Suuratu As-Saffat pdf Fulfulde

PDF —

182 Aaya Meccan PDF

Built right in your browser — download starts automatically

Suuratu As-Saffat pdf — Aawto (Fulfulde)

Suuratu As-Saffat pdf Fulfulde — Aawto Suuratu As-Saffat Jaaɓtinde. Suuratu As-Saffat (Meccan) 182 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suuratu As-Saffat

182 Aaya · Meccan · Fulfulde

ﭑﭒﭓ

37:1 Mi woondirii saffiniraaɗi ɗin saffaaji

ﭔﭕﭖ

37:2 Mi woondirii soggirayɗi (duule) ɗin soggugol

ﭗﭘﭙ

37:3 Mi woondirii janngirayɗi ɗin, anndintinorgol

ﭚﭛﭜﭝ

37:4 Pellet, reweteeɗo mon On, ko bajjo

ﭞﭟﭠﭡﭢﭣﭤﭥ

37:5 Jeyɗo kammuuli ɗin e leydi ndin, e kon ko woni hakkunde ɗin ɗiɗi, Jeyɗo kadi fuɗirɗe ɗen

ﭦﭧﭨﭩﭪﭫﭬ

37:6 Men cuɗirii kammu (hikkii ngu) aduna ngun: cuɗaari koode ɗen

ﭭﭮﭯﭰﭱﭲ

37:7 e reenirgol (ngu) kala seytaane raɗaandu

ﭳﭴﭵﭶﭷﭸﭹﭺﭻﭼ

37:8 Ɗi haɗtanaaka heɗitagol mbatu [Malaa’ika’en] toowu ngu ngun; tawde hiɗi feroree e kala baŋŋe

ﭽﭾﭿﮀﮁﮂ

37:9 ka raɗagol (ɗi). Hino woodani ɗi kadi, lepte duumiiɗe

ﮃﮄﮅﮆﮇﮈﮉﮊ

37:10 Si wanaa ndun bifti ndu e majji, jilannde [haala], ndu rewniree hoodere tufaynde

ﮋﮌﮍﮎﮏﮐﮑﮒﮓﮔﮕﮖﮗﮘ

37:11 Lamndo ɓe: si ko kamɓe ɓuri saɗtude tagude kaa ko ɓen ɓe Men tagi? Men tagirii ɓe kamɓe, loopal narnungal

ﮙﮚﮛﮜ

37:12 Si ko woni, a haawi, hiɓe jalnora

ﮝﮞﮟﮠﮡ

37:13 Si ɓe waajaama, ɓe waajitortaa

ﮢﮣﮤﮥﮦ

37:14 si ɓe yi`ii maande, ɓe jalkita

ﮧﮨﮩﮪﮫﮬﮭ

37:15 ɓe wi`a: "Ɗum wonaali, si wanaa mbilewu ɓanngu ngu

ﮮﮯﮰﮱﯓﯔﯕﯖ

37:16 Eyoo si men maayii, men wontii mbullaari e ƴi’e, haray ko men immintinoyteeɓe

