სურა იასინი pdf

36:1 ია სიინ

36:2 [მე, ალლაჰი] ვფიცავ ბრძენ ყურანს.

36:3 რომ შენ [ო, მუჰამმად], უეჭველად, შუამავალთაგანი ხარ.

36:4 სწორ გზაზე.

36:5 ზემოვლინებულია ძლევამოსილი, შემწყალებლისა,

36:6 რათა გააფრთხილო [შეაგონო] ხალხი, რომელთა მამები შენამდე არავის გაუფრთხილებია, და ამიტომ ისინი [არაბები] უგულისხმონი არიან.

36:7 და მე [ალლაჰი] ვფიცავ, რომ უკვე შესრულდა [დადასტურდა] სიტყვა მათ უმრავლესობაზე, ისე რომ ისინი არ ირწმუნებენ.

36:8 ჭეშმარიტად, ჩვენ დავადეთ მათ კისრებზე ბორკილები, და ისინი მათ ყბებამდე უჭერენ, და იძულებულნი არიან ზევით ასწიონ თავები.

36:9 და ჩვენ დავადგინეთ მათ წინ ბარიერი და მათ უკან ბარიერი [ისე, რომ ვერ გამოდიან ურწმუნოებიდან რწმენისკენ], და დავფარეთ ისინი, და ვერ ხედავენ.

36:10 და მათთვის სულერთია — გააფრთხილებ მათ თუ არ გააფრთხილებ; ისინი არ ირწმუნებენ.

36:11 შენ (ო, მუჰამმად) მხოლოდ იმათ შეაგონებ, ვინც მიჰყვა შეხსენებას [ყურანს] და ფარულად ეშინია მოწყალის. მაშ, ახარე მას (ალლაჰისგან) ცოდვების მიტევება და უხვი ჯილდო.

36:12 ჭეშმარიტად, ჩვენ გავაცოცხლებთ (ყველა) მკვდარს (აღდგომის დღეს) და ვიწერთ იმას, რაც მათ წინასწარ მოამზადეს, და მათ კვალს, და ყოველი რამ ჩვენ აღვრიცხეთ ნათელ წიგნში [დაცულ ფირფიტაზე].

36:13 მოუყვანე მათ მაგალითად დასახლების მცხოვრებთა ამბავი (რათა აქედან შეგონება მიიღონ): როდესაც მათთან მოვიდნენ გზავნილები.

36:14 აჰა, [ჯერ] ჩვენ გავუგზავნეთ მათ ორნი [შემგონებლები], და მათ უარყვეს ისინი [ორივე მოციქული] და ჩვენ გავამტკიცეთ მესამეთი, და მათ [სამივემ ერთად] უთხრეს: «ჭეშმარიტად, ჩვენ თქვენთან გამოგზავნილნი ვართ».

36:15 [სოფლის ბინადრებმა] თქვეს: «თქვენ მხოლოდ ადამიანები ხართ, ჩვენსავით. და არაფერიც არ გარდმოუვლენია მოწყალეს [ალლაჰს]. თქვენ მხოლოდ ტყუილს ლაპარაკობთ!»

36:16 [მოციქულებმა] თქვეს: «ჩვენმა უფალმა იცის, რომ ჩვენ თქვენთან უეჭველად გამოგზავნილნი ვართ.

36:17 და ჩვენზე [ალლაჰმა დააკისრა მოვალეობა] მხოლოდ [მოგაწოდოთ] ნათელი უწყება».

36:18 [სოფლის ბინადარნი] თქვეს: «ჭეშმარიტად, ჩვენ დავინახეთ თქვენში ცუდი ნიშანი! თუ არ შეიკავებთ თავს, მაშინ ჩვენ აუცილებლად ჩაგქოლავთ ქვებით და აუცილებლად შეგეხებათ [მოგიწევთ] ჩვენგან მტანჯველი სასჯელი».

