Surə Muminun pdf — Yüklə (Azərbaycan)
Surə Muminun pdf Azərbaycan — Yüklə Surə Muminun Tərcümə. Muminun (Məkkə) 118 Ayə.
Related
- Muminun TərcüməAzərbaycan
- Muminun mp3Dinlə
- Quran Index Azərbaycan114
More Surə PDF
Surə Muminun
ﭑﭒﭓﭔ
Möminlər, həqiqətən də, nicat tapmışlar;
ﭕﭖﭗﭘﭙﭚ
o kəslər ki, namazlarında mütidirlər,
ﭛﭜﭝﭞﭟﭠ
o kəslər ki, sözbazlıqdan qaçırlar,
ﭡﭢﭣﭤﭥ
o kəslər ki, zəkat verirlər,
ﭦﭧﭨﭩﭪ
o kəslər ki, öz cinsi orqanlarını həmişə qoruyurlar,
ﭫﭬﭭﭮﭯﭰﭱﭲﭳﭴﭵ
zövcələri və sahib olduqları cariyələr istisnadır. Onlar buna görə heç qınanmazlar.
ﭶﭷﭸﭹﭺﭻﭼﭽ
Bundan artığına can atanlar isə həddi aşanlardır.
ﭾﭿﮀﮁﮂﮃ
O mömin kəslər ki, əmanətlərini və vədlərini qoruyurlar.
ﮄﮅﮆﮇﮈﮉ
O kəslər ki, namazlarını öz vaxtlarında qılırlar.
ﮊﮋﮌﮍ
Məhz onlar – varis olanlardır.
ﮎﮏﮐﮑﮒﮓﮔ
O kəslər ki, Firdovs cənnətinə varis olacaqlar. Onlar orada əbədi qalacaqlar.
ﮕﮖﮗﮘﮙﮚﮛﮜ
Həqiqətən, Biz insanı palçıq cövhərindən yaratdıq.
ﮝﮞﮟﮠﮡﮢﮣ
Sonra nütfə halında möhkəm yerdə yerləşdirdik.
ﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛ
Sonra nütfədən laxtalanmış qan yaratdıq, sonra o qandan bir parça ət yaratdıq, sonra o bir parça ətdən sümüklər yaratdıq, sonra da sümükləri ət ilə örtdük. Sonra da onu başqa bir məxluq olaraq xəlq etdik. Yaradanların ən yaxşısı olan Allah nə qədər xeyirxahdır!
ﯜﯝﯞﯟﯠﯡ
Şübhəsiz ki, bundan sonra siz mütləq öləcəksiniz.
ﯢﯣﯤﯥﯦﯧ
Sonra da Qiyamət günü dirildiləcəksiniz.
ﯨﯩﯪﯫﯬﯭﯮﯯﯰﯱﯲ
Biz sizin üstünüzdə yeddi göyü yaratdıq. Məxluqatımızdan da xəbərsiz olmamışıq.
ﭑﭒﭓﭔﭕﭖﭗﭘﭙﭚﭛﭜﭝﭞﭟ
Biz göydən lazımi qədər su endirib onu yerdə saxladıq. Şübhəsiz ki, Biz onu yox edə də bilərik.
ﭠﭡﭢﭣﭤﭥﭦﭧﭨﭩﭪﭫﭬﭭ
Sonra həmin su ilə xurma ağaclarını və üzüm bağlarını sizin üçün yetişdirdik. Sizin üçün orada yediyiniz çoxlu meyvələr vardır.
ﭮﭯﭰﭱﭲﭳﭴﭵﭶﭷ
Biz Sina dağında bir ağac bitirdik ki, barından yeyənlərə həm yağ, həm də həm şirə verir.
ﭸﭹﭺﭻﭼﭽﭾﭿﮀﮁﮂﮃﮄﮅﮆﮇﮈ
Həqiqətən, ev heyvanlarında da sizin üçün ibrət var. Biz onların bətnində olandan sizlərə içirdirik. Sizin üçün onlarda başqa faydalar da var. Üstəlik onlardan yeyirsiniz də.
ﮉﮊﮋﮌﮍ
Siz həm o heyvanlarla, həm də gəmilərlə daşınırsınız.
ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟ
Həqiqətən, Biz Nuhu öz qövmünə elçi göndərdik. O dedi: “Ey qövmüm! Allaha ibadət edin! Sizin Ondan başqa heç bir məbudunuz yoxdur. Məgər qorxmursunuz?”
ﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛ
Qövmünün kafir zadəganları dedilər: “O da sizin kimi sadəcə bir insandır. Sizə böyüklük etmək istəyir. Əgər Allah elçi göndərmək istəsəydi, mələklər göndərərdi. Biz bunu ulu babalarımızdan eşitməmişik.
ﯜﯝﯞﯟﯠﯡﯢﯣﯤﯥﯦ
Bu ancaq cinli bir adamdır. Odur ki, ona münasibətdə bir müddət gözləyin!”
ﯧﯨﯩﯪﯫﯬ
O dedi: “Ey Rəbbim! Onların məni yalançı saymasına qarşı mənə kömək et!”
ﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎ
Biz ona vəhy etdik: “Gözlərimiz önündə və vəhyimizlə gəmini düzəlt. Əmrimiz gəldiyi və təndir qaynadığı zaman hər canlıdan bir cüt erkək və dişi, barəsində söz keçmiş (əleyhinə hökm verilmiş) kəslər istisna olmaqla, öz ailəni gəmiyə mindir. Zalımlar barəsində Mənə müraciət etmə. Çünki onlar suya qərq olunacaqlar.
ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ
Sən yanında olanlarla birlikdə gəmiyə mindiyin zaman de: “Bizi zalım adamlardan xilas edən Allaha həmd olsun!”
ﭡﭢﭣﭤﭥﭦﭧﭨﭩ
Həmçinin de: “Ey Rəbbim! Məni mübarək bir yerə çıxart. Sən yer verənlərin ən yaxşısısan!”
ﭪﭫﭬﭭﭮﭯﭰﭱ
Şübhəsiz ki, bunda ibrətlər vardır. Həqiqətən, Biz qullarımızı beləcə sınağa çəkirik.
ﭲﭳﭴﭵﭶﭷﭸ
Onlardan sonra isə başqa bir nəsil yaratdıq.
ﭹﭺﭻﭼﭽﭾﭿﮀﮁﮂﮃﮄﮅﮆﮇﮈ
Onlara da özlərindən bir elçi göndərdik. O dedi: “Allaha ibadət edin! Sizin ondan başqa heç bir məbudunuz yoxdur. Məgər qorxmursunuz?”
ﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢ
Qövmünün kafir olan, Axirətə qovuşacaqlarını yalan hesab edən və dünya həyatında firavanlıq nəsib etdiyimiz zadəganları dedilər: “O sizin kimi sadəcə bir insandır. Yediyinizdən o da yeyir, içdiyinizdən o da içir.
ﮣﮤﮥﮦﮧﮨﮩﮪ
Əgər siz özünüz kimi adi bir insana itaət etsəniz, mütləq ziyana uğrayarsınız.
ﮫﮬﮭﮮﮯﮰﮱﯓﯔﯕ
O sizə ölüb torpağa və sür-sümüyə çevrildikdən sonra dirildilib yenidən çıxarılacağınızımı vəd edir?
ﯖﯗﯘﯙﯚﯛ
Sizə vəd olunan şey həqiqətdən çox uzaqdır, çox uzaq!
ﯜﯝﯞﯟﯠﯡﯢﯣﯤﯥﯦ
Dünya həyatımızdan başqa heç bir həyat yoxdur; ölüb dirilirik (birimiz ölür, digərimiz anadan olur) və biz dirilməyəcəyik.
ﯧﯨﯩﯪﯫﯬﯭﯮﯯﯰﯱﯲﯳ
Bu, ancaq Allaha iftira yaxan bir adamdır. Biz ona inanan deyilik”.
ﯴﯵﯶﯷﯸﯹ
O dedi: “Ey Rəbbim! Onların məni yalançı saymasına qarşı mənə kömək et!”
ﯺﯻﯼﯽﯾﯿ
Allah dedi: “Onlar tezliklə peşman olacaqlar!”
ﰀﰁﰂﰃﰄﰅﰆﰇﰈﰉ
Onları qaçılması mümkün olmayan qorxunc bir səs yaxaladı. Biz onları daşqının apardığı çör-çöpə döndərdik. Məhv olsun zalım adamlar!
