ɗin

يَا أَيُّهَا الَّذِينَ آمَنُوا إِذَا لَقِيتُمْ فِئَةً فَاثْبُتُوا وَاذْكُرُوا اللَّهَ كَثِيرًا لَّعَلَّكُمْ تُفْلِحُونَ(45)

 Ko onon yo gomɗimɓe, si on fottii e fedde (ayɓe ɓe), tabitee, jantoɗon Alla ko ɗuuɗi=heewi; belajo’o, on malete

وَأَطِيعُوا اللَّهَ وَرَسُولَهُ وَلَا تَنَازَعُوا فَتَفْشَلُوا وَتَذْهَبَ رِيحُكُمْ ۖ وَاصْبِرُوا ۚ إِنَّ اللَّهَ مَعَ الصَّابِرِينَ(46)

 Ɗoftee Alla e Nulaaɗo Makko on, wata on pooɗondir sakko lo’on doole mon yaha. Muññee, pellet, Alla no wonndi e muññiiɓe ɓen

وَلَا تَكُونُوا كَالَّذِينَ خَرَجُوا مِن دِيَارِهِم بَطَرًا وَرِئَاءَ النَّاسِ وَيَصُدُّونَ عَن سَبِيلِ اللَّهِ ۚ وَاللَّهُ بِمَا يَعْمَلُونَ مُحِيطٌ(47)

 Wata on wa’u wa ɓen yaltirnooɓe ka galleeji maɓɓe townitaare e yiinagol yimɓe, hiɓe faddo laawol Alla ngol. Alla non ko fiiltiiɗo ko ɓe gollata

وَإِذْ زَيَّنَ لَهُمُ الشَّيْطَانُ أَعْمَالَهُمْ وَقَالَ لَا غَالِبَ لَكُمُ الْيَوْمَ مِنَ النَّاسِ وَإِنِّي جَارٌ لَّكُمْ ۖ فَلَمَّا تَرَاءَتِ الْفِئَتَانِ نَكَصَ عَلَىٰ عَقِبَيْهِ وَقَالَ إِنِّي بَرِيءٌ مِّنكُمْ إِنِّي أَرَىٰ مَا لَا تَرَوْنَ إِنِّي أَخَافُ اللَّهَ ۚ وَاللَّهُ شَدِيدُ الْعِقَابِ(48)

 E tuma nde seytaane cuɗaynnoo ɓe golle maɓɓe ɗen o wi`i: "Fooloowo on alaa hannde e yimɓe ɓen, min non ko mi kawtal mo’on". Nde feddeeji ɗiɗi yi`indirnoo, o yiltorii gaɗa teppe makko o wi`i: "Min ko mi daɗndiiɗo(kisɗo) e mon. Min miɗo yi`a ko on yi`ataa, min mi hulii Alla. Alla ko saɗtuɗe lepte

إِذْ يَقُولُ الْمُنَافِقُونَ وَالَّذِينَ فِي قُلُوبِهِم مَّرَضٌ غَرَّ هَٰؤُلَاءِ دِينُهُمْ ۗ وَمَن يَتَوَكَّلْ عَلَى اللَّهِ فَإِنَّ اللَّهَ عَزِيزٌ حَكِيمٌ(49)

 Tuma nde naafiqiiɓe ɓen e ɓen ɓe ñawu [lo`ere iimaanu] wonu e ɓerɗe mun wi`aynoo : "Diina ɓee ɗoo kan hodii ɓe". Kala non fawiiɗo e Alla, pellet, Alla ko Fooluɗo Ñeeñuɗo

وَلَوْ تَرَىٰ إِذْ يَتَوَفَّى الَّذِينَ كَفَرُوا ۙ الْمَلَائِكَةُ يَضْرِبُونَ وُجُوهَهُمْ وَأَدْبَارَهُمْ وَذُوقُوا عَذَابَ الْحَرِيقِ(50)

 Sinno a yi`ayno tuma Malaa’ikaaɓe ɓen warata heeferɓe ɓen, ɓe piya geece maɓɓe e ɓabbe maɓɓe (ɓe wi’ora ɓe) : "Meeɗee lepte cumu

ذَٰلِكَ بِمَا قَدَّمَتْ أَيْدِيكُمْ وَأَنَّ اللَّهَ لَيْسَ بِظَلَّامٍ لِّلْعَبِيدِ(51)