36:19 [და მოციქულებმა] თქვეს: «თქვენი ცუდი ნიშნები თქვენთანვეა (და არა ჩვენგან). ნუთუ იმიტომ, რომ შეგაგონებენ?... დიახ, თქვენ ზღვარგადასული ხალხი ხართ».

36:20 და მოვიდა ქალაქის ბოლოდან [ერთი] კაცი აჩქარებული. [მან გაიგო, რომ სოფლის ბინადართ სურდათ დაესაჯათ ან მოეკლათ მოციქულნი]. მან თქვა: «ჰეი, ჩემო ხალხო! მიჰყევით მოციქულთ.

36:21 მიჰყევით მათ, ვინც არ გთხოვთ თქვენ საზღაურს [ჭეშმარიტებისკენ მოწოდებისთვის გადახდას] და ვინც ჭეშმარიტ გზაზეა.

36:22 და რატომ არ უნდა ვეთაყვანო იმას, ვინც შემქმნა მე და ვისთანაც თქვენ დაბრუნდებით?

36:23 ნუთუ მის გარდა [ალლაჰის გარდა] სხვა ღმერთებს ავირჩევ (თაყვანსაცემად), რომლებიც ვერაფერს შეძლებენ? თუ მოწყალე [ალლაჰი] ინებებს, რომ ზიანი მომაყენოს, მათი შუამდგომლობა ვერაფერს მიშველის და ვერც მიხსნიან.

36:24 მაშინ მე ნამდვილად აშკარა გზასაცდენილობაში ვიქნებოდი.

36:25 ჭეშმარიტად, მე ვირწმუნე თქვენი უფალი, მაშ მე მომისმინეთ ».

36:26 [მას შემდეგ, რაც ის მოკვდა] მას ეთქვა: «შედი სამოთხეში!» [და] მან თქვა [უკვე ნეტარებაში მყოფმა]: «ო, ნეტავ ჩემმა ხალხმა იცოდეს,

36:27 რომ ჩემმა უფალმა მაპატია და პატივდებულთა შორის გამხადა!»

36:28 ۞ და ჩვენ არ წარმოგვიგზავნია მისი ხალხის წინააღმდეგ (რომლებმაც მოკლეს იგი და არ მიიღეს ჭეშმარიტება) მის შემდეგ [მისი სიკვდილის შემდეგ] ზეციდან [ანგელოზთა] ჯარი, და არც ვიყავით ისეთნი, რომ (სასჯელად) ანგელოზები გამოგვეგზავნა.

36:29 და ის იყო მხოლოდ ერთი საშინელი ხმა და აჰა, ისინი გაცამტვერდნენ [დაიღუპნენ].

36:30 ვაი, იმ მონებს! არ მოსულა მათთან არც ერთი მოციქული, ვისზეც ისინი არ დასცინოდნენ.

36:31 ნუთუ ისინი [რომლებიც დასცინიან] ვერ ხედავდნენ, რამდენი თაობა (მათამდე) დავღუპეთ და რომ ისინი მათთან აღარ დაბრუნდებიან?

36:32 და ჭეშმარიტად, ყველა [სასჯელის დღეს] ერთად შეიკრიბებიან ჩვენთან.

36:33 და სასწაულია მათთვის [ურწმუნოთათვის] მკვდარი მიწა (რომელზეც არ იყო არავითარი მცენარე); ჩვენ გავაცოცხლეთ იგი და გამოვიყვანეთ იქიდან მარცვალი, რომლიდანაც მიირთმევენ ისინი.

36:34 და ჩვენ მოვაწყეთ მასზე [ამ მიწაზე, რომელიც მკვდარი იყო] ბაღები ფინიკებისა და ვაზისა [ვენახები] და ამოვუშვით მასზე [მიწაზე] წყარონი (რომლითაც ირწყვება ბაღები),

36:35 რათა მიირთვან მათი [ბაღების] ნაყოფიდან და ის, რაც გაამზადეს მათმა ხელებმა. ნუთუ ისინი არ იქნებიან მადლიერნი (ამ უსასრულო წყალობათა გამო)?