ﯗﯘﯙ

37:17 Baabiraaɓe amen adinooɓe ɓen kadi e minen

ﯚﯛﯜﯝﯞ

37:18 Maaku: "Pellet! Hara le ko on hoynaaɓe

ﯟﯠﯡﯢﯣﯤﯥﯦ

37:19 Anndon ɗum, ko wuttaandu wooturu pet, tawee jaka yoo, hiɓe ndaara

ﯧﯨﯩﯪﯫﯬ

37:20 Ɓe wi`a: Ee bone amen ! Ko ndee woni Ñalaande njoɓdi kuuɗe

ﯭﯮﯯﯰﯱﯲﯳﯴ

37:21 Ko ndee woni Ñalaande ñaawoore, ko fennaynoɗon fii mun

ﯵﯶﯷﯸﯹﯺﯻﯼﯽ

37:22 Mooɓee tooñuɓe ɓen, e nandadiiɓe maɓɓe ɓen, e kon ko ɓe wonunoo e rewde

ﯾﯿﰀﰁﰂﰃﰄﰅ

37:23 ko wonaa Alla. Soggireeɓe ka laawol Jahiimi

ﰆﰇﰈﰉﰊ

37:24 Darnon ɓe, tawde ko ɓe lamnditeteeɓe

ﭑﭒﭓﭔﭕ

37:25 Ko heɓi on, on wallindirtaa

ﭖﭗﭘﭙﭚ

37:26 Ko woni kamɓe on hannde, ko ɓe jebbilii ɓe

ﭛﭜﭝﭞﭟﭠ

37:27 woɗɓe e maɓɓe fewtita ɓeya, ɓe lamndondira

ﭡﭢﭣﭤﭥﭦﭧ

37:28 ɓe wi`a: "Ko onon woni ko ardiranaynoo men, ka ɓaŋŋe ñaamo

ﭨﭩﭪﭫﭬﭭ

37:29 (Koohooɓe) ɓen wi`a: "Ko woni kon, on meeɗaano wonnde gomɗimɓe

ﭮﭯﭰﭱﭲﭳﭴﭵﭶﭷﭸﭹ

37:30 Doole woo men alanaano on. Si ko woni, on wonuno yimɓe bewɓe

ﭺﭻﭼﭽﭾﭿﮀﮁ

37:31 Konngol Joomi men ngol, jojjii e men; pellet, ko en meeɗooɓe [lepte ɗen]

ﮂﮃﮄﮅﮆ

37:32 Men bewinno on, tawde hay menen, ko men bewnooɓe

ﮇﮈﮉﮊﮋﮌ

37:33 Kamɓe on nden ñalnde, ko ɓe hawtoyteeɓe ka lepte

ﮍﮎﮏﮐﮑ

37:34 Ko nii Menen Men huuwirta bomɓe ɓen

ﮒﮓﮔﮕﮖﮗﮘﮙﮚﮛﮜ

37:35 Kamɓe si ɓe wi`anooma: "Reweteeɗo alaa si wanaa Alla", ɓe mawnintinoo

ﮝﮞﮟﮠﮡﮢﮣ

37:36 ɓe wi`a: "Kere men accitiray reweteeɗi amen ɗin, fii yimoowo haangaaɗo

ﮤﮥﮦﮧﮨﮩ

37:37 Si ko woni, (Nulaaɗo) on ko goonga ardi, o goongini Nulaaɓe ɓen

ﮪﮫﮬﮭﮮ

37:38 Pellet, ko on meeɗay ɓe lepte muusuɗe ɗen

ﮯﮰﮱﯓﯔﯕﯖ

37:39 On yoɓitetaake, si wanaa yeru kon ko huuwaynoɗon

ﯗﯘﯙﯚﯛ

37:40 si wanaa jeyaaɓe Alla laɓɓinaaɓe ɓen

ﯜﯝﯞﯟﯠ

37:41 hino woodani ɓen ɗon, fanndaari anndaandi

ﯡﯢﯣﯤ

37:42 muuyanteeɗi, kadi ko ɓe teddinaaɓe

ﯥﯦﯧﯨ

37:43 ka Aljannaaji neeminiiɗi

ﯩﯪﯫﯬ

37:44 e hoore danɗe, ko ɓe fewtondirɓe

ﯭﯮﯯﯰﯱﯲ

37:45 Hara kore hino wannginii e maɓɓe, immorde e ɓulirde

ﯳﯴﯵﯶ

37:46 daneere, lewñunde, fii yarooɓe

ﯷﯸﯹﯺﯻﯼﯽﯾ

37:47 muusu hoore alaa e majjam, wanaa ɗam siwrinirteeɓe ɗam

ﯿﰀﰁﰂﰃ

37:48 Hino woodani ɓe (ton): raɓɓiduɓe ndaarɗe, yaaja giteeɓe

ﰄﰅﰆﰇ

37:49 wa’uɓe wa boofo maraaɗe

ﰈﰉﰊﰋﰌﰍ

37:50 Woɗɓe e maɓɓe fewtita ɓeya, ɓe lamndondira

ﰎﰏﰐﰑﰒﰓﰔﰕ

37:51 Goɗɗo e maɓɓe wi`a: "Min miɗo marunoo wonndiiɗo

ﭑﭒﭓﭔﭕ

37:52 wi`aynooɗo: "Kere ko a jeyaaɗo e googimɓe ɓen

ﭖﭗﭘﭙﭚﭛﭜﭝ

37:53 Eyoo si en maayii, en wontii mbullaari e ƴi’e, haray ko en yoɓitoyteeɓe

ﭞﭟﭠﭡﭢ

37:54 O wi`a: "Taw si ɗon yiɗi ƴeewude

ﭣﭤﭥﭦﭧﭨ

37:55 O ƴeewa, o haynoo oya ka tummbo Dulbunge

ﭩﭪﭫﭬﭭﭮ

37:56 o wi`a: "Mi woondirii Alla ! A eɓɓuno fii no mi halkorde

ﭯﭰﭱﭲﭳﭴﭵ

37:57 Si wanaano moƴƴere Joomi am nden, mi tawdeteno e [lepteteeɓe ɓen]