 Ɗum (heɓirii on) sabu ko juuɗe mon ɗen addi ko. wonnde pellet, Alla wonaali Tooñoowo jeyaaɓe ɓen

كَدَأْبِ آلِ فِرْعَوْنَ ۙ وَالَّذِينَ مِن قَبْلِهِمْ ۚ كَفَرُوا بِآيَاتِ اللَّهِ فَأَخَذَهُمُ اللَّهُ بِذُنُوبِهِمْ ۗ إِنَّ اللَّهَ قَوِيٌّ شَدِيدُ الْعِقَابِ(52)

 Wano mboowdi yimɓe Fir`awna e ɓen adinooɓe ɓe. Ɓe yeddii Aayeeje Alla ɗen. Alla Nanngitiri ɓe junubi maɓɓe ɗin. Pellet, Alla ko Tiiɗuɗo Saɗtuɗo lepte

ذَٰلِكَ بِأَنَّ اللَّهَ لَمْ يَكُ مُغَيِّرًا نِّعْمَةً أَنْعَمَهَا عَلَىٰ قَوْمٍ حَتَّىٰ يُغَيِّرُوا مَا بِأَنفُسِهِمْ ۙ وَأَنَّ اللَّهَ سَمِيعٌ عَلِيمٌ(53)

 (Ko waɗi) ɗum, ko tawde Alla wonaali waylowo neema mo O neemini e yimɓe haa ɓe wayla ko woni e wonkiiji maɓɓe. E wonnde pellet, Alla ko Nanoowo Annduɗo

كَدَأْبِ آلِ فِرْعَوْنَ ۙ وَالَّذِينَ مِن قَبْلِهِمْ ۚ كَذَّبُوا بِآيَاتِ رَبِّهِمْ فَأَهْلَكْنَاهُم بِذُنُوبِهِمْ وَأَغْرَقْنَا آلَ فِرْعَوْنَ ۚ وَكُلٌّ كَانُوا ظَالِمِينَ(54)

 Wano mboowdi yimɓe Fir`awna e ɓen adinooɓe ɓe. Ɓe fennii Aayeeje Joomi maɓɓe ɗen. Men halkiri ɓe junuubi maɓɓe ɗin, Men yooli yimɓe Fir`awna ɓen. Kala (maɓɓe) laatino tooñooɓe

إِنَّ شَرَّ الدَّوَابِّ عِندَ اللَّهِ الَّذِينَ كَفَرُوا فَهُمْ لَا يُؤْمِنُونَ(55)

 Pellet, ko ɓuri bonnde e ko ruugata kon ka Alla, ko ɓen yedduɓe, kamɓe ɓe gomɗintaa

الَّذِينَ عَاهَدتَّ مِنْهُمْ ثُمَّ يَنقُضُونَ عَهْدَهُمْ فِي كُلِّ مَرَّةٍ وَهُمْ لَا يَتَّقُونَ(56)

 Ɓen ɓe ahodiɗaa e mu’un refti ɓe firta ahadi maɓɓe ndin e kala laawol, kamɓe ɓe hulataa [Alla]

فَإِمَّا تَثْقَفَنَّهُمْ فِي الْحَرْبِ فَشَرِّدْ بِهِم مَّنْ خَلْفَهُمْ لَعَلَّهُمْ يَذَّكَّرُونَ(57)

 Si waawii ɓe ka hare, yagginir (sar) ɓe arooɓe ɓaawo maɓɓe. Belajo’o, ɓe waajitoto

وَإِمَّا تَخَافَنَّ مِن قَوْمٍ خِيَانَةً فَانبِذْ إِلَيْهِمْ عَلَىٰ سَوَاءٍ ۚ إِنَّ اللَّهَ لَا يُحِبُّ الْخَائِنِينَ(58)

 Ammaa si a hulii e yimɓe janfa, bugita(werla) e maɓɓe (firtugol ahadi ndin) dow fotondiral, tawde pellet, Alla yiɗaa janfotooɓe ɓen

وَلَا يَحْسَبَنَّ الَّذِينَ كَفَرُوا سَبَقُوا ۚ إِنَّهُمْ لَا يُعْجِزُونَ(59)

 Wata ɓen yedduɓe sikku ɓe laawki. Pellet, kamɓe ɓe ronknitaa (Lam)