36:36 ყოვლად დიდებულია ის, რომელმაც შექმნა ყველა წყვილი იმისგან, რასაც მიწა ამოზრდის [მცენარეთაგან], და მათგანვე [კაცებისა და ქალებისგან], და იმისგან, რაც მათ არ იციან [ალლაჰის სხვა ქმნილებებისგან].

36:37 და ნიშანია მათთვის ღამე. ჩვენ ვხსნით [ვაშორებთ] მისგან დღეს, და აი – ისინი [ხალხი] უმალ სიბნელეში აღმოჩნდებიან.

36:38 და (ასევე ნიშანია მათთვის ის, რომ) მზე მიედინება თავისი საცხოვრისისკენ. ასეთი არის დადგენილება (ალლაჰის) ყოვლდაძლიერისა, ყოვლისმცოდნისა.

36:39 და (ასევე ნიშანია ის, რომ) მთვარე ჩვენ განვსაზღვრეთ მისი ფაზებით, ვიდრე ის (ახლიდან) არ დაბრუნდება (იმ სახით), როგორც ძველი ფინიკის ტოტი [როგორც ახალი მთვარე].

36:40 მზეს არ შეშვენის [არ შეუძლია], რომ დაეწიოს მთვარეს, და ვერც ღამე დაასწრებს დღეს, და თითოეული [მზე, მთვარე და ვარსკვლავები] თავის ორბიტაზე დაცურავს [მოძრაობს].

36:41 და სასწაულია მათთვის ის, რომ ჩვენ გადავიყვანეთ მათი შთამომავლობა დატვირთული კიდობანით [მოციქული ნუჰის/ნოეს].

36:42 და ჩვენ შევქმენით მათთვის მისი მსგავსიდან ის, რაზეც ისინი სხდებიან [მოგზაურობისთვის].

36:43 და თუ ვისურვებთ, დავახრჩობთ მათ და არავინ ეყოლებათ შემწე, და ისინი არ იქნებიან გადარჩენილნი.

36:44 გარდა ჩვენი მოწყალებითა და სარგებლად განსაზღვრულ ჟამამდე [სიკვდილამდე].

36:45 და როდესაც ეთქმებათ მათ [იმათ, ვინც არ იღებს ჭეშმარიტებას]: «გეშინოდეთ იმისა, რაც იყო თქვენამდე, და იმისა, რაც იქნება თქვენ შემდეგ [სასჯელის დღეს], რათა ეგების შეწყალებულ იქნეთ!»

36:46 და არ მოსდით მათ [ურწმუნოებს] არც ერთი ნიშანი [სასწაული] მათი უფლის ნიშნებიდან, რომ ისინი არ მიბრუნებულიყვნენ მათგან [ზურგი აქციეს ალლაჰის ნიშნებს/აიათებს].

36:47 და როდესაც ეუბნებიან მათ [იუდეველთ ან მრავალღმერთიანთ]: «გაიღეთ იქიდან (ქონებიდან), რომელიც ალლაჰმა მოგანიჭათ თქვენ [მიეცით ღარიბებს]!» – ისინი, რომლებიც გახდნენ ურწმუნონი, ეუბნებიან მორწმუნეთ: «ნუთუ ჩვენ დავაპუროთ ისინი, ვისაც ალლაჰს, რომ ესურვა, თვითონ დააპურებდა მათ ? თქვენ (მორწმუნენი) (როცა ამას გვიქადაგებთ) იმყოფებით მხოლოდ აშკარა გზააბნევაში».

36:48 და ამბობენ [ურწმუნოები]: «როდის დადგება ეს აღთქმა [განკითხვის დღე], თუკი მართალნი ხართ?»

36:49 ისინი არაფერს არ ელიან, გარდა ერთი შემაძრწუნებელი ხმისა [იმ საყვირის ხმა, სადაც ჩაბერავს ანგელოზი ისრაფილი], (როდესაც დასრულდება ეს სამყარო). ის (მოულოდნელად) მოადგება მათ, მაშინ, როცა ისინი ერთმანეთთან დავობენ.

