Surja Ja Sin pdf Shqip

Surja Ja Sin

PDF —

83 Ajet Meccan PDF

Built right in your browser — download starts automatically

Surja Ja Sin pdf — Shkarko (Shqip)

Surja Ja Sin pdf Shqip — Shkarko Surja Ja Sin Përkthim. Ja Sin (Meccan) 83 Ajet.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surja Ja Sin

83 Ajet · Meccan · Shqip

ﭬﭭ

Jâ Sîn.

ﭮﭯﭰ

Pasha Kur’anin plotë dijeni,

ﭱﭲﭳﭴ

me të vërtetë, ti (o Muhammed!) je pejgamber,

ﭵﭶﭷﭸ

në rrugën e drejtë,

ﭹﭺﭻﭼ

me shpalljen e të Plotëfuqishmit, Mëshiruesit,

ﭽﭾﭿﮀﮁﮂﮃﮄ

që ta paralajmërosh popullin – paraardhësit e të cilit nuk ishin të paralajmëruar, prandaj (ata) kanë qenë të pakujdesshëm!

ﮅﮆﮇﮈﮉﮊﮋﮌﮍ

Me të vërtetë, u realizua Fjala (e dënimit) ndaj shumicës së tyre – e ata nuk besojnë.

ﮎﮏﮐﮑﮒﮓﮔﮕﮖﮗﮘ

Ne u vumë pranga në qafë, e ato u arrijnë deri në nënmjekërr, - andaj ata janë me kokë përpjetë,

ﮙﮚﮛﮜﮝﮞﮟﮠﮡﮢﮣﮤﮥ

dhe Ne, vumë perde para tyre dhe perde pas tyre, e i mbuluam, e ata nuk shohin,

ﮦﮧﮨﮩﮪﮫﮬﮭﮮ

dhe për ata është njëlloj, i paralajmërove oe nuk i paralajmërove, ata nuk besojnë.

ﮯﮰﮱﯓﯔﯕﯖﯗﯘﯙﯚﯛﯜﯝ

Me të vërtetë, paralajmërimi yt i sjell dobi vetëm atij që ndjek Këshillën (Kur’anin) dhe i druan Mëshiruesit dhe fshehtas (pa e parë); e sihariqoje atë duke ia falë mëkatet dhe duke i dhënë shpërblim të begatshëm!

ﯞﯟﯠﯡﯢﯣﯤﯥﯦﯧﯨﯩﯪﯫﯬﯭ

Ne, me të vërtetë, i ringjallim të vdekurit, shënojmë veprat që i kanë paraqitur dhe gjurmët e tyre, e Ne i numërojmë të gjitha ato në Librin e qartë.

ﭑﭒﭓﭔﭕﭖﭗﭘﭙ

Përmendju atyre shembullin e banorëve të qytetit, kur u erdhën atyre pejgamberët;

ﭚﭛﭜﭝﭞﭟﭠﭡﭢﭣﭤﭥ

Kur Ne u dërguam atyre dy, e ata i konsideronin gënjeshtarë, madje i përforcuam me të tretin, e thanë: “Ne, me të vërtetë, jemi dërguar te ju!”

ﭦﭧﭨﭩﭪﭫﭬﭭﭮﭯﭰﭱﭲﭳﭴﭵ

Ata (banorët e qytetit), ju thanë: “Ju jeni vetëm njerëz si ne, e Bamirësi nuk ju ka zbritur asgjë; ju vetëm gënjeni”.

ﭶﭷﭸﭹﭺﭻﭼ

Thanë (pejgamberët): “Zoti ynë e di që ne, me të vërtetë, jemi dërguar pejgamberë te ju,

ﭽﭾﭿﮀﮁﮂ

dhe se jemi të obliguar vetëm që të shpallim qartë”.

ﮃﮄﮅﮆﮇﮈﮉﮊﮋﮌﮍﮎﮏﮐ

Thanë (banorët): “Ne parandjejmë fatkeqësi nga ju; e nëse nuk frenoheni, do t’ju gjuamë me gurë dhe me siguri do t’ju godas dënimi i dhembshëm prej nesh”.

ﮑﮒﮓﮔﮕﮖﮗﮘﮙﮚﮛﮜ

Thanë (pejgamberët): “Fatkeqësia juaj është me ju. Vallë, a për atë që jeni këshilluar (e konsideroni fatkeqësi)? Jo, (por) ju jeni popull që kaloni kufirin në të këqia”.

ﮝﮞﮟﮠﮡﮢﮣﮤﮥﮦﮧ

E, erdhi një njeri nga periferia e qytetit – duke nxituar dhe tha: “O populli im, pasoni pejgamberët;

ﮨﮩﮪﮫﮬﮭﮮﮯ

pasoni ata, që nuk kërkojnë prej jush kurrfarë shpërblimi, e ata janë në rrugën e drejtë!