ﭶﭷﭸﭹ

37:58 Wonaa non enen maayataa

ﭺﭻﭼﭽﭾﭿﮀ

37:59 si wanaa maayde men aranere nden, en wonaali kadi lepteteeɓe

ﮁﮂﮃﮄﮅﮆ

37:60 Pellet, ko ɗum ɗoo woni maloore mawnunde nden

ﮇﮈﮉﮊﮋ

37:61 Ko fii sugu ɗum ɗoo, woni yo gollooɓe gollan

ﮌﮍﮎﮏﮐﮑﮒ

37:62 Hara ko ɗum ɓuri moƴƴude jipporde, kaa ko leggal "Zaqquumi" [ngal haaɗungal]

ﮓﮔﮕﮖﮗ

37:63 Men waɗii ngal jarrabuyee tooñuɓe ɓen

ﮘﮙﮚﮛﮜﮝﮞ

37:64 Ngal, ko leggal yaltayngal ka tummbere Dulbunge

ﮟﮠﮡﮢﮣ

37:65 Dimɗe maggal, hino wa’i wa ko`e seytanooji

ﮤﮥﮦﮧﮨﮩﮪ

37:66 Kamɓe on, pellet, ko e maggal ɓe nyaamirta, ɓe hebbinira ngal deedi maɓɓe

ﮫﮬﮭﮮﮯﮰﮱﯓ

37:67 Refti hino woodani ɓe e dow maggal, njaram fatinaaɗam

ﯔﯕﯖﯗﯘﯙ

37:68 Refti ruttorde maɓɓe nden, ko ka Dulɓoowe

ﯚﯛﯜﯝﯞ

37:69 Ɓe tawu baabiraaɓe maɓɓe ɓen, ko majjunooɓe

ﯟﯠﯡﯢﯣ

37:70 ɓe woni e yaccagol jokka baɗteeji maɓɓe

ﯤﯥﯦﯧﯨﯩ

37:71 Gomɗii, ko ɓuri ɗuuɗude e aramɓe ɓen, majjiino, ado maɓɓe

ﯪﯫﯬﯭﯮ

37:72 Gomɗii le, Men nuluno e maɓɓe, jertinooɓe

ﯯﯰﯱﯲﯳﯴ

37:73 Kono ndaaru baɗtane ɓen jertinanooɓe, no wa’unoo

ﯵﯶﯷﯸﯹ

37:74 Si wanaa jeyaaɓe Alla, laɓɓinaaɓe ɓen

ﯺﯻﯼﯽﯾﯿ

37:75 Gomɗii Nuuhu nodduno Men, Men moƴƴii jaabotooɓe

ﰀﰁﰂﰃﰄﰅ

37:76 Men daɗni mo, kanko e yimɓe makko ɓen, e suno mawnungo ngon

ﭑﭒﭓﭔﭕ

37:77 Men waɗi geyngol makko ngol, heddotooɓe ɓen

ﭖﭗﭘﭙﭚ

37:78 Men accani mo mantoore, e sakkitiiɓe ɓen

ﭛﭜﭝﭞﭟﭠ

37:79 Kisal wonii e Nuuhu, e nder winndere nden

ﭡﭢﭣﭤﭥ

37:80 Ko non woni ko Men warjorta moƴƴimɓe ɓen

ﭦﭧﭨﭩﭪ

37:81 Kanko, ko o jeyanooɗo e jeyaaɓe Amen gomɗimɓe ɓen

ﭫﭬﭭﭮ

37:82 Refti Men yooli heddii ɓe ɓen

ﭯﭰﭱﭲﭳﭴ

37:83 Hino jeyanoo e jokkuɓe mo ɓen, Ibraahiima

ﭵﭶﭷﭸﭹﭺ

37:84 Tuma nde ardunoo ka Joomi makko, e ɓernde hisunde

ﭻﭼﭽﭾﭿﮀﮁ

37:85 Nde o maakannoo ben makko e yimɓe mun ɓen: "Ko honɗum rewoton

ﮂﮃﮄﮅﮆﮇ

37:86 E ko reweteeɗi fefindaaɗi, ko wanaa Alla, faalaɗon

ﮈﮉﮊﮋﮌ

