Saffat surəsi pdf — Yüklə (Azərbaycan)
Saffat surəsi pdf Azərbaycan — Yüklə Saffat surəsi Tərcümə. Saffat surəsi (Məkkə) 182 Ayə.
Related
- Saffat surəsi TərcüməAzərbaycan
- Saffat surəsi mp3Dinlə
- Quran Index Azərbaycan114
More Surə PDF
Saffat surəsi
ﭑﭒﭓ
37:1
And olsun göylərdə və yerdə səf-səf duranlara,
ﭔﭕﭖ
37:2
imansızları qətiyyətlə qovanlara
ﭗﭘﭙ
37:3
və Zikri oxuyanlara!
ﭚﭛﭜﭝ
37:4
Həqiqətən, sizin məbudunuz Təkdir!
ﭞﭟﭠﭡﭢﭣﭤﭥ
37:5
O, həm göylərin, yerin və onların arasındakıların Rəbbi, həm də məşriqlərin Rəbbidir.
ﭦﭧﭨﭩﭪﭫﭬ
37:6
Biz dünya səmasını parlaq ulduzlarla bəzədik
ﭭﭮﭯﭰﭱﭲ
37:7
və onu hər bir asi şeytandan mühafizə etdik.
ﭳﭴﭵﭶﭷﭸﭹﭺﭻﭼ
37:8
Onlar artıq ali topluma (mələklərin söhbətlərinə) qulaq asa bilməzlər və hər tərəfdən üstlərinə yandırıb yaxan alovlar yağdırılar
ﭽﭾﭿﮀﮁﮂ
37:9
və oradan qovularlar. Onları uzun sürəcək bir əzab gözləyir.
ﮃﮄﮅﮆﮇﮈﮉﮊ
37:10
Lakin şeytanlardan hər kim o söhbətlərdən bir söz qapıb qaçarsa, onu yandırıb-yaxan parlaq bir alov təqib edər.
ﮋﮌﮍﮎﮏﮐﮑﮒﮓﮔﮕﮖﮗﮘ
37:11
Kafirlərdən soruş ki, onları yaratmaq çətindir, yoxsa Bizim başqa yaratdıqlarımızı? Biz ki onları yapışqan kimi palçıqdan yaratdıq.
ﮙﮚﮛﮜ
37:12
Sən onlara təəccüb edirsən, onlar isə səni ələ salırlar.
ﮝﮞﮟﮠﮡ
37:13
Onlara xatırlatdıqda düşünüb ibrət almırlar.
ﮢﮣﮤﮥﮦ
37:14
Bir möcüzə gördükdə isə ona istehza edir
ﮧﮨﮩﮪﮫﮬﮭ
37:15
və deyirlər: “Bu ancaq gözlə görülən bir sehrdir.
ﮮﮯﮰﮱﯓﯔﯕﯖ
37:16
Məgər biz öldükdən, sür-sümük olub torpağa çevrildikdən sonra dirildiləcəyikmi?
ﯗﯘﯙ
37:17
Ya da atalarımızmı dirildiləcəklər?”
ﯚﯛﯜﯝﯞ
37:18
De: “Bəli, özü də, zəlil günə qalmış olduğunuz halda dirildiləcəksiniz”.
ﯟﯠﯡﯢﯣﯤﯥﯦ
37:19
Bu, təkcə dəhşətli bir səs olacaq və onlar qəfildən dirilib görməyə başlayacaqlar.
ﯧﯨﯩﯪﯫﯬ
37:20
Günahkarlar deyəcəklər: “Vay halımıza! Bu ki, Haqq-hesab günüdür!”
ﯭﯮﯯﯰﯱﯲﯳﯴ
37:21
Onlara deyiləcək: “Bu, yalan saydığınız Fərqləndirmə günüdür!”
ﯵﯶﯷﯸﯹﯺﯻﯼﯽ
37:22
Mələklərə belə əmr olunacaq: “Toplayın bir yerə zalımları, onların yoldaşlarını və ibadət etdiklərini –
ﯾﯿﰀﰁﰂﰃﰄﰅ
37:23
Allahdan başqa. Onları Cəhənnəm yoluna yönəldin.
