Йа Син сүрөсү pdf Кыргызча

PDF —

83 Аят Meccan PDF

Built right in your browser — download starts automatically

Йа Син сүрөсү pdf — Жүктөө (Кыргызча)

Йа Син сүрөсү pdf Кыргызча — Жүктөө Йа Син сүрөсү Котормо. Йа Син сүрөсү (Meccan) 83 Аят.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Йа Син сүрөсү

83 Аят · Meccan · Кыргызча

ﭬﭭ

36:1 Йа,Син

ﭮﭯﭰ

36:2 Даанышман Кураанга ант

ﭱﭲﭳﭴ

36:3 Сенчынында, пайгамбарлардансың

ﭵﭶﭷﭸ

36:4 Туура Жол үстүндөгү

ﭹﭺﭻﭼ

36:5 (Кураан) Ырайымдуу, Кудуреттүүнүн түшүргөнү

ﭽﭾﭿﮀﮁﮂﮃﮄ

36:6 коом(уң)ду эскертишиң үчүн. Алардын ата-бабалары (эч бир пайгамбар тарабынан) эскертилген эмес, өздөрү да наадан-билимсиз адамдар эле

ﮅﮆﮇﮈﮉﮊﮋﮌﮍ

36:7 Алардын көпчүлүгүнө сөз (азап келиши) акыйкат болуп калды. Эми алар ыйман келтиришпейт

ﮎﮏﮐﮑﮒﮓﮔﮕﮖﮗﮘ

36:8 Бизалардын моюндарына ээктерине чейин кишен ороп койгонбуз. Анан алар какайып (ийиле албай) калышкан

ﮙﮚﮛﮜﮝﮞﮟﮠﮡﮢﮣﮤﮥ

36:9 Бизалардын алдынан, артынан (ыймандан тосо турган) тосмолорду коюп, эч нерсени көрө албай турган кылып (наадандык пардасы менен) ороп салдык

ﮦﮧﮨﮩﮪﮫﮬﮭﮮ

36:10 Эми аларды эскертесиңби же эскертпейсиңби — айырмасы жок: ыйман келтиришпейт

ﮯﮰﮱﯓﯔﯕﯖﯗﯘﯙﯚﯛﯜﯝ

36:11 (О, Мухаммад!) Сен Зикирге (Кураан акыйкатына) ээрчиген жана кайыптагы (көрүнбөгөн) Рахмандан корккон кишини гана эскерте аласың. Сен ага (Аллаһ тарабынан боло турган) кечиримдин жана улук сооп-сыйлыктын кубанычтуу кабарын бер

ﯞﯟﯠﯡﯢﯣﯤﯥﯦﯧﯨﯩﯪﯫﯬﯭ

36:12 Албетте Биз өлүктөрдү (кайрадан) тирилтебиз жана мурда жасаган иштерин, (өзүнөн калган) издерин жазып койобуз. Жана Биз бардык нерсени Анык Китепте! (алдын ала) эсептеп койгонбуз

ﭑﭒﭓﭔﭕﭖﭗﭘﭙ

36:13 Жана сен аларга (мушриктерге) каапыр шаардын элдерин мисалга тарт: Бир кезде ал шаарга пайгамбарлар келди.”

ﭚﭛﭜﭝﭞﭟﭠﭡﭢﭣﭤﭥ

36:14 Биз аларга (элчилерден) экөөсүн жибергенибизде, экөөнү тең «жалганчы» дешти. Анан үчүнчүсү менен кубаттадык. Алар «Чынында, биз силерге жиберилген элчилер болобуз»-дешти

ﭦﭧﭨﭩﭪﭫﭬﭭﭮﭯﭰﭱﭲﭳﭴﭵ

36:15 (Каапырлар) айтышты: «Силер (элчи) эмес, өзүбүз сыяктуу эле адамсыңар. Рахман (Аллаһ) силерге эч нерсе түшүргөн эмес! Силер жалган сүйлөп жатасыңар!»

