Surah Al-Mu'minun pdf

Dajudaju awon onigbagbo ododo ti jere

Awon t’o n paya (Allahu) ninu irun won

ati awon t’o n seri kuro nibi isokuso

ati awon t’o n yo Zakah

ati awon t’o n so abe won

afi ni odo awon iyawo won ati erubinrin won. Dajudaju won ki i se eni eebu (ti won ba sunmo won)

nitori naa, enikeni ti o ba wa omiran (sunmo) leyin iyen, awon wonyen ni awon olutayo enu-ala

ati awon t’o n so agbafipamo won ati adehun won

ati awon t’o n so irun won

awon wonyen ni awon olujogun

awon t’o maa jogun ogba idera Firdaos. Olusegbere ni won ninu re

Dajudaju A ti se eda eniyan lati inu ohun ti A mo jade lati inu erupe amo

Leyin naa, A se e ni ato sinu aye aabo (iyen, ile-omo)

Leyin naa, A so ato di eje didi. Leyin naa, A so eje didi di baasi eran. Leyin naa, A so baasi eran di eegun. Leyin naa, A fi eran bo eegun. Leyin naa, A so o di eda miiran.1 Nitori naa, ibukun ni fun Allahu, Eni t’O dara julo ninu awon eledaa (onise-ona)

Leyin naa, leyin iyen, dajudaju eyin yo si di oku

Leyin naa, dajudaju ni Ojo Ajinde Won maa gbe yin dide

Dajudaju A da awon sanmo meje si oke yin. Awa ko si nii dagunla si awon eda

A n so omi kale lati sanmo niwon niwon. Leyin naa, A n mu un duro sinu ile. Dajudaju Awa kuku lagbara lati mu un lo

Leyin naa, A da awon ogba oko dabinu ati ajara fun yin; opolopo eso wa ninu re fun yin, e si n je ninu re

Ati igi kan t’o n hu jade nibi apata Sina’; o n mu epo ati nnkan isebe jade fun awon t’o n je e

Ati pe dajudaju ariwoye wa fun yin lara awon eran-osin; A n fun yin mu ninu ohun ti o wa ninu ikun won. Awon anfaani opolopo (miiran) tun wa fun yin lara won, e si n je ninu re

E si n ko eru si ori awon eran osin ati oko oju-omi

Dajudaju A ran (Anabi) Nuh nise si ijo re. O si so pe: “Eyin ijo mi, e josin fun Allahu. E o ni olohun miiran leyin Re. Se e o nii beru (Re) ni?”

Awon olori ti won sai gbagbo ninu awon eniyan re so pe: “Ki ni eyi bi ko se abara kan bi iru yin, ti o fe gbe ajulo fun ara re lori yin. Ati pe ti o ba je pe Allahu ba fe (ranse si wa ni), iba so molaika kan kale ni. A ko si gbo eyi ri lodo awon baba wa, awon eni akoko

Ko je kini kan bi ko se okunrin kan ti alujannu n be lara re. Nitori naa, e maa reti (ikangun) re titi di igba kan na.”

(Anabi) Nuh so pe: "Oluwa mi, saranse fun mi nitori pe won pe mi ni opuro

Nitori naa, A fi imisi ranse si i pe: "Se oko oju-omi ni oju Wa (bayii) pelu imisi Wa. Nigba ti ase Wa ba de, ti omi ba se yo ni oju aro, nigba naa ni ki o ko sinu oko oju-omi gbogbo nnkan ni orisi meji tako-tabo ati ara ile re, ayafi eni ti oro naa ko le lori ninu won (fun iparun). Ma se ba Mi soro nipa awon t’o sabosi; dajudaju A oo te won ri sinu omi ni

Nigba ti o ba jokoo sinu oko oju-omi naa, iwo ati awon t’o wa pelu re, so pe: Ope ni fun Allahu, Eni ti O gba wa la lowo ijo alabosi

So pe: “Oluwa mi, so mi kale si ibuso ibukun. Iwo si loore julo ninu awon amunigunle.”