ﰆﰇﰈﰉﰊ
37:24
Onları dayandırın, çünki onlar sorğu-sual olunacaqlar”.
ﭑﭒﭓﭔﭕ
37:25
Günahkarlara deyiləcək: “Sizə nə olub ki, bir-birinizə kömək etmirsiniz?”
ﭖﭗﭘﭙﭚ
37:26
Bəli, onlar bu gün baş əyəcəklər!
ﭛﭜﭝﭞﭟﭠ
37:27
Onlar bir-birinə üz tutub soruşacaqlar.
ﭡﭢﭣﭤﭥﭦﭧ
37:28
Tabe olanlar deyəcəklər: “Siz bizim yanımıza sağ tərəfdən gəlirdiniz”.
ﭨﭩﭪﭫﭬﭭ
37:29
Başçılar deyəcəklər: “Xeyr! Siz inanan adamlar deyildiniz.
ﭮﭯﭰﭱﭲﭳﭴﭵﭶﭷﭸﭹ
37:30
Bizim sizin üzərinizdə heç bir hökmranlığımız da yox idi. Xeyr, siz özünüz həddi aşmış adamlar idiniz.
ﭺﭻﭼﭽﭾﭿﮀﮁ
37:31
Rəbbimizin Sözü bizim barəmizdə həqiqətə çevrildi. Biz əzabı hökmən dadacağıq.
ﮂﮃﮄﮅﮆ
37:32
Biz sizi azdırdıq. Çünki biz özümüz də azmış adamlar idik”.
ﮇﮈﮉﮊﮋﮌ
37:33
Şübhəsiz ki, həmin gün onlar əzaba şərik olacaqlar.
ﮍﮎﮏﮐﮑ
37:34
Həqiqətən, Biz günahkarlarla belə rəftar edəcəyik.
ﮒﮓﮔﮕﮖﮗﮘﮙﮚﮛﮜ
37:35
Çünki onlara: “Allahdan başqa ibadətə layiq olan məbud yoxdur!”– deyildikdə təkəbbür göstərir
ﮝﮞﮟﮠﮡﮢﮣ
37:36
və deyirdilər: “Məgər bir məcnun şairə görə məbudlarımızı tərk edəcəyik?”
ﮤﮥﮦﮧﮨﮩ
37:37
Xeyr! O, haqqı gətirdi və əvvəlki peyğəmbərləri təsdiqlədi.
ﮪﮫﮬﮭﮮ
37:38
Siz mütləq ağrılı-acılı əzabı dadacaqsınız.
ﮯﮰﮱﯓﯔﯕﯖ
37:39
Siz ancaq etdiyiniz əməllərin cəzasını alacaqsınız.
ﯗﯘﯙﯚﯛ
37:40
Lakin Allahın seçilmiş ixlaslı qulları müstəsnadırlar.
ﯜﯝﯞﯟﯠ
37:41
Məhz onlar üçün müəyyən bir ruzi vardır –
ﯡﯢﯣﯤ
37:42
Cənnət meyvələri. Onlara ehtiram göstəriləcəkdir –
ﯥﯦﯧﯨ
37:43
Nəim bağlarında.
ﯩﯪﯫﯬ
37:44
Onlar taxtlar üstündə bir-biri ilə üzbəüz oturacaqlar.
ﯭﯮﯯﯰﯱﯲ
37:45
Onlar üçün çeşmə şərabı ilə dolu piyalələr dolandırılacaqdır.
ﯳﯴﯵﯶ
37:46
Özü də ağappaq, içənlərə ləzzət verən bir şərab.
ﯷﯸﯹﯺﯻﯼﯽﯾ
37:47
O şərab nə baş ağrısı verər, nə də ondan məst olarlar.