ﭶﭷﭸﭹﭺﭻﭼ

36:16 Алар айтышты: «Раббибиз билет, биз чындап силерге жиберилген элчилербиз

ﭽﭾﭿﮀﮁﮂ

36:17 Биздин вазыйпабыз (силерге акыйкатты) анык жеткирип коюудан гана турат»

ﮃﮄﮅﮆﮇﮈﮉﮊﮋﮌﮍﮎﮏﮐ

36:18 (Каапырлар) айтышты: «Биз силерден (каражолтой деп) ырым кылып жатабыз. Эгер (дааватыңарды) токтотпосоңор силерди ташбараңга алабыз жана бизден (силерге) жан ооруткан азап жетип калат!»

ﮑﮒﮓﮔﮕﮖﮗﮘﮙﮚﮛﮜ

36:19 «Ырымыңар өзүңөргө «сыйлоо»! Эмне, эгер (биз себептүү) эскертилсеңер эле (ошенте бере-сиңерби)?! Жок! Силер чектен чыккан эл экенсиңер!»-дешти (пайгамбарлар)

ﮝﮞﮟﮠﮡﮢﮣﮤﮥﮦﮧ

36:20 (Ошондо) шаардын наркы четинен бир адам чуркап келип: «О, коомум! пайгамбарларды ээрчигиле

ﮨﮩﮪﮫﮬﮭﮮﮯ

36:21 Өздөрү Туура Жол үстүндө болуп (силерди ошол жолго чакырганы үчүн) акы сурабаган кишилерди ээрчигиле!»-деди. (Мушриктер аны курчап алып: «Сен жалгыз кудайга сыйынып калдыңбы?»-деп кыйнаганда, мындай жооп берди)

ﮰﮱﯓﯔﯕﯖﯗﯘﯙ

36:22 «Эмне үчүн мен өзүмдү (жоктон) бар кылган Кудайга ибадат кылбайт экенмин?! Силер дагы Ага кайтарыласыңар

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ

36:23 Андан башкаларды кудай кылып алайынбы?! Эгер мага Рахман бир зыян (жеткирүүнү) кааласа, мага алардын шапаат-ортомчулуктары эч кандай пайда бербейт жана алар мени куткара да алышпайт

ﯪﯫﯬﯭﯮﯯ

36:24 (Эгер Аллаһтан башканы кудай кылып алсам) анда мен анык адашууда болуп каламын

ﯰﯱﯲﯳﯴ

36:25 Мен силердин (чыныгы) Раббиңерге ыйман келтирдим, мени уккула!». (Анан мушриктер аны өлтүрүп коюшат. Шейит болуп, Раббисинин алдына барганда, ага)

ﯵﯶﯷﯸﯹﯺﯻﯼﯽ

36:26 айтылды: «Бейишке Кир»! Ал киши айтты: «Кана эми, менин коомум билсе

ﯾﯿﰀﰁﰂﰃﰄﰅ

36:27 Раббим мени кечиргенин жана урматтуу адамдардан кылганын!»

ﭑﭒﭓﭔﭕﭖﭗﭘﭙﭚﭛﭜﭝﭞﭟ

36:28 Анын (өлтүрүлгөн мусулмандын) артынан Биз (каапыр) коомдун үстүнө асмандан (периштелерден куралган) аскерлерибизди түшүрбөдүк. Түшүрбөйт да болчубуз

ﭠﭡﭢﭣﭤﭥﭦﭧﭨ

36:29 (Себеби:) Бир гана ач айкырык болду! Анан.., бардыгы (өлүп, кыйрап) тынып калышты

ﭩﭪﭫﭬﭭﭮﭯﭰﭱﭲﭳﭴﭵ

36:30 Кайран гана пенделер! (Айып өздөрүндө!) Аларга бир пайгамбар келсе эле (дароо) шылдыңдай башташат

ﭶﭷﭸﭹﭺﭻﭼﭽﭾﭿﮀﮁ

36:31 Көрүшпөйбү, Биз алардан мурун нечендеген (каапыр) муундарды кыйратып салдык! Эми алар өздөрүнө (бул дүйнөгө) кайтып келишпейт

ﮂﮃﮄﮅﮆﮇﮈ

36:32 Албетте, алардын (кыйрагандардын) бардыгы (Кыяматта) Биздин алдыбызда (суроо-жооп үчүн) даяр турушат