وَأَعِدُّوا لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِينَ مِن دُونِهِمْ لَا تَعْلَمُونَهُمُ اللَّهُ يَعْلَمُهُمْ ۚ وَمَا تُنفِقُوا مِن شَيْءٍ فِي سَبِيلِ اللَّهِ يُوَفَّ إِلَيْكُمْ وَأَنتُمْ لَا تُظْلَمُونَ(60)

 Resoranee(heblanee) ɓe kala ko hattanɗon e doole e pucci hebilaaɗi, hulɓiniron ɗum ayɓe Alla ɓen e ayɓe mon ɓen, e woɗɓe goo gaanin maɓɓe ɓe onon on anndaabe Alla kañun no anndi ɓe. Kala ko nafkudon e laawol Alla ngol hunnanoyte on, onon on tooñoytaake

۞ وَإِن جَنَحُوا لِلسَّلْمِ فَاجْنَحْ لَهَا وَتَوَكَّلْ عَلَى اللَّهِ ۚ إِنَّهُ هُوَ السَّمِيعُ الْعَلِيمُ(61)

 Si ɓe naayanike kisal nagl, naayano ngal (an kadi) fawoɗaa e Alla, pellet, Kanko ko O nanoowo annduɗo

وَإِن يُرِيدُوا أَن يَخْدَعُوكَ فَإِنَّ حَسْبَكَ اللَّهُ ۚ هُوَ الَّذِي أَيَّدَكَ بِنَصْرِهِ وَبِالْمُؤْمِنِينَ(62)

 Si ɓe faandike nde ɓe janfoto maa, pellet, ko Alla yonay maa. Ko Kanko woni semmbinirɗo ma e ballal Makko ngal, e (wallitagol) gomɗimɓe ɓen

وَأَلَّفَ بَيْنَ قُلُوبِهِمْ ۚ لَوْ أَنفَقْتَ مَا فِي الْأَرْضِ جَمِيعًا مَّا أَلَّفْتَ بَيْنَ قُلُوبِهِمْ وَلَٰكِنَّ اللَّهَ أَلَّفَ بَيْنَهُمْ ۚ إِنَّهُ عَزِيزٌ حَكِيمٌ(63)

 O woowindiri hakkunde ɓerɗe maɓɓe ɗen. Sinno a wintinonafkuna ko woni kon ka leydi fow, a woowindirtaano hakkunde ɓerɗe maɓɓe ɗen; ko woni tun ko Alla woowindiri hakkunde maɓɓe. Pellet, Kanko ko O Fooluɗo Ñeeñuɗo

يَا أَيُّهَا النَّبِيُّ حَسْبُكَ اللَّهُ وَمَنِ اتَّبَعَكَ مِنَ الْمُؤْمِنِينَ(64)

 Ko an yo Annabiijo, Alla yonii ma [O yoniii] kadi jokkuɓe ma e gomɗimɓe ɓen

يَا أَيُّهَا النَّبِيُّ حَرِّضِ الْمُؤْمِنِينَ عَلَى الْقِتَالِ ۚ إِن يَكُن مِّنكُمْ عِشْرُونَ صَابِرُونَ يَغْلِبُوا مِائَتَيْنِ ۚ وَإِن يَكُن مِّنكُم مِّائَةٌ يَغْلِبُوا أَلْفًا مِّنَ الَّذِينَ كَفَرُوا بِأَنَّهُمْ قَوْمٌ لَّا يَفْقَهُونَ(65)

 Ko an yo Annabiijo, rerɗin gomɗimɓe ɓen e hare. Si no e mooɗon noogayo muññiiɓe, ɓe foolay teemeɗɗe ɗiɗo; si no e mooɗon kadi teemedere, ɓe foolay ujunere e heeferɓe ɓen; tawde ɓen ko yimɓe ɓe faamataa

الْآنَ خَفَّفَ اللَّهُ عَنكُمْ وَعَلِمَ أَنَّ فِيكُمْ ضَعْفًا ۚ فَإِن يَكُن مِّنكُم مِّائَةٌ صَابِرَةٌ يَغْلِبُوا مِائَتَيْنِ ۚ وَإِن يَكُن مِّنكُمْ أَلْفٌ يَغْلِبُوا أَلْفَيْنِ بِإِذْنِ اللَّهِ ۗ وَاللَّهُ مَعَ الصَّابِرِينَ(66)

