Surah Al-Insan pdf Hausa

PDF —

31 Aya Medinan PDF

Built right in your browser — download starts automatically

Surah Al-Insan pdf — Sauke (Hausa)

Surah Al-Insan pdf Hausa — Sauke Surah Al-Insan Fassara. Al-Insan (Medinan) 31 Aya.

📚 Karatu 🎧 Saurara mp3 📜 Alqur'ani Mai Tsarki

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Al-Insan

31 Aya · Medinan · Hausa

ﯜﯝﯞﯟﯠﯡﯢﯣﯤﯥﯦﯧ

Lalle ne, wata mudda ta zamani tã zo a kan mutum, bai kasance kõme ba wanda ake ambata.

ﯨﯩﯪﯫﯬﯭﯮﯯﯰﯱﯲ

Lalle ne, Mũ Mun halitta mutum daga ɗigon ruwa garwayayye, Muna jarraba shi, sabõda haka Muka sanya shi mai ji mai gani,

ﯳﯴﯵﯶﯷﯸﯹﯺ

Lalle ne, Mũ, Mun shiryar da shi ga hanyar ƙwarai, ko ya zama mai gõdiya, kuma ko ya zama mai kãfirci.

ﯻﯼﯽﯾﯿﰀﰁ

Lalle ne, Mũ, Mun yi tattali, dõmin kãfirai, sarƙoƙi da ƙuƙumma da sa'ĩr.

ﰂﰃﰄﰅﰆﰇﰈﰉﰊ

Lalle ne, mutãnen kirki zã su sha daga finjãlin giya abin gaurayarta yã kãsance kãfur ne.

ﭑﭒﭓﭔﭕﭖﭗﭘ

Wani marmaro ne, daga gare shi bayin Allah suke sha, suna ɓuɓɓugar da shi ɓuɓɓugarwa.

ﭙﭚﭛﭜﭝﭞﭟﭠ

Suna cikãwa da alwãshin (da suka bãkanta), kuma suna tsõron wani yini wanda sharrinsa ya kasance mai tartsatsi ne.

ﭡﭢﭣﭤﭥﭦﭧﭨ

Kuma suna ciyar da abinci, a kan suna bukãtarsa, ga matalauci da marãya da kãmamme.

ﭩﭪﭫﭬﭭﭮﭯﭰﭱﭲﭳ

(Suna cẽwa): "Munã ciyar da ku ne dõmin nẽman yardar Allah kawai, bã mu nufin sãmun wani sakamako daga gare ku, kuma bã mu nufin gõdiya.

ﭴﭵﭶﭷﭸﭹﭺﭻ

"Lalle ne, mũ muna tsõro daga Ubangijinmu, wani yini mai gintsẽwa, mai murtukẽwa."

ﭼﭽﭾﭿﮀﮁﮂﮃﮄ

Sabõda haka Allah Ya tsare musu sharrin wannan yini, kuma Ya hlɗa su da annũrin huska da farin ciki,

ﮅﮆﮇﮈﮉﮊ

Kuma Ya sãka musu sabõda haƙurin da suka yi, da Aljanna da tufãfin alharini.

ﮋﮌﮍﮎﮏﮐﮑﮒﮓﮔﮕﮖ

Sunã mãsu zaman ginciri, a cikinta, a kan karagu, bã su ganin rãnã a cikinta, kuma bã su ganin jaura.

ﮗﮘﮙﮚﮛﮜﮝ

Kuma, inuwõyinta suna kusa, a kansu, an hõre nunannun 'yã'yan itãcenta, hõrẽwa.

ﮞﮟﮠﮡﮢﮣﮤﮥﮦ

Kuma ana kẽwayãwa a kansu da finjãlai na azurfa da kofuna waɗanda suka kasance na ƙarau.

ﮧﮨﮩﮪﮫﮬ

¡arau na azurfa, sun ƙaddara su ƙaddarawa, daidai bukãta.

ﮭﮮﮯﮰﮱﯓﯔ

Ana shayarwa da su, a cikinta, finjalan giya, wadda abin gaurayarta ya kasance zanjabil ne.

ﯕﯖﯗﯘﯙ

Wani marmaro ne, a cikinta, ana kiran sa salsabil.

ﯚﯛﯜﯝﯞﯟﯠﯡﯢﯣﯤ

Kuma wasu yara samãrin dindindin na kẽwayãwa, a kansu, idan ka gan su, zã ka zaci sũ lu'ulu'u ne wanda aka wãtsa.

ﯥﯦﯧﯨﯩﯪﯫﯬ

Kuma idan kã ga wannan wurin, to, kã ga wata irin ni'ima da mulki babba.

ﯭﯮﯯﯰﯱﯲﯳﯴﯵﯶﯷﯸﯹﯺﯻ

Tufãfinsu na sama na alharĩ ni ne, kõre da mai walƙiya, kuma an ƙawãce su da mundãye na wata curin azurfa kuma Ubangijinsu, Ya shãyar da su abin sha mai tsarkakẽwar (ciki).

ﯼﯽﯾﯿﰀﰁﰂﰃﰄ

(A ce musu) "Lalle ne, wannan ya kasance, a gare ku sakamako, kuma aikink. ya kasance abin gõdewa."

ﰅﰆﰇﰈﰉﰊﰋ

Lalle, Mũ ne Muka saukar da Alƙur'ãni a gare ka, saukarwa.

ﰌﰍﰎﰏﰐﰑﰒﰓﰔﰕ

Sabõda haka ka yi haƙuri ga hukuncin Ubangijinka, kuma kada ka bi, daga cikinsu, mai zunubi ko mai kãfirci.

ﰖﰗﰘﰙﰚﰛ

Kuma ka ambaci sũnan Ubangijinka, sãfe da maraice.

ﭑﭒﭓﭔﭕﭖﭗﭘ

Daga dare, sai ka yi sujũda gare Shi, kuma ka tsarkake Shi darẽ mai tsawo.

ﭙﭚﭛﭜﭝﭞﭟﭠﭡ

Lalle ne, waɗannan suna son mai gaugãwa (dũniya) kuma suna bari, a bãyansu, wani yini mai nauyi.

ﭢﭣﭤﭥﭦﭧﭨﭩﭪﭫﭬ

Mũ ne Muka halitta su kuma Muka, ƙarfafa halittarsu, kuma idan Mun so, za Mu musanyâ su da wasu mutane kwatankwacinsu, musanyawa.

ﭭﭮﭯﭰﭱﭲﭳﭴﭵﭶﭷ

Lalle ne, wannan wata tunãtarwa ce, saboda wanda ya so ya riƙa hanyar kirki zuwa ga Ubangijinsa.

ﭸﭹﭺﭻﭼﭽﭾﭿﮀﮁﮂﮃﮄ

Kuma, bã zã ku so ba, sai Allah Ya so, lalle ne Allah Yã kasance Masani' Mai hikima.

ﮅﮆﮇﮈﮉﮊﮋﮌﮍﮎﮏﮐ

Yana shigar da wanda Ya so a cikin rahamarsa, kuma azzãlumai, Yã yi musu tattalin wata azãba mai raɗaɗi.

Al-Kur'ani

Tuesday, August 18, 2026

Don't forget us in your sincere prayers