Suuratu Al-Mu'minun pdf Fulfulde

Suuratu Al-Mu'minun

PDF —

118 Aaya Meccan PDF

Built right in your browser — download starts automatically

Suuratu Al-Mu'minun pdf — Aawto (Fulfulde)

Suuratu Al-Mu'minun pdf Fulfulde — Aawto Suuratu Al-Mu'minun Jaaɓtinde. Al-Mu'minun (Meccan) 118 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suuratu Al-Mu'minun

118 Aaya · Meccan · Fulfulde

ﭑﭒﭓﭔ

Gomɗii malaama gomɗinɓe ɓen

ﭕﭖﭗﭘﭙﭚ

Ɓen hulooɓe ka nder Julde maɓɓe koɓe yankiniiɓe

ﭛﭜﭝﭞﭟﭠ

E ɓen ɗurniiɓe gaayi rayrayti( bolle meere)

ﭡﭢﭣﭤﭥ

E ɓen ittooɓe jakka on

ﭦﭧﭨﭩﭪ

E ɓen reenuɓe farjuuji maɓɓe ɗin

ﭫﭬﭭﭮﭯﭰﭱﭲﭳﭴﭵ

Si wanaa e dow sonnaaɓe maɓɓe maaɗum ɓe ñaame maɓɓe ɗen jeyi(horbe), haray kamɓe ɓe wonaa feleteeɓe

ﭶﭷﭸﭹﭺﭻﭼﭽ

On mo ɗaɓɓi ɓaawo ɗum, haray ko ɓen woni jaggitooɓe ɓen

ﭾﭿﮀﮁﮂﮃ

E ɓen aynuɓe koolaaje maɓɓe e aadiiji maɓɓe ɗin

ﮄﮅﮆﮇﮈﮉ

E ɓen ɓe kañun koɓe reenuɓe e dow Julɗe maɓɓe ɗen

ﮊﮋﮌﮍ

Ɓee [siforɓe ɗii sifaaji ɗoo] ko kamɓe woni ronooɓe ɓen

ﮎﮏﮐﮑﮒﮓﮔ

Ɓen ronoyayɓe Firdawsi on kamɓe ko ɓe duumotooɓe e nder makko

ﮕﮖﮗﮘﮙﮚﮛﮜ

Gomɗii Men tagii neɗɗanke on immorde e lasili loopal

ﮝﮞﮟﮠﮡﮢﮣ

Refti Men waɗi mo toɓɓere [maniiyu] e nder ñiiɓirde huɓindiinde

ﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛ

Refti Men Tagi toɓɓere nden heɗɗere, Men Tagi heɗɗere nden huyre, Men Tagi huyre nden ƴi’e, Men holtini ƴi’e ɗen teewu. Refti Men fuɗɗanii mo Tagu woo, barkanii Alla Moƴƴo Taguɗo

ﯜﯝﯞﯟﯠﯡ

Refti onon ɓaawo ɗum ko on maayooɓe

ﯢﯣﯤﯥﯦﯧ

Refti pellet, onon Ñalnde Darngal on imminoyte

ﯨﯩﯪﯫﯬﯭﯮﯯﯰﯱﯲ

Gomɗii Men Tagii dow mooɗon ɗati jeeɗiɗi, Men wonaali kadi welsindiiɓe gaayi tagu ngun

ﭑﭒﭓﭔﭕﭖﭗﭘﭙﭚﭛﭜﭝﭞﭟ

Men jippini immorde ka kammu ndiyam e emmbere [haaju tagu ngun], Men ndewni ɗam ka leydi, pellet, Menen ko Men Hattanɓe e dow naɓugol ɗam

ﭠﭡﭢﭣﭤﭥﭦﭧﭨﭩﭪﭫﭬﭭ

Men fuɗɗani on sabu majjam gese immorde e tamarooje e inabuuje, no woodani on nder ton dimɗe ɗuuɗuɗe ko e majje ñaamoton

ﭮﭯﭰﭱﭲﭳﭴﭵﭶﭷ

E leggal ngal no yalta immorde to Tuuri Siinaa hingal fuɗina guƴam [nebban wujeteeɗam] e li`am [maafirɗam] wonannde ñaamooɓe

