Surah As-Saffat pdf — Download (Maranao)
Surah As-Saffat pdf Maranao — Download Surah As-Saffat Baalikan. Surah As-Saffat (Meccan) 182 Ayat.
Related
- Surah As-Saffat BaalikanMaranao
- Surah As-Saffat mp3Pamakin'eg
- Quran Index Maranao114
More Surah PDF
Surah As-Saffat
ﭑﭒﭓ
37:1
Ibt ko zasaasaap sa samporna a kazaap
ﭔﭕﭖ
37:2
Go so pphamanndg (ko gabon) sa samporna a kapanndg
ﭗﭘﭙ
37:3
Go so pphamamatiya sa pananadm (a manga malaikat)
ﭚﭛﭜﭝ
37:4
Mataan! a so tohan iyo na matatangkd a Isa
ﭞﭟﭠﭡﭢﭣﭤﭥ
37:5
Kadnan o manga langit ago so lopa, go so pagltan a dowa oto, go Kadnan o manga sbangan
ﭦﭧﭨﭩﭪﭫﭬ
37:6
Mataan! a Skami na inipharas Ami ko langit a marani so parahiyasan a manga bitoon
ﭭﭮﭯﭰﭱﭲ
37:7
Go siyap ko oman i shaytan a gii mbinasa
ﭳﭴﭵﭶﭷﭸﭹﭺﭻﭼ
37:8
Di iran maphamamakin´g so (manga malaikat a) pagtaw a maporo, ka pphllbadn siran ko mbalabala
ﭽﭾﭿﮀﮁﮂ
37:9
Sa kapamogaw, go adn a bagian iran a siksa a tatap
ﮃﮄﮅﮆﮇﮈﮉﮊ
37:10
Inonta so miyakasinggaot sa isa a kasinggaot (ko katharo o manga malaikat), na siyaloba skaniyan o sindaw o bitoon a masindaw (a phakatotong)
ﮋﮌﮍﮎﮏﮐﮑﮒﮓﮔﮕﮖﮗﮘ
37:11
Na pakiosayn ka kiran: O ba siran i lbi a mabagr a kaadn, antawaa so inadn Ami (i lbi a mabagr)? Mataan! a Skami na inadn Ami siran a phoon ko lipaw, a mapilit
ﮙﮚﮛﮜ
37:12
Kna, ka miyammsa ka, go pphamagrgang ka iran
ﮝﮞﮟﮠﮡ
37:13
Na igira a piyakatadm siran, na di siran phakatadm
ﮢﮣﮤﮥﮦ
37:14
Go igira a miyakaylay siran sa tanda, na pphamagrgan iran
ﮧﮨﮩﮪﮫﮬﮭ
37:15
Go pitharo iran a: "Da ko ungkai inonta na balik mata a mapayag
ﮮﮯﮰﮱﯓﯔﯕﯖ
37:16
Ino amay ka matay kami, go mbaloy kami a botha, go manga tolan, ba mataan! a skami na pagoyagn kami dn
ﯗﯘﯙ
37:17
Antawaa so manga loks ami a miyangaoona
ﯚﯛﯜﯝﯞ
37:18
Tharoang ka a: "Oway, (pagoyagn kano dn), go skano na phamakarondan
ﯟﯠﯡﯢﯣﯤﯥﯦ
37:19
Na giyoto na satimambo a lalis; na samawto na siran na makananayaw siran
ﯧﯨﯩﯪﯫﯬ
37:20
Go matharo iran a: "Hay dowan dowaan tano! Giyai so alongan a kapamalas
ﯭﯮﯯﯰﯱﯲﯳﯴ
37:21
(Na tharoon kiran:) "Giyai so alongan a kokoman, a so skano na piyakambokhag iyo skaniyan
ﯵﯶﯷﯸﯹﯺﯻﯼﯽ
37:22
(Tharoon o Allah ko manga malaikat:) "Limoda niyo so mindadarowaka, rakhs o manga oganapa iran, go so piyamanimba iran