Dajudaju awon ami wa ninu iyen. Awa si ni A n dan eda wo

Leyin naa, A mu awon iran miiran wa leyin won

A tun ran Ojise kan si won laaarin ara won (lati jise) pe: “E josin fun Allahu. E o ni olohun miiran leyin Re. Nitori naa, se e o nii beru (Re) ni?”

Awon olori t’o sai gbagbo ninu ijo re, awon t’o pe ipade Ojo Ikeyin niro, awon ti A se gbedemuke fun ninu isemi aye yii, won wi pe: "Ki ni eyi bi ko se abara kan bi iru yin; o n je ninu ohun ti e n je, o si n mu ninu ohun ti e n mu

Ti e ba fi le tele abara kan bi iru yin, dajudaju e ma ti di eni ofo niyen

Se o n se adehun fun yin pe nigba ti e ba ku, ti e si di erupe ati egungun tan, dajudaju Won yoo mu yin jade (ni alaaye)

Ohun ti Won n se ni adehun fun yin (yii) jinna tefetefe (si ododo)

Ko si isemi aye kan mo ayafi eyi ti a n lo yii; awa kan n ku, awa kan n waye. Ko si si pe Won yoo gbe wa dide mo

(Ojise naa) ko je kini kan bi ko se okunrin kan ti o da adapa iro mo Allahu. Awa ko si nii gba a gbo

(Ojise naa) so pe: "Oluwa mi, saranse fun mi nitori pe won pe mi ni opuro

(Allahu) so pe: “Laipe nse ni won yoo di alabaamo.”

Nitori naa, ohun igbe mu won lona eto. A si so won di panti. Nitori naa, ki ijinna si ike wa fun ijo alabosi

Leyin naa, A tun mu awon iran miiran wa leyin won

Ijo kan ko nii lo siwaju akoko (iparun) re, won ko si nii sun (iparun won) siwaju

Leyin naa, A ran awon Ojise Wa nise ni telentele. Igbakigba ti Ojise ijo kan ba de, won n pe e ni opuro. A si mu apa kan won tele apa kan ninu iparun. A tun so won di itan. Nitori naa, ki ijinna si ike wa fun ijo ti ko gbagbo lododo

Leyin naa, A ran (Anabi) Musa ati omo-iya re (Anabi) Harun nise pelu awon ami Wa ati eri ponnbele

(A ran won nise) si Fir‘aon ati awon ijoye re. Sugbon won segberaga, won si je ijo olujegaba

Won wi pe: “Se ki a gba abara meji bi iru wa gbo, nigba ti o je pe eru wa ni awon eniyan won?”

Nitori naa, won pe awon mejeeji ni opuro. Won si wa ninu awon eni- iparun

Dajudaju A fun (Anabi) Musa ni Tira nitori ki won le mona

A se omo Moryam ati iya re ni ami kan. A si se ibugbe fun awon mejeeji si ibi giga kan, t’o ni ibugbe, t’o si ni omi iseleru

Eyin Ojise, e je ninu awon nnkan daadaa, ki e si se ise rere. Dajudaju Emi ni Onimo nipa ohun ti e n se nise

Ati pe dajudaju (’Islam) yii ni esin yin. (O je) esin kan soso. Emi si ni Oluwa yin. Nitori naa, e beru Mi

Sugbon won ge oro esin won laaarin ara won si kelekele. Ijo kookan si n yo si ohun t’o n be ni odo won

Nitori naa, fi won sile sinu isina won titi di igba kan na

Se won n lero pe (bi) A se n fi dukia ati omo nikan se iranlowo fun won

ni A oo se maa yara ti awon oore si odo won lo (titi laelae). Rara, won ko fura ni

Dajudaju awon t’o n paya (isiro-ise) fun ipaya won ninu Oluwa won

ati awon t’o n gba awon ayah Oluwa won gbo

ati awon ti ki i sebo si Oluwa won

ati awon t’o n se ohun rere (ninu ise) ti won se, pelu iberu ninu okan won pe dajudaju awon yoo pada si odo Oluwa won

awon wonyen ni won n yara se awon ise rere. Awon si ni asiwaju ninu (awon esan) ise naa