ﮉﮊﮋﮌﮍﮎﮏﮐﮑﮒﮓ

36:33 Аларга (кудуретибизден дагы бир) белги-өлүк жер. Биз аны (жамгыр менен) тирилттик жана андан данды (өндүрүп) чыгардык. Эми, ошондон жеп жатышат

ﮔﮕﮖﮗﮘﮙﮚﮛﮜﮝﮞ

36:34 Жана Биз жерде курмалардан, жүзүмдөрдөн бак-бостондорду жараттык. Жана анын боорун жарып, булактарды чыгардык

ﮟﮠﮡﮢﮣﮤﮥﮦﮧﮨ

36:35 Ошол бактардын мөмөсүнөн жесин деп. Ал мөмөлөрдү алардын колу жасаган жок! Шүгүр кылышпайбы, эми

ﮩﮪﮫﮬﮭﮮﮯﮰﮱﯓﯔﯕﯖﯗ

36:36 Жер өстүрүп чыгарган нерселерден, өздөрүнөн жана өздөрү да билбеген (көп) нерселерден бардык жуп-жубайларды жараткан Аллаһ — Аруу,Таза

ﯘﯙﯚﯛﯜﯝﯞﯟﯠﯡ

36:37 Аларга (дагы бир) белги — түн. Биз андан күндүздү сыйрып алаарыбыз менен, алар караңгыда калышат

ﯢﯣﯤﯥﯦﯧﯨﯩﯪﯫ

36:38 (Дагы бир белги —) Күн, өзүнө белгиленген орунда гана (айланып) жүрөт. Бул — Кудуретүү, Билүүчүнүн тагдыр кылганы

ﯬﯭﯮﯯﯰﯱﯲﯳ

36:39 Биз Айга да, курманын эски шиңгили сыяктуу болуп (ийрейип) калганга чейин бир нече орундарды белгилеп койгонбуз

ﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄ

36:40 Күн (өз айлануусунда) Айга жетиши мүмкүн эмес, түн дагы күндүздөн озуп кете албайт.! Бардыгы асманда сүзүп жүрүшөт

ﭑﭒﭓﭔﭕﭖﭗﭘﭙ

36:41 Аларга (дагы бир) белги: (Нухтун доорунда) Биз алардын урпактарын (айбандар жана ыймандуу адамдар менен) толтурулган кемеде (топон суунун бетине) көтөрүп койгонубуз

ﭚﭛﭜﭝﭞﭟﭠ

36:42 Дагы (бир белги) Биз аларга ошол кеме сыяктуу (бирок, башка түрдөгү) мине турган нерселерди жаратып бердик

ﭡﭢﭣﭤﭥﭦﭧﭨﭩﭪ

36:43 Эгер кааласак Биз аларды (кеме менен сапарга чыккан араб мушриктерин) чөктүрүп жиберебиз. Кийин аларга эч бир жардамчы болбойт жана куткарылышпайт

ﭫﭬﭭﭮﭯﭰﭱ

36:44 (Бирок, качан) Биз тараптан ырайым болсо жана белгилүү убакытка чейин пайдалануулары үчүн куткарылышы мүмкүн

ﭲﭳﭴﭵﭶﭷﭸﭹﭺﭻﭼﭽ

36:45 Эгер аларга алдыңардагы жана артыңардагы (азаптан) корккула, ажеп эмес ырайымына жолуксаңар деп айтылчу болсо, (такыр кулак салышпайт)

ﭾﭿﮀﮁﮂﮃﮄﮅﮆﮇﮈﮉ

36:46 Аларга Раббилеринин аят-белгилеринен бири келсе, андан да жүз бурушат

ﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢ

36:47 Эгер аларга: «Аллаһ ырыскы кылып берген нерселерден (муктаждарга) садака кылгыла»-деп айтылса, каапырлар момундарга: «Аллаһ Өзү тамактандырууну каалаган кишилерди биз тамактандырабызбы?! Силер анык адашууда экенсиңер!»-дешет

ﮣﮤﮥﮦﮧﮨﮩﮪ

36:48 Жана айтышат: «Эгер чынчыл болсоңор (айткылачы) бул убада (Кыямат) качан келет?»

ﮫﮬﮭﮮﮯﮰﮱﯓﯔ

36:49 Алар (эч нерседен бейкапар) өз ара жаңжалдашып турганда (жандарын) ала турган бир айкырыкты гана күтүп калышты.”