ﯾﯿﰀﰁﰂﰃﰄﰅ
37:23
A salakaw ko Allah, na nggonanaowa niyo siran ko lalan ko naraka Jahim
ﰆﰇﰈﰉﰊ
37:24
Go tarongkoa niyo siran, ka mataan! a siran na pagizaan siran
ﭑﭒﭓﭔﭕ
37:25
(Ptharoon kiran:) "Ino kano di makapthatabanga
ﭖﭗﭘﭙﭚ
37:26
Kna, ka siran sa alongan aya na makambabayorantang siran
ﭛﭜﭝﭞﭟﭠ
37:27
Na sangoran o sabaad kiran so sabaad, a gii siran zsndita
ﭡﭢﭣﭤﭥﭦﭧ
37:28
Tharoon iran a: "Mataan! a skano na aya btad iyo na pzong kano Rkami sa kapan´gl
ﭨﭩﭪﭫﭬﭭ
37:29
Ismbag iran: "Kna, ka da kano mabaloy a miyamaratiyaya
ﭮﭯﭰﭱﭲﭳﭴﭵﭶﭷﭸﭹ
37:30
Go da a miyaadn a Rkami rkano a kapaar. Kna, ka miyabaloy kano a pagtaw a manga darowaka
ﭺﭻﭼﭽﭾﭿﮀﮁ
37:31
Na miyatangkd rktano, so katharo o Kadnan tano. Mataan! a sktano na khataaman tano dn (angkai a siksa)
ﮂﮃﮄﮅﮆ
37:32
Na miyadadag ami skano: Ka mataan! a skami na miyabaloy kami a manga dadag
ﮇﮈﮉﮊﮋﮌ
37:33
Na mataan! a siran sa alongan oto, na makazasakotowa siran ko siksa
ﮍﮎﮏﮐﮑ
37:34
Mataan! a Skami na Lagid aya dn a ikhidia Mi ko manga baradosa
ﮒﮓﮔﮕﮖﮗﮘﮙﮚﮛﮜ
37:35
Mataan! a siran na aya btad iran na igira a pitharo kiran a: Da a patot a pzoasoatn a inonta so Allah, na mmaratabat siran
ﮝﮞﮟﮠﮡﮢﮣ
37:36
Go tharoon iran a: "Ati mataan! a sktano na mibagak tano dn so manga katohanan tano:, makapantag ko pababayok, a pmbthangn
ﮤﮥﮦﮧﮨﮩ
37:37
Kna, ka aya minitalingoma o Mohammad na so bnar, go miyatanto niyan so manga sogo
ﮪﮫﮬﮭﮮ
37:38
Mataan! a skano na khataaman iyo dn so siksa a malipds
ﮯﮰﮱﯓﯔﯕﯖ
37:39
Ka da a imbalas rkano a inonta so pinggolawla niyo
ﯗﯘﯙﯚﯛ
37:40
Ogaid na so manga oripn o Allah, a manga tolabos (na di siran phakataam ko siksa)
ﯜﯝﯞﯟﯠ
37:41
Siran man na adn a bagian iran a pagpr a mappnto
ﯡﯢﯣﯤ
37:42
A manga onga; a siran na khisslaan
ﯥﯦﯧﯨ
37:43
Sii ko manga sorga a pakalma
ﯩﯪﯫﯬ
37:44
(Sii siran) Ko manga kantir a khipagaadapadapa
ﯭﯮﯯﯰﯱﯲ
37:45
Ipphagilid kiran so tatagoan sa inomn a phoon ko bowalan
ﯳﯴﯵﯶ
37:46
Mapoti, a mapiya i taam ko pphamanginom
ﯷﯸﯹﯺﯻﯼﯽﯾ
37:47
Daa matatago on a pakalangot; go di siran on phangabbrg
ﯿﰀﰁﰂﰃ
37:48
Go zisii kiran so (manga darodopa a) manga thatangka i kaylay, a manga pipiya i kapmata
ﰄﰅﰆﰇ
37:49
Lagid oba siran montiya a totongkopn
ﰈﰉﰊﰋﰌﰍ
37:50
Na sangoran o sabaad kiran so sabaad a pphamagizai siran
