Surat Al-Muddassir pdf

74:1 wengi. Lan shabatira sagolongan hiya padha mangkono. Allah nemtokake dawa cendhake rina lan wengi, nguningani yen sira padha ora kelar sholat samono suwene mau kajaba kelawan rekasa, mulane Allah muwung marang sira. Sarehne mangkono sira macaa al-Quran sakuwasanira ana sajerone sholat. Allah nguningani yen sira iku bakal ana kang nandhang lara banjur rekasa sholat ing wayah wengi lan ana uga kang padha mlaku lelungan ing bumi ngupaya jiwa golek rizki kanugrahaning Allah lan ana uga kang padha perang ing dalaning Allah, mulane sira padhaa maca al-Quran sakuwasanira lan ngakonana sholat, bayar zakat, padha motangna becik marang Allah. Samu barang kabecikan kang padha sira lakoni bakal nemu ganjran becik ana ngarsaning Allah ngungkuli kabecikan kang sira lakoni ing buri. Lan nyuwuna pangapuraning Allah, satemene Allah iku karsa ngapura tur maha asih. . He wong kang mujung (Muhammad)

74:2 Sira ngadeka lan elingna

74:3 Lan nyebuta Maha Agung ing Allah Pangeranira

74:4 Tuwin angresikna sasandanganira

74:5 Apa dene angedohna jejember

74:6 Lan aja weweh murih wewales kang luwih akeh

74:7 Lan sabara karana ngelakoni parentahe Pangeranira

74:8 Amarga samangsa slompret tiniyub

74:9 Ing dina iku kena diarani dina rekasa

74:10 TUmrap engatase para wong kafir ora pisan gampang

74:11 Tona wae Ingsun dheweke karo wong kang wus Ingsun titahake

74:12 Lan wis Ingsun paringi bandha kang omber

74:13 Uga Ingsun paringin anak lanang akeh padha nglumpuk

74:14 Tuwin perkarane Ingsun tata sarwa tumata

74:15 Ewa dene dheweke isih angajab Ingsun wuwuhana

74:16 Ora pisan - pisan! Sayekti dheweke amilawani timbalan - timbalan Ingsun

74:17 Ingsun bakal anibakake siksa kang nyusahake marang dheweke

74:18 Sayekti, dheweke mikir - mikir sarta anetepake

74:19 Ananging marga siniku, kapriye anggone netepake

74:20 Maneh, muga siniku kapriye anggone netepake

74:21 Banjur angawasake

74:22 Tumuli mrengut sarta nyawang sumengit

74:23 Banjur mungkur sarta gumedhe

74:24 Banjur celathu, "Al-Quran iki ora liya kajaba sihir kang disinau (saka wong - wong biyen)

74:25 (Al-Quran) iki ora liya mung pangucaping manungsa wae

74:26 Dheweke bakal Ingsun cemplungake neraka saqar

74:27 Kapriye panemunira, apa kang aran neraka saqar

74:28 Neraka saqar mau ora ngawetake, sadhengah kang kacemplung ing kono mesthi rusak

74:29 Tur gosongake kulit

74:30 Ing kono ana (Malaikat) kang anjaga

74:31 Lan ora liya kajaba Malaikat kang Ingsun dadekake panjaganing geni, sarta wilangane iku ora liya kajaba mung Ingsun dadekake coba tumrap wong kang padha kafir, supaya para kang kaparingan Kitab padha yakin, sarta para kang padha iman pada wuwuh imane, apa dene (supaya) ora padha semang - semang para kang kaparingan kitab lan para mukminin, sarta supaya para kang sajeroning atine ana lelarane sarta para kafir padha elathir: apa ta kersaning Allah andamel sanepa iki? Iya kaya mangkono iku anggone Allah andadekake sasare sapa kang dadi karsane, sarta aparing pituduh (marang) sapa sing dadi kersane, lan ora ana kang weruh wedyabalane Pangeranira kajaba mung Panjenengane, lan iki ora liya kajaba pepeling tumrap para manungsa

74:32 Demi rembulan, wong kafir ora pisan ngistokake wewulanging al-Quran

74:33 Demi wengi nalikane mungkur

74:34 Demi wajah Shubuh nalikane padhang

74:35 Temen neraka Saqar iku ewone bebaya kang gedhe

74:36 Kanggo medheni marang manungsa

74:37 Tumrap wong kancanira kang arep maju pracaya (al-Quran) utawa mundur ora pracaya

74:38 Sarupaning awak iku kaiket (tanggung jawab) karo sabarang panggawene

74:39 Kajaba para kang ana ing tangan tengen

74:40 Ana sajeroning patamanan bakal padha takon - takon

74:41 Prakara wong kang padha dosa

74:42 Punapa marganipun sampeyan wonten ing salebeting neraka

74:43 Bakal padha mangsuli, "Kula punika sanes golonganipun tiyang ingkang sami sholat

74:44 Lan kula boten nate nyukani tedha tiyang miskin

74:45 Sarta damel kula omong lelahanan kaliyan tiyang ingkang damelipun omong lelahanan

74:46 Sarta kula punika mahiben badhe kalampahipun dinten piwale

74:47 Ngantos datengipun pejah kula

74:48 (Pangendikaning Allah) Mulane syafa’ate para juru syafaat ora bakal migunani marang dheweke

74:49 Lan apa ta pakolehe anggone wong mau padha lumuh nistakake saka pepeling (al-Quran)

74:50 Kaya dene kuldi (keledai liar) kang kaget

74:51 Kan anggeblas ngoncati: singo barong

74:52 Balik dheweke, siji - sijine padha angajab diparingana dhewe - dhewe lembaran kang ginelar

74:53 Ora bakal (dipituruti panjaluke) balik dheweke padha ora wedi marang akherat

74:54 Temen iku sawijining pepeling

74:55 Lah sapa sing gelem, angelangana iku

74:56 Lan ora bakal padha angelingi, kejaba sing dadi kaparenging Allah. Panjenengane iku panthes diestokake dhawuhe lan pantes aparing pangapura