Basahin Surah Al-Waqi'ah sa Filipino

إِذَا وَقَعَتِ الْوَاقِعَةُ ۝١

📖 Salin Talata 1

Kung ang Pangyayari na hindi maiiwasan (alalaong baga, ang Araw ng Muling Pagkabuhay) ay dumatal na

لَيْسَ لِوَقْعَتِهَا كَاذِبَةٌ ۝٢

📖 Salin Talata 2

Na walang (kaluluwa) ang makapagtatatwa tungkol sa pagdatal nito

خَافِضَةٌ رَّافِعَةٌ ۝٣

📖 Salin Talata 3

Na ito ay magpapababa (sa ilan) at magtataas naman (sa iba)

إِذَا رُجَّتِ الْأَرْضُ رَجًّا ۝٤

📖 Salin Talata 4

Kung ang kalupaan ay makalog sa kanyang kailaliman

وَبُسَّتِ الْجِبَالُ بَسًّا ۝٥

📖 Salin Talata 5

Kung ang kabundukan ay gumulong at madurog

فَكَانَتْ هَبَاءً مُّنبَثًّا ۝٦

📖 Salin Talata 6

At ito ay maging alabok na nagsisipangalat

وَكُنتُمْ أَزْوَاجًا ثَلَاثَةً ۝٧

📖 Salin Talata 7

At kayong (lahat) ay pagbubukod-bukurin sa tatlong uri (alalaong baga, sa tatlong pangkat)

فَأَصْحَابُ الْمَيْمَنَةِ مَا أَصْحَابُ الْمَيْمَنَةِ ۝٨

📖 Salin Talata 8

(Ang una), ay mga kasamahan ng Kanang Kamay (alalaong baga, sila na bibigyan ng kanilang Talaan sa kanilang kanang kamay), - Sino baga sila na nasa Kanang Kamay (bilang paggalang sa kanila sapagkat sila ay papasok sa Paraiso)

وَأَصْحَابُ الْمَشْأَمَةِ مَا أَصْحَابُ الْمَشْأَمَةِ ۝٩

📖 Salin Talata 9

(At ang sumunod ) ay mga Kasamahan ng Kaliwang Kamay (alalaong baga, sila na bibigyan ng kanilang Talaan sa kanilang kaliwang kamay), - Sino baga sila na nasa Kaliwang Kamay (bilang kahihiyan sa kanila sapagkat sila ay papasok sa Impiyerno)

وَالسَّابِقُونَ السَّابِقُونَ ۝١٠

📖 Salin Talata 10

(At pangatlo) ang Pinakapangunahin (sa pagiging matimtiman sa Pananalig sa Islam at paniniwala sa Kaisahan ni Allah at gumagawa ng lahat ng mga pagsunod kay Allah at sa Kanyang Tagapagbalita), ay magiging tampok (sa Paraiso)

أُولَٰئِكَ الْمُقَرَّبُونَ ۝١١

📖 Salin Talata 11

Sila ang magiging pinakamalapit kay Allah

فِي جَنَّاتِ النَّعِيمِ ۝١٢

📖 Salin Talata 12

Sa Halamanan ng Kaligayahan (Paraiso)

ثُلَّةٌ مِّنَ الْأَوَّلِينَ ۝١٣

📖 Salin Talata 13

Ang karamihan ng mga tao (sa Pinakapangunahin) ay magmumula sa mga sinaunang henerasyon (na yumakap sa Islam)

وَقَلِيلٌ مِّنَ الْآخِرِينَ ۝١٤

📖 Salin Talata 14

At ang iba pang karamihan (sa Pinakapangunahin), ay sila na galing sa mga huling panahon (ng henerasyon)