ﰎﰏﰐﰑﰒﰓﰔﰕ
37:51
Tharoon o ptharo kiran a: "Mataan! a sakn na adn a bolayoka akn
ﭑﭒﭓﭔﭕ
37:52
A gii niyan tharoon a: "Ba mataan! a ska na pd dn ko miyamangimbnar
ﭖﭗﭘﭙﭚﭛﭜﭝ
37:53
Ino amay ka matay tano, go mbaloy tano a botha, go manga tolan, ba mataan! a sktano na khabalasan tano dn
ﭞﭟﭠﭡﭢ
37:54
Tharoon Iyan a: "Ba niyo prongawi
ﭣﭤﭥﭦﭧﭨ
37:55
Na rongawan iyan, na maylay niyan ko lmbak o naraka Jahim
ﭩﭪﭫﭬﭭﭮ
37:56
Tharoon iyan: "Ibt ko Allah! ka mayto bo na mataan a khabinasa kong ka
ﭯﭰﭱﭲﭳﭴﭵ
37:57
Na o da so limo o Kadnan ko, na miyabaloy ako dn a pd ko piyamakadarpa (ko naraka)
ﭶﭷﭸﭹ
37:58
Ino di tano phamatay
ﭺﭻﭼﭽﭾﭿﮀ
37:59
Inonta so kiyapatay tano a paganay, go di tano phangasisiksa
ﮁﮂﮃﮄﮅﮆ
37:60
Mataan aya! a titho a skaniyan so daag a mala
ﮇﮈﮉﮊﮋ
37:61
Makapantag ko lagid aya, na panamar magamal so pphamagamal
ﮌﮍﮎﮏﮐﮑﮒ
37:62
Ba giyoto i mapiya a talagad, antawaa so kayo a Zaqqom
ﮓﮔﮕﮖﮗ
37:63
Mataan! a Skami na inisnggay Ami aya a tiyoba ko manga darowaka
ﮘﮙﮚﮛﮜﮝﮞ
37:64
Mataan! a skaniyan na kayo a m´utho ko piyaganakanakan o naraka Jahim
ﮟﮠﮡﮢﮣ
37:65
So onga niyan na miphlagid skaniyan o manga olo o manga shaytan
ﮤﮥﮦﮧﮨﮩﮪ
37:66
Na mataan! a siran na phakakan siran on dn na khapno iran on so manga tiyan iran
ﮫﮬﮭﮮﮯﮰﮱﯓ
37:67
Oriyan iyan na mataan! a bagian iran oto a titho a kasasaogan sa phlikabo a ig
ﯔﯕﯖﯗﯘﯙ
37:68
Oriyan iyan na mataan! a aya khandodan iran na so dn so naraka Jahim
ﯚﯛﯜﯝﯞ
37:69
Mataan! a siran na miyatoon iran so manga loks iran a khikadadadag
ﯟﯠﯡﯢﯣ
37:70
Na siran na sii siran gii zasakoya ko manga lakaw iran
ﯤﯥﯦﯧﯨﯩ
37:71
Na sabnsabnar a mitharidadag ko miyaonaan iran so kadaklan ko miyangaoona
ﯪﯫﯬﯭﯮ
37:72
Go sabnsabnar a siyogo an Ami siran sa pphamakaiktiyar
ﯯﯰﯱﯲﯳﯴ
37:73
Na pamimikiranang ka o antonaa i miyambtad o kiya akiran ko piyamakaiktiyar (a dadn paratiyaya)
ﯵﯶﯷﯸﯹ
37:74
Inonta so manga oripn o Allah a manga tolabos
ﯺﯻﯼﯽﯾﯿ
37:75
Na sabnsabnar a miyangangarapan Rkami so Noh, na mataan a miyakapiyapiya so tomiyarima (ko pangni niyan)
ﰀﰁﰂﰃﰄﰅ
37:76
Na siyabt Ami skaniyan ago so taalok on ko boko a mala
ﭑﭒﭓﭔﭕ
37:77
Go biyaloy Ami so kiyababadan on, a siran i miyangalalamba
ﭖﭗﭘﭙﭚ
37:78
