Sura Mo'minun pdf O'zbek

Sura Mo'minun

PDF —

118 Oyat Meccan PDF

Built right in your browser — download starts automatically

Sura Mo'minun pdf — Yuklab olish (O'zbek)

Sura Mo'minun pdf O'zbek — Yuklab olish Sura Mo'minun Tarjima. Mo'minun (Meccan) 118 Oyat.

More Sura PDF

Baqara Oli Imron Niso Moida Yusuf Ibrohim Hijr Kahf Maryam Haj Qasos Ankabut Sajda Yosin Duxon Fath Hujurot Qof Najm Rahmon Voqia Hashr Mulk Haqqa Inshiqoq A'lo G'oshiya

📚 Oʻqish 🎧 Tingla mp3 📜 Muqaddas Quron

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Sura Mo'minun

118 Oyat · Meccan · O'zbek

ﭑﭒﭓﭔ

Батаҳқиқ, мўминлар нажот топдилар.

ﭕﭖﭗﭘﭙﭚ

Улар намозларида хушуъ қилувчилардир.

ﭛﭜﭝﭞﭟﭠ

Улар беҳуда нарсалардан юз ўгиргувчилардир.

ﭡﭢﭣﭤﭥ

Улар закотни адо қилгувчилардир.

ﭦﭧﭨﭩﭪ

Улар фаржларини сақловчилардир.

ﭫﭬﭭﭮﭯﭰﭱﭲﭳﭴﭵ

Магар ўз жуфти ҳалоллари ва қўлларида мулк бўлганлардан (сақламасалар), албатта, улар маломат қилинувчи эмаслардир.

ﭶﭷﭸﭹﭺﭻﭼﭽ

Ким ана шундан бошқани талаб қилса, бас, ана ўшалар тажовузкорлардир.

ﭾﭿﮀﮁﮂﮃ

Улар омонатларига ва аҳдларига риоя қилгувчилардир.

ﮄﮅﮆﮇﮈﮉ

Улар намозларини муҳофаза қилувчилардир.

ﮊﮋﮌﮍ

Ана ўшалар ворис бўлгувчилардир.

ﮎﮏﮐﮑﮒﮓﮔ

Улар Фирдавсни мерос олурлар, улар унда абадий қолгувчилардир.

ﮕﮖﮗﮘﮙﮚﮛﮜ

Қасамки, батаҳқиқ, инсонни лой сулоласидан яратдик.

ﮝﮞﮟﮠﮡﮢﮣ

Сўнгра уни мустаҳкам қароргоҳда нутфа қилдик.

ﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛ

Сўнгра нутфадан алақа яратдик, алақадан чайналган гўшт яратдик, чайналган парча гўштдан суяк яратдик, бас, суякка гўшт қопладик, сўнгра уни бошқа бир жонзот этиб пайдо қилдик. Бас, яратгувчиларнинг энг яхшиси Аллоҳ баракотли ва буюкдир.

ﯜﯝﯞﯟﯠﯡ

Сўнгра, албатта, сизлар бундан кейин ўлгувчисизлар.

ﯢﯣﯤﯥﯦﯧ

Сўнгра, албатта, сизлар қиёмат куни қайта тирилтирилурсизлар.

ﯨﯩﯪﯫﯬﯭﯮﯯﯰﯱﯲ

Батаҳқиқ, Биз устингизда етти йўлни яратдик. Биз махлуқотдан ғофил бўлган эмасмиз.

ﭑﭒﭓﭔﭕﭖﭗﭘﭙﭚﭛﭜﭝﭞﭟ

Биз осмондан ўлчов ила сув тушириб, уни ерга жойлаштирдик. Албатта, Биз уни кетказишга ҳам қодирдирмиз.

ﭠﭡﭢﭣﭤﭥﭦﭧﭨﭩﭪﭫﭬﭭ

Ва у(сув) ила сиз учун хурмо ва узум боғлари пайдо қилдик, сизга у(боғ)ларда кўп мевалар бўлиб, улардан ерсизлар.

ﭮﭯﭰﭱﭲﭳﭴﭵﭶﭷ

Ва Тури Сийнодан чиқадиган бир дарахтни (пайдо қилдикки), у ёғ ва егувчиларга нонхуриш ила ўсур.