ﯕﯖﯗﯘﯙﯚﯛﯜ

36:50 (Аларга өлүм келгенде) осуят кылууга да үлгүрбөй калышат. Жана үй-бүлөлөрүнө да кайтып бара алышпайт

ﯝﯞﯟﯠﯡﯢﯣﯤﯥﯦﯧ

36:51 Жана (Кыяматта) Сур (кернейи экинчи ирет) тартылат. Кийин, капыстан алар Раббисине (сурак берүү үчүн) мүрзөлөрүнөн суурулуп чыгышат

ﯨﯩﯪﯫﯬﯭﯮﯯﯰﯱﯲﯳﯴﯵﯶ

36:52 (Жана) айтышат: «О, шорубуз! Бизди уйкубуздан (өлүмдөн) ким тургузду экен?! Бул Рахмандын (кайра тирилүү жөнүндөгү) убадасы турбайбы! пайгамбарлар туура сүйлөгөн экен!»

ﯷﯸﯹﯺﯻﯼﯽﯾﯿﰀﰁ

36:53 Бир гана айкырык (Сур кернейинин добушу) болот. Анан дароо алардын баары Биздин алдыбызда туруп калышат

ﰂﰃﰄﰅﰆﰇﰈﰉﰊﰋﰌﰍ

36:54 Ал күндө эч бир жан зулумдук көрбөйт. Жана силер өзүңөр жасаган ишиңерге гана ылайык жаза аласыңар

ﭑﭒﭓﭔﭕﭖﭗﭘ

36:55 Ал Күнү Бейиш элдери кубаныч менен гана алек

ﭙﭚﭛﭜﭝﭞﭟﭠ

36:56 Жубайлары менен көлөкөнүн астына коюлган сөрүлөрдө жөлөнүп отурушат

ﭡﭢﭣﭤﭥﭦﭧ

36:57 Ал жерде алар үчүн мөмөлөр, тилеген бардык нерселери бар

ﭨﭩﭪﭫﭬﭭ

36:58 Алардын Ырайымдуу Раббиси тарабынан «Салам» деген сөз (айтылат)

ﭮﭯﭰﭱﭲ

36:59 Эй, күнөөкөрлөр! Бул күндө силер (жакшылардан) бөлүнгүлө

ﭳﭴﭵﭶﭷﭸﭹﭺﭻﭼﭽﭾﭿﮀﮁﮂ

36:60 О, Адам урпактары! Мен силерге: «Шайтанга ибадат кылбагыла! Ал силерге анык душман

ﮃﮄﮅﮆﮇﮈﮉ

36:61 Өзүмө гана ибадат кылгыла! Туура Жол — ушул!» деп буюрбадым беле

ﮊﮋﮌﮍﮎﮏﮐﮑﮒﮓ

36:62 Ал силерден көп муундарды азгырып жиберди го! Акылыңарды иштетпейт белеңер

ﮔﮕﮖﮗﮘﮙ

36:63 Силерге убада кылынган тозок — ушул

ﮚﮛﮜﮝﮞﮟ

36:64 Каапыр болгонуңар себептүү бүгүн ага киргиле!»

ﮠﮡﮢﮣﮤﮥﮦﮧﮨﮩﮪﮫ

36:65 Ал күндө алардын оозуна мөөр басып койобуз. Бизге анын кылмыштары жөнүндө колдору сүйлөйт, буттары күбөлүк берет

ﮬﮭﮮﮯﮰﮱﯓﯔﯕﯖ

36:66 Жана эгер кааласак, көзүн тегиздеп (сокур кылып) койобуз. Анан Бейиш жолун издегенге шашылышат. Көрмөк кайда эми

ﯗﯘﯙﯚﯛﯜﯝﯞﯟﯠﯡ

36:67 Жана эгер кааласак аларды турган жеринде катырып койобуз. Алдыга басканга да артка кайтканга да кудурети келбей калат

ﯢﯣﯤﯥﯦﯧﯨﯩﯪ

36:68 Биз кимге узун өмүр берсек, анын түзүлүшүн начар кылып койобуз. Акылдарын иштетишпейби

