სურა ალ-ინსანი pdf ქართული

სურა ალ-ინსანი

PDF —

31 აია Medinan PDF

Built right in your browser — download starts automatically

სურა ალ-ინსანი pdf — ჩამოტვირთვა (ქართული)

სურა ალ-ინსანი pdf ქართული — ჩამოტვირთვა სურა ალ-ინსანი თარგმანი. ალ-ინსანი (Medinan) 31 აია.

📚 წაკითხვა 🎧 მოსმენა mp3 📜 წმინდა ყურანი

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

სურა ალ-ინსანი

31 აია · Medinan · ქართული

ﯜﯝﯞﯟﯠﯡﯢﯣﯤﯥﯦﯧ

განა არ გავიდა ადამიანისთვის (გარკვეული) დრო, (როდესაც) იგი არც კი იყო რაიმე მოხსენიებადი?

ﯨﯩﯪﯫﯬﯭﯮﯯﯰﯱﯲ

ჭეშმარიტად, ჩვენ შევქმენით ადამიანი შერეული წვეთისგან , გამოვცდით მას, და ვუბოძეთ მას სმენა და მხედველობა.

ﯳﯴﯵﯶﯷﯸﯹﯺ

ჭეშმარიტად, ჩვენ ვუჩვენეთ მას გზა, (რის შემდეგაც იგი თავად აირჩევს გზას და იქნება) ან მადლიერი (და მორწმუნე), ან უმადური (და ურწმუნო).

ﯻﯼﯽﯾﯿﰀﰁ

ჩვენ მოვამზადეთ ურწმუნოთათვის ჯაჭვები, ბორკილები და ალმოდებული ცეცხლი.

ﰂﰃﰄﰅﰆﰇﰈﰉﰊ

ჭეშმარიტად, ღვთისმოსავნი დალევენ (სამოთხეში) სასმისიდან, რომელშიც (ღვინო) ქაფურით არის შეზავებული.

ﭑﭒﭓﭔﭕﭖﭗﭘ

(და ეს ნაზავი მოედინება) წყაროდან, საიდანაც ალლაჰის მონები სვამენ და მის დინებას იქით მიმართავენ, სადაც მოისურვებენ.

ﭙﭚﭛﭜﭝﭞﭟﭠ

ისინი აღასრულებდნენ აღთქმებს და ეშინოდათ იმ დღისა, რომლის ბოროტებაც გავრცელდება [(ყველაზე), გარდა იმათი, ვისაც ალლაჰი შეიწყალებს].

ﭡﭢﭣﭤﭥﭦﭧﭨ

და ისინი (საკუთარი საჭიროებისა და) მისდამი სიყვარულის მიუხედავად, აპურებდნენ გაჭირვებულს, ობოლსა და ტყვეს (მრავალღმერთიანთა და სხვათა შორის):

ﭩﭪﭫﭬﭭﭮﭯﭰﭱﭲﭳ

(და ისინი გულში ამბობდნენ): «ჩვენ ხომ მხოლოდ ალლაჰის სახისათვის [მისი კმაყოფილების მოსაპოვებლად] გკვებავთ; თქვენგან არც საზღაურს ველით და არც მადლიერებას!

ﭴﭵﭶﭷﭸﭹﭺﭻ

ჭეშმარიტად, ჩვენ ჩვენი უფლისგან გვეშინია იმ პირქუში და მძიმე დღისა».

ﭼﭽﭾﭿﮀﮁﮂﮃﮄ

და დაიფარა ისინი ალლაჰმა იმ დღის ბოროტებისგან და უბოძა მათ ბრწყინვალება და სიხარული.

ﮅﮆﮇﮈﮉﮊ

და მოთმინებისთვის მიაგო მათ სამოთხე და აბრეშუმი.

ﮋﮌﮍﮎﮏﮐﮑﮒﮓﮔﮕﮖ

იქ ტახტებზე წამოწოლილნი, ვერ იხილავენ იქ ვერც მზის პაპანაქებას და ვერც სუსხიან ყინვას.

ﮗﮘﮙﮚﮛﮜﮝ

და ახლოს იქნება მათთან მათი [სამოთხის ხეების] ჩრდილი, ხოლო მათი ნაყოფი სრულად დაემორჩილება მათ.