36:50 და ვერ შეძლებენ ისინი (თუნდაც) (დატოვონ) ანდერძი და ვერ დაბრუნდებიან თავიანთ ოჯახებში.

36:51 და (შემდეგ) (მეორედ) ჩაბერავენ საყვირში (და ყველა სული დაუბრუნდება თავის სხეულს), და აი – ისინი გამოვლენ საფლავებიდან და თავიანთი უფლისკენ გაეშურებიან (რომ მის წინაშე წარსდგნენ).

36:52 ისინი იტყვიან: «ჰოი, უბედურებავ ჩვენო! ვინ აღგვადგინა ჩვენ ჩვენი განსვენების ადგილიდან [საფლავიდან]?» (მათ პასუხად ეთქმებათ): «ეს არის ის, რაც მწყალობელი დაჰპირდა (თავის მონებს), და ჭეშმარიტებას ამბობდნენ შუამავლები».

36:53 (და) საკმარისი იყო მხოლოდ ერთი (ძლიერი) ხმა [საყვირში მეორე ჩაბერვა], და აი – ისინი [შექმნილნი] ჩვენ წინაშე წარსდგნენ.

36:54 და დღეს [სასჯელის დღეს] არცერთი სული არ იქნება დაჩაგრული არაფრით. და არაფერი მოგეზღვებათ იმის გარდა, რასაც აკეთებდით.

36:55 ჭეშმარიტად, სამოთხის მკვიდრნი დღეს, (დაკავებულნი სამოთხის ნეტარებათა მიღების) საქმეებით და ტკბებიან.

36:56 ისინი და მათი მეუღლეები სამოთხის (ხეების) ჩრდილებში ისხდებიან საწოლებზე.

36:57 მათთვის იქ [სამოთხეში] (ბევრგვარი) ხილია და ყველაფერი, რასაც კი მოისურვებენ.

36:58 (და ეთქმებათ მათ): «მშვიდობა თქვენ!» — ეს იქნება სიტყვა მწყალობელი უფლისგან.

36:59 (და ურწმუნოებს ეთქმებათ სასჯელის დღეს): «გამოეყავით დღეს (მორწმუნეთაგან), ჰეი, დამნაშავენო (ურწმუნენო)!»

36:60 ۞ (და ალლაჰი ეტყვის ურწმუნოებს): «ნუთუ მე არ გამცნეთ მცნება თქვენ (ჩემი მოციქულების მეშვეობით), ჰეი, ადამის შვილებო, რომ არ გეცათ თაყვანი შაიტანისთვის? და რომ ჭეშმარიტად, ის თქვენთვის აშკარა მტერია!

36:61 (და მე გიბრძანებდით,) რომ (მხოლოდ) ჩემთვის გეცათ თაყვანი, ეს არის მართალი გზა.

36:62 და მან უკვე [შაიტანმა] აცდუნა თქვენგან მრავალი. ნუთუ არ დაფიქრდით?

36:63 აი — ჯოჯოხეთი, რომელიც თქვენთვის იყო აღთქმული.

36:64 შედით მასში დღეს — იმის გამო, რომ ურწმუნოება ჩაიდინეთ!»

36:65 დღეს დავუდებთ ჩვენ ბეჭედს მათ ბაგეებს, და ილაპარაკებენ ჩვენთან მათი ხელები და დაამოწმებენ მათი ფეხები, იმაზე რაც მოიპოვეს.

36:66 და რომ გვენება, თვალის ჩინს წავართმევდით. და გაიქცეოდნენ გზისკენ, მაგრამ როგორ დაინახავდნენ?

36:67 და ჩვენ რომ გვენება, გადავაქცევდით მათ [სხვა ქმნილებად] იმავე ადგილზე (სადაც ისინი იმყოფებიან), და ისინი ვერ შეძლებდნენ წასვლას (წინ) და ვერც დაბრუნებას (უკან).