ﰊﰋﰌﰍﰎﰏﰐ
Onlardan sonra başqa-başqa nəsillər yaratdıq.
ﭑﭒﭓﭔﭕﭖﭗﭘ
Heç bir ümmət öz əcəlini nə qabaqlaya bilər, nə də yubandırar.
ﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯ
Sonra bir-birinin ardınca elçilərimizi göndərdik. Hər dəfə hər hansı bir ümmətə peyğəmbər gəldikdə, onlar onu yalançı saydılar. Biz də onları bir-birinin ardınca məhv edib əfsanələrə çevirdik. Məhv olsun iman gətirməyənlər!
ﭰﭱﭲﭳﭴﭵﭶﭷﭸ
Sonra Musanı və qardaşı Harunu ayələrimizlə və açıq-aydın bir dəlillə göndərdik –
ﭹﭺﭻﭼﭽﭾﭿﮀ
Fironun və onun əyanlarının yanına. Onlar isə təkəbbürlük göstərdilər. Çünki onlar özlərini yüksək tutan adamlar idilər.
ﮁﮂﮃﮄﮅﮆﮇﮈ
Onlar dedilər: “Bunların tayfası bizə kölə olduğu halda, biz özümüz kimi iki adama inanacağıq?”
ﮉﮊﮋﮌﮍ
Beləliklə, onları yalançı saydılar və həlak edilənlərdən oldular.
ﮎﮏﮐﮑﮒﮓﮔ
Biz Musaya Kitab verdik ki, bəlkə onlar doğru yola yönəlsinlər!
ﮕﮖﮗﮘﮙﮚﮛﮜﮝﮞﮟﮠ
Biz Məryəm oğlunu və onun anasını bir möcüzə etdik. Onları əlverişli bir yerdə, çeşmə axan bir təpədə yerləşdirdik.
ﮡﮢﮣﮤﮥﮦﮧﮨﮩﮪﮫﮬﮭ
Ey elçilər! Halal nemətlərdən yeyin və yaxşı işlər görün! Mən, həqiqətən, sizin nə etdiklərinizi bilirəm!
ﮮﮯﮰﮱﯓﯔﯕﯖﯗ
Həqiqətən, bu, vahid bir din olaraq sizin dininizdir. Mən də sizin Rəbbinizəm. Elə isə Məndən qorxun.
ﯘﯙﯚﯛﯜﯝﯞﯟﯠﯡﯢ
Lakin ümmətlər öz dinini aralarında parçalayıb firqələrə bölündülər. Hər firqə özündə olana sevinir.
ﯣﯤﯥﯦﯧﯨ
Sən onları bir müddət öz cəhaləti içində burax!
ﯩﯪﯫﯬﯭﯮﯯﯰ
Yoxsa günahkarlar elə hesab edirlər ki, onlara var-dövlət və övlad verməklə
ﯱﯲﯳﯴﯵﯶﯷﯸﯹ
onlara yaxşılıq etməyə tələsirik? Xeyr, onlar bu işin fərqinə varmırlar.
ﯺﯻﯼﯽﯾﯿﰀﰁ
Həqiqətən, Rəbbinin qorxusundan əsim-əsim əsənlər,
ﰂﰃﰄﰅﰆﰇ
Rəbbinin ayələrinə iman gətirənlər,
ﰈﰉﰊﰋﰌﰍ
Rəbbinə şərik qoşmayanlar,
ﭑﭒﭓﭔﭕﭖﭗﭘﭙﭚﭛ
Rəbbinə qayıdacaqlar deyə yerinə yetirməli olduqlarını qəlbləri qorxa-qorxa yerinə yetirənlər –
ﭜﭝﭞﭟﭠﭡﭢﭣ
Məhz onlar yaxşı işlər görməyə tələsər və bu işlərdə öndə gedərlər.
ﭤﭥﭦﭧﭨﭩﭪﭫﭬﭭﭮﭯﭰﭱ
Biz hər kəsi yalnız qüvvəsi çatdığı qədər yükləyirik. Yanımızda haqqı deyən bir Kitab vardır. Onlara zülm olunmaz.
ﭲﭳﭴﭵﭶﭷﭸﭹﭺﭻﭼﭽﭾﭿﮀ
Lakin onların qəlbi bundan xəbərsizdir. Onların bundan başqa gördükləri başqa pis işləri də vardır.