ﮰﮱﯓﯔﯕﯖﯗﯘﯙ

Pse të mos e adhuroj unë Ate, i cili më ka krijuar. E, te Ai do të ktheheni ju.

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ

Vallë, a marr unë tjetër zot – pos Atij? Nëse Bamirësi i Gjithëmbarshëm dëshiron të më godas me ndonjë të keqe, - ndërmjetësimi i tyre nuk do të më sjell kurrfarë dobie, e as që do të munden të më shpëtojnë ata.

ﯪﯫﯬﯭﯮﯯ

Unë, atëherë – me siguri, do të jem në humbje të plotë.

ﯰﯱﯲﯳﯴ

Unë, me të vërtetë, i kam besuar Zotit tuaj, andaj, më dëgjoni!”

ﯵﯶﯷﯸﯹﯺﯻﯼﯽ

I thuhet atij: “Hyn në xhennet!” Ai tha: “Ah, sikur ta dinte populli im,

ﯾﯿﰀﰁﰂﰃﰄﰅ

për çka më fali (nga mëkatet) Zoti im dhe më bëri të nderuar!”

ﭑﭒﭓﭔﭕﭖﭗﭘﭙﭚﭛﭜﭝﭞﭟ

Dhe, Ne nuk i kemi dërguar kurrfarë ushtrie (nga qielli) popullit të tij – pas tij, dhe Ne nuk kemi dërguar asgjë,

ﭠﭡﭢﭣﭤﭥﭦﭧﭨ

vetëm një zë të tmerrshëm, e u shuan përnjëherësh.

ﭩﭪﭫﭬﭭﭮﭯﭰﭱﭲﭳﭴﭵ

Ah, sa mjerim për ata njerëz! Kurdo që u vinte ndonjë pejgamber, ata nuk bënin tjetër, por vetëm talleshin me te.

ﭶﭷﭸﭹﭺﭻﭼﭽﭾﭿﮀﮁ

Vallë, a nuk panë ata se sa e sa gjenerata para tyre i kemi shkatërruar, e nuk u kthyen,

ﮂﮃﮄﮅﮆﮇﮈ

e të gjithë ata do të paraqiten bashkërisht te Ne.

ﮉﮊﮋﮌﮍﮎﮏﮐﮑﮒﮓ

E, dëshmi për ta – është toka e vdekur; Ne e ngjallim atë, dhe nga ajo nxjerrim kokrra (drithëra), me të cilat ushqeheni.

ﮔﮕﮖﮗﮘﮙﮚﮛﮜﮝﮞ

Ne kemi krijuar në tokë kopshte hurmesh dhe vreshta, - dhe kemi bërë në të burime uji,

ﮟﮠﮡﮢﮣﮤﮥﮦﮧﮨ

që ata t’i hanë frutet e tyre dhe nga ato që i punojnë duart e tyre; e përse ata nuk duan të jenë mirënjohës?

ﮩﮪﮫﮬﮭﮮﮯﮰﮱﯓﯔﯕﯖﯗ

Qoftë lavdëruar Ai që i ka krijuar të gjitha llojet (gjinitë): çka binë prej tokës, dhe nga ata vetë (njerëzit) dhe nga ajo që ata nuk dinë!

ﯘﯙﯚﯛﯜﯝﯞﯟﯠﯡ

Dhe, argument për ta është nata: Na e menjanojmë (dritën) e ditës dhe atëherë – ata mbetën në errësirë.

ﯢﯣﯤﯥﯦﯧﯨﯩﯪﯫ

Dhe Dielli sillet deri në kufirin e vet të caktuar. Kjo është dispozitë e të Plotëfuqishmit dhe Gjithëdijshmit.

ﯬﯭﯮﯯﯰﯱﯲﯳ

Dhe Hënës ia kemi caktuar pozitat; ajo kthehet (duke qenë e plotë) e bëhet si rremi (i hollë) i vjetër i hurmës.

ﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄ

As Dielli nuk mund ta arrijë Hënën, e as nata (Hëna) nuk mund ta kalojë ditën (Diellin); të gjitha lundrojnë në hapsirën qiellore (ose: çdo trup qiellor lëvizë).

ﭑﭒﭓﭔﭕﭖﭗﭘﭙ

Dhe argument për ta është që pasardhësit e tyre i ngarkuam në anije përplot,

ﭚﭛﭜﭝﭞﭟﭠ

dhe, për ta, Ne krijuam bartëse të ngjashme me anijen në të cilën hipin (e udhëtojnë).