ﭸﭹﭺﭻﭼﭽﭾﭿﮀﮁﮂﮃﮄﮅﮆﮇﮈ

Pellet, no woodani on e neemoraaɗi ɗin tasakuyee, Meɗen yarna on goɗɗun e ko woni kon ka deedi majji, no woodani on e majji nafaaji ɗuuɗuɗi, ko immorde e majji kadi ñaamoton

ﮉﮊﮋﮌﮍ

Ko e hoore-majji e hoore laaɗe ɗen ronndeteɗon

ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟ

Gomɗii Men Nulii Nuuhu e yimɓe makko ɓen, o maaki : "Ko onon yo yimɓe am, rewee Alla. Reweteeɗo alanaa on ko woori Mo. Enee, on hulatah

ﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛ

Hooreeɓe mbatu ngun wi`ani ɓen yedduɓe immorde e yimɓe makko ɓen: "Oo wonaali si ko o ɓanndinke yeru mo’on himo faalaa nde o ɓurnotoo e dow mooɗon. Sinndo Alla muuyino O jippinayno Malaa’ikaaɓe, men naniraali ɗum baabiraaɓe amen aranɓe ɓen

ﯜﯝﯞﯟﯠﯡﯢﯣﯤﯥﯦ

Kanko o wonaali si wanaa ko o gorko mo jinna woni e mu’un, habbitee mo tun haa seeɗa

ﯧﯨﯩﯪﯫﯬ

O maaki: "Joom am, wallam e ko ɓe fennimi kon

ﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎ

Men wahayini faade e makko yo o lesu laana kan e dennka Amen e Wahayu Amen, si Yamiroore Amen nden arii huɓɓinirde nden pullitike [ndiyam] naadu e nder makka immorde e kala nooneeji ɗin ɗiɗi-ɗiɗi. E koreeji ma, si wanaa ɓen konngol ngol aditii e mu’un, wata a haaldu e am fii ɓen tooñuɓe, pellet, kamɓe ko ɓe yooleteeɓe

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ

Si a fotondirii an e ɓen wonnduɓe e maaɗa e dow laana kan, haray maaku: "Yettoore nden ko Alla woodani, On dannduɗo Men immorde e yimɓe tooñooɓe ɓen

ﭡﭢﭣﭤﭥﭦﭧﭨﭩ

Maaku: "Joomam, jippinam e jipporde barkinaande ko An woni Moƴƴo Jippinoowo

ﭪﭫﭬﭭﭮﭯﭰﭱ

Pellet, no e nder ɗum [ko jaŋtaa ɗoo] Aayeeje, haysi men laatike ko men jarribotooɓe

ﭲﭳﭴﭵﭶﭷﭸ

Refti Men fuɗɗi ɓaawo maɓɓe yiirde woɓɓe goo

ﭹﭺﭻﭼﭽﭾﭿﮀﮁﮂﮃﮄﮅﮆﮇﮈ

Men Nulii e maɓɓe Nulaaɗo jeyaaɗo e maɓɓe, ɗum woni Rewee Alla, reweteeɗo alanaa on ko woori Mo. E on hulatah [Mo]

ﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢ

Batu e yimɓe makko ɓen yedduɓe ɓe fenni hawroygol e Laakara on, Men neemini ɓe ka ngurdan aduna wi*i: "Oo wonaali si wanaa ɓanndunke yeru mooɗon himo ñaama ko ñaamoton kon himo yara kadi ko yaroton kon

ﮣﮤﮥﮦﮧﮨﮩﮪ

Mi woondii si on ɗoftike ɓanndinke yeru mo’on, pellet, haray onon ontuma ko on hayruɓe(pertube)

ﮫﮬﮭﮮﮯﮰﮱﯓﯔﯕ

Enee, o fodu on wonndema onon si on maayii on laatike mbullaari e ƴi’e, wonndema onon ko on yaltinoyteeɓe

ﯖﯗﯘﯙﯚﯛ

Woɗɗii woori kon ko fodaɗon

ﯜﯝﯞﯟﯠﯡﯢﯣﯤﯥﯦ

[Ɓe wi`i:] "Ɗum wonaali si wanaa nguurdam amen aduna, meɗen maaya men wuura kadi, menen men wonaali immintinoyteeɓe

ﯧﯨﯩﯪﯫﯬﯭﯮﯯﯰﯱﯲﯳ

Kanko o wonaali si wanaa ko o gorko fefindiiɗo fenaande fawi e Alla, menen non, men wonaali gomɗinayɓe mo