ﮁﮂﮃﮄﮅﮆﮇﮈﮉ
Nəhayət, onların cah-calal içində yaşayanlarını əzabla yaxaladığımız zaman fəryad qopararlar.
ﮊﮋﮌﮍﮎﮏﮐﮑﮒ
Onlara deyiləcək: “Bu gün fəryad qoparmayın! Qətiyyən, Biz sizə heç bir köməklik göstərməyəcəyik!”
ﮓﮔﮕﮖﮗﮘﮙﮚﮛﮜ
Ayələrim sizə oxunurdu, siz isə arxa çevirirdiniz.
ﮝﮞﮟﮠﮡ
Həm də onunla (o Kəbə ilə) təkəbbürlük edir, gecələr toplanıb yaramaz sözlər danışırdınız.
ﮢﮣﮤﮥﮦﮧﮨﮩﮪﮫﮬ
Məgər kafirlər bu Söz haqqında düşünmürlərmi? Yaxud onlara ulu babalarına gəlməyən bir şey gəldi?
ﮭﮮﮯﮰﮱﯓﯔﯕ
Yoxsa onlar özlərinə göndərilmiş Elçini tanımayıb buna görə də onu inkar edirlər?
ﯖﯗﯘﯙﯚﯛﯜﯝﯞﯟﯠﯡ
Yaxud: “O cinlidir?”– deyirlər. Xeyr, o elçi onlara haqqı gətirmişdir. Lakin onların çoxu haqqı xoşlamır.
ﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳ
Əgər haqq onların nəfslərinin istəklərinə tabe olsaydı, göylər, yer və onlarda olanlar fəsada uğrayardı. Doğrusu, Biz onlara Zikr gətirdik, onlar isə özlərinə verilən Zikrdən üz döndərirlər.
ﯴﯵﯶﯷﯸﯹﯺﯻﯼﯽﯾ
Yoxsa sən onlardan bir mükafat istəyirsən? Rəbbinin mükafatı daha xeyirlidir. O, ruzi verənlərin ən yaxşısıdır!
ﯿﰀﰁﰂﰃﰄ
Sən, həqiqətən də, onları doğru yola çağırırsan.
ﰅﰆﰇﰈﰉﰊﰋﰌﰍ
Axirətə inanmayanlar isə doğru yoldan çıxırlar.
ﭑﭒﭓﭔﭕﭖﭗﭘﭙﭚﭛﭜﭝ
Əgər Biz onlara rəhm edib düşdükləri bəladan xilas etsək, onlar yenə öz azğınlıqları içində sərgərdan gəzəcəklər.
ﭞﭟﭠﭡﭢﭣﭤﭥﭦ
Biz onları əzabla yaxaladıq, onlar yenə öz Rəbbinə boyun əymədilər, Ona yalvarıb-yaxarmadılar.
ﭧﭨﭩﭪﭫﭬﭭﭮﭯﭰﭱﭲﭳ
Nəhayət, şiddətli əzab qapısını onların üzünə açdığımız zaman dərhal ümidsizliyə qapılacaqlar.
ﭴﭵﭶﭷﭸﭹﭺﭻﭼﭽﭾﭿ
Sizin üçün qulaq, göz və ürəklər yaradan Odur. Siz çox az şükür edirsiniz.
ﮀﮁﮂﮃﮄﮅﮆﮇ
Sizi yer üzündə yerləşdirən Odur. Siz Onun hüzuruna toplanılacaqsınız.
ﮈﮉﮊﮋﮌﮍﮎﮏﮐﮑﮒﮓ
Dirildən də, öldürən də Odur. Gecə ilə gündüzün bir-birini əvəz etməsi Ona aiddir. Məgər bunu anlamırsınız?
ﮔﮕﮖﮗﮘﮙﮚ
Xeyr, onlar da əvvəlki ümmətlərin dedikləri kimi dedilər.
ﮛﮜﮝﮞﮟﮠﮡﮢﮣ
Onlar dedilər: “Məgər biz ölüb torpaq və sür-sümük olduqdan sonra dirildiləcəyik?”
ﮤﮥﮦﮧﮨﮩﮪﮫﮬﮭﮮﮯﮰ
Bu dirilmə həm bizə, həm də əvvəllər atalarımıza vəd olunmuşdu. Bu, keçmişdəkilərin əfsanələrindən başqa bir şey deyil.