ﭡﭢﭣﭤﭥﭦﭧﭨﭩﭪ

Dhe, po të duam Ne, ata i fundosim; andaj – as nuk do të mund t’u ndihmojë kush, as nuk do të mund të shpëtojnë,

ﭫﭬﭭﭮﭯﭰﭱ

përpos me mëshirën Tonë dhe të kënaqen deri në një kohë.

ﭲﭳﭴﭵﭶﭷﭸﭹﭺﭻﭼﭽ

E, kur atyre u thuhet: “Druajuni asaj (dënimit) që keni para jush (në këtë botë) dhe atë që është pas jush (botën tjetër), për të qenë të mëshiruar...”

ﭾﭿﮀﮁﮂﮃﮄﮅﮆﮇﮈﮉ

Dhe, atyre nuk u vinte asnjë argument nga argumentet e Zotit të tyre, e që ata të mos shmangeshin nga ato.

ﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢ

E, kur atyre ju thuhet: “Jepni nga ato me të cilat Perëndia u ka furnizuar juve”, - e atëherë, mohuesit u thonë besimtarëve: “Vallë, a ne t’i ushqejmë ata, të cilët do t’i ushqente Perëndia – po të donte? Me të vërtetë, ju jeni në humbje të qartë!”

ﮣﮤﮥﮦﮧﮨﮩﮪ

Dhe, ata (mohusit) thonë: “Kur do të realizohet ky premtim, nëse thoni të vërtetën?”

ﮫﮬﮭﮮﮯﮰﮱﯓﯔ

Ata presin vetëm një zë të tmerrshëm, që do t’i kaplojë duke u grindur njëri me tjetrin,

ﯕﯖﯗﯘﯙﯚﯛﯜ

E, ata nuk do të mund t’i kryejnë porositë e as të kthehen te familja e tyre.

ﯝﯞﯟﯠﯡﯢﯣﯤﯥﯦﯧ

Dhe, do të fryhet në Sur, e ata do të dalin nga varret dhe nxitojnë kah Zoti i tyre,

ﯨﯩﯪﯫﯬﯭﯮﯯﯰﯱﯲﯳﯴﯵﯶ

duke thënë: “Kuku për ne! kush na ngjalli (çoi) prej shtretërve tanë?” (Ju thuhet): “Ja, kjo është ajo që e ka premtuar Mëshiruesi i Madh, e pejgamberët e kanë thënë të vërtetën!

ﯷﯸﯹﯺﯻﯼﯽﯾﯿﰀﰁ

Do të jetë ai vetëm një zë i tmerrshëm, e ata të gjithë (përnjëherë) do të prezentohen para Nesh.

ﰂﰃﰄﰅﰆﰇﰈﰉﰊﰋﰌﰍ

Ja, sot (në këtë ditë), askujt nuk do t’i bëhet ndonjë padrejtësi, dhe ju do të shpërbleheni vetëm për atë që keni punuar.

ﭑﭒﭓﭔﭕﭖﭗﭘ

Atë ditë, me të vërtetë, banorët e Xhennetit janë të angazhuar me kënaqësi,

ﭙﭚﭛﭜﭝﭞﭟﭠ

ata dhe gratë e tyre janë në hije (fllade), të mbështetur në kolltuqe,

ﭡﭢﭣﭤﭥﭦﭧ

në të (xhennet) – për ta, ka pemë dhe çdo gjë që dëshirojnë.

ﭨﭩﭪﭫﭬﭭ

“Selam!” – (përshëndetën ata) me fjalë prej Zotit Mëshirues, -

ﭮﭯﭰﭱﭲ

(u thuhet): “e veçohuni sot ju, o mëkatarë!”

ﭳﭴﭵﭶﭷﭸﭹﭺﭻﭼﭽﭾﭿﮀﮁﮂ

Vallë, a nuk ju kam urdhëruar, o bijtë e Ademit, që të mos e adhuroni djallin, se ai, me të vërtetë, është armik i përbetuar i juaji,

ﮃﮄﮅﮆﮇﮈﮉ

por vetëm Mua më adhuroni! Kjo është rrugë e drejtë.

ﮊﮋﮌﮍﮎﮏﮐﮑﮒﮓ

Ai (djalli), me të vërtetë, ka humbur shumë grupe njerëzish prej jush, e vallë, a nuk keni menduar!

ﮔﮕﮖﮗﮘﮙ

(U thuhet atyre): “Ky është xhehennemi, që u është premtuar,

ﮚﮛﮜﮝﮞﮟ

kalluni (digjuni) tani në të (xhehennem), ngase nuk keni besuar!”