عَلَىٰ سُرُرٍ مَّوْضُونَةٍ ۝١٥

📖 Salin Talata 15

(Sila ay malalagay) sa mga luklukan na nagagayakan ng ginto at mamahaling bato

مُّتَّكِئِينَ عَلَيْهَا مُتَقَابِلِينَ ۝١٦

📖 Salin Talata 16

Na nakahilig dito at magkakaharap

يَطُوفُ عَلَيْهِمْ وِلْدَانٌ مُّخَلَّدُونَ ۝١٧

📖 Salin Talata 17

Atsakanilaaynakapaligidang(mganagsisilbing) kabataan na nananatiling (sariwa) sa habang panahon

بِأَكْوَابٍ وَأَبَارِيقَ وَكَأْسٍ مِّن مَّعِينٍ ۝١٨

📖 Salin Talata 18

Na may mga tangang kopita at (nangingislap) na bangang sisidlan at mga baso na puno ng dalisay na alak (mula sa batis)

لَّا يُصَدَّعُونَ عَنْهَا وَلَا يُنزِفُونَ ۝١٩

📖 Salin Talata 19

(Na sa pag-inom nito), sila ay hindi makakaramdam ng pananakit ng ulo at gayundin ng pagkalasing

وَفَاكِهَةٍ مِّمَّا يَتَخَيَّرُونَ ۝٢٠

📖 Salin Talata 20

At mga bungangkahoy, anuman ang kanilang piliin

وَلَحْمِ طَيْرٍ مِّمَّا يَشْتَهُونَ ۝٢١

📖 Salin Talata 21

At anumang karne ng mga pabo (at kauri nito) na kanilang maibigan

وَحُورٌ عِينٌ ۝٢٢

📖 Salin Talata 22

At sila ay (magkakaroon) ng mga Houris (kasamahang babae na may magaganda, mapuputi at may maniningning na mga mata [bilang asawa ng mga matimtiman)

كَأَمْثَالِ اللُّؤْلُؤِ الْمَكْنُونِ ۝٢٣

📖 Salin Talata 23

Na tulad ng mga natatagong Perlas

جَزَاءً بِمَا كَانُوا يَعْمَلُونَ ۝٢٤

📖 Salin Talata 24

Bilang gantimpala sa kanilang ginawa ng nakalipas (na buhay)

لَا يَسْمَعُونَ فِيهَا لَغْوًا وَلَا تَأْثِيمًا ۝٢٥

📖 Salin Talata 25

At doon ay wala silang maririnig na malalaswang salita o anumang salita ng kapintasan o kasalanan (tulad ng paninirang puri, atbp)

إِلَّا قِيلًا سَلَامًا سَلَامًا ۝٢٦

📖 Salin Talata 26

Maliban lamang sa pagsasabi ng : Kapayapaan! (at muli ay) Kapayapaan

وَأَصْحَابُ الْيَمِينِ مَا أَصْحَابُ الْيَمِينِ ۝٢٧

📖 Salin Talata 27

At sila na kasamahan ng Kanang Kamay, - Sino baga sila na magiging kasamahan ng Kanang Kamay

فِي سِدْرٍ مَّخْضُودٍ ۝٢٨

📖 Salin Talata 28

(Sila) ay mananahan sa gitna ng mga punong lote na walang tinik

وَطَلْحٍ مَّنضُودٍ ۝٢٩

📖 Salin Talata 29

Sa gitna ng punong Talh (punong saging), na may mga bulaklak (at bunga) na kumpol-kumpol

وَظِلٍّ مَّمْدُودٍ ۝٣٠

📖 Salin Talata 30

Sa malabay (at nakaladlad) na lilim

وَمَاءٍ مَّسْكُوبٍ ۝٣١

📖 Salin Talata 31

Sa tabi ng tubig na patuloy na dumadaloy

وَفَاكِهَةٍ كَثِيرَةٍ ۝٣٢

📖 Salin Talata 32

At mga bungangkahoy na sagana

لَّا مَقْطُوعَةٍ وَلَا مَمْنُوعَةٍ ۝٣٣

📖 Salin Talata 33

Na hindi nagmamaliw ang bunga (kahit wala sa panahon) at hindi nauubusan ng ani

وَفُرُشٍ مَّرْفُوعَةٍ ۝٣٤

📖 Salin Talata 34

At sa mga luklukan (ng karangalan) na nakataas

إِنَّا أَنشَأْنَاهُنَّ إِنشَاءً ۝٣٥

📖 Salin Talata 35

Pagmasdan! Katotohanang nilikha Namin ang kanilang Kasamahan (mga Dalaga), sa natatanging paglikha