37:87 Ko sikkuɗon e Joomiraawo tageefo ngon

ﮍﮎﮏﮐﮑ

37:88 O ndaariri ndaarande ka koode

ﮒﮓﮔﮕ

37:89 o maaki: "Ko mi nawnuɗo

ﮖﮗﮘﮙ

37:90 Ɓe acci mo, ɓe hucciti

ﮚﮛﮜﮝﮞﮟﮠ

37:91 O moltii e reweteeɗi maɓɓe ɗin, o maaki: "E on ñaamataa

ﮡﮢﮣﮤﮥ

37:92 Ko heɓi on, on wowlataa

ﮦﮧﮨﮩﮪ

37:93 O moltorani ɗi, piyirgol ɗi ñaamo ngon

ﮫﮬﮭﮮ

37:94 Ɓe fewri ka makko, hiɓe yaawno

ﮯﮰﮱﯓﯔ

37:95 O maaki: "E on reway kon ko lesuɗon

ﯕﯖﯗﯘﯙ

37:96 hara le ko Alla tagi on, e kon ko golloton

ﯚﯛﯜﯝﯞﯟﯠﯡ

37:97 Ɓe wi`i: "Mahanee mo maadi, bugoɗon mo ka dulɓayange

ﯢﯣﯤﯥﯦﯧ

37:98 Ɓe faandanii mo feere; kono Men waɗi ɓe sooyube ɓen

ﯨﯩﯪﯫﯬﯭﯮ

37:99 O maaki: "Min on, ko mi feroowo ka Joomi am, aray nde O fewnata lam

ﯯﯰﯱﯲﯳﯴ

37:100 Joomi am, yeɗam geɓal moƴƴuɓe

ﯵﯶﯷﯸ

37:101 Men wewliniri mo, geɗal muññiiɗo

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ

37:102 Nde on yottinoo e makko jahal, [Ibraahiima] maaki: "Ko an ɓiɗɗo am, min mi yi`ii e ɗoyngol, wonnde miɗo hirse. Ndaaru ko yi’uɗaa". [Ismaa’iila] maaki: "Ko onon yo baaba’en, waɗee ko yamiraɗon kon, on tawoyay lam, si Alla jaɓii, jeyaaɗo e muñiiɓe ɓen

ﭑﭒﭓﭔﭕ

37:103 Nde ɓe jebbilaninoo (ymiroore Alla nden), o hippiri mo tiinde nden

ﭖﭗﭘﭙ

37:104 Men noddiri mo wiide: "ko yo Ibraahiima

ﭚﭛﭜﭝﭞﭟﭠﭡﭢ

37:105 Pellet, a goonginii koyɗol ngol. Ko Menen Men yoɓirte moƴƴinooɓe ɓen

ﭣﭤﭥﭦﭧﭨ

37:106 Pellet, ko ɗum ɗoo woni jarrabuyee ɓannguɗo on

ﭩﭪﭫﭬ

37:107 Men soktiri mo kirse mawɗe

ﭭﭮﭯﭰﭱ

37:108 Men accani mo mantoore, e sakkitiiɓe ɓen

ﭲﭳﭴﭵ

37:109 Kisiyee wonii e Ibraahiima

ﭶﭷﭸﭹ

37:110 Ko wano nii Men yoɓirta moƴƴinooɓe ɓen

ﭺﭻﭼﭽﭾ

37:111 Kanko, ko o jeyaaɗo e jeyaaɓe Amen gomɗimɓe ɓen

ﭿﮀﮁﮂﮃﮄ

37:112 Men wewlintiniri Ishaaqa, Annabaajo jeyaaɗo e moƴƴuɓe ɓen

ﮅﮆﮇﮈﮉﮊﮋﮌﮍﮎﮏﮐ

37:113 Men hebbini barki e makko e Ishaaqa. Hino e geyngol maɓɓe ngol: moƴƴinɗo, e tooñuɗo hoore-mun ɓanngini