Go inibagak Ami skaniyan ko miyanga oori (a kapphananadman)
ﭛﭜﭝﭞﭟﭠ
37:79
Kalilintad a sii ko Noh ko manga kaadn
ﭡﭢﭣﭤﭥ
37:80
Mataan! a Skami na lagid man oto a kambalasi Ami ko miphipiyapiya
ﭦﭧﭨﭩﭪ
37:81
Mataan! a skaniyan na pd ko manga oripn Ami a miyamaratiyaya
ﭫﭬﭭﭮ
37:82
Oriyan iyan na inld Ami so manga pd (a dapamaratiyaya)
ﭯﭰﭱﭲﭳﭴ
37:83
Na mataan! a maapd ko okit iyan so Ibrahim
ﭵﭶﭷﭸﭹﭺ
37:84
Gowani a somangor ko Kadnan iyan a rakhs o poso a da a saninsaning iyan
ﭻﭼﭽﭾﭿﮀﮁ
37:85
Gowani na pitharo iyan ki ama iyan, ago so pagtaw niyan a: "Antonaa i pzimbaan iyo
ﮂﮃﮄﮅﮆﮇ
37:86
Ba so kabokhag a manga katohanan a salakaw ko Allah i khabayaan niyo
ﮈﮉﮊﮋﮌ
37:87
Na antonaa i arangan iyo ko Kadnan o manga kaadn
ﮍﮎﮏﮐﮑ
37:88
Na inilay niyan sa kaylay a gdagda so manga bitoon
ﮒﮓﮔﮕ
37:89
Na pitharo iyan a: "Mataan! a pkhasakit ako
ﮖﮗﮘﮙ
37:90
Na inawaan iran skaniyan, a miyamanalikhod siran
ﮚﮛﮜﮝﮞﮟﮠ
37:91
Na minanay somong ko manga katohanan iran, na pitharo iyan a: "Ino kano di khan
ﮡﮢﮣﮤﮥ
37:92
Ino a di kano ptharo
ﮦﮧﮨﮩﮪ
37:93
Na siyongoan iyan siran sa mananay, na pirorompi niyan zabnar
ﮫﮬﮭﮮ
37:94
Na piyamantk iran skaniyan a gii siran mamagarabaya
ﮯﮰﮱﯓﯔ
37:95
Pitharo iyan a: "Ino niyo pzimbaa so gii niyo phapandayan
ﯕﯖﯗﯘﯙ
37:96
A so Allah i miyadn rkano, ago so pphangmbaalan niyo
ﯚﯛﯜﯝﯞﯟﯠﯡ
37:97
Pitharo iran a: "Mbalayn iyo skaniyan sa walay, na lbadn iyo skaniyan ko kadg
ﯢﯣﯤﯥﯦﯧ
37:98
Na pikhadiyatan iran skaniyan sa tipo, na biyaloy Ami siran a manga bababa
ﯨﯩﯪﯫﯬﯭﯮ
37:99
Na pitharo iyan a: "Mataan! a sakn na zong ako ko Kadnan ko! a pnggonanao rakn
ﯯﯰﯱﯲﯳﯴ
37:100
Kadnan ko, bgi akong Ka sa (wata a) pd ko manga bilangataw
ﯵﯶﯷﯸ
37:101
Na piyanothol Ami ron a (pmbawata sa) wata a mama a matigr
ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ
37:102
Na kagiya iraot sa miphagonota iyan lomalakaw, na pitharo iyan: "Hay wata ko, mataan! a sakn na pithataginp akn ko katotoroga (rakn) a mataan! a sakn na zombaliin ko ska: Na nggdagdaang ka o antonaa i pandapat ka!" Pitharo iyan: "Hay ama, nggolalann ka so sogoan rka: Ka khatoon akong ka, omiyog so Allah, a pd ko manga papantang
ﭑﭒﭓﭔﭕ
37:103
Na kagiya a mbayorantang siran a dowa, go piyakaiga iyan a tomatakilid
ﭖﭗﭘﭙ
37:104