فَجَعَلْنَاهُنَّ أَبْكَارًا ۝٣٦

📖 Salin Talata 36

At (Aming) ginawaran sila ng pagiging birhen

عُرُبًا أَتْرَابًا ۝٣٧

📖 Salin Talata 37

Na inaalagaan (ng kalikasan) ng pantay-pantay sa gulang

لِّأَصْحَابِ الْيَمِينِ ۝٣٨

📖 Salin Talata 38

Na nalalaan sa mga kasamahan ng Kanang Kamay

ثُلَّةٌ مِّنَ الْأَوَّلِينَ ۝٣٩

📖 Salin Talata 39

Ang karamihan sa mga tao (ng Kanang Kamay) ay magmumula sa sinaunang henerasyon (ng mga yumakap sa Islam)

وَثُلَّةٌ مِّنَ الْآخِرِينَ ۝٤٠

📖 Salin Talata 40

At ang iba pang karamihan ng mga tao (ng Kanang Kamay) ay sila na galing sa (henerasyon) ng huling panahon

وَأَصْحَابُ الشِّمَالِ مَا أَصْحَابُ الشِّمَالِ ۝٤١

📖 Salin Talata 41

At sila na kasamahan ng Kaliwang Kamay, - Sino nga ba sila na magiging kasamahan ng Kaliwang Kamay

فِي سَمُومٍ وَحَمِيمٍ ۝٤٢

📖 Salin Talata 42

(Sila ay magigitna) sa nakakapasong Lagablab ng Apoy at kumukulong tubig

وَظِلٍّ مِّن يَحْمُومٍ ۝٤٣

📖 Salin Talata 43

At sa Anino (Lilim) ng Maitim na Usok

لَّا بَارِدٍ وَلَا كَرِيمٍ ۝٤٤

📖 Salin Talata 44

(Ang Lilim) na ito ay walang anumang lamig o kaginhawahan

إِنَّهُمْ كَانُوا قَبْلَ ذَٰلِكَ مُتْرَفِينَ ۝٤٥

📖 Salin Talata 45

Katotohanang bago pa ito (ang Kaparusahan), sila ay nalulong sa karangyaan (at luho sa kayamanan)

وَكَانُوا يُصِرُّونَ عَلَى الْحِنثِ الْعَظِيمِ ۝٤٦

📖 Salin Talata 46

At nagpatuloy sa pamimihasa sa kahiya- hiyang kabuktutan (tulad ng pagsasama ng katambal sa pagsamba kay Allah, pagpatay, paggawa ng mga krimen, atbp)

وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ ۝٤٧

📖 Salin Talata 47

At lagi nilang ipinagbabadya: “Ano? Kung kami ba ay mamatay at maging alabok at kalansay, kami ba ay tunay na ibabangong muli sa pagkabuhay?”

أَوَآبَاؤُنَا الْأَوَّلُونَ ۝٤٨

📖 Salin Talata 48

(Kami) at ang aming mga ninuno (noong pang panahong sinauna)

قُلْ إِنَّ الْأَوَّلِينَ وَالْآخِرِينَ ۝٤٩

📖 Salin Talata 49

Ipagbadya (o Muhammad): “Tunay nga! Silang (mga tao) ng panahong sinauna at silang (mga tao) ng huling panahon.”