 Jooni Alla hoynanii on,O anndii no e mooɗon lo`ere. Si no e mooɗon teemedere muññiiɓe, ɓe foolay teemeɗɗe ɗiɗo; si no e mooɗon kadi ujunere, ɓe foolay ujune ɗiɗo duŋaye Alla. Alla no wonndi e muññiiɓe ɓen

مَا كَانَ لِنَبِيٍّ أَن يَكُونَ لَهُ أَسْرَىٰ حَتَّىٰ يُثْخِنَ فِي الْأَرْضِ ۚ تُرِيدُونَ عَرَضَ الدُّنْيَا وَاللَّهُ يُرِيدُ الْآخِرَةَ ۗ وَاللَّهُ عَزِيزٌ حَكِيمٌ(67)

 Haananaa Annabiijo nde laatantoo mo dahaaɓe haa o ɗuɗɗina waraaɓe ka leydi. Hiɗon faala jawkoy aduna, Alla kan no faalanaa (on) laakara. Alla ko Fooluɗo Ñeeñuɗo

لَّوْلَا كِتَابٌ مِّنَ اللَّهِ سَبَقَ لَمَسَّكُمْ فِيمَا أَخَذْتُمْ عَذَابٌ عَظِيمٌ(68)

 Si wanaano binndoodi aditiindi immorde e Alla, lepte mawɗe memirayno on kon ko nannguɗon. [e konhoyri ndin]

فَكُلُوا مِمَّا غَنِمْتُمْ حَلَالًا طَيِّبًا ۚ وَاتَّقُوا اللَّهَ ۚ إِنَّ اللَّهَ غَفُورٌ رَّحِيمٌ(69)

 Ñaamee e kon ko honuɗon, ko dagiiɗum laaɓuɗum. Hulon Alla, pellet, Alla ko haforoowo hinnotooɗo=jurmotoodo

يَا أَيُّهَا النَّبِيُّ قُل لِّمَن فِي أَيْدِيكُم مِّنَ الْأَسْرَىٰ إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ ۗ وَاللَّهُ غَفُورٌ رَّحِيمٌ(70)

 Ko an yo Annabiijo, maakan dahaaɓe wonuɓe e juuɗe mon ɓen : "Si Alla no anndi moƴƴere ka ɓerɗe mon, O okkay on ko ɓuri moƴƴude ko jaɓanoɗon kon, O haforana on. Alla ko haforoowo hinnotooɗo

وَإِن يُرِيدُوا خِيَانَتَكَ فَقَدْ خَانُوا اللَّهَ مِن قَبْلُ فَأَمْكَنَ مِنْهُمْ ۗ وَاللَّهُ عَلِيمٌ حَكِيمٌ(71)

 Si ɓe faandike janfagol ma, gomɗii ɓe janfinoke Alla ko adii; O newinan (maa) e mabɓe. Alla ko Annduɗo Ñeeñuɗo

إِنَّ الَّذِينَ آمَنُوا وَهَاجَرُوا وَجَاهَدُوا بِأَمْوَالِهِمْ وَأَنفُسِهِمْ فِي سَبِيلِ اللَّهِ وَالَّذِينَ آوَوا وَّنَصَرُوا أُولَٰئِكَ بَعْضُهُمْ أَوْلِيَاءُ بَعْضٍ ۚ وَالَّذِينَ آمَنُوا وَلَمْ يُهَاجِرُوا مَا لَكُم مِّن وَلَايَتِهِم مِّن شَيْءٍ حَتَّىٰ يُهَاجِرُوا ۚ وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ إِلَّا عَلَىٰ قَوْمٍ بَيْنَكُمْ وَبَيْنَهُم مِّيثَاقٌ ۗ وَاللَّهُ بِمَا تَعْمَلُونَ بَصِيرٌ(72)

 Pellet, ɓen gomɗimɓe, ɓe feri ɓe tiiɗnorii jawle maɓɓe e wonkiiji maɓɓe fii laawol Alla, e ɓen weernu ɓe walli (ɓe); ɓen ɗon yoga maɓɓe ko wallooɓe yoga. Ɓen non gomɗimɓe kono ɓe feraali, alanaa on wallugol ɓe hay e huunde haa ɓe fera. Si ɓe wallinorii on ka diina, no fawii on wallitagol (ɓe), si wanaa hara ko e yimɓe ɓe ahadi woni hakkunde mon e maɓɓe. Alla ko reenuɗo ko golloton kon