Na tiyawag Ami skaniyan: "Hay Ibrahim
ﭚﭛﭜﭝﭞﭟﭠﭡﭢ
37:105
Sabnar a miyatoman ka so taginpn!" - mataan! a Skami na lagid man oto a kambalasi Ami ko miphipiyapiya
ﭣﭤﭥﭦﭧﭨ
37:106
Mataan! a giyaya na titho a skaniyan na tiyoba a mapayag
ﭩﭪﭫﭬ
37:107
Na siyanggar Ami skaniyan a kibas a mala
ﭭﭮﭯﭰﭱ
37:108
Go inibagak Ami skaniyan (a kapphananadman) ko miyangaoori
ﭲﭳﭴﭵ
37:109
Kalilintad a sii ko Ibrahim
ﭶﭷﭸﭹ
37:110
Lagid man oto a kambalasi Ami ko miphipiyapiya
ﭺﭻﭼﭽﭾ
37:111
Mataan! a skaniyan na pd ko manga oripn Ami a miyamaratiyaya
ﭿﮀﮁﮂﮃﮄ
37:112
Na piyanothol Ami ron (a ipmbawata iyan) so Is´haq a nabi, - a pd ko manga bilangataw
ﮅﮆﮇﮈﮉﮊﮋﮌﮍﮎﮏﮐ
37:113
Na piyakandaklan Ami sa mapiya skaniyan ago so Is´haq: Na so sabaad ko manga mori ran a taw na phipiyapiya, go (so sabaad na) siyalimbotan iyan a ginawa niyan a mapayag
ﮑﮒﮓﮔﮕﮖ
37:114
Na sabnsabnar a inipangalimo Ami so Mosa ago so Haron
ﮗﮘﮙﮚﮛﮜ
37:115
Go siyabt Ami siran ago so pagtaw iran ko boko a mala
ﮝﮞﮟﮠﮡ
37:116
Go tiyabangan Ami siran, na miyabaloy siran a siran i miyamakadaag
ﮢﮣﮤﮥ
37:117
Go inibgay Ami kiran so kitab a miyakapayag (ko manga kokoman)
ﮦﮧﮨﮩ
37:118
Go pinggonanao Ami kiran so lalan a matitho
ﮪﮫﮬﮭﮮ
37:119
Go inibagak Ami siran (a kapphananadman) ko miyangaoori
ﮯﮰﮱﯓﯔ
37:120
Kalilintad a sii ko Mosa ago so Haron
ﯕﯖﯗﯘﯙ
37:121
Mataan! a Skami na lagid man oto a kambalasi Ami ko miphipiyapiya
ﯚﯛﯜﯝﯞ
37:122
Mataan! a giya dowa oto na pd ko manga oripn o Allah a miyamaratiyaya
ﯟﯠﯡﯢﯣ
37:123
Go mataan! a so Ilyas na pd dn ko manga sogo
ﯤﯥﯦﯧﯨﯩ
37:124
Gowani na pitharo iyan ko pagtaw niyan a: "Ino kano di phananggila
ﯪﯫﯬﯭﯮﯯ
37:125
Ino niyo pphanongganoya so barahala a Baal, na ipmbagak iyo so lbi a mapiya a miyangadn
ﯰﯱﯲﯳﯴﯵ
37:126
A so Allah, a Kadnan iyo go Kadnan o manga loks iyo a miyangaoona
ﭑﭒﭓﭔ
37:127
Na piyakambokhag iran Skaniyan, na mataan! a siran na phamakadarpaan dn (ko naraka)
ﭕﭖﭗﭘﭙ
37:128
Inonta so manga oripn o Allah a manga tolabos
ﭚﭛﭜﭝﭞ
37:129
Na inibagak Ami skaniyan (a kapphananadman) ko miyanga oori
ﭟﭠﭡﭢﭣ
37:130
Kalilintad a sii ko Ilyasin
ﭤﭥﭦﭧﭨ
37:131
Mataan! a Skami na lagid man oto a kambalasi Ami ko miphipiyapiya
ﭩﭪﭫﭬﭭ
37:132
Mataan! a skaniyan na pd ko manga oripn Ami a miyamaratiyaya
ﭮﭯﭰﭱﭲ