لَمَجْمُوعُونَ إِلَىٰ مِيقَاتِ يَوْمٍ مَّعْلُومٍ ۝٥٠

📖 Salin Talata 50

walang pagsala na titipunin ang lahat ng sama-sama sa natataningang pakikipagtipan sa Bantog na Araw

ثُمَّ إِنَّكُمْ أَيُّهَا الضَّالُّونَ الْمُكَذِّبُونَ ۝٥١

📖 Salin Talata 51

Katotohanang kayo na mapaggawa ng kamalian, kayo na humahalakhak (sa katotohanan) at nagtatatwa (sa Muling Pagkabuhay)

لَآكِلُونَ مِن شَجَرٍ مِّن زَقُّومٍ ۝٥٢

📖 Salin Talata 52

Katotohanang inyong matitikman ang puno ng Zaqqum

فَمَالِئُونَ مِنْهَا الْبُطُونَ ۝٥٣

📖 Salin Talata 53

At inyong pupunuin ang inyong sikmura ng mga ito

فَشَارِبُونَ عَلَيْهِ مِنَ الْحَمِيمِ ۝٥٤

📖 Salin Talata 54

Tangi pa rito, kayo ay iinom ng kumukulong tubig

فَشَارِبُونَ شُرْبَ الْهِيمِ ۝٥٥

📖 Salin Talata 55

Katotohanang kayo ay magsisiinom (nito) na katulad ng kamelyong may sakit na sumisingasing sa pagkauhaw

هَٰذَا نُزُلُهُمْ يَوْمَ الدِّينِ ۝٥٦

📖 Salin Talata 56

Ito ang kanilang magiging pasalubong sa Araw ng Kabayaran

نَحْنُ خَلَقْنَاكُمْ فَلَوْلَا تُصَدِّقُونَ ۝٥٧

📖 Salin Talata 57

Kami (Allah) ang lumikha sa inyo; bakit hindi ninyo saksihan ang Katotohanan

أَفَرَأَيْتُم مَّا تُمْنُونَ ۝٥٨

📖 Salin Talata 58

Nakikita ba ninyo ang binhi ng tao (semilya) na inyong inilalabas

أَأَنتُمْ تَخْلُقُونَهُ أَمْ نَحْنُ الْخَالِقُونَ ۝٥٩

📖 Salin Talata 59

Kayo ba ang lumikha sa mga ito (semilya, na nagiging isang ganap na tao), o Kami ba ang Manlilikha

نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ ۝٦٠

📖 Salin Talata 60

Itinakda Namin ang kamatayan sa inyong lahat na inyong maranasan at Kami ay hindi manlulupaypay

عَلَىٰ أَن نُّبَدِّلَ أَمْثَالَكُمْ وَنُنشِئَكُمْ فِي مَا لَا تَعْلَمُونَ ۝٦١

📖 Salin Talata 61

Na baguhin ang inyong anyo at muli kayong likhain sa (bagong) anyo na hindi ninyo nababatid

وَلَقَدْ عَلِمْتُمُ النَّشْأَةَ الْأُولَىٰ فَلَوْلَا تَذَكَّرُونَ ۝٦٢

📖 Salin Talata 62

At katotohanang batid ninyo ang unang anyo ng paglikha (alalaong baga, ang paglikha kay Adan). Bakit nga ba hindi ninyo ipinagbubunyi ang pagpupuri sa Kanya o (kayo ay) tumatalima

أَفَرَأَيْتُم مَّا تَحْرُثُونَ ۝٦٣

📖 Salin Talata 63

Sabihin ninyo sa Akin! Nakikita ba ninyo ang butong (binhi) na inyong itinatanim sa lupa

أَأَنتُمْ تَزْرَعُونَهُ أَمْ نَحْنُ الزَّارِعُونَ ۝٦٤

📖 Salin Talata 64

Kayo ba ang nagpatubo sa mga ito o Kami ba na Manlilikha ang nagpatubo

لَوْ نَشَاءُ لَجَعَلْنَاهُ حُطَامًا فَظَلْتُمْ تَفَكَّهُونَ ۝٦٥

📖 Salin Talata 65

Kung Aming nanaisin ay magagawa Namin na maging tulyapis ito at kayo ay magsisisi (o maiiwan sa pagkamangha)