Ati pe A ko labo emi kan lorun afi iwon agbara re. Tira kan t’o n so ododo (nipa ise eda) n be lodo Wa. A o si nii sabosi si won

Amo okan awon alaigbagbo wa ninu ifonufora nipa (al-Ƙur’an) yii. Ati pe won ni awon ise kan lowo, ti o yato si ise rere yen. Won si n se ise naa

titi di igba ti A maa gba awon onigbedemuke ninu won mu pelu iya. Nigba naa ni won maa ke gbajari

E ma kee gbajari lonii. Dajudaju ko si eni ti o maa ran yin lowo lodo Wa

Won kuku n ka awon ayah Mi fun yin. Amo nse ni e n fa seyin (nibi ododo)

E si n fi Kaaba segberaga, e tun n fi oru yin so isokuso (nipa al-Ƙur’an)

Se won ko ronu si oro naa ni? Tabi ohun t’o de ba won je ohun ti ko de ba awon baba won akoko ri ni

Tabi won ko mo Ojise won mo ni won fi di alatako re

Tabi won n wi pe alujannu kan n be lara re ni? Rara o. O mu ododo wa ba won ni. Amo opolopo won si je olukorira ododo

Ti o ba je pe (Allahu), Oba Ododo tele ife-inu won ni, awon sanmo ati ile ati awon t’o wa ninu won iba kuku ti baje. Sugbon A mu isiti nipa oro ara won wa fun won ni, won si n gbunri kuro nibi isiti (ti A mu wa fun) won

Tabi o n beere owo-oya kan lowo won ni? Owo-oya Oluwa re loore julo. Ati pe Oun l’oore julo ninu awon olupese

Ati pe dajudaju o n pe won soju ona taara ni

Awon ti ko si gba Ojo Ikeyin gbo ni won n seri kuro loju ona naa

Ti o ba je pe A ke won (nile aye), ti A si gbe gbogbo isoro ara won kuro fun won, won iba tun wonkoko mo itayo enu-ala won, ti won yoo maa pa ridarida (ninu isina)

Dajudaju A fi iya je won. Amo won ko teriba fun Oluwa won, won ko si rawo rase si I

titi di igba ti A fi silekun iya lile fun won; nigba naa ni won soreti nu

(Allahu), Oun ni Eni ti O se igboro, iriran ati okan fun yin, idupe yin si kere

Oun ni Eni ti O da yin sori ile, odo Re si ni won yoo ko yin jo si

Oun ni Eni t’O n so eda di alaaye, O n so eda di oku, tiRe si ni itelentele ati iyato oru ati osan, se e o nii se laakaye ni

Rara (won ko nii se laakaye, sebi) iru ohun ti awon eni akoko wi ni awon naa wi

Won wi pe: “Se nigba ti a ba ti ku, ti a ti di erupe ati egungun, se won yoo gbe wa dide ni

Won kuku ti se adehun yii fun awa ati awon baba wa teletele. Eyi ko je kini kan bi ko se akosile alo awon eni akoko.”

So pe: “Ta ni Eni ti O ni ile ati eni ti o wa ni ori re ti e ba mo?”

Won a wi pe: “Ti Allahu ni.” So pe: “Se e o nii lo iranti ni?”

So pe: “Ta ni Oluwa awon sanmo mejeeje ati Oluwa Ite nla?”

Won a wi pe: “Ti Allahu ni.” So pe: “Se e o nii beru (Re) ni?”

So pe: “Ta ni Eni ti ijoba gbogbo nnkan wa ni owo Re, (Eni ti) O n gba eda la ninu iya, (ti) ko si si eni ti o le gba eda la nibi iya Re ti e ba mo?” So pe: “Ta ni Eni ti ijoba gbogbo nnkan wa ni owo Re, (Eni ti) O n gba eda la ninu iya, (ti) ko si si eni ti o le gba eda la nibi iya Re ti e ba mo?”

