Surah Al-Insan pdf Filipino

Surah Al-Insan

PDF —

31 Talata Medinan PDF

Built right in your browser — download starts automatically

Surah Al-Insan pdf — I-download (Filipino)

Surah Al-Insan pdf Filipino — I-download Surah Al-Insan Salin. Al-Insan (Medinan) 31 Talata.

📚 Basahin 🎧 Pakinggan mp3 📜 Banal na Quran

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Al-Insan

31 Talata · Medinan · Filipino

ﯜﯝﯞﯟﯠﯡﯢﯣﯤﯥﯦﯧ

Hindi baga ang tao ay wala sa loob ng mahabang panahon at hindi man lamang nababanggit

ﯨﯩﯪﯫﯬﯭﯮﯯﯰﯱﯲ

Katotohanang Aming nilikha ang tao mula sa Nutfah (magkahalong katas ng semilya ng lalaki at babae), upang siya ay Aming masubukan, kaya’t Aming ginawaran siya ng biyaya ng pandinig at pangmasid

ﯳﯴﯵﯶﯷﯸﯹﯺ

Katotohanang Aming itinuro sa kanya ang landas (na may kalayaan) na maging mabuti sa pasasalamat o kawalan ng pasasalamat

ﯻﯼﯽﯾﯿﰀﰁ

At sa mga nagtatakwil sa pananampalataya ay Aming inihanda ang mga bakal na kadena, ang mga gapos (sa leeg) at Naglalagablab na Apoy

ﰂﰃﰄﰅﰆﰇﰈﰉﰊ

Katotohanang sa mga Abrar (matutuwid na tao na nangangamba kay Allah at umiiwas sa kasalanan), ay magsisiinom sa kopita na ang laman nito (ay alak) na hinaluan ng tubig mula sa batis ng Paraiso na tinatawag na Kafur

ﭑﭒﭓﭔﭕﭖﭗﭘ

Sa isang bukal na kung saan ang mga tagapaglingkod ni Allah ay magsisiinom, na dumadaloy nang masagana at hindi magmamaliw

ﭙﭚﭛﭜﭝﭞﭟﭠ

(Sapagkat) sila nga ang nagsiganap ng kanilang tungkulin at nangamba sa Araw na ang kasamaan ay magsisipangalat nang malayo at malawak

ﭡﭢﭣﭤﭥﭦﭧﭨ

At sila ay nagkaloob ng pagkain dahilan sa pagmamahal kay Allah, sa nagdarahop, sa ulila at napipiit

ﭩﭪﭫﭬﭭﭮﭯﭰﭱﭲﭳ

(Na nagsasabi): “Kami ay nagpakain sa inyo dahilan sa pagmamahal namin kay Allah. Kami ay hindi naghahangad 928 ng pabuya, gayundin ng pasasalamat mula sa inyo

ﭴﭵﭶﭷﭸﭹﭺﭻ

Katotohanang kami ay nangangamba sa aming Panginoon sa Araw ng kahirapan at kaguluhan na magdudulot sa mga mukha ng kalagim-lagim na anyo (dahilan sa matinding pag-ayaw dito).”

ﭼﭽﭾﭿﮀﮁﮂﮃﮄ

Datapuwa’t sila ay iniligtas ni Allah sa kasamaan ng Araw na yaon at sila ay biniyayaan Niya ng Nadratan (isang Liwanag ng Kagandahan) at kaligayahan

ﮅﮆﮇﮈﮉﮊ

At sapagkat sila ay naging matiyaga at matatag (sa pananalig), si Allah ay magkakaloob sa kanila ng Halamanan (Paraiso) at mga kasuutang yari sa sutla

ﮋﮌﮍﮎﮏﮐﮑﮒﮓﮔﮕﮖ

Sila ay nakahimlay nang pahilig sa Halamanan sa mga nakataas na luklukan, at sila ay hindi makakamalas dito ng mahapding init ng araw o ng napakalamig na sinag ng buwan

ﮗﮘﮙﮚﮛﮜﮝ

At ang lilim ng Halamanan ay bababa upang limliman sila at ang mga kumpol ng hitik na bunga ay nakabitin nang mababa na abot-kamay nila

ﮞﮟﮠﮡﮢﮣﮤﮥﮦ

At sa kanila ay palibot na idudulot ang mabibilog na banga na yari sa pilak at mga kopitang kristal

ﮧﮨﮩﮪﮫﮬ

Kristal na kumikislap na gawa sa pilak. Tatamasahin nila ang anumang dami (sa sisidlan) sa anumang kanilang maibigan

