Basahin Surah An-Naba sa Filipino

Surah An-Naba sa Arabe at Filipino

Basahin ang Surah An-Naba na may kumpletong salin sa Filipino at audio na babasahin. Salin bawat talata. (40 Talata — مكية). An-Naba Pakinggan, An-Naba Salin, An-Naba mp3, An-Naba pdf.

Basahin at Pakinggan ang Surah An-Naba

🎧 Talata

Ayat: —

Repeat: x1

عَمَّ يَتَسَاءَلُونَ ۝١

📖 Salin Talata 1

Ano baga ang kanilang pinagtatalunan (sa isa’t isa)

عَنِ النَّبَإِ الْعَظِيمِ ۝٢

📖 Salin Talata 2

Tungkol ba sa Malaking Balita (alalaong baga, ang Islam, Kaisahan ni Allah, ang Qur’an na dinala ni Propeta Muhammad, ang Araw ng Muling Pagkabuhay, atbp)

الَّذِي هُمْ فِيهِ مُخْتَلِفُونَ ۝٣

📖 Salin Talata 3

Na dahil dito, sila ay hindi nagkakasundo

كَلَّا سَيَعْلَمُونَ ۝٤

📖 Salin Talata 4

Katotohanan! 934 Hindi magtatagal at kanilang mapag-aalaman

ثُمَّ كَلَّا سَيَعْلَمُونَ ۝٥

📖 Salin Talata 5

Katotohanan! Katotohanan! Hindi magtatagal at kanilang mapag-aalaman

أَلَمْ نَجْعَلِ الْأَرْضَ مِهَادًا ۝٦

📖 Salin Talata 6

Hindi baga ginawa Namin ang kalupaan na malawak (bilang himlayan)

وَالْجِبَالَ أَوْتَادًا ۝٧

📖 Salin Talata 7

At ang kabundukan bilang pampatatag (na may ugat)

وَخَلَقْنَاكُمْ أَزْوَاجًا ۝٨

📖 Salin Talata 8

At Aming nilikha kayo sa pares (lalaki at babae, mataas at mababa, mabuti at masama, atbp)

وَجَعَلْنَا نَوْمَكُمْ سُبَاتًا ۝٩

📖 Salin Talata 9

At Aming ginawaran kayo ng pagtulog (o antok upang maidlip), sa inyong pamamahinga

وَجَعَلْنَا اللَّيْلَ لِبَاسًا ۝١٠

📖 Salin Talata 10

At ginawa Namin ang gabi bilang pantakip (sa pamamagitan ng kanyang kadiliman)

وَجَعَلْنَا النَّهَارَ مَعَاشًا ۝١١

📖 Salin Talata 11

At ginawa Namin ang araw (maghapon) tungo sa inyong ikabubuhay

وَبَنَيْنَا فَوْقَكُمْ سَبْعًا شِدَادًا ۝١٢

📖 Salin Talata 12

At itinatag Namin sa itaas ninyo ang pitong matatatag (na kalangitan)

وَجَعَلْنَا سِرَاجًا وَهَّاجًا ۝١٣

📖 Salin Talata 13

At ginawaran Namin yaon ng Marilag na Liwanag (sikat ng araw)

وَأَنزَلْنَا مِنَ الْمُعْصِرَاتِ مَاءً ثَجَّاجًا ۝١٤

📖 Salin Talata 14

At nagpamalisbis Kami ng saganang ulan mula sa kimpal ng mga ulap

لِّنُخْرِجَ بِهِ حَبًّا وَنَبَاتًا ۝١٥

📖 Salin Talata 15

Upang mapatubo Namin dito (sa pag-aani) ang mga butil at mga gulayan

وَجَنَّاتٍ أَلْفَافًا ۝١٦

📖 Salin Talata 16

At mga halamang mayabong at luntian

إِنَّ يَوْمَ الْفَصْلِ كَانَ مِيقَاتًا ۝١٧

📖 Salin Talata 17

Katotohanan! Ang Araw ng Pagpapasya (sa katarungan) ay natatakdaang panahon

يَوْمَ يُنفَخُ فِي الصُّورِ فَتَأْتُونَ أَفْوَاجًا ۝١٨

📖 Salin Talata 18

Sa Araw na ang Tambuli ay hihipan at kayo ay magsisiparito ng langkay-langkay (at sa maraming pangkat)

وَفُتِحَتِ السَّمَاءُ فَكَانَتْ أَبْوَابًا ۝١٩

📖 Salin Talata 19

At ang kalangitan ay bubuksan na waring mga pintuan

وَسُيِّرَتِ الْجِبَالُ فَكَانَتْ سَرَابًا ۝٢٠

📖 Salin Talata 20

At ang kabundukan ay maglalaho sa kanilang kinatatayuan na tulad ng isang malikmata

إِنَّ جَهَنَّمَ كَانَتْ مِرْصَادًا ۝٢١

📖 Salin Talata 21

Katotohanan! Ang Impiyerno ay matutulad (sa isang pook) ng pagtambang

لِّلطَّاغِينَ مَآبًا ۝٢٢

📖 Salin Talata 22

Bilang isang Tahanan sa Taghun (sila na lumalabag at sumusuway sa hangganan na itinakda ni Allah, katulad ng mga mapagsamba sa diyus-diyosan, walang pananalig sa Kaisahan ni Allah at sa Islam, mga mapagkunwari, mga makasalanan, mga kriminal, atbp)