ﮑﮒﮓﮔﮕﮖ

37:114 Gomɗii Men moƴƴike e dow Muusaa e Haaruuna

ﮗﮘﮙﮚﮛﮜ

37:115 Men daɗni ɓe, kamɓe e yimɓe maɓɓe ɓen, e ngoƴo mawnungo

ﮝﮞﮟﮠﮡ

37:116 Men walli ɓe, ɓe woni fooluɓe ɓen

ﮢﮣﮤﮥ

37:117 Men okki ɓe Deftere ɓannginnde nden

ﮦﮧﮨﮩ

37:118 Men fewniri ɓe, e laawol focciingol ngol

ﮪﮫﮬﮭﮮ

37:119 Men accani ɓe mantoore, e sakkitiiɓe ɓen

ﮯﮰﮱﯓﯔ

37:120 Kisal wonii e dow Muusaa e Haaruuna

ﯕﯖﯗﯘﯙ

37:121 Ko wano nii Men yoɓitirta moƴƴimɓe ɓen

ﯚﯛﯜﯝﯞ

37:122 Kamɓe ɗiɗo, ko ɓe jeyanooɓe e jeyaaɓe Amen gomɗimɓe ɓen

ﯟﯠﯡﯢﯣ

37:123 Pellet, Ilyaasa kadi, ko jeyanooɗo e Nulaaɓe ɓen

ﯤﯥﯦﯧﯨﯩ

37:124 Janto nde o maakannoo yimɓe makko ɓen: "E on hulataa [Alla]

ﯪﯫﯬﯭﯮﯯ

37:125 E ko "Ba’ala" rewoton, accon ɓurɗo moƴƴude tagu On

ﯰﯱﯲﯳﯴﯵ

37:126 Woni Alla, Jeyɗo on, Jeyi baabiraaɓe mon adinooɓe ɓen

ﭑﭒﭓﭔ

37:127 Ɓe fenni mo, awa non, ko ɓe tawnoyteeɓe (ka lepte)