إِنَّا لَمُغْرَمُونَ ۝٦٦

📖 Salin Talata 66

Na magsasabi: “Katotohanang kami ay Maghramun (mga nabibigatan sa pagkakautang o nalugi at naparusahan sa kawalan ng pakinabang)

بَلْ نَحْنُ مَحْرُومُونَ ۝٦٧

📖 Salin Talata 67

Katotohanang kami ay hindi nakinabang (sa bunga ng aming paghihirap)

أَفَرَأَيْتُمُ الْمَاءَ الَّذِي تَشْرَبُونَ ۝٦٨

📖 Salin Talata 68

Sabihin ninyo sa Akin! Nakikita ba ninyo ang tubig na inyong iniinom

أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ ۝٦٩

📖 Salin Talata 69

Kayo ba ang nagpamalisbis nito mula sa mga ulap o Kami ba na Nagpapahintulot ang nagpamalisbis nito

لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ ۝٧٠

📖 Salin Talata 70

Kung Aming ninais ay magagawa Namin ito na maging mapait (at maalat na hindi maiinom). Bakit nga ba kayo ay hindi nagbibigay pasalamat (kay Allah)

أَفَرَأَيْتُمُ النَّارَ الَّتِي تُورُونَ ۝٧١

📖 Salin Talata 71

Sabihin ninyo sa Akin! Nakikita ba ninyo ang apoy na inyong pinagdiringas

أَأَنتُمْ أَنشَأْتُمْ شَجَرَتَهَا أَمْ نَحْنُ الْمُنشِئُونَ ۝٧٢

📖 Salin Talata 72

Kayo ba ang nagpatubo sa mga punongkahoy na pinagkukunan ng apoy (at panggatong) o Kami ang nagpatubo nito

نَحْنُ جَعَلْنَاهَا تَذْكِرَةً وَمَتَاعًا لِّلْمُقْوِينَ ۝٧٣

📖 Salin Talata 73

Ginawa Namin ito bilang Paala-ala (saApoy ng Impiyerno sa Kabilang Buhay); at isang bagay ng kaginhawahan sa mga naninirahan sa ilang (at sa lahat ng iba pa rito sa mundo)

فَسَبِّحْ بِاسْمِ رَبِّكَ الْعَظِيمِ ۝٧٤

📖 Salin Talata 74

Kaya’t ipagdiwang ng may pagpupuri ang Pangalan ng iyong Panginoon, ang Kataas-taasan

۞ فَلَا أُقْسِمُ بِمَوَاقِعِ النُّجُومِ ۝٧٥

📖 Salin Talata 75

Tunay nga! Aming tinawag upang magpatotoo ang Mawaqi (ang paglubog o malalaking palasyo ng mga bituin)

وَإِنَّهُ لَقَسَمٌ لَّوْ تَعْلَمُونَ عَظِيمٌ ۝٧٦

📖 Salin Talata 76

At katotohanang ito ay dakilang pagsumpa, kung inyo lamang nalalaman

إِنَّهُ لَقُرْآنٌ كَرِيمٌ ۝٧٧

📖 Salin Talata 77

At katotohanang (ito) ang pinakamarangal (at banal) na pagdalit (ang Qur’an)

فِي كِتَابٍ مَّكْنُونٍ ۝٧٨

📖 Salin Talata 78

Sa isang Aklat na ganap na napapangalagaan (na kay Allah sa Kalangitan, alalaong baga ang Al Lauh Al Mahfuz)

لَّا يَمَسُّهُ إِلَّا الْمُطَهَّرُونَ ۝٧٩

📖 Salin Talata 79

Na walang sinuman ang makakahipo niyaon (Aklat ni Allah) maliban sa (kanila) na dalisay at malilinis sa kasalanan (alalaong baga, ang mga anghel)

تَنزِيلٌ مِّن رَّبِّ الْعَالَمِينَ ۝٨٠

📖 Salin Talata 80

Isang Kapahayagan (ang Qur’an) mula sa Panginoon ng lahat ng mga nilalang

أَفَبِهَٰذَا الْحَدِيثِ أَنتُم مُّدْهِنُونَ ۝