ﯴﯵﯶﯷﯸﯹ

O maaki: "Joom am, wallam e ko ɓe fenni lam kon

ﯺﯻﯼﯽﯾﯿ

O Daali: "Seeɗanii tun, Mi woondii ɓe wontay nimsuɓe

ﰀﰁﰂﰃﰄﰅﰆﰇﰈﰉ

Haacaango ngon nanngi ɓe e Goonga, Men waɗi ɓe duuño, halkaare wonanii yimɓe tooñooɓe ɓen

ﰊﰋﰌﰍﰎﰏﰐ

Refti Men fuɗɗi ɓaawo maɓɓe gire woɓɓe goo

ﭑﭒﭓﭔﭕﭖﭗﭘ

Mofte woo lajal majje ngal adotaako ɗe, ɓe nennantaake kadi

ﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯ

Refti Men Nuli Nulaaɓe Amen ɓen ko ɓe jokkondirɓe, tuma kala ari e mofte Nulaaɗo majje on ɓe fenna mo Men jokkini yoga e maɓɓe yoga, Men waɗi ɓe yewtereeji, woɗɗineede wonanii yimɓe ɓe gomɗintaa ɓen

ﭰﭱﭲﭳﭴﭵﭶﭷﭸ

Refti Men Nuli Muusaa e musiɗɗo makko on Haaruuna wonndude e Aayeeje Amen ɗen e hujja ɓannguɗo

ﭹﭺﭻﭼﭽﭾﭿﮀ

Faade e Fir`awna e mbatu mu’un ngun, ɓe mawnintinii ɓe laatii yimɓe townitiiɓe

ﮁﮂﮃﮄﮅﮆﮇﮈ

Ɓe wi`i: "Enee, hara men gomɗinayyimɓe ɗiɗo yeru amen, hara yimɓe maɓɓe ko maccuɓe amen

ﮉﮊﮋﮌﮍ

Ɓe fenni ɓen ɗiɗo, ɓe laatii jeyaaɓe e halkaaɓe ɓen

ﮎﮏﮐﮑﮒﮓﮔ

Gomɗii Men Okkiino Muusaa Deftere nden belejo’o kamɓe ɓe feewa

ﮕﮖﮗﮘﮙﮚﮛﮜﮝﮞﮟﮠ

Men waɗi geɗal Mariyama on e neene makko Maande, Men werni ɓe faade e tulde joomiraare ñiɓrude e callungol

ﮡﮢﮣﮤﮥﮦﮧﮨﮩﮪﮫﮬﮭ

Ko onon yo Nulaaɓe, ñaamee immorde e laaɓuɗi ɗin gollon ko moƴƴi, pellet Min, Miɗo Anndi ko golloton kon

ﮮﮯﮰﮱﯓﯔﯕﯖﯗ

E pellet, kaa Diina mo’on ko Diina woota, ko Min woni Joomi mo’on hulee Lam

ﯘﯙﯚﯛﯜﯝﯞﯟﯠﯡﯢ

Ɓe taƴi fiyaake maɓɓe on hakkunde maɓɓe dente, kala fedde no farnora ko woni kon ka mayre

ﯣﯤﯥﯦﯧﯨ

Ɗalu ɓe e siwrere nden haa e dummunne

ﯩﯪﯫﯬﯭﯮﯯﯰ

Enee, hara ɓe sikku wonndema ko Men ɓeydiri ɓe kon immorde e jawdi e ɓiɗɓe

ﯱﯲﯳﯴﯵﯶﯷﯸﯹ

Men yaccinanay ɓe e moƴƴereeji, ko woni ɓe so’aa

ﯺﯻﯼﯽﯾﯿﰀﰁ

Pellet, ɓen ɓe kañum immorde e kulol Joomi maɓɓe hara ko ɓe huluɓe

ﰂﰃﰄﰅﰆﰇ

E ɓen ɓe kañum ko ɓe gomɗinɓe Aayeeje Joomi maɓɓe ɗen

ﰈﰉﰊﰋﰌﰍ

E ɓen ɓe kañum ɓe wonah sirkanooɓe Joomi maɓɓe

ﭑﭒﭓﭔﭕﭖﭗﭘﭙﭚﭛ

E ɓen okkayɓe ko ɓe okkaa kon, hara ɓerɗe maɓɓe ɗen ko huluɗe [Alla], wonndema kamɓe ko faade ka Joomi maɓɓe ɓe ruttoytoo