ﯿﰀﰁﰂﰃ
37:48
Onların yanında baxışları öz ərlərinə dikilmiş iri qaragözlü hurilər olacaqdır.
ﰄﰅﰆﰇ
37:49
Özü də qorunub saxlanılmış yumurta kimi hurilər.
ﰈﰉﰊﰋﰌﰍ
37:50
Onlar bir-birilərinə tərəf dönüb soruşacaqlar.
ﰎﰏﰐﰑﰒﰓﰔﰕ
37:51
Onlardan biri deyəcək: “Mənim bir yoldaşım var idi.
ﭑﭒﭓﭔﭕ
37:52
O deyirdi: “Sən də inananlardansan?
ﭖﭗﭘﭙﭚﭛﭜﭝ
37:53
Məgər biz öldükdən, torpağa çevrilib sür-sümük olduqdan sonra haqq-hesaba çəkilib cəzalandırılacağıq?”
ﭞﭟﭠﭡﭢ
37:54
O sözünə davam edib deyəcək: “Siz onun harada olduğunu görmək istəyirsinizmi?”
ﭣﭤﭥﭦﭧﭨ
37:55
O özü baxıb yoldaşını Cəhənnəmin ortasında görəcək
ﭩﭪﭫﭬﭭﭮ
37:56
və deyəcəkdir: “Allaha and olsun ki, sən məni də məhv edəcəkdin.
ﭯﭰﭱﭲﭳﭴﭵ
37:57
Əgər Rəbbimin lütfü olmasaydı, mən də Cəhənnəmə gətirilənlərdən olardım.
ﭶﭷﭸﭹ
37:58
Doğrudanmı biz bir daha ölməyəcəyik –
ﭺﭻﭼﭽﭾﭿﮀ
37:59
ilk ölümümüzdən başqa? Doğrudanmı biz heç vaxt əzaba düçar olmayacağıq?”
ﮁﮂﮃﮄﮅﮆ
37:60
Həqiqətən, bu, böyük uğurdur.
ﮇﮈﮉﮊﮋ
37:61
Qoy çalışanlar bunun üçün çalışsınlar!
ﮌﮍﮎﮏﮐﮑﮒ
37:62
Ziyafət üçün bu yaxşıdır, yoxsa zəqqum ağacı?
ﮓﮔﮕﮖﮗ
37:63
Biz onu zalımlar üçün bir sınaq etdik.
ﮘﮙﮚﮛﮜﮝﮞ
37:64
O, Cəhənnəmin lap dibindən bitib çıxan bir ağacdır.
ﮟﮠﮡﮢﮣ
37:65
Onun meyvəsi şeytanların başları kimidir.
ﮤﮥﮦﮧﮨﮩﮪ
37:66
Günahkarlar ondan yeyib qarınlarını dolduracaqlar.
ﮫﮬﮭﮮﮯﮰﮱﯓ
37:67
Sonra da üstündən onları qaynar su ilə qatışdırılmış bir içki gözləyir.
ﯔﯕﯖﯗﯘﯙ
37:68
Sonra onlar mütləq Cəhənnəmə qaytarılacaqlar.
ﯚﯛﯜﯝﯞ
37:69
Həqiqətən, onlar ata-babalarını azmış gördülər,
ﯟﯠﯡﯢﯣ
37:70
özləri də tez-tələsik onların izini tutub getdilər.
ﯤﯥﯦﯧﯨﯩ
37:71
Həqiqətən, onlardan öncə əvvəlki nəsillərin çoxu zəlalətə düşmüşdü.
ﯪﯫﯬﯭﯮ
37:72
Biz onlara xəbərdar edən peyğəmbərlər göndərmişdik.
ﯯﯰﯱﯲﯳﯴ
37:73
Bax gör xəbərdar edilənlərin aqibəti necə oldu.
ﯵﯶﯷﯸﯹ
37:74
Yalnız Allahın seçilmiş səmimi qullarından başqa.
ﯺﯻﯼﯽﯾﯿ
37:75
Nuh Bizə yalvarıb yaxardı. Biz çağırışa necə də gözəl cavab verənik!