ﮞﮟﮠﮡﮢﮣﮤﮥﮦ

და შემოუვლიან მათ (ყმაწვილი მსახურები) წმინდა ვერცხლის ჭურჭლებითა და ბროლის სასმისებით —

ﮧﮨﮩﮪﮫﮬ

ვერცხლის ბროლისგან, რომლებიც ზუსტად არის გაზომილი [მათში ზუსტად იმდენი სასმელია, რამდენიც სამოთხის მკვიდრს სურს].

ﮭﮮﮯﮰﮱﯓﯔ

და (ასევე) დაარწყულებენ მათ იქ სასმისიდან, რომელშიც (ღვინო) ჯანჯაფილით არის შეზავებული —

ﯕﯖﯗﯘﯙ

წყაროდან, რომელიც იქ (სამოთხეში) მდებარეობს და რომელსაც "სალსაბიილ" ეწოდება.

ﯚﯛﯜﯝﯞﯟﯠﯡﯢﯣﯤ

და შემოუვლიან მათ (ემსახურებიან მათ) მარადიულად ახალგაზრდა ყმაწვილი მსახურები. თუ მათ დაინახავ, (მათი სილამაზის გამო) იფიქრებ, თითქოს გაბნეული მარგალიტები იყვნენ.

ﯥﯦﯧﯨﯩﯪﯫﯬ

და როცა (სამოთხეში) რომელიმე ადგილს შეხედავ, იქ იხილავ ნეტარებას და (უაღრესად) დიდ მეუფებას.

ﯭﯮﯯﯰﯱﯲﯳﯴﯵﯶﯷﯸﯹﯺﯻ

მათ ეცმევათ მწვანე ატლასის [თხელი აბრეშუმის] და ფარჩის [სქელი აბრეშუმის] სამოსი. და შეიმკობიან ისინი ვერცხლის სამაჯურებით, ხოლო მათი უფალი დაარწყულებს მათ წმინდა სასმლით [რომელიც არ ათრობს].

ﯼﯽﯾﯿﰀﰁﰂﰃﰄ

(და ეტყვიან მათ:) «ჭეშმარიტად, ეს არის თქვენი საზღაური, და თქვენი ძალისხმევა მადლიერებით იქნა მიღებული (ალლაჰის მიერ)!»

ﰅﰆﰇﰈﰉﰊﰋ

ჭეშმარიტად, ჩვენ გარდმოვავლინეთ შენზე ყურანი ნაწილ-ნაწილ .

ﰌﰍﰎﰏﰐﰑﰒﰓﰔﰕ

მოითმინე კი შენი უფლის განაჩენამდე და ნუ დაემორჩილები მათგან არც ცოდვილსა და არც ურწმუნოს!

ﰖﰗﰘﰙﰚﰛ

და (ყოველთვის) ახსენე შენი უფლის სახელი დილაობით და საღამოობით [მზის ჩასვლამდე].

ﭑﭒﭓﭔﭕﭖﭗﭘ

და ღამის ნაწილში საჯდა აღასრულე მისთვის და ადიდე ის ხანგრძლივი ღამით.

ﭙﭚﭛﭜﭝﭞﭟﭠﭡ

ჭეშმარიტად, მათ უყვართ წარმავალი და უკან იტოვებენ მძიმე დღეს.

ﭢﭣﭤﭥﭦﭧﭨﭩﭪﭫﭬ

(როგორ შეიძლება მრავალღმერთიანები ასე უზრუნველად იყვნენ თავიანთი უფლის მიმართ, მაშინ როცა) ჩვენ შევქმენით ისინი, გავამაგრეთ მათი ორგანოები და სახსრები, და თუ ვინებებთ, მათ მსგავსებით შევცვლით.

ﭭﭮﭯﭰﭱﭲﭳﭴﭵﭶﭷ

ჭეშმარიტად, ეს შეგონებაა. და ვისაც სურს, დაე, აირჩიოს გზა თავისი უფლისკენ.

ﭸﭹﭺﭻﭼﭽﭾﭿﮀﮁﮂﮃﮄ

და თქვენ ვერ ინებებთ, თუ არ ინებებს ალლაჰი (სწორ გზაზე დაგაყენოთ). უეჭველად, ალლაჰი ყოვლისმცოდნე, ბრძენია.

ﮅﮆﮇﮈﮉﮊﮋﮌﮍﮎﮏﮐ

შეიყვანს იგი თავის წყალობაში ვისაც ინებებს, ხოლო უსამართლოებისთვის მან მტანჯველი სასჯელი მოამზადა.

წმინდა ყურანი

Tuesday, August 18, 2026

Don't forget us in your sincere prayers