Suuratu Al-Muddaththir pdf

74:1 Yaa mammarataa

74:2 Kaii akeekkachiisi

74:3 Gooftaa keetis guddisi

74:4 Uffata keetis qulqulleessi

74:5 Taabotaanis oodi

74:6 Baayifannaa barbaachaaf hin arjoomin

74:7 Gooftaa keetiif obsi

74:8 Yeroo xurumbaa keessa afuufame

74:9 Sun, guyyaan gaafasii guyyaa rakkisaadha

74:10 Kaafiroota irratti (guyyaa) laafaa miti

74:11 Nama ani kophaa isa uumee wajjin (walitti) Na dhiisi

74:12 Kan Ani qabeenya balaas isaaf godhe

74:13 Ilmaan dhiiraa kan isa biratti argamanis

74:14 Balisuus kan Ani isaaf balise

74:15 Ergasii akka Ani isaaf dabalus kan kajeelu

74:16 Haa dhorgamu! Inni keeyyattoota Keenya mormaa ture

74:17 Dhugumatti, rakkoo guddaattin isa dirqa

74:18 Inni ni xiinxale; ni tilmaames

74:19 Abaarame! Akkamumatti tilmaame

74:20 Ergasiis abaarame! Akkamumatti tilmaame

74:21 Ergasii ni ilaale

74:22 Ergasii fuula guure; akkaan jijjiirame

74:23 Ergasii gara gale; ni boone

74:24 Ni jedhes: "(Quraanni) kun falfala (nama biraa) irraa waraabame qofa

74:25 Kun jecha namaa malee hin taane

74:26 Saqar isa seensisuufin jira

74:27 Saqar maal akka tae maaltu si barsiise

74:28 (Foon) hin hambiftu (lafees) hin dhiiftu

74:29 Gogaas gubduudha

74:30 Ishee irra (waardiyyaa) kudha sagaltu jira

74:31 Eegdota Ibiddaas malaykota malee kan biraa hin gooneLakkoofsa isaaniis isaan kafaraniif qormaata, warri kitaaba kennaman akka mirkaneeffatan, warri amanan iimaana akka dabalatanuuf, warri kitaaba kennamaniifi muuminoonnis akka hin shakkinee,fi akka warri onnee isaanii keessa dhukkubni jiruufi kaafiroonni ‘Rabbiin (lakkoofsa) kanaan fakkeenya maalii fedhe’ jedhaniif malee kana hin gooneAkka kanatti Rabbiin nama fedhe jallisee nama fedhe immoo qajeelcha(Baayina) waraana Gooftaa keetiis Isa malee homtuu hin beekuIsheenis namaaf gorsa malee waan biraatii miti

74:32 Haa dhorgamu! Jiattin kakadha

74:33 Halkaniinis; yeroo inni deeme

74:34 Bariidhaanis yeroo inni ife

74:35 Dhugumatti, isheen (saqar) tokkoo (rakkoolee) gurgurddooti

74:36 Namaaf akeekkachiiftuudha

74:37 Nama isin irraa (hojii gaariidhaan) fuulduratti deemuu, yookiin duubatti hafuu fedheef (akeekkachiistuu dha)

74:38 Lubbuun hundi waan hojjatteen qabamtuudha

74:39 Warra mirgaa malee

74:40 (Isaan) jannata keessatti wal gaggaafatu

74:41 Yakkamtoota irraa (wal gaafatu)

74:42 Maaltu Saqariin keessa isin seensise?" (isaanin jedhu)

74:43 Ni jedhan: "nuti warra salaatan irraa hin turre

74:44 Hiyyeeyyii kan nyaachifnus hin turre

74:45 Warra (hamtuu) keessa seenuu wajjin seenaa turre

74:46 Guyyaa mindaas kan sobsiifnu turre

74:47 Hanga (duuti) mirkanaayaan nutti dhufutti (haala kana irra turre)" (jedhu)

74:48 Jaarsummaan (araarri) warra araarsanii isaan hin fayyadu

74:49 Maaltu isaaniif jiraayi gorsa (Quraanaa) irraa gara galoo tau

74:50 (Yeroo akeekkachiisa Rabbii irraa dheessan) akka harree diidoo dammaqanii (gugatanii) fakkaatu

74:51 Leenca irraa kan baqatan

74:52 Inumaa namni isaan irraa tae hundi kitaabota banamoo kennamuu fedha

74:53 Dhugumatti, (hin kennamanu) isaan Aakhirumaayyuu hin sodaatanu

74:54 Dhugumatti, inni (Quraanni) gorsa

74:55 Nama fedheetu isaan gorfama

74:56 Yoo Rabbiin fedhe malee hin gorfamanuInni (Rabbiin) kan sodaatamuu haqa godhatuufi Abbaa Araaramaati