ﰀﰁﰂﰃﰄﰅ
37:76
Biz onu və ailəsini böyük sıxıntıdan qurtardıq.
ﭑﭒﭓﭔﭕ
37:77
Təkcə onun nəslini qoruyub saxladıq.
ﭖﭗﭘﭙﭚ
37:78
Sonra gələnlər arasında onun üçün gözəl xatirə qoyduq;
ﭛﭜﭝﭞﭟﭠ
37:79
aləmlər içərisində Nuha salam olsun!
ﭡﭢﭣﭤﭥ
37:80
Həqiqətən, Biz yaxşı iş görənləri belə mükafatlandırırıq.
ﭦﭧﭨﭩﭪ
37:81
Həqiqətən, o Bizim mömin qullarımızdandır.
ﭫﭬﭭﭮ
37:82
Sonra o birilərini suya qərq etdik.
ﭯﭰﭱﭲﭳﭴ
37:83
Həqiqətən, İbrahim onun ardıcıllarından idi.
ﭵﭶﭷﭸﭹﭺ
37:84
Bir zaman o, öz Rəbbinin yanına pak bir qəlblə gəldi.
ﭻﭼﭽﭾﭿﮀﮁ
37:85
Onda o, öz atasına və qövmünə dedi: “Siz nəyə sitayiş edirsiniz?
ﮂﮃﮄﮅﮆﮇ
37:86
Allahı qoyub uydurma məbudlarımı diləyirsiniz?
ﮈﮉﮊﮋﮌ
37:87
Aləmlərin Rəbbi barəsində nə düşünürsünüz?”
ﮍﮎﮏﮐﮑ
37:88
O, ulduzlara bir nəzər salaraq
ﮒﮓﮔﮕ
37:89
“Mən xəstəyəm!”– dedi.
ﮖﮗﮘﮙ
37:90
Onlar ondan üz çevirib çıxıb getdilər.
ﮚﮛﮜﮝﮞﮟﮠ
37:91
O, xəlvətcə onların məbudlarının yanına gəlib istehza ilə dedi: “Siz bu təamları yemirsiniz?
ﮡﮢﮣﮤﮥ
37:92
Sizə nə olub ki, danışmırsınız?”
ﮦﮧﮨﮩﮪ
37:93
Sonra onlara yaxınlaşıb sağ əli ilə bir zərbə endirdi.
ﮫﮬﮭﮮ
37:94
Bütpərəstlər tələsik onun yanına gəldilər.
ﮯﮰﮱﯓﯔ
37:95
O dedi: “Siz yonub düzəltdiklərinizəmi sitayiş edirsiniz?
ﯕﯖﯗﯘﯙ
37:96
Axı sizi də, sizin düzəltdiklərinizi də Allah yaratmışdır”.
ﯚﯛﯜﯝﯞﯟﯠﯡ
37:97
Onlar dedilər: “Bundan ötrü bir bina tikin və onu orada odlayın!”
ﯢﯣﯤﯥﯦﯧ
37:98
Onlar İbrahimə hiylə qurmaq istədilər, Biz də onları rüsvay etdik.
ﯨﯩﯪﯫﯬﯭﯮ
37:99
O dedi: “Mən Rəbbimə doğru gedirəm. O məni doğru yola yönəldəcəkdir”.
ﯯﯰﯱﯲﯳﯴ
37:100
O dedi: “Ey Rəbbim! Mənə əməlisalehlərdən olan övlad bəxş et!”
ﯵﯶﯷﯸ
37:101
Biz də onu həlim xasiyyətli bir oğlan uşağı ilə müjdələdik.
ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ
37:102
O, böyüyüb atası ilə bərabər çalışmaq həddinə çatdıqda İbrahim dedi: “Oğlum! Yuxuda gördüm ki, səni qurban kəsirəm. Bax gör nə düşünürsən!” O dedi: “Atacan! Sənə buyurulanı yerinə yetir. Allah qoysa mənim səbirlilərdən olduğumu görəcəksən”.