ﭜﭝﭞﭟﭠﭡﭢﭣ

Ɓen [sifaaɓe ɗii sifaaji ɗoo] hiɓe yaccoo e moƴƴereeji ɗin, hara kamɓe ko ɓe adotooɓe e majji

ﭤﭥﭦﭧﭨﭩﭪﭫﭬﭭﭮﭯﭰﭱ

Men fawaali wonkii si wanaa fodde bawɗe makki, no ka Amen Deftere wowlaynde Goonga kan, hara kamɓe ɓe tooñoytaake

ﭲﭳﭴﭵﭶﭷﭸﭹﭺﭻﭼﭽﭾﭿﮀ

Ko woni, ɓerɗe maɓɓe ɗen no e welsungo immorde e ɗum, no woodani ɓe kadi golle gaanin ɗum ko kamɓe gollate ɗe

ﮁﮂﮃﮄﮅﮆﮇﮈﮉ

Haa si Men nanngirii neeminaaɓe maɓɓe ɓen Lepte ɗen jaka yoo kamɓe hiɓe haaca

ﮊﮋﮌﮍﮎﮏﮐﮑﮒ

Wata on haacu hannde, pellet onon, on wallataake immorde e Amen

ﮓﮔﮕﮖﮗﮘﮙﮚﮛﮜ

Gomɗii laatinoke Aayeeje Amen ɗen no janngee e taweede mooɗon, laatiɗon hiɗon ruttoo e dow codduli mooɗon

ﮝﮞﮟﮠﮡ

Ko on mawnintiniiɓe sabu [jeyeede makka] hiɗon hiira wowla bonɗi

ﮢﮣﮤﮥﮦﮧﮨﮩﮪﮫﮬ

Enee, hara ɓe teskaaki konngol ngol, kaa hara aru e maɓɓe ko araali e baabiraaɓe maɓɓe adinooɓe ɓen

ﮭﮮﮯﮰﮱﯓﯔﯕ

Kaa ɓe anndaali Nulaaɗo maɓɓe on, hara kamɓe ko ɓe faytuɓe mo

ﯖﯗﯘﯙﯚﯛﯜﯝﯞﯟﯠﯡ

Kaa hara ɓe wi`ay feetere no e makko? Ko woni, o addanii ɓe Goonga kan ɓurɓe heewude e maɓɓe ko añuɓe Goonga kan

ﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳ

Sinndo Alqur`aana jokkuno beleeɗe maɓɓe ɗen, kammuuli ɗin e leydi ndin bonayno e ɓen wonuɓe e majji, ko woni, Men addaniiɓe waaju maɓɓe ngun, kamɓe koɓe ɗurniiɓe gaayi waaju maɓɓe ngun

ﯴﯵﯶﯷﯸﯹﯺﯻﯼﯽﯾ

Kaa a tori ɓe ngeenaari? [Awa] ko ngeenaari Joomi maaɗa ndin ɓuri moƴƴude, ko Kanko woni Moƴƴo Arsikoowo

ﯿﰀﰁﰂﰃﰄ

Pellet, an hiɗa noddude faade e Laawol Focciingol

ﰅﰆﰇﰈﰉﰊﰋﰌﰍ

E pellet, ɓen ɓe gomɗinaali Laakara on ko ɓe seluɓe e Laawol ngol

ﭑﭒﭓﭔﭕﭖﭗﭘﭙﭚﭛﭜﭝ

Sinndo Men Yurmino ɓe, Men hunci ko heɓi ɓe kon immorde e lorra, ɓe duumotono e nder bewre maɓɓe hiɓe wemmboo

ﭞﭟﭠﭡﭢﭣﭤﭥﭦ

Gomɗii Men nanngirii ɓe Lepte ɗen, ɓe hoykinanaaki Joomi maɓɓe ɓe yankinaaki

ﭧﭨﭩﭪﭫﭬﭭﭮﭯﭰﭱﭲﭳ

Haa si Men udditii e dow maɓɓe dammbugal marungal Lepte saɗtuɗe, e jaka, kamɓe e nder ɗum ko ɓe taƴii ɓe