37:133
Go mataan! a so Lot na pd dn ko manga sogo (Ami)
ﭳﭴﭵﭶﭷ
37:134
Gowani na siyabt Ami skaniyan ago so taalok on, sa kasamasama iran
ﭸﭹﭺﭻﭼ
37:135
Inonta so loks (a karoma niyan) ka miyapd ko miyamangi bagak (ko siksa)
ﭽﭾﭿﮀ
37:136
Oriyan iyan na bininasa Mi so manga salakaw (kiran)
ﮁﮂﮃﮄﮅ
37:137
Na mataan! a skano na sabnar a pkhasagadan iyo siran, ko kapkhapitai rkano
ﮆﮇﮈﮉﮊ
37:138
Ago so gagawii: Ba niyo di mapnggdagda
ﮋﮌﮍﮎﮏ
37:139
Go mataan! a so Yonos na pd dn ko manga sogo
ﮐﮑﮒﮓﮔﮕ
37:140
Gowani na miyalagoy a miyagapas ko kapal a ttgbn
ﮖﮗﮘﮙﮚ
37:141
Na miyakipripa, na miyabaloy a pd ko piyamanaban
ﮛﮜﮝﮞﮟ
37:142
Na liyamd skaniyan o sda, a skaniyan na makapphanginsoya
ﮠﮡﮢﮣﮤﮥ
37:143
Na o da (kagiya a) mataan a skaniyan na miyabaloy a pd ko miyamanasbik
ﮦﮧﮨﮩﮪﮫﮬ
37:144
Na khatatap dn ko tiyan o sda sa taman ko alongan a kawyaga kiran (ko alongan a qiyamah)
ﮭﮮﮯﮰﮱﯓ
37:145
Na inidampar Ami skaniyan ko taog a pagilidan a skaniyan na pkhasakit
ﯔﯕﯖﯗﯘﯙ
37:146
Go piyakathoan Ami so kaporoan iyan, sa pamomolan a pndonapa (a kiyasirongan iyan)
ﯚﯛﯜﯝﯞﯟﯠ
37:147
Na siyogo Ami skaniyan ko magatos nggibo (a manga taw) odi na makalalawan siran (sa magatos nggibo)
ﯡﯢﯣﯤﯥ
37:148
Na miyamaratiyaya siran; na piyakasawit Ami siran ko kapagintaw taman ko wakto (o kapatay)
ﯦﯧﯨﯩﯪﯫ
37:149
Na pakiosayn ka kiran: O ba rk o Kadnan ka so manga wata a babay, na rk iran so manga wata a mama
ﯬﯭﯮﯯﯰﯱﯲ
37:150
Antawaa ba Ami inadn so manga malaikat a manga babay, a siran na kamamasaan iran
ﯳﯴﯵﯶﯷﯸ
37:151
Tanodan, ka mataan! a siran na phoon ko kabokhag iran na ptharoon iran dn
ﯹﯺﯻﯼﯽ
37:152
A mimbawata so Allah!" go mataan! a siran na titho a manga bokhag
ﯾﯿﰀﰁﰂ
37:153
Ati miyatomo Iyan so manga wata a babay a di so manga wata a mama
ﭑﭒﭓﭔﭕ
37:154
Ino kano wai? Andamanaya i khipkhokomn iyo saya
ﭖﭗﭘ
37:155
Ino kano di phananadm
ﭙﭚﭛﭜﭝ
37:156
Antawaa ba adn a karina niyo a mapayag
ﭞﭟﭠﭡﭢﭣ
37:157
Na talingomaan iyo i kitab iyo o skano i manga bnar
ﭤﭥﭦﭧﭨﭩﭪﭫﭬﭭﭮﭯ
37:158
Na mimbaal siran ko lt o Allah ago so lt o manga jinn sa bangnsa: Na sabnsabnar a kiyatokawan o manga jinn a mataan! a siran na phamakadarpaan dn (ko naraka)
ﭰﭱﭲﭳﭴ
37:159
Soti so Allah! a mawatan ko iphropa iran
ﭵﭶﭷﭸﭹ
37:160