Won a wi pe: “Ti Allahu ni.” So pe: “Nitori naa, bawo ni won se n dan yin?”

Amo sa, ododo ni A mu wa ba won. Dajudaju awon si ni opuro

Allahu ko fi eni kan kan se omo, ko si si olohun kan pelu Re. (Ti ko ba ri bee) nigba naa, olohun kookan iba ti ko eda t’o da lo, apa kan won iba si bori apa kan. Mimo ni fun Allahu tayo ohun ti won n fi royin (Re nipa omo bibi)

(Allahu) Onimo-ikoko ati gbangba. Nitori naa, O ga tayo nnkan ti won fi n sebo si I

So pe: “Oluwa mi, O see se ki O fi ohun ti won n se ni adehun fun won han mi

Oluwa mi, ma se fi mi sinu ijo alabosi.”

Dajudaju Awa lagbara lati fi ohun ti A se ni ileri fun won han o

Fi eyi t’o dara ti aidara danu. Awa nimo julo nipa ohun ti won fi n royin (Wa)

So pe: "Oluwa mi, mo n sadi O nibi royiroyi t’awon esu

Mo n sadi O, Oluwa mi, nibi ki won wa ba mi

(Won n semi lo) titi di igba ti iku fi maa de ba okan ninu won. O si maa wi pe: “Oluwa mi, E da mi pada (sile aye)

nitori ki ng le se ise rere ninu eyi ti mo gbe ju sile. Ko ri bee rara, dajudaju o je oro kan ti o kan n wi ni, (amo) gaga ti wa ni eyin won titi di ojo ti A oo gbe won dide. ayeta okigbe

Nigba ti won ba fon fere oniwo fun ajinde, ko nii si ibatan laaarin won ni ojo yen, won ko si nii bira won leere ibeere

Enikeni ti osuwon (ise rere) re ba tewon, awon wonyen ni olujere

Enikeni ti osuwon (ise rere) re ba fuye, awon wonyen ni awon t’o se emi ara won lofo. Olusegbere si ni won ninu ina Jahanamo

Ina yoo maa jo won loju. Won yo si wa ninu re, ti Ina yoo ti ba won loju je

Se won ki i ka awon ayah Mi fun yin ni, amo ti e n pe e niro

Won wi pe: "Oluwa wa, ori buruku l’o kolu wa; awa si je ijo olusina

Oluwa wa, mu wa jade kuro ninu Ina. Ti a ba fi le pada (sibi ise ibi nile aye), dajudaju nigba naa alabosi ni awa

(Allahu) so pe: “E teri sinu re. E ma se ba Mi soro.”

Dajudaju igun kan wa ninu awon erusin Mi, ti won n so pe: “Oluwa wa, a gbagbo ni ododo. Nitori naa, forijin wa, ki O si ke wa. Iwo si l’oore julo ninu awon alaaanu.”

Sugbon e so won di oniyeye to bee ge ti awon yeye (yin) fi mu yin gbagbe iranti Mi. Eyin si n fi won rerin-in

Dajudaju Mo san won ni esan ni oni nitori suuru won; dajudaju awon, awon ni olujere

(Allahu) so pe: "Odun meloo ni eyin (alaigbagbo) lo lori ile aye

Won wi pe: “A lo ojo kan tabi abala ojo kan, bi awon olusiro-ojo leere wo.”

(Allahu) so pe: “E ko gbe ile aye bi ko se fun igba die, ti o ba je pe e mo.”

Se e lero pe A kan seda yin fun iranu ni, ati pe dajudaju won o nii da yin pada sodo Wa?”

Nitori naa, Allahu Oba Ododo ga. Ko si olohun ti ijosin to si afi Oun, Oluwa Ite alapon-onle

Eni ti o ba pe olohun miiran pelu Allahu, ko ni eri lowo lori re. Dajudaju isiro-ise re si wa lodo Oluwa re. Dajudaju awon alaigbagbo ko nii jere

So pe: “Oluwa mi, saforijin, ki O si ke (mi). Iwo si l’oore julo ninu awon alaaanu.”