ﭴﭵﭶﭷﭸﭹﭺﭻﭼﭽﭾﭿ

Ko Kanko woni On fuɗɗanƊo on nanɗe ɗen e giiɗe ɗen e ɓerɗe ɗen, fanɗii ko yettoton

ﮀﮁﮂﮃﮄﮅﮆﮇ

Ko Kanko woni On TaguƊo on ka leydi ko faade ka Makko mooɓoyteɗon

ﮈﮉﮊﮋﮌﮍﮎﮏﮐﮑﮒﮓ

Ko Kanko woni On Mo no wurna O wara no woodani Mo luutindirgol jemma on e ñalorma on, enee, kaa on hakkiltah

ﮔﮕﮖﮗﮘﮙﮚ

Ko woni, ɓe wi’u yeru ko aramɓe ɓen wi’unoo kon

ﮛﮜﮝﮞﮟﮠﮡﮢﮣ

Ɓe wi`i: "Enee, si men maayii men wonii mbullaari e ƴi’e, hara menen ko men immintinoyteeɓe

ﮤﮥﮦﮧﮨﮩﮪﮫﮬﮭﮮﮯﮰ

Gomɗii men fodanooma ɗum menen e baabiraaɓe amen ko adii, ɗum wonaali si wanaa tinndi adinooɓe

ﮱﯓﯔﯕﯖﯗﯘﯙﯚ

Maaku: "Ko hommbo leydi ndin woodani e ɓen wonuɓe e mayri, si tawii hiɗon anndi

ﯛﯜﯝﯞﯟﯠﯡ

Aray ɓe wi`a: "Ko Alla woodani" maaku: "Enee, on waajitotaako

ﯢﯣﯤﯥﯦﯧﯨﯩﯪ

Maaku: "Ko hommbo woni Jom kammuuli ɗin jeeɗiɗi e Jom Arsi mawki kin?" @Corrected

ﯫﯬﯭﯮﯯﯰﯱ

Aray ɓe wi`a: "Ko Alla" maaku: "Enee, on hulatah [Alla]

ﯲﯳﯴﯵﯶﯷﯸﯹﯺﯻﯼﯽﯾﯿﰀ

Maaku hommbo woni e Junngo Mu’un Laamu kala huunde hara Kanko hiMo walla O walletaake, si tawii on laatike hiɗon anndi

ﰁﰂﰃﰄﰅﰆﰇ

Aray ɓe wi`a: "Ko Alla woodani" maaku: "Enee, ko honno mbilirteɗon

ﭑﭒﭓﭔﭕﭖ

Ko woni, Men addanii ɓe Goonga kan, pellet kamɓe ko ɓe fenuɓe

ﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰﭱ

Alla jogitaaki ɓiɗɗo, reweteeɗo laataaki wonndude e Makko, e jaka [si waɗum waɗuno] kala reweteeɗo yaadayno e ko o tagi kon, yoga e maɓɓe townitotono e dow yoga. Senayee wonanii Alla e gaayi kon ko ɓe sifotoo

ﭲﭳﭴﭵﭶﭷﭸ

Annduɗo ko wirnii kon e ko seedaa kon O Toowii e gaayi ko ɓe sirkata kon

ﭹﭺﭻﭼﭽﭾﭿ

Maaku: "Jooma am si A hollii lam ko ɓe fodaa kon

ﮀﮁﮂﮃﮄﮅﮆ

Jooma am, wata A waɗam e yimɓe tooñooɓe ɓen

ﮇﮈﮉﮊﮋﮌﮍﮎ

Pellet, Menen fii yo Men holle ko Men fodi ɓe kon ko Men Hattanɓe [ɗum]

ﮏﮐﮑﮒﮓﮔﮕﮖﮗﮘﮙ

Duñir nden huunde ɓurnde moƴƴude [huunde] bonunde nden, ko Menen Anndi ko ɓe sifoto kon

ﮚﮛﮜﮝﮞﮟﮠﮡ

Maaku: "Jooma, mi moolorii Ma immorde e kodooje Seytanuuji ɗin

ﮢﮣﮤﮥﮦﮧ

Mi moolorii Ma Jooma am nde ɗi tawata lam

ﮨﮩﮪﮫﮬﮭﮮﮯﮰ

Haa si maayde arii e goɗɗo e maɓɓe nden, o wi`a: "Jooma am ruttee lam

ﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥ

Belajo’o men, mi gollay ko moƴƴi e nder kon ko mi accunoo, ɗum waɗataa, ngol ko kanngol ko kanko wowli ngol, no hedde ɓaawo maɓɓe heedo haa Ñalnde nde ɓe imminoytee