ﭑﭒﭓﭔﭕ
37:103
Hər ikisi Allahın əmrinə tabe olduqları və İbrahim onu üzüstə yerə yıxdığı zaman
ﭖﭗﭘﭙ
37:104
Biz onu çağırıb dedik: “Ey İbrahim!
ﭚﭛﭜﭝﭞﭟﭠﭡﭢ
37:105
Artıq sən yuxunu təsdiq etdin!” Biz yaxşı iş görənləri belə mükafatlandırırıq.
ﭣﭤﭥﭦﭧﭨ
37:106
Həqiqətən də bu, açıq-aydın bir imtahandır.
ﭩﭪﭫﭬ
37:107
Biz onun əvəzinə böyük bir qurbanlığı fidyə verdik.
ﭭﭮﭯﭰﭱ
37:108
Sonradan gələnlər arasında ona gözəl xatirə qoyduq.
ﭲﭳﭴﭵ
37:109
İbrahimə salam olsun!
ﭶﭷﭸﭹ
37:110
Həqiqətən, Biz yaxşı iş görənləri belə mükafatlandırırıq.
ﭺﭻﭼﭽﭾ
37:111
Həqiqətən, o, Bizim mömin qullarımızdandır.
ﭿﮀﮁﮂﮃﮄ
37:112
Ona əməlisalehlərdən olacaq bir peyğəmbər – İshaq ilə müjdə verdik.
ﮅﮆﮇﮈﮉﮊﮋﮌﮍﮎﮏﮐ
37:113
Biz ona və İshaqa bərəkət verdik. Hər ikisinin nəslində yaxşı iş görənləri də var, açıq-aydın özünə zülm edənləri də.
ﮑﮒﮓﮔﮕﮖ
37:114
Biz Musa ilə Haruna da nemət bəxş etdik.
ﮗﮘﮙﮚﮛﮜ
37:115
Onların hər ikisini və tayfalarını böyük sıxıntıdan qurtardıq.
ﮝﮞﮟﮠﮡ
37:116
Onlara kömək göstərdik və qalib gəldilər.
ﮢﮣﮤﮥ
37:117
Hər ikisinə aydın bir Kitab verdik.
ﮦﮧﮨﮩ
37:118
Hər ikisini də doğru yola yönəltdik.
ﮪﮫﮬﮭﮮ
37:119
Sonradan gələnlər arasında hər ikisinə gözəl xatirə qoyduq.
ﮯﮰﮱﯓﯔ
37:120
Musaya və Haruna salam olsun!
ﯕﯖﯗﯘﯙ
37:121
Həqiqətən, Biz yaxşı iş görənləri belə mükafatlandırırıq.
ﯚﯛﯜﯝﯞ
37:122
Həqiqətən, onların ikisi də Bizim mömin qullarımızdandır.
ﯟﯠﯡﯢﯣ
37:123
Şübhəsiz ki, İlyas da elçilərdəndir.
ﯤﯥﯦﯧﯨﯩ
37:124
Bir zaman o öz qövmünə demişdi: “Məgər qorxmursunuz?
ﯪﯫﯬﯭﯮﯯ
37:125
Siz yaradanların ən yaxşısını qoyub niyə Bələ yalvarırsınız –
ﯰﯱﯲﯳﯴﯵ
37:126
həm sizin Rəbbiniz, həm də əcdadlarınızın Rəbbi olan Allahımı tərk edirsiniz?”
ﭑﭒﭓﭔ
37:127
Onlar onu yalançı saydılar. Ona görə də hamısı Cəhənnəmə gətiriləcəkdir.
ﭕﭖﭗﭘﭙ
37:128
Yalnız Allahın seçilmiş səmimi qullarından başqa.
ﭚﭛﭜﭝﭞ
37:129
Sonradan gələnlər arasında ona gözəl xatirə qoyduq.
ﭟﭠﭡﭢﭣ
37:130
İlyasinə salam olsun!