ﭸﭹﭺﭻﭼﭽﭾﭿﮀﮁﮂﮃﮄﮅﮆﮇﮈ

Албатта, сиз учун чорва ҳайвонларида ибрат бордир. Биз сизни уларнинг қоринларидаги нарса ила суғорурмиз ва сиз учун уларда кўпгина манфаатлар бор ва улардан ерсизлар.

ﮉﮊﮋﮌﮍ

Ва уларга ва кемаларга юкланурсизлар.

ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟ

Батаҳқиқ, Биз Нуҳни қавмига юбордик. Бас, у: «Эй қавмим, Аллоҳга ибодат қилинг. Сиз учун Ундан ўзга ҳеч бир илоҳ йўқдир. Наҳотки қўрқмасангиз?!» деди.

ﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛ

Бас, унинг қавмидан куфр келтирган зодагонлари: «Бу сизга ўхшаш башар, холос, сиздан афзал бўлиб олмоқчи. Агар Аллоҳ хоҳласа, фаришталарни туширар эди. Аввалги ота-боболаримизда буни эшитган эмасмиз.

ﯜﯝﯞﯟﯠﯡﯢﯣﯤﯥﯦ

У фақат бир жинни одам, холос. Бас, уни бир оз муддат пойлаб туринг», дедилар.

ﯧﯨﯩﯪﯫﯬ

У: «Эй Роббим, мени ёлғончи қилганларга қарши менга нусрат бер», деди.

ﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎ

Бас, Биз унга: «Бизнинг кўз ўнгимизда ва ваҳийимиз ила кема яса. Бас, Бизнинг амримиз келиб, таннур фаввора бўлганда, у(кема)га ҳар бир турдан бир жуфтдан ва аҳлингни чиқар, магар кимнинг зиддига олдин сўзимиз ўтган бўлса (чиқарма). Зулм қилганлар ҳақида Менга хитоб қилма. Албатта, улар ғарқ қилингувчилардир.

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ

Бас, сен ўзинг билан бирга бўлганлар ила кемага жойлашиб олгач: «Бизни золим қавмлардан қутқарган Аллоҳга ҳамдлар бўлсин», дегин.

ﭡﭢﭣﭤﭥﭦﭧﭨﭩ

Ва: «Эй Роббим, мени муборак манзилга туширгин, Сен, Ўзинг манзилга туширгувчиларнинг энг яхшисисан», дегин», дедик.

ﭪﭫﭬﭭﭮﭯﭰﭱ

Албатта, бунда оят-ибратлар бордир. Албатта, Биз синовчи бўлган эдик.

ﭲﭳﭴﭵﭶﭷﭸ

Сўнгра улардан кейин бошқа авлодларни пайдо қилдик.

ﭹﭺﭻﭼﭽﭾﭿﮀﮁﮂﮃﮄﮅﮆﮇﮈ

Бас, уларнинг ичига ўзларидан бўлган Пайғамбарни: «Аллоҳга ибодат қилинг. Сиз учун Ундан ўзга илоҳ йўқдир, наҳотки, қўрқмасангиз», деб юбордик.

ﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢ

Унинг қавмидан куфр келтирган, охиратга рўбарў бўлишини ёлғонга чиқарган ва Биз уларни ҳаёти дунёда маишатпараст қилиб қўйган зодагонлари: «Бу сизга ўхшаган башар, холос. Сиз еган нарсадан ейди, сиз ичган нарсадан ичади.

ﮣﮤﮥﮦﮧﮨﮩﮪ

Агар ўзингизга ўхшаган башарга итоат қилсангиз, унда, албатта, сиз зиёнкорлардандирсиз.

ﮫﮬﮭﮮﮯﮰﮱﯓﯔﯕ

У сизга, ўлсангиз, тупроқ ва суяк бўлсангиз ҳам, албатта, чиқарилгувчи бўлишингизни ваъда қилмоқдами?!

ﯖﯗﯘﯙﯚﯛ

Ҳайҳот! Ҳайҳот! Сизга ваъда қилинган нарса нақадар узоқ!

ﯜﯝﯞﯟﯠﯡﯢﯣﯤﯥﯦ

Шу дунёдаги ҳаётимиздан бошқа ҳаёт йўқдир. Ўламиз, тириламиз ва биз қайта тирилгувчи эмасмиз.

ﯧﯨﯩﯪﯫﯬﯭﯮﯯﯰﯱﯲﯳ

У фақат Аллоҳга нисбатан ёлғон уйдирган одам, холос. Биз унга иймон келтиргувчи эмасмиз», дедилар.