ﯦﯧﯨﯩﯪﯫﯬﯭﯮﯯﯰ

Si wuttaama ka alaadu, haray askaaji alah hakkunde maɓɓe nden Ñalnde, ɓe lanndandirtah

ﯱﯲﯳﯴﯵﯶﯷ

Kala on mo jisti(teddi) manndake (peesirgal)muuɗum, haray ko ɓen ɗon woni maloyteeɓe ɓen

ﯸﯹﯺﯻﯼﯽﯾﯿﰀﰁﰂ

Kala mo manndake [moƴƴi] muuɗum foygitii, (hoyi)haray ko ɓen ɗon woni hayruɓe pittaali muuɗum, ko ka nder Jahannama woni ko ɓe luttintee

ﰃﰄﰅﰆﰇﰈﰉ

Yiite ngen no sunna geece maɓɓe ɗen, hara kamɓe e nder magge ko ɓe ñirɓiniiɓe

ﭑﭒﭓﭔﭕﭖﭗﭘﭙ

Enee, hara Aayeeje Am ɗen laataaki no janngee e taweede mo’on, laatiɗon hiɗon fenna ɗe

ﭚﭛﭜﭝﭞﭟﭠﭡﭢ

Ɓe wi`i: "Joomi amen, ko malkiso amen ngon foolii men, men laatinoke yimɓe majjuɓe

ﭣﭤﭥﭦﭧﭨﭩﭪ

Joomi amen, yaltin men e magge, si men ruttike hara pellet, menen ko men tooñuɓe

ﭫﭬﭭﭮﭯﭰ

O Daala: "Ñiiɓee e nder magge wata on haalanam

ﭱﭲﭳﭴﭵﭶﭷﭸﭹﭺﭻﭼﭽﭾﭿ

Pellet, laatinoke fedde e jeyaaɓe Am ɓen hiɓe wi`a: "Joomi amen, men gomɗinii haforan men YurmeƊaa men ko An ɓuri Moƴƴude Yurmeteeɓe ɓen

ﮀﮁﮂﮃﮄﮅﮆﮇﮈ

Jogitiɗon ɓe jalnori(jalkigol), haa ɓe yejjintini on jaŋta Am, laatiɗon hiɗon jala ɓe

ﮉﮊﮋﮌﮍﮎﮏﮐﮑ

Min Mi yoɓii ɓe hannde sabu ko ɓe muññinoo kon, pellet, kamɓe ko kamɓe woni malaaɓe ɓen

ﮒﮓﮔﮕﮖﮗﮘﮙ

O Daali: "No foti heewde ko ñiiɓuɗon ka leydi, limoore duuɓi

ﮚﮛﮜﮝﮞﮟﮠﮡﮢ

Ɓe wi`i: "Men ñiiɓii ñallal maaɗum yoga e ñallal, lanndo limooɓe ɓen

ﮣﮤﮥﮦﮧﮨﮩﮪﮫﮬﮭ

O Daali: "On ñiiɓaali si wonaa seeɗa, sinndo onon on laatino hiɗon anndi

ﮮﮯﮰﮱﯓﯔﯕﯖﯗ

Enee, on sikku wonndema ko Men Tagiri on ko puyndan, hara onon on ruttetaake faade ka Amen

ﯘﯙﯚﯛﯜﯝﯞﯟﯠﯡﯢﯣﯤ

Alla Toowii Laamɗo Goonguɗo On, Rewetee- ɗo alah si wanaa Kanko Jooma Arsi Tedduki kin. @Corrected

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸ

Kala nodduɗo wonndude e Alla reweteeɗo goo, daliil alanah mo e ɗum, anndu pellet, hasboo- re makko ko ka Joomi makko, pellet Kanko, O malnatah heeferɓe ɓen

ﯹﯺﯻﯼﯽﯾﯿﰀ

Maaku: "Jooma am, Yaafo Yurmo ko An Ɓuri Moƴƴude Yurmeteeɓe ɓen

Al-Qur'aana

Tuesday, August 18, 2026

Don't forget us in your sincere prayers