لَّابِثِينَ فِيهَا أَحْقَابًا ۝٢٣

📖 Salin Talata 23

Magsisipanatili sila rito sa mahabang panahon

لَّا يَذُوقُونَ فِيهَا بَرْدًا وَلَا شَرَابًا ۝٢٤

📖 Salin Talata 24

dito ay wala silang malalasap na lamig (at ginhawa), ni anumang inumin (na pampasigla)

إِلَّا حَمِيمًا وَغَسَّاقًا ۝٢٥

📖 Salin Talata 25

Maliban sa kumukulong tubig at maruming katas ng sugat (nana, dugo, atbp)

جَزَاءً وِفَاقًا ۝٢٦

📖 Salin Talata 26

Na siyang katumbas na kabayaran (ayon sa kanilang kabuktutan)

إِنَّهُمْ كَانُوا لَا يَرْجُونَ حِسَابًا ۝٢٧

📖 Salin Talata 27

Sapagkat katotohanang sila ay hindi nagbigay pahalaga ( at nangamba) tungo sa (araw) ng pagsusulit (ng kanilang mga gawa)

وَكَذَّبُوا بِآيَاتِنَا كِذَّابًا ۝٢٨

📖 Salin Talata 28

At ganap nilang itinuring na walang katotohanan ang Aming Ayat (kapahayagan, tanda, katibayan, aral, atbp)

وَكُلَّ شَيْءٍ أَحْصَيْنَاهُ كِتَابًا ۝٢٩

📖 Salin Talata 29

At ang lahat ng bagay ay Aming itinala sa napapangalagaang Aklat

فَذُوقُوا فَلَن نَّزِيدَكُمْ إِلَّا عَذَابًا ۝٣٠

📖 Salin Talata 30

Kaya’t lasapin ninyo ang bunga (na inani) ng inyong masasamang gawa, at kayo ay hindi Namin bibigyan ng anuman maliban sa Kaparusahan

إِنَّ لِلْمُتَّقِينَ مَفَازًا ۝٣١

📖 Salin Talata 31

Katotohanan! Sa Muttaqun (mga matutuwid at mabubuting tao na sumusunod sa lahat ng ipinag-uutos ni Allah at umiiwas sa lahat ng Kanyang ipinagbabawal) ay tagumpay, at katuparan ng kanilang inaasam (Paraiso)

حَدَائِقَ وَأَعْنَابًا ۝٣٢

📖 Salin Talata 32

Na napapalibutan ng Halamanan at malinamnam na ubasan

وَكَوَاعِبَ أَتْرَابًا ۝٣٣

📖 Salin Talata 33

At mga birheng dalaga na magkakatulad sa gulang

وَكَأْسًا دِهَاقًا ۝٣٤

📖 Salin Talata 34

At ng tigib na Kopita (ng alak)

لَّا يَسْمَعُونَ فِيهَا لَغْوًا وَلَا كِذَّابًا ۝٣٥

📖 Salin Talata 35

dito ay wala silang maririnig na hinagpis o kasinungalingan (sa pag- uusap)

جَزَاءً مِّن رَّبِّكَ عَطَاءً حِسَابًا ۝٣٦

📖 Salin Talata 36

Isang kabayaran mula sa inyong Panginoon, isang Biyayang sagana

رَّبِّ السَّمَاوَاتِ وَالْأَرْضِ وَمَا بَيْنَهُمَا الرَّحْمَٰنِ ۖ لَا يَمْلِكُونَ مِنْهُ خِطَابًا ۝٣٧

📖 Salin Talata 37

Mula sa Panginoon ng kalangitan at kalupaan at anumang nasa pagitan nito, ang diyos na Lubos na Mapagbigay ng biyaya, at walang sinuman (ang may kapamahalaan) na makakasalansang sa Kanya (sa Araw ng Muling Pagkabuhay), malibang Kanyang pahintulutan

يَوْمَ يَقُومُ الرُّوحُ وَالْمَلَائِكَةُ صَفًّا ۖ لَّا يَتَكَلَّمُونَ إِلَّا مَنْ أَذِنَ لَهُ الرَّحْمَٰنُ وَقَالَ صَوَابًا ۝٣٨

📖 Salin Talata 38

SaAraw na ang ruh (si Gabriel o ibangAnghel) at iba pang anghel ay nakatindig (nang tuwid at maayos) sa mga hanay, at hindi makakapangusap malibang pahintulutan siya ng Lubos na Mapagbigay (Allah), at kanyang ipagsasaysay kung ano ang matuwid

ذَٰلِكَ الْيَوْمُ الْحَقُّ ۖ فَمَن شَاءَ اتَّخَذَ إِلَىٰ رَبِّهِ مَآبًا ۝٣٩

📖 Salin Talata 39

Ito ang Araw ng Katotohanan na walang alinlangan, kaya’t sinuman ang magnais, hayaang tahakin niya ang Pagbabalik, sa tuwid na landas ng kanyang Panginoon (sa pamamagitan ng pagsunod sa Kanya sa buhay sa mundong ito)

إِنَّا أَنذَرْنَاكُمْ عَذَابًا قَرِيبًا يَوْمَ يَنظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنتُ تُرَابًا ۝٤٠

📖 Salin Talata 40

Katotohanang Aming pinaaalalahanan kayo ng daratal na Kaparusahan. Sa Araw na ang tao ay makakapagmalas (sa gawa) ng kanyang kamay kung saan siya inihantong. Ang mga hindi sumasampalataya ay magsasabi: “ Kasawian sa akin! Sana ay naging alabok na lamang ako!”

← 77 An-Naba (78/114) 79 →

Basahin Surah An-Naba sa Filipino – Salin at Audio

78النبأ An-Naba 📚 40 Talata مكية