ﮭﮮﮯﮰﮱﯓﯔ

At sila ay dudulutan upang uminom sa kopita na ang laman (ay alak) na nahahaluan ng Zanjabil

ﯕﯖﯗﯘﯙ

Mula sa isang bukal ng tubig doon na tinatawag na Salsabil

ﯚﯛﯜﯝﯞﯟﯠﯡﯢﯣﯤ

At sa kanila ay magsisilbi ang mga kabataan na may hindi nagmamaliw na kasariwaan (kabataan), na kung inyong mapagmamalas, sila ay wari bang nagkalat na perlas (sa kariktan)

ﯥﯦﯧﯨﯩﯪﯫﯬ

At kung tutunghay kayo rito (Paraiso), kayo ay makakamalas ng Sukdol na Kaligayahan (na hindi mapapangarap at mauunawaan), at isang dakilang Paghahari

ﯭﯮﯯﯰﯱﯲﯳﯴﯵﯶﯷﯸﯹﯺﯻ

Ang kanilang mga kasuutan ay kulay luntiang sutla na napapalamutihan ng ginto. Sila ay gagayakan ng mga pulseras na pilak at ang kanilang Panginoon ay magkakaloob sa kanila ng dalisay na inumin

ﯼﯽﯾﯿﰀﰁﰂﰃﰄ

(At sa kanila ay ipagbabadya): “Katotohanang ito ang ganti sa inyo at ang inyong pinagsumikapan ay tinanggap na mainam (sa karangalan)”

ﰅﰆﰇﰈﰉﰊﰋ

Katotohanang Kami ang nagpahayag ng Qur’an sa iyo (o Muhammad) sa sunod-sunod na antas (ng pagpapahayag)

ﰌﰍﰎﰏﰐﰑﰒﰓﰔﰕ

Kaya’t maging matiyaga at matimtiman ka (o Muhammad) at tumalima sa pag-uutos ng iyong Panginoon (si Allah, sa pamamagitan ng pagganap ng iyong tungkulin sa Kanya at sa pagpapalaganap ng Kanyang Mensahe sa sangkatauhan), at huwag kang makinig sa makasalanan, gayundin sa mga hindi sumasampalataya sa kanilang lipon

ﰖﰗﰘﰙﰚﰛ

At alalahanin ang Pangalan ng iyong Panginoon sa bawat umaga at hapon (alalaong baga, ang mag-alay ng panalangin sa umaga, tanghali at hapon)

ﭑﭒﭓﭔﭕﭖﭗﭘ

At sambahin Siya (sa pagpapatirapa) sa ilang bahagi ng gabi at papurihan Siya sa buong magdamag (alalaong baga, ang mag-alay ng panalangin sa takipsilim, gabi at sa gitna ng gabi)

ﭙﭚﭛﭜﭝﭞﭟﭠﭡ

Katotohanan, ang mga hindi sumasampalataya ay nagmamahal (sa panandaliang) buhay sa mundong ito, at inilayo nila sa kanila (ang pag-aala-ala) sa Kasakit-sakit na Araw

ﭢﭣﭤﭥﭦﭧﭨﭩﭪﭫﭬ

Kami (Allah) ang lumikha sa kanila at ginawa Naming matibay ang kanilang balangkas (ng buto). At kung Aming naisin, magagawa Naming palitan sila ng iba na katulad din nila, ng buong-buo

ﭭﭮﭯﭰﭱﭲﭳﭴﭵﭶﭷ

Katotohanan! Ang (mga Talata ng Qur’an) ay isang Pagpapaala-ala (tagubilin), kaya’t sinuman ang magnais, hayaan siya na tahakin ang Landas tungo sa kanyang Panginoon (Allah)

ﭸﭹﭺﭻﭼﭽﭾﭿﮀﮁﮂﮃﮄ

Ngunit malibang pahintulutan ni Allah, ito ay hindi ninyo magaganap. Katotohanang si Allah ay Lalagi nang Pinakamaalam, ang Tigib ng Karunungan

ﮅﮆﮇﮈﮉﮊﮋﮌﮍﮎﮏﮐ

Tatanggapin Niya ng Kanyang Habag ang sinumang Kanyang maibigan, datapuwa’t sa Zalimun (mga tampalasan, mapagsamba sa diyus-diyosan, pagano, makasalanan, walang pananalig, atbp.), sa kanila ay inihanda Niya ang Kasakit-sakit na Kaparusahan

Banal na Quran

Tuesday, August 18, 2026

Don't forget us in your sincere prayers

Surah Al-Insan pdf

Surah Al-Insan pdf — I-download (Filipino)

Related

More Surah PDF