ﭕﭖﭗﭘﭙ

37:128 Si wanaa jeyaaɓe Alla laɓɓinaaɓe ɓen

ﭚﭛﭜﭝﭞ

37:129 Men accani mo mantoore, e sakkitiiɓe ɓen

ﭟﭠﭡﭢﭣ

37:130 Kisal wonii e dow Ilyaasiina’en

ﭤﭥﭦﭧﭨ

37:131 Ko wano nii Men yoɓirta moƴƴimɓe ɓen

ﭩﭪﭫﭬﭭ

37:132 Kanko, ko o jeyanooɗo e jeyaaɓe Amen gomɗimɓe ɓen

ﭮﭯﭰﭱﭲ

37:133 Pellet, Luutu kadi, ko jeyanooɗo e Nulaaɓe ɓen

ﭳﭴﭵﭶﭷ

37:134 Janto nde Men daɗndunoo mo, kanko e ɓeynguure makko nden fow

ﭸﭹﭺﭻﭼ

37:135 si wonaa nayeeja debba, tawaaɗo e luttunooɓe ɓen

ﭽﭾﭿﮀ

37:136 refti Men oƴƴi heddii ɓe ɓen

ﮁﮂﮃﮄﮅ

37:137 Onon non, hiɗon rewa e hoore-maɓɓe, dawol mon

ﮆﮇﮈﮉﮊ

37:138 e ka jemma. E on haqqiltaa

ﮋﮌﮍﮎﮏ

37:139 Pellet, Yuunusa kadi, ko jeyanooɗo e Nulaaɓe ɓen

ﮐﮑﮒﮓﮔﮕ

37:140 Janto nde o dogirnoo ka laana hebbinaaka

ﮖﮗﮘﮙﮚ

37:141 o urbinii, o jeyaa e foolaaɓe ɓen

ﮛﮜﮝﮞﮟ

37:142 Linngii ngii moɗi mo, ko o felniiɗo

ﮠﮡﮢﮣﮤﮥ

37:143 Si wanaano tawde himo jeyanoo e subbunhinotooɓe ɓen

ﮦﮧﮨﮩﮪﮫﮬ

37:144 o ñiiɓayno e reedu maggii, haa ñalnde ɓe immintinoytee

ﮭﮮﮯﮰﮱﯓ

37:145 Men werlii mo ka ladde, ko o nawnuɗo

ﯔﯕﯖﯗﯘﯙ

37:146 Men fuɗini e mayre, leggal buudi

ﯚﯛﯜﯝﯞﯟﯠ

37:147 Men nuli mo e ujune teemeder yimɓe, maa ko ɓuri

ﯡﯢﯣﯤﯥ

37:148 Ɓe gomɗini, Men dakmiti ɓe haa e dumunna

ﯦﯧﯨﯩﯪﯫ

37:149 Lamndii ɓe:" E ko Joomi maa woodanta ɓiɗɓe rewɓe, kamɓe kan worɓe

ﯬﯭﯮﯯﯰﯱﯲ

37:150 Kaa Men tagir Malaa’ika’en rewɗinaaɗi, hara ko ɓe seediiɓe

ﯳﯴﯵﯶﯷﯸ

37:151 Faamee, kamɓe e pepindaale maɓɓe ɗen, hiɓe wi`a

ﯹﯺﯻﯼﯽ

37:152 Allah jibinii"; pellet, ɓe fanay

ﯾﯿﰀﰁﰂ

37:153 Hara O suɓay ɓiɗɓe rewɓe ɓen e dow worɓe ɓen

ﭑﭒﭓﭔﭕ

37:154 Ko heɓi on, si ɗon ñaawira non

ﭖﭗﭘ

37:155 E on miijitottaako

ﭙﭚﭛﭜﭝ

37:156 Kaa hiɗon jogii hujja ɓannguɗo

ﭞﭟﭠﭡﭢﭣ

37:157 Haray addee deftere mon nden, si wonii ko on goonguɓe

ﭤﭥﭦﭧﭨﭩﭪﭫﭬﭭﭮﭯ

37:158 Ɓe waɗi hakkunde Makko e Malaa’ika’en, asko; hara non, Malaa’ka’en no anndi, ɓen ko tawnoyteeɓe (ka lepte)

ﭰﭱﭲﭳﭴ

37:159 Senayee woodani Allah, e kon ko ɓe sifotoo

ﭵﭶﭷﭸﭹ

37:160 Si wanaa jeyaaɓe Allah laɓɓinaaɓe ɓen

ﭺﭻﭼﭽ

37:161 Anndon onon e ko rewoton kon

ﭾﭿﮀﮁﮂ

37:162 on wonaali majjinooɓe ɗum [goɗɗo goo]

ﮃﮄﮅﮆﮇﮈ

37:163 si wanaa tawɗo on ko naatoowo ka Dulɓaynge

ﮉﮊﮋﮌﮍﮎﮏ

37:164 [Malaa’ika’en wi`i]: "Alaa e amen, mo alanaa ɗum, darorde anndaande

ﮐﮑﮒﮓ

37:165 Ko menen woni saffinaaɓe ɓen

ﮔﮕﮖﮗ

37:166 Ko menen kadi woni subbunhinotooɓe ɓen

ﮘﮙﮚﮛ

37:167 Ɓe woniino e wi’ugol

ﮜﮝﮞﮟﮠﮡﮢ

37:168 Hara Deftere iwnde e adinooɓe ɓen, no woodannoo men

ﮣﮤﮥﮦﮧ

37:169 men wonayno jeyaaɓe Allah laɓɓinaaɓe

ﮨﮩﮪﮫﮬﮭ

37:170 Ɓe yeddi nde, kono aray ɓe anndoya

ﮮﮯﮰﮱﯓﯔ

37:171 Gomɗii Konngol Amen ardinoke, fii jeyaaɓe Amen, Nulaaɓe ɓen

ﯕﯖﯗﯘ

37:172 wonnde pellet, ko kamɓe woni walleteeɓe ɓen

ﯙﯚﯛﯜﯝ

37:173 e wonnde ko konu Amen ngun, woni foolooɓe ɓen

ﯞﯟﯠﯡﯢ

37:174 Ɗuurno ɓee, haa e saanga

ﯣﯤﯥﯦ

37:175 ndaaraa ɓe, ɓe aray yi’ude

ﯧﯨﯩ

37:176 E hara ko lepte Amen ɗen ɓe heñorta

ﯪﯫﯬﯭﯮﯯﯰ

37:177 Si ɗe jippike ka tannde (dingiral)maɓɓe, haray bimmbi waajonooɓe ɓen bonii

ﯱﯲﯳﯴﯵ

37:178 Ɗuurno ɓee, haa e saanga

ﯶﯷﯸﯹ

37:179 ndaaraa, ɓe aray yi’ude

ﯺﯻﯼﯽﯾﯿﰀ

37:180 Senayee woodanii Joomi maa, Jeyɗo teddungal, e kon ko ɓe sifotoo

ﰁﰂﰃﰄ

37:181 Kisyee wonii e Nulaaɓe ɓen

ﰅﰆﰇﰈﰉ

37:182 Yettoore woodani Allah, Jeyɗo winndere nden

Al-Qur'aana

Wednesday, September 9, 2026

Don't forget us in your sincere prayers