Suuratu Al-Muddaththir pdf

74:1 Ko an yo mojiiɗo

74:2 Ɓaŋo waajo-ɗaa

74:3 Fii Joomi maa, mawninaa

74:4 Comci maa ɗin, laɓɓinaa

74:5 Sanamuuji ɗin, woɗɗito-ɗaa

74:6 Wata a okkir fii heɓugol ko ɓuri ɗum

74:7 Ko fii Joomi maa, muññortaa

74:8 Si wuttaama ka allaandu

74:9 haray nden ñalnde woni, ñalaande sattunde

74:10 e hoore heeferɓe ɓen, nde wanaa newiinde

74:11 Accidam e mo Mi tagi on kañun tun

74:12 Mi waɗani mo jawdi ɗuuɗundi

74:13 e ɓiɗɓe wonnduɓe e makko

74:14 Mi yaññani mo yaññudee

74:15 refti himo tamƴinoo nde mi ɓeydata

74:16 Ɗum waɗataa ! Tawde o laatino sanndalɗiiɗo e Aayeeje Amen ɗen

74:17 Aray Mi fawa mo lette sattuɗe

74:18 Kanko on, o miijiti o eɓɓindii

74:19 O huɗaama hono no o hoddiri

74:20 Refti o huɗa hono o hoddiri

74:21 Refti o ndaari

74:22 Refti ñirɓanii o ɓeydi ñirɓinaade

74:23 Refti o runtii hombo mawnikini

74:24 ɓe wi`a: "Ɗum wonaali, si wanaa mbilewu ɓanngu ngu

74:25 Mbo wonah si wonah konngol aade

74:26 Ma Mi naatnu mbo yiite saqara

74:27 Hol ko anndin ma ko woni Saqara

74:28 Nge heddatah nge accatah

74:29 Sumoowe geece

74:30 Ina e dow mannge sappa e jeenay

74:31 Men waɗaali aynooɓe yimɓe Yiite ngen, si wanaa Malaa’ika. Men waɗiraali limoore maɓɓe si wanaa jarraborgol yedduɓe ɓen, e fii yo henan okkaaɓe Defte ɓen, e fii no gomɗimɓe ɓen ɓeydora gomɗinal, e fii wata okkaaɓe Defte ɓen e gomɗimɓe ɓen sikkito; e fii yo ɓen ɓe ñawu woni e ɓerɗe mun e heeferɓe ɓen wi’u: "Hara ko honɗum Allah faandorii e ngal misal?" Ko wano non Allah majjinirta mo O muuyani, himo fewna kadi mo O muuyani. Hay gooto anndaa yeru koneeli Joomi maa ɗin, si wanaa Kanko. Ngen [Yiite] wonaali, si wanaa waaju wonannde neɗɗanke

74:32 Kono yo henane! Mi woondirii lewru ndun

74:33 O woondiri jemma si mbo runtii ma

74:34 E subaka si mbo fooyni

74:35 Ko mbo gootel e mawɗi

74:36 Ko nge jertinirde wonannde neɗɗanke

74:37 Wonannde on yiɗuɗo e mo’on, nde o yaccotoo maa nennoo

74:38 Wonkii kala ko faggii kon nanngirte

74:39 Si wanaa yimɓe ñaamo ɓen

74:40 hiɓe e nder gese, hiɓe lamndondira

74:41 fii bomɓe ɓen

74:42 ko hoɗum naadi on Saqara

74:43 Ɓen wi`a: "Men jeyanooka e juulooɓe ɓen

74:44 men jeyanooka kadi e ñamminooɓe miskimɓe ɓen

74:45 Hari men jumpidayno kadi e jumpooɓe ɓen

74:46 Hari kadi men fennayno fii ñalaande njoɓdi nden

74:47 Haa [maayde] yananaande nden arani men

74:48 Nafataaɓe tefoore tefooɓe

74:49 Hol ko waɗi ɓe sirkuɓe na ɗuurno Quraana

74:50 Hoɓe mba*i e bamɗi laawatooɗi na ndoga

74:51 Dokɗi mbaroodi

74:52 Gooto e mum en fof na faaala totteede ɗeri caraaɗi

74:53 Alah woni koɓe kulaani laakara

74:54 Alah ɗuum ko ciftanirgol

74:55 Ko kala faalaaɗo waactaroo mbo o waaccaroo mbo

74:56 ɓe mbaactaaka si wonah Alla na haaja, ko Kanko woni kaanduɗo e huleede ko Kanko woni kaanduɗo e yaafaade