ﯴﯵﯶﯷﯸﯹ

У: «Эй Роббим, мени ёлғончи қилганларга қарши менга нусрат бер», деди.

ﯺﯻﯼﯽﯾﯿ

У зот: «Озгинадан сўнг улар надомат чекувчи бўлурлар», деди.

ﰀﰁﰂﰃﰄﰅﰆﰇﰈﰉ

Бас, уларни ҳақ ила қичқириқ олди. Бас, Биз уларни хасу чўпга айлантирдик. Даф бўлсин золим қавмлар!

ﰊﰋﰌﰍﰎﰏﰐ

Сўнгра улардан кейин бошқа аср авлодларини пайдо қилдик.

ﭑﭒﭓﭔﭕﭖﭗﭘ

Ҳеч бир уммат ўз ажалидан олдин ҳам кетмас, ортда ҳам қолмас.

ﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯ

Сўнгра Пайғамбарларимизни кетма-кет юбордик. Ҳар қачон бир умматга ўз Пайғамбари келса, уни ёлғончи қилдилар. Бас, Биз ҳам уларни баъзилари ортидан баъзиларини (ҳалокатга) эргаштиравердик ва уларни гапу сўзга айлантирдик. Бас, даф бўлсин иймон келтирмайдиган қавмлар!

ﭰﭱﭲﭳﭴﭵﭶﭷﭸ

Сўнгра биз Мусо ва биродари Ҳорунни оятларимиз ва очиқ ҳужжат ила юбордик.

ﭹﭺﭻﭼﭽﭾﭿﮀ

Фиръавн ва унинг аъёнларига. Бас, улар мутакаббирлик қилдилар ва ўзини юқори қўйган қавм бўлдилар.

ﮁﮂﮃﮄﮅﮆﮇﮈ

Бас, улар: «Ўзимизга ўхшаган икки башарга иймон келтирамизми?! Ҳолбуки, уларнинг қавми бизга қуллик қилгувчи бўлиб турибди-ку?! « дедилар.

ﮉﮊﮋﮌﮍ

Бас, икковларини ёлғончи қилдилар ва ҳалок қилинганлардан бўлдилар.

ﮎﮏﮐﮑﮒﮓﮔ

Батаҳқиқ, Биз, шоядки, ҳидоят топсалар, деб Мусога Китобни берган эдик.

ﮕﮖﮗﮘﮙﮚﮛﮜﮝﮞﮟﮠ

Ибн Марямни ва унинг онасини оят-аломат қилдик ва икковларини оқар сувли қароргоҳ тепаликка жойладик.

ﮡﮢﮣﮤﮥﮦﮧﮨﮩﮪﮫﮬﮭ

Эй Пайғамбарлар! Пок нарсалардан енглар ва солиҳ амаллар қилинглар. Албатта, Мен нима амал қилаётганингизни ўта билгувчиман.

ﮮﮯﮰﮱﯓﯔﯕﯖﯗ

Албатта, сизнинг бу умматингиз ягона умматдир. Мен эса, Роббингизман. Бас, Менгагина тақво қилинг.

ﯘﯙﯚﯛﯜﯝﯞﯟﯠﯡﯢ

Бас, улар ишларини ўз ораларида пора-пора қилиб бўлиб юбордилар. Ҳар фирқа ўз ҳузурларидаги нарса ила хурсанддирлар.

ﯣﯤﯥﯦﯧﯨ

Бас, сен уларни ғафлатларида бир муддат қўйиб қўй.

ﯩﯪﯫﯬﯭﯮﯯﯰ

Улар Бизнинг ўзларига молу дунё ва фарзандлар ила мадад бераётганимизни.

ﯱﯲﯳﯴﯵﯶﯷﯸﯹ

Уларга яхшиликларни тезлатишимиз, деб ҳисоблайдиларми? Йўқ! Улар сезмаслар.

ﯺﯻﯼﯽﯾﯿﰀﰁ

Албатта, Роббиларидан қўрқиб хавфда турувчилар.

ﰂﰃﰄﰅﰆﰇ

Ва Роббилари оятларига иймон келтирадиганлар.

ﰈﰉﰊﰋﰌﰍ

Ва Роббиларига ширк келтирмайдиганлар.