ﮠﮡﮢﮣﮤﮥﮦﮧﮨﮩﮪﮫ

Sot, Ne do t’u vulosim gojët e tyre, e do të flasin duart e tyre dhe do të dëshmojnë këmbët e tyre për atë që kanë fituar.

ﮬﮭﮮﮯﮰﮱﯓﯔﯕﯖ

Sikur të donim Ne, Ne do t’ju vërbonim sytë atyre duke ua rrafshur fytyrën, e ata do ta kërkonin rrugën; po, vallë si do të shihnin?

ﯗﯘﯙﯚﯛﯜﯝﯞﯟﯠﯡ

Dhe, sikur të kishim dashur, Ne do t’i kishim shndërruar ata (prej krijese njerëzore në krijesa tjera) në atë moment, e ata nuk do të mund as të shkonin e as të ktheheshin.

ﯢﯣﯤﯥﯦﯧﯨﯩﯪ

Kujt i japim jetë të gjatë, Na ia ndryshojmë strukturën e tij. E, vallë, a nuk kuptojnë ata?

ﯫﯬﯭﯮﯯﯰﯱﯲﯳﯴﯵﯶﯷﯸ

Na, atij (Muhammedit) nuk ia mësuam poetikën, e as që ajo është për te. Këtë (që e ka sjellë) është vetëm këshillë dhe Kur’ani i qartë,

ﯹﯺﯻﯼﯽﯾﯿﰀﰁ

për ta paralajmëruar atë që është i gjallë (i mençur), dhe për t’u realizuar fjala (dënimi) ndaj mohuesve.

ﭑﭒﭓﭔﭕﭖﭗﭘﭙﭚﭛﭜﭝ

Vallë, a nuk shohin ata, se Ne për ta i kemi krijuar shtazët – me mjeshtrinë Tonë, e ata i posedojnë!

ﭞﭟﭠﭡﭢﭣﭤ

dhe bëmë që ato t’u nënshtrohen atyre – disa i shalojnë e prej disave ushqehen,

ﭥﭦﭧﭨﭩﭪﭫﭬ

dhe nga ato kanë shumë dobi, dhe pije (qumështi). E, vallë, si nuk falenderohen!

ﭭﭮﭯﭰﭱﭲﭳﭴ

Dhe, ata pos Perëndisë, kanë besuar në zotëra tjerë, duke shpresuar se do t’u ndihmojnë ata (idhujt);

ﭵﭶﭷﭸﭹﭺﭻﭼ

mirëpo, ata nuk mund t’u ndihmojnë atyre, dhe ata janë për ta një ushtri e pranishme (në ferr).

ﭽﭾﭿﮀﮁﮂﮃﮄﮅﮆﮇ

Dhe, mos të pikëllojnë ty fjalët e tyre! Na, me të vërtetë, i dimë ato që i fshehin ata dhe çka shpallin.

ﮈﮉﮊﮋﮌﮍﮎﮏﮐﮑﮒﮓ

A nuk sheh njeriu se si Ne e krijuam atë prej pikës së ujit (farës – spermës), e megjithatë, ai është kundërshtar i hapët,

ﮔﮕﮖﮗﮘﮙﮚﮛﮜﮝﮞﮟﮠ

dhe ai na sjell shembull, e harron krijimin e vet. Thotë: “Kush do t’i ngjallë eshtrat duke qenë ato të kalbura (shkapërderdhura)?”

ﮡﮢﮣﮤﮥﮦﮧﮨﮩﮪﮫﮬ

Thuaj: “Do t’i ngjallë Ai që i krijoi për herë të parë; Ai i di të gjitha ato që i ka krijuar,

ﮭﮮﮯﮰﮱﯓﯔﯕﯖﯗﯘﯙ

(Ai), i cili e bër për ju – prej drurit të njomë – zjarrin dhe ju prej ti ndizni”.

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ

Vallë, a nuk është i pushtetshëm ai që krijoi qiejt dhe Tokën – të krijoi qenie të ngjashme (të ringjallë pas vdekjes)? Po, me të vërtetë, Ai është Krijues i çdo gjëje dhe i Gjithëdijshëm;

ﯪﯫﯬﯭﯮﯯﯰﯱﯲﯳﯴ

Dispozita e Tij (Perëndisë), kur dëshiron të bëjë diçka, është vetëm të thotë: “Bëhu!” – dhe ajo bëhet.

ﯵﯶﯷﯸﯹﯺﯻﯼﯽ

I lartësuar është Ai, në duart e të cilit është pushteti mbi çdo gjë! Dhe, tek Ai do të ktheheni!

Kurani Fisnik

Tuesday, August 18, 2026

Don't forget us in your sincere prayers