36:68 ვისაც ჩვენ გავუხანგრძლივებთ სიცოცხლეს (სიბერემდე მიყვანით), მას ჩვენ (კვლავ) ვაბრუნებთ მის ბუნებრივ მდგომარეობაში [როდესაც სუსტდება მისი გონებაც და სხეულიც]. ნუთუ ვერ მიხვდებიან ისინი]?

36:69 და ჩვენ არ გვისწავლია მისთვის [მუჰამმადისთვის] ლექსები, და არც შეეფერება მას ეს [პოეზია]. ეს არის მხოლოდ შეგონება და ნათელი ყურანი.

36:70 იმისათვის, რომ გააფრთხილოს (ყურანით) ცოცხლები, და რომ აღსრულდეს სიტყვა ურწმუნოებზე.

36:71 ნუთუ ვერ დაინახეს, რომ ჩვენ შევქმენით მათთვის პირუტყვი იმისგან, რასაც ჩვენმა ხელებმა შემქნეს [თვითონ ალლაჰმა], და ისინი არიან მათი მფლობელნი [ამით სარგებლობენ]?

36:72 ჩვენ დავუმორჩილეთ მათ პირუტყვი: ზოგიერთზე ისინი სხდებიან [სატრანსპორტოდ იყენებენ], ხოლო სხვებს ჭამენ.

36:73 და მათთვის პირუტყვში არის სხვა სარგებელიც და სასმელიც [რძე]. ნუთუ არ იქნებიან მადლიერნი?

36:74 და დაიდგინეს მათ ღვთაებები ალლაჰის გარდა, იმ იმედით, რომ ისინი დაეხმარებოდნენ.

36:75 ვერ შეძლებენ ისინი [ცრუ ღვთაებები] მათ დახმარებას, და თვითონ ისინი [მრავალღმერთიანები] მათთვის გამზადებული ლაშქარია.

36:76 ნუ გაღონებს შენ [ო, მუჰამმად] მათი სიტყვები . ჩვენ ვიცით, რას მალავენ ისინი თავიანთ გულებში და რას ავლენენ [ღიად].

36:77 ნუთუ არ დაუნახავს ადამიანს, რომ ჩვენ შევქმენით იგი წვეთისაგან [სათესლე სითხისგან], და აი, იგი – აშკარად კამათობს [და ჯიუტად ამტკიცებს, რომ აღდგომა შეუძლებელია!]

36:78 და მოჰყავს მას [აღდგომის უარმყოფელს] ჩვენთვის მაგალითები (ანუ ადარებს შემოქმედს ქმნილებას) და ავიწყდება საკუთარი შექმნა [როგორ შეიქმნა თავად წვეთისაგან]. ამბობს: «ვინ გააცოცხლებს ძვლებს, რომლებიც უკვე დამპალი და ჩამოშლილია?»

36:79 უთხარი (მას): «გააცოცხლებს მათ ის [ალლაჰი], ვინც პირველად შექმნა ისინი (არაფრიდან), და იგი ყოველი ქმნილების მცოდნეა.

36:80 რომელმაც შექმნა თქვენთვის მწვანე ხიდან ცეცხლი, და აი – თქვენ მისგან [ამ შეშისგან] ანთებთ ცეცხლს.

36:81 ნუთუ ის, ვინც შექმნა ცანი და მიწა არაფრიდან, ვერ შეძლებს მათ მსგავსის [ადამიანთა] შექმნას?! დიახ, რა თქმა უნდა შეძლებს, და ის არის ყოვლის შემოქმედი, ყოვლისმცოდნე!»

36:82 და მისი [ალლაჰის] ბრძანებაა, როცა მას სურს რაიმეს [შექმნა], მხოლოდ ეუბნება: «იყავ!» – და ის ხდება .

36:83 და უზენაესია ის[ ყოვლად უწმინდესი და უნაკლო], რომლის ხელშია უფლობა ყველაფერზე, და მისკენვე დაბრუნდებით სამსჯავროს დღეს!