ﭑﭒﭓﭔﭕﭖﭗﭘﭙﭚﭛ

Ва берадиган нарсаларини, албатта, Роббиларига қайтгувчи эканликларидан қалблари титраган ҳолда берурлар.

ﭜﭝﭞﭟﭠﭡﭢﭣ

Ана ўшалар яхшиликларга шошилурлар ва улар ўша(яхшилик)лар учун мусобақа қилурлар.

ﭤﭥﭦﭧﭨﭩﭪﭫﭬﭭﭮﭯﭰﭱ

Биз ҳеч бир жонга тоқатидан ташқари таклиф қилмасмиз. Ҳузуримизда китоб бор. У ҳақни сўзлайдир. Уларга зулм қилинмас.

ﭲﭳﭴﭵﭶﭷﭸﭹﭺﭻﭼﭽﭾﭿﮀ

Йўқ! Уларнинг қалблари бундан ғафлатдадир. Уларнинг бундан бошқа амаллари бордир. Улар ўша (амал)ларни қилгувчидирлар.

ﮁﮂﮃﮄﮅﮆﮇﮈﮉ

Токи уларнинг маишатпарастларини азоб ила тутганимизда, бирдан фарёд солурлар.

ﮊﮋﮌﮍﮎﮏﮐﮑﮒ

Энди, бугун фарёд солманг! Албатта, Биз томонимиздан сизга нусрат қилинмас.

ﮓﮔﮕﮖﮗﮘﮙﮚﮛﮜ

Батаҳқиқ, Менинг оятларим сизга тиловат қилинар эди. Сиз эса, ортингизга қочар эдингиз.

ﮝﮞﮟﮠﮡ

У(Каъба) билан кибрланар, тунги суҳбатингизда беҳуда сўзлар айтар эдингиз.

ﮢﮣﮤﮥﮦﮧﮨﮩﮪﮫﮬ

Наҳотки улар бу сўзни тадаббур қилиб кўрмадилар? Ёки уларга аввалги ота-боболарига келмаган нарса келибдими?

ﮭﮮﮯﮰﮱﯓﯔﯕ

Ёки ўз Пайғамбарларини танимасдан улар унга инкор қилгувчи бўлмоқдаларми?

ﯖﯗﯘﯙﯚﯛﯜﯝﯞﯟﯠﯡ

Ёки, унда жиннилик бор, дейдиларми? Йўқ! У уларга ҳақ ила келди. Уларнинг кўплари эса, ҳақни ёмон кўргувчидирлар.

ﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳ

Агар ҳақ уларнинг ҳавойи нафсларига эргашса, албатта, осмонлару ер ва улардаги кимсалар фасодга учрар эди. Йўқ! Биз уларга ўз шарафларини келтирдик. Улар эса, шарафларидан юз ўгирмоқдалар.

ﯴﯵﯶﯷﯸﯹﯺﯻﯼﯽﯾ

Ёки сен улардан харож сўраяпсанми?! Бас, Роббингнинг харожи яхшироқдир. У зот энг яхши ризқ бергувчидир.

ﯿﰀﰁﰂﰃﰄ

Албатта, сен уларни тўғри йўлга чақирасан.

ﰅﰆﰇﰈﰉﰊﰋﰌﰍ

Албатта, охиратга иймон келтирмайдиганлар бу йўлдан озгувчидирлар.

ﭑﭒﭓﭔﭕﭖﭗﭘﭙﭚﭛﭜﭝ

Агар уларга раҳм қилиб, уларга етган зарарни кушойиш қилсак ҳам, туғёнларида бардавом бўлиб, адашиб-улоқиб юраверадилар.

ﭞﭟﭠﭡﭢﭣﭤﭥﭦ

Батаҳқиқ, Биз уларни азоб ила тутдик, бас, улар Роббиларига бўйин ҳам эгмадилар, тазарруъ ҳам қилмадилар.

ﭧﭨﭩﭪﭫﭬﭭﭮﭯﭰﭱﭲﭳ

Токи қачон уларга шиддатли азоб эшигини очганимизда, тўсатдан ноумид бўлгувчилардир.

ﭴﭵﭶﭷﭸﭹﭺﭻﭼﭽﭾﭿ

У зот сизга қулоқни, кўзлару қалбларни пайдо қилган зот. Нақадар оз шукр қилурсиз!

ﮀﮁﮂﮃﮄﮅﮆﮇ

У зот сизларни ер юзида яратиб, таратгандир. Ва Унгагина тўпланурсизлар.