ﭤﭥﭦﭧﭨ
37:131
Həqiqətən, Biz yaxşı iş görənləri belə mükafatlandırırıq.
ﭩﭪﭫﭬﭭ
37:132
Həqiqətən, o Bizim mömin qullarımızdandır.
ﭮﭯﭰﭱﭲ
37:133
Şübhəsiz ki, Lut da elçilərdəndir.
ﭳﭴﭵﭶﭷ
37:134
Bir zaman Biz onu və bütün ailəsini xilas etdik.
ﭸﭹﭺﭻﭼ
37:135
Yalnız geridə qalanların içində olan yaşlı bir qadından başqa.
ﭽﭾﭿﮀ
37:136
Sonra da o birilərini yerli-dibli yox etdik.
ﮁﮂﮃﮄﮅ
37:137
Siz həm səhər çağı onların yanından keçirsiniz,
ﮆﮇﮈﮉﮊ
37:138
həm də axşam çağı. Məgər anlamırsınız?
ﮋﮌﮍﮎﮏ
37:139
Yunus da, həqiqətən, elçilərdəndir.
ﮐﮑﮒﮓﮔﮕ
37:140
Bir zaman o, yüklü bir gəmiyə tərəf qaçdı.
ﮖﮗﮘﮙﮚ
37:141
Başqaları ilə birlikdə püşk atdı və uduzanlardan oldu.
ﮛﮜﮝﮞﮟ
37:142
O, qınanmağa layiq olduqda balıq onu uddu.
ﮠﮡﮢﮣﮤﮥ
37:143
Əgər o, Allaha tərif deyənlərdən olmasaydı,
ﮦﮧﮨﮩﮪﮫﮬ
37:144
balığın qarnında Qiyamət gününə qədər qalardı.
ﮭﮮﮯﮰﮱﯓ
37:145
O, halsız olduğu vəziyyətdə onu sahilə çıxartdıq.
ﯔﯕﯖﯗﯘﯙ
37:146
Onun başı üstündə balqabaq tağı bitirdik.
ﯚﯛﯜﯝﯞﯟﯠ
37:147
Biz onu yüz mindən də daha çox adama peyğəmbər göndərdik.
ﯡﯢﯣﯤﯥ
37:148
Onlar ona iman gətirdilər, Biz də onlara müəyyən vaxtadək firavanlıq nəsib etdik.
ﯦﯧﯨﯩﯪﯫ
37:149
Kafirlərdən soruş: “Nəyə görə qızlar sənin Rəbbinin, oğlanlar isə onların olmalıdır?”
ﯬﯭﯮﯯﯰﯱﯲ
37:150
Yoxsa Biz mələkləri dişi yaratmışıq və onlar da buna şahid olublar?
ﯳﯴﯵﯶﯷﯸ
37:151
Həqiqətən, onlar yalan uydurub deyirlər:
ﯹﯺﯻﯼﯽ
37:152
“Allah doğmuşdur”. Şübhəsiz ki, onlar yalançıdırlar.
ﯾﯿﰀﰁﰂ
37:153
Məgər Allah qızları oğlanlardan üstünmü tutmuşdur?
ﭑﭒﭓﭔﭕ
37:154
Sizə nə olub, bu necə mühakimədir yürüdürsünüz?
ﭖﭗﭘ
37:155
Məgər düşünüb ibrət almayacaqsınız?
ﭙﭚﭛﭜﭝ
37:156
Yoxsa sizin aydın bir dəliliniz vardır?
ﭞﭟﭠﭡﭢﭣ
37:157
Əgər doğru deyirsinizsə, kitabınızı gətirin!
ﭤﭥﭦﭧﭨﭩﭪﭫﭬﭭﭮﭯ
37:158
Onlar Allahla cinlər arasında qohumluq olduğunu uydurdular. Həqiqətən, cinlər onların Cəhənnəmə gətiriləcəyini bilirlər.