Inonta so manga oripn o Allah, a manga tolabos
ﭺﭻﭼﭽ
37:161
Na mataan! a skano ago so pzimbaan iyo
ﭾﭿﮀﮁﮂ
37:162
Na da rkano i sorang rkaniyan a madadag iyo
ﮃﮄﮅﮆﮇﮈ
37:163
Inonta so skaniyan a phakasold ko naraka Jahim
ﮉﮊﮋﮌﮍﮎﮏ
37:164
Na da a pd rkami (a manga malaikat) a ba da a bagian iyan a darpa a mappnto
ﮐﮑﮒﮓ
37:165
Go mataan! a skami na sabnar a zasaasaap
ﮔﮕﮖﮗ
37:166
Go mataan! a skami na sabnar a skami so pphamanasbik (ko Allah)
ﮘﮙﮚﮛ
37:167
Na mataan! a siran na ptharoon iran dn
ﮜﮝﮞﮟﮠﮡﮢ
37:168
A oba bo mataan! a adn a zisii rkami a pananadm a phoon ko miyangaoona
ﮣﮤﮥﮦﮧ
37:169
Ka miyabaloy kami dn a manga oripn o Allah, a manga tolabos
ﮨﮩﮪﮫﮬﮭ
37:170
Na inongkir iran so Qor´an: Na katokawan iran bo
ﮮﮯﮰﮱﯓﯔ
37:171
Na sabnsabnar a miyaona so katharo Ami ko manga oripn Ami a piyamanogo
ﯕﯖﯗﯘ
37:172
Mataan! a siran na, siran dn so phangatatabangan
ﯙﯚﯛﯜﯝ
37:173
Go mataan! a so manga tantara Ami, na siran dn so phamakadaag
ﯞﯟﯠﯡﯢ
37:174
Na talikhoding ka siran sa taman ko masa (a di mathay)
ﯣﯤﯥﯦ
37:175
Go pakaylayang ka siran, ka maylay ran bo
ﯧﯨﯩ
37:176
Ba so siksa Ami na phagalokalokan iran
ﯪﯫﯬﯭﯮﯯﯰ
37:177
Na pabila makatoron (so siksa) ko zaronsarongan iran, na miyakaratarata a kakhapitai ko piyamakaiktiyar (a da dn paratiyaya)
ﯱﯲﯳﯴﯵ
37:178
Na talikhoding ka siran sa taman ko masa (a di mathay)
ﯶﯷﯸﯹ
37:179
Go pakaylayang ka (siran), ka khaylay ran bo
ﯺﯻﯼﯽﯾﯿﰀ
37:180
Soti so Kadnan ka, a Kadnan o mnang, a mawatan ko iphropa iran
ﰁﰂﰃﰄ
37:181
Na kalilintad a sii ko manga sogo
ﰅﰆﰇﰈﰉ
37:182
Go so podi na rk o Allah, a Kadnan o manga kaadn
Qur-an a Soti
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Qur-an a Soti mp3
Complete Recitation — حفص عن عاصم
Abdul Basit Qur-an a Soti mp3
Complete Recitation — حفص عن عاصم
Mishary Rashid Alafasy Qur-an a Soti mp3
Complete Recitation — حفص عن عاصم
Al-Hussary Mahmoud Khalil Qur-an a Soti mp3
Complete Recitation — حفص عن عاصم
Muhammad Siddiq Al-Minshawi Qur-an a Soti mp3
Complete Recitation — حفص عن عاصم
Abdul Rahman Al-Sudais Qur-an a Soti mp3
Complete Recitation — حفص عن عاصم
Saud Al-Shuraim Qur-an a Soti mp3
Complete Recitation — حفص عن عاصم
Maher Al-Muaiqly Qur-an a Soti mp3
Complete Recitation — حفص عن عاصم