ﮈﮉﮊﮋﮌﮍﮎﮏﮐﮑﮒﮓ

У зот тирилтирур ва ўлдирур. Кечаю кундузнинг алмашиниши ҳам Унга оид. Наҳотки ақл юритмасангиз?

ﮔﮕﮖﮗﮘﮙﮚ

Йўқ! Улар аввалгилар айтган нарсага ўхшаш нарсани айтдилар.

ﮛﮜﮝﮞﮟﮠﮡﮢﮣ

Улар: «Биз ўлиб тупроқ ва суяк бўлганимиздан кейин ҳам-а? Биз, албатта, қайта тирилтирилувчимизми-а?

ﮤﮥﮦﮧﮨﮩﮪﮫﮬﮭﮮﮯﮰ

Батаҳқиқ, бизга ҳам, бундан олдин ота-боболаримизга ҳам бу ваъда қилинган эди. Бу аввалгиларнинг афсонасидан бошқа нарса эмас», дедилар.

ﮱﯓﯔﯕﯖﯗﯘﯙﯚ

Сен: «Агар билсангиз, Ер ва ундаги кимсалар кимникидир?» деб айт.

ﯛﯜﯝﯞﯟﯠﯡ

«Аллоҳникидир», дерлар. Сен: «Наҳотки эслатма олмасангиз?!» дегин.

ﯢﯣﯤﯥﯦﯧﯨﯩﯪ

Сен: «Етти осмоннинг Робби ким? Улуғ аршнинг Робби ким?» деб айт.

ﯫﯬﯭﯮﯯﯰﯱ

Улар: «Аллоҳникидир», дерлар. Сен: «Наҳотки қўрқмасангиз?!» деб айт.

ﯲﯳﯴﯵﯶﯷﯸﯹﯺﯻﯼﯽﯾﯿﰀ

Сен: «Агар билсангиз (айтинг-чи), ҳар бир нарсанинг мулки қўлида бўлмиш, Ўзи ҳимоя қиладиган ва Ундан ҳимоя қилинмайдиган зот ким?!» деб айт.

ﰁﰂﰃﰄﰅﰆﰇ

«Аллоҳникидир», дерлар. Сен: «Қандоқ ҳам сеҳрланмоқдасиз-а?!» деб айт.

ﭑﭒﭓﭔﭕﭖ

Йўқ! Биз уларга ҳақни келтирдик. Улар эса ёлғончилардир.

ﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰﭱ

Аллоҳ ҳеч бир фарзанд тутмаган, У билан бирга ҳеч бир илоҳ бўлмаган. Шундоқ бўлганида, ҳар бир илоҳ ўзи яратган нарсаси билан кетиб, баъзилари баъзиларидан устун келар эди. Аллоҳ улар қилаётган васфдан пок бўлди.

ﭲﭳﭴﭵﭶﭷﭸ

У ғайбни ва ҳозирни билгувчидир. У улар ширк келтираётган нарсадан олийдир.

ﭹﭺﭻﭼﭽﭾﭿ

Сен: «Эй Роббим, агар менга, албатта, уларга ваъда қилинган нарсани кўрсатадиган бўлсанг.

ﮀﮁﮂﮃﮄﮅﮆ

Эй Роббим, мени золим қавмлар ичида қилмагин», деб айт.

ﮇﮈﮉﮊﮋﮌﮍﮎ

Албатта, Биз уларга ваъда қилаётган нарсамизни сенга кўрсатишга қодирмиз.

ﮏﮐﮑﮒﮓﮔﮕﮖﮗﮘﮙ

Сен эса, ёмонликни гўзал нарса ила даф қил. Биз нима васф қилаётганларини яхши билгувчимиз.

ﮚﮛﮜﮝﮞﮟﮠﮡ

Сен: «Эй Роббим, сендан шайтонларнинг васвасасидан паноҳ сўрайман!

ﮢﮣﮤﮥﮦﮧ

Сендан, эй Роббим, уларнинг менга ҳозир бўлишларидан паноҳ сўрайман», деб айт.

ﮨﮩﮪﮫﮬﮭﮮﮯﮰ

Токи улардан бирига ўлим келган чоғда: «Эй Роббим, мени (ҳаётга) қайтаргин.

ﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥ

Шоядки тарк қилган нарсамда солиҳ амал қилсам», дер. Йўқ! Албатта, бу (қуруқ) сўз бўлиб, у айтгувчи, холос. Уларнинг ортида қайта тириладиган кунларигача тўсиқ бордир.

ﯦﯧﯨﯩﯪﯫﯬﯭﯮﯯﯰ

Бас, қачонки сурга пуфланганда, у кунда ораларида на насаб қолур ва на бир-бирларини суриштирурлар.

ﯱﯲﯳﯴﯵﯶﯷ

Кимнинг мезонлари оғир келса, бас, ана ўшалар, ўзлари нажот топгувчилардир.

ﯸﯹﯺﯻﯼﯽﯾﯿﰀﰁﰂ

Кимнинг мезони енгил келса, бас, ана ўшалар, ўзларига зиён қилибдилар. Жаҳаннамда абадий қолгувчи бўлибдилар.

ﰃﰄﰅﰆﰇﰈﰉ

Юзларини олов куйдирур. Улар унда бадбашара ҳолда бўлурлар.

ﭑﭒﭓﭔﭕﭖﭗﭘﭙ

Сизларга оятларим тиловат қилинган эмасмиди?! Бас, сиз уларни ёлғонга чиқарган эмасмидингиз?!

ﭚﭛﭜﭝﭞﭟﭠﭡﭢ

Улар: «Эй Роббимиз, бадбахтлигимиз ўзимиздан устун келиб, залолатга кетган қавм бўлган эканмиз.

ﭣﭤﭥﭦﭧﭨﭩﭪ

Эй Роббимиз, бизни бу (дўзах)дан чиқаргин, агар яна (эски ҳолимизга) қайтсак, бас, албатта, золимлардан бўлурмиз«, дерлар.

ﭫﭬﭭﭮﭯﭰ

У зот: «У(ер)да хор бўлиб қолаверинг ва Менга гапирманг!

ﭱﭲﭳﭴﭵﭶﭷﭸﭹﭺﭻﭼﭽﭾﭿ

Аниқки, Менинг бандаларимдан бир гуруҳи: «Эй Роббимиз, Биз иймон келтирдик. Бизни мағфират қилгин. Бизга раҳм қилгин. Сенинг Ўзинг раҳм қилгувчиларнинг яхшисисан», деган эдилар.

ﮀﮁﮂﮃﮄﮅﮆﮇﮈ

Бас, сиз уларни масхара қилдингиз. Ҳаттоки улар (ни масхара қилиш) сизга Менинг зикримни унуттирди. Сиз улардан кулар эдингиз.

ﮉﮊﮋﮌﮍﮎﮏﮐﮑ

Албатта, Мен бугун уларни сабр қилганлари учун мукофотладим. Албатта, улар ўзлари ютуққа эришгувчилардир.

ﮒﮓﮔﮕﮖﮗﮘﮙ

У зот: «Ер юзида неча йил қолдингиз?» деди.

ﮚﮛﮜﮝﮞﮟﮠﮡﮢ

Улар: «Бир кун ёки куннинг баъзисича қолдик. Ҳисобловчилардан сўра», дедилар.

ﮣﮤﮥﮦﮧﮨﮩﮪﮫﮬﮭ

У зот: «Агар билсангиз, жуда оз қолдингиз, холос», деди.

ﮮﮯﮰﮱﯓﯔﯕﯖﯗ

Наҳотки Бизнинг сизни яратишимиз беҳуда бўлган ва сиз Бизга қайтарилмассиз, деб ҳисобласангиз?!

ﯘﯙﯚﯛﯜﯝﯞﯟﯠﯡﯢﯣﯤ

Бас, ҳақ подшоҳ Аллоҳ юксакдир. Ҳеч бир илоҳ йўқ. Магар у–карамли Аршнинг Робби бор.

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸ

Ким Аллоҳ билан бирга бошқа илоҳга илтижо қилса, бу хусусда ҳеч бир далили йўқдир. Бас, унинг ҳисоби фақат Роббининг ҳузуридадир. Албатта, кофирлар нажот топмаслар.

ﯹﯺﯻﯼﯽﯾﯿﰀ

Сен: «Эй Роббим, мағфират қил, раҳм қил. Ўзинг раҳм қилгувчиларнинг яхшисисан», деб айт.

Muqaddas Qur'on

Tuesday, August 18, 2026

Don't forget us in your sincere prayers