وَالَّذِينَ كَفَرُوا بَعْضُهُمْ أَوْلِيَاءُ بَعْضٍ ۚ إِلَّا تَفْعَلُوهُ تَكُن فِتْنَةٌ فِي الْأَرْضِ وَفَسَادٌ كَبِيرٌ(73)

 Ɓen yedduɓe, yoga maɓɓe ko wallooɓe yoga. Si on wɗaali ɗum [ko Mi ɗaɓɓiri on wallugol gomɗimɓe ɓen ayra e heeferɓe ɓen], wonay fitina ka leydi e bone mawɗo

وَالَّذِينَ آمَنُوا وَهَاجَرُوا وَجَاهَدُوا فِي سَبِيلِ اللَّهِ وَالَّذِينَ آوَوا وَّنَصَرُوا أُولَٰئِكَ هُمُ الْمُؤْمِنُونَ حَقًّا ۚ لَّهُم مَّغْفِرَةٌ وَرِزْقٌ كَرِيمٌ(74)

 Ɓen gomɗimɓe, ɓe feri ɓe tiiɗnii e laawol Alla ngol, e ɓen weernu ɓe walli (ɓe); ko ɓen woni gomɗimɓe goonga ɓen: no woodani ɓe haforanal e arsike tedduɗo

وَالَّذِينَ آمَنُوا مِن بَعْدُ وَهَاجَرُوا وَجَاهَدُوا مَعَكُمْ فَأُولَٰئِكَ مِنكُمْ ۚ وَأُولُو الْأَرْحَامِ بَعْضُهُمْ أَوْلَىٰ بِبَعْضٍ فِي كِتَابِ اللَّهِ ۗ إِنَّ اللَّهَ بِكُلِّ شَيْءٍ عَلِيمٌ(75)

 Ɓen gomɗimɓe ɓaawo (ɗum), ɓe feri ɓe tiiɗnodii e mon, ɓen ɗon ko jeyaaɓe e mon. Joomiraaɓe enɗammaaji ɓen (ko) yoga maɓɓe ɓuri hanndude e yoga ka Deftere Alla. Pellet, Alla ko Annduɗo kala huunde


More surahs in Fulah:
Al-Baqarah Al-'Imran An-Nisa'
Al-Ma'idah Yusuf Ibrahim
Al-Hijr Al-Kahf Maryam
Al-Hajj Al-Qasas Al-'Ankabut
As-Sajdah Ya Sin Ad-Dukhan
Al-Fath Al-Hujurat Qaf
An-Najm Ar-Rahman Al-Waqi'ah
Al-Hashr Al-Mulk Al-Haqqah
Al-Inshiqaq Al-A'la Al-Ghashiyah

Download surah Al-Anfal with the voice of the most famous Quran reciters :

surah Al-Anfal mp3 : choose the reciter to listen and download the chapter Al-Anfal Complete with high quality
surah Al-Anfal Ahmed El Agamy
Ahmed Al Ajmy surah Al-Anfal Bandar Balila
Bandar Balila surah Al-Anfal Khalid Al Jalil
Khalid Al Jalil surah Al-Anfal Saad Al Ghamdi
Saad Al Ghamdi surah Al-Anfal Saud Al Shuraim
Saud Al Shuraim surah Al-Anfal Abdul Basit Abdul Samad
Abdul Basit surah Al-Anfal Abdul Rashid Sufi
Abdul Rashid Sufi surah Al-Anfal Abdullah Basfar
Abdullah Basfar surah Al-Anfal Abdullah Awwad Al Juhani
Abdullah Al Juhani surah Al-Anfal Fares Abbad
Fares Abbad surah Al-Anfal Maher Al Muaiqly
Maher Al Muaiqly surah Al-Anfal Muhammad Siddiq Al Minshawi
Al Minshawi surah Al-Anfal Al Hosary
Al Hosary surah Al-Anfal Al-afasi
Mishari Al-afasi surah Al-Anfal Yasser Al Dosari
Yasser Al Dosari


Saturday, May 4, 2024

لا تنسنا من دعوة صالحة بظهر الغيب