ﯫﯬﯭﯮﯯﯰﯱﯲﯳﯴﯵﯶﯷﯸ

36:69 Биз ага (Мухаммадга) ыр үйрөткөнүбүз жок. (Акын болуу) ага ылайык эмес. Ал (Мухаммад окуган нерселер) Зикир (эскертүү) жана анык Кураан

ﯹﯺﯻﯼﯽﯾﯿﰀﰁ

36:70 Тирүү адамдарды эскертүү үчүн жана каапырларга (азап жөнүндөгү өкүм) сөздү чындыкка чыгаруу үчүн (түшүрүлгөн эскертүү)

ﭑﭒﭓﭔﭕﭖﭗﭘﭙﭚﭛﭜﭝ

36:71 Алар көрбөй жатышабы, Биз алар үчүн Өз Колубуз жасаган нерселерден чарба айбандарын жаратып, колдоруна мүлк кылып бердик

ﭞﭟﭠﭡﭢﭣﭤ

36:72 Жана аларга ал(айбанд)арды моюн сундуруп бердик. Алардан арасынан мингендери бар, этин жегендери бар

ﭥﭦﭧﭨﭩﭪﭫﭬ

36:73 Жана аларда пайдалар (айран, сүт сыяктуу) ичимдиктер бар. Шүгүр кылышпайбы?! (Шүгүр кылмак кайда! Кайра, ошол нерселерди Аллай эмес, арбактар, бут-статуялар жаратып бергенсип)

ﭭﭮﭯﭰﭱﭲﭳﭴ

36:74 Аллаһтан башка нерселерди кудай кылып алышты. Алардан жардам болсо кана

ﭵﭶﭷﭸﭹﭺﭻﭼ

36:75 («Кудайлары») аларга жардам берүүгө кудуреттүү эмес!. (Бирок ошого карабай) аларга даярдалган аскерлер (сыяктуу кызматын кылып, сыйына беришет)

ﭽﭾﭿﮀﮁﮂﮃﮄﮅﮆﮇ

36:76 (О, пайгамбар!) Сени алардын сөздөрү кайгыга салбасын. Биз алардын жашыруун, ашкере иштерин билип турабыз

ﮈﮉﮊﮋﮌﮍﮎﮏﮐﮑﮒﮓ

36:77 Инсан билбейби, Биз аны (бир тамчы) суудан жараттык эле, анан капыстан Бизге анык душман болуп чыга келди

ﮔﮕﮖﮗﮘﮙﮚﮛﮜﮝﮞﮟﮠ

36:78 Жана, өзүнүн (эмнеден) жаралганын унутуп, (чириген сөөктү колуна кармап): «Сөпөт болгон сөөктү ким (кайрадан) тирилте алат?»-деп, Бизге (каршы) мисал келтирет

ﮡﮢﮣﮤﮥﮦﮧﮨﮩﮪﮫﮬ

36:79 Айткын: «Аны биринчи ирет (оболу топурактан, анан бел суудан) жараткан Кудай (кайра дагы ошол топурактан) тирилтет. Ал ар бир макулукту (кандай жаратаарын жакшы) билет

ﮭﮮﮯﮰﮱﯓﯔﯕﯖﯗﯘﯙ

36:80 Ал силерге көк (жана ным) дарактан отун жасап берген.! Силер аны жагып жатасыңар

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ

36:81 Асмандарды жана Жерди жарата алган Зат алардын окшошун (экинчи ирет) жаратууга кудуреттүү эмеспи?? Жок! Кудуреттүү! Ал эң мыкты жаратуучу жана эң илимдүү

ﯪﯫﯬﯭﯮﯯﯰﯱﯲﯳﯴ

36:82 Эгер бир нерсени (жаратууну) кааласа, Анын иши «Бол!» деп айтуудан гана турат. Анан ал нерсе болуп калат

ﯵﯶﯷﯸﯹﯺﯻﯼﯽ

36:83 Бардык нерселердин бийлик-өкүмдарлыгы Өз колунда болгон Аллаһ (мушриктердин «жарата албайт» деген сыпаттоосунан) Таза! Бардыгыңар Өзүнө кайта-рыласыңар

Ыйык Куран

Wednesday, September 9, 2026

Don't forget us in your sincere prayers