ﭰﭱﭲﭳﭴ
37:159
Allah onların Ona aid etdikləri sifətlərdən uzaqdır.
ﭵﭶﭷﭸﭹ
37:160
Yalnız Allahın seçilmiş səmimi qullarından başqa.
ﭺﭻﭼﭽ
37:161
Ey müşriklər! Nə siz, nə də sizin tapındıqlarınız
ﭾﭿﮀﮁﮂ
37:162
heç kəsi Allaha qarşı yoldan çıxara bilməzsiniz;
ﮃﮄﮅﮆﮇﮈ
37:163
ancaq Cəhənnəmə girəcək kimsədən başqa.
ﮉﮊﮋﮌﮍﮎﮏ
37:164
Mələklər dedi: “Bizlərdən hər kəsin müəyyən bir yeri vardır.
ﮐﮑﮒﮓ
37:165
Həqiqətən, biz səf-səf dururuq.
ﮔﮕﮖﮗ
37:166
Həqiqətən, biz Allahın şəninə təriflər deyirik”.
ﮘﮙﮚﮛ
37:167
Müşriklər deyirdilər:
ﮜﮝﮞﮟﮠﮡﮢ
37:168
“Əgər bizdə də əvvəlkilərdə olan zikrdən olsaydı,
ﮣﮤﮥﮦﮧ
37:169
biz mütləq Allahın seçilmiş səmimi qulları olardıq”.
ﮨﮩﮪﮫﮬﮭ
37:170
Lakin onlar onu inkar etdilər. Onlar tezliklə biləcəklər.
ﮮﮯﮰﮱﯓﯔ
37:171
Bizim elçi göndərdiyimiz qullarımız haqqında bu Sözümüz əzəldən deyilmişdi:
ﯕﯖﯗﯘ
37:172
“Həqiqətən, onlara kömək göstəriləcəkdir.
ﯙﯚﯛﯜﯝ
37:173
Bizim əsgərlərimizin mütləq qələbəsi labüddür”.
ﯞﯟﯠﯡﯢ
37:174
Sən bir müddət onlardan üz çevir!
ﯣﯤﯥﯦ
37:175
Onlara bax! Onlar tezliklə əzabı görəcəklər.
ﯧﯨﯩ
37:176
Onlar əzabımızın tezliklə gəlməsinimi istəyirlər?
ﯪﯫﯬﯭﯮﯯﯰ
37:177
Əzab onların yurdlarına endiyi zaman qorxudulanların sabahı necə də pis olacaq!
ﯱﯲﯳﯴﯵ
37:178
Sən bir müddət onlardan üz çevir!
ﯶﯷﯸﯹ
37:179
Onlara bax! Onlar tezliklə əzabı görəcəklər.
ﯺﯻﯼﯽﯾﯿﰀ
37:180
Qüdrət sahibi olan Rəbbin pakdır, müşriklərin Ona aid etdikləri sifətlərdən uzaqdır.
ﰁﰂﰃﰄ
37:181
Elçilərə salam olsun!
ﰅﰆﰇﰈﰉ
37:182
Aləmlərin Rəbbi olan Allaha həmd olsun!
Qurani-Kərim
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Qurani-Kərim mp3
Complete Recitation — حفص عن عاصم
Abdul Basit Qurani-Kərim mp3
Complete Recitation — حفص عن عاصم
Mishary Rashid Alafasy Qurani-Kərim mp3
Complete Recitation — حفص عن عاصم
Al-Hussary Mahmoud Khalil Qurani-Kərim mp3
Complete Recitation — حفص عن عاصم
Muhammad Siddiq Al-Minshawi Qurani-Kərim mp3
Complete Recitation — حفص عن عاصم
Abdul Rahman Al-Sudais Qurani-Kərim mp3
Complete Recitation — حفص عن عاصم
Saud Al-Shuraim Qurani-Kərim mp3
Complete Recitation — حفص عن عاصم
Maher Al-Muaiqly Qurani-Kərim mp3
Complete Recitation — حفص عن عاصم