ﮱﯓﯔﯕﯖﯗﯘﯙﯚ
De: “Əgər bilirsinizsə, deyin görüm yer və onun üstündə olanlar kimindir?”
ﯛﯜﯝﯞﯟﯠﯡ
Onlar: “Allahındır!”– deyəcəklər. De: “Bəs düşünüb ibrət almayacaqsınız?”
ﯢﯣﯤﯥﯦﯧﯨﯩﯪ
De: “Yeddi göyün Rəbbi və əzəmətli Ərşin Rəbbi kimdir?”
ﯫﯬﯭﯮﯯﯰﯱ
Onlar: “Allahdır!”– deyəcəklər. De: “Bəs qorxmursunuz?”
ﯲﯳﯴﯵﯶﯷﯸﯹﯺﯻﯼﯽﯾﯿﰀ
De: “Əgər bilirsinizsə, deyin görüm hər şeyin hökmü əlində olan, himayə edən, Özünün isə himayəyə ehtiyacı olmayan kimdir?”
ﰁﰂﰃﰄﰅﰆﰇ
Onlar: “Allahdır!”– deyəcəklər. De: “Bəs necə olur ki, aldanırsınız?”
ﭑﭒﭓﭔﭕﭖ
Xeyr, Biz onlara haqqı gətirdik. Onlar isə yalançıdırlar!
ﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰﭱ
Allah Özünə heç bir övlad götürməmişdir. Onunla yanaşı ibadətə layiq olan heç bir məbud yoxdur. Əks təqdirdə hər bir məbud öz yaratdıqlarını özü idarə etmək istəyər və onların bir qismi digərinə üstün gəlməyə can atardı. Allah onların Ona aid etdikləri sifətlərdən uzaqdır.
ﭲﭳﭴﭵﭶﭷﭸ
O, qeybi və aşkarı Biləndir. Allah müşriklərin Ona qoşduqları şəriklərdən çox ucadır.
ﭹﭺﭻﭼﭽﭾﭿ
De: “Ey Rəbbim! Əgər onlara vəd olunanı mənə göstərəcəksənsə;
ﮀﮁﮂﮃﮄﮅﮆ
məni zalım adamların içində qoyma, ey Rəbbim!”
ﮇﮈﮉﮊﮋﮌﮍﮎ
Sözsüz ki, Biz onlara vəd etdiyimizi sənə göstərməyə qadirik.
ﮏﮐﮑﮒﮓﮔﮕﮖﮗﮘﮙ
Sən pisliyi yaxşılıqla dəf et. Biz onların aid etdikləri sifətləri daha yaxşı bilirik.
ﮚﮛﮜﮝﮞﮟﮠﮡ
De: “Ey Rəbbim! Şeytanların vəsvəsələrindən Sənə sığınıram!
ﮢﮣﮤﮥﮦﮧ
Onların mənə yaxınlaşmalarından Sənə sığınıram, ey Rəbbim!”
ﮨﮩﮪﮫﮬﮭﮮﮯﮰ
Nəhayət, onlardan birinə ölüm gəldiyi zaman deyər: “Ey Rəbbim! Məni geri qaytar.
ﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥ
Bəlkə, tərk etdiyim yaxşı əməlləri indi edəm”. Xeyr! Onun bu dedikləri ancaq boş bir sözdür. Onların arxasında diriləcəkləri günə qədər bərzəx həyatı vardır.
ﯦﯧﯨﯩﯪﯫﯬﯭﯮﯯﯰ
Sur üfürüləcəyi gün onların aralarında qohumluq əlaqəsi olmayacaq və onlar bir-birindən hal-əhval tutmayacaqlar.
ﯱﯲﯳﯴﯵﯶﯷ
O gün məhz tərəziləri ağır gələnlər nicat tapacaqlar.
ﯸﯹﯺﯻﯼﯽﯾﯿﰀﰁﰂ
Tərəziləri yüngül gələnlər isə özlərini ziyana uğradanlardır. Onlar Cəhənnəmdə əbədi qalacaqlar.
ﰃﰄﰅﰆﰇﰈﰉ
Od onların üzünü yandıracaq. Onlar orada qıc olmuş vəziyyətdə qalacaqlar.
ﭑﭒﭓﭔﭕﭖﭗﭘﭙ
Məgər Mənim ayələrim sizə oxunmurdumu, siz də onları yalan hesab etmirdinizmi?
ﭚﭛﭜﭝﭞﭟﭠﭡﭢ
Onlar deyəcəklər: “Ey Rəbbimiz! Bədbəxtliyimiz bizə üstün gəldi və biz doğru yoldan azan bir camaat olduq.
ﭣﭤﭥﭦﭧﭨﭩﭪ
Ey Rəbbimiz! Bizi oradan çıxart! Əgər bir də günah işlərə qayıtsaq, həqiqətən də, zalım olarıq”.
ﭫﭬﭭﭮﭯﭰ
Allah buyuracaq: “Orada alçalmış vəziyyətdə qalın və Mənə heç nə deməyin!
ﭱﭲﭳﭴﭵﭶﭷﭸﭹﭺﭻﭼﭽﭾﭿ
Həqiqətən, qullarımdan bir zümrə var idi ki, onlar: “Ey Rəbbimiz! Biz iman gətirdik. Bizi bağışla, bizə rəhm et! Sən rəhm edənlərin ən yaxşısısan!”– deyirdilər.
ﮀﮁﮂﮃﮄﮅﮆﮇﮈ
Siz isə onları məsxərəyə qoyurdunuz. Sonda bu məsxərə Məni yada salmağı belə sizə unutdurdu. Siz onlara gülürdünüz.
ﮉﮊﮋﮌﮍﮎﮏﮐﮑ
Bu gün Mən səbir etdiklərinə görə onları mükafatlandırdım. Şübhəsiz ki, uğur qazananlar da onlardır!”
ﮒﮓﮔﮕﮖﮗﮘﮙ
Allah kafirlərdən: “Yer üzündə neçə il qaldınız?”– deyə soruşacaq.
ﮚﮛﮜﮝﮞﮟﮠﮡﮢ
Onlar: “Bir gün yaxud bir gündən də az qaldıq. Sən günləri sayanlardan soruş”– deyəcəklər.
ﮣﮤﮥﮦﮧﮨﮩﮪﮫﮬﮭ
Allah deyəcək: “Siz orada çox az qaldınız. Kaş bunu biləydiniz!
ﮮﮯﮰﮱﯓﯔﯕﯖﯗ
Yoxsa elə hesab edirdiniz ki, sizi əbəs yerə yaratmışıq və siz heç vaxt Bizə qaytarılmayacaqsınız?”
ﯘﯙﯚﯛﯜﯝﯞﯟﯠﯡﯢﯣﯤ
Haqq Hökmdar Allah hər şeydən ucadır! Ondan başqa ibadətə layiq olan heç bir məbud yoxdur. O, şanlı Ərşin Rəbbidir.
ﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸ
Kim Allahla yanaşı, haqqında özünün heç bir dəlili olmadığı başqa bir məbuda ibadət edərsə, onun cəzasını Rəbbi Özü verəcəkdir. Şübhəsiz ki, kafirlər nicat tapmazlar!
ﯹﯺﯻﯼﯽﯾﯿﰀ
De: “Ey Rəbbim, bağışla və rəhm et! Sən rəhm edənlərin ən yaxşısısan!”
Qurani-Kərim
Tuesday, August 18, 2026
Don't forget us in your sincere prayers
Featured Reciters
Saad Al-Ghamdi Qurani-Kərim mp3
Complete Recitation — حفص عن عاصم
Abdul Basit Qurani-Kərim mp3
Complete Recitation — حفص عن عاصم
Mishary Rashid Alafasy Qurani-Kərim mp3
Complete Recitation — حفص عن عاصم
Al-Hussary Mahmoud Khalil Qurani-Kərim mp3
Complete Recitation — حفص عن عاصم
Muhammad Siddiq Al-Minshawi Qurani-Kərim mp3
Complete Recitation — حفص عن عاصم
Abdul Rahman Al-Sudais Qurani-Kərim mp3
Complete Recitation — حفص عن عاصم
Saud Al-Shuraim Qurani-Kərim mp3
Complete Recitation — حفص عن عاصم
Maher Al-Muaiqly Qurani-Kərim mp3
Complete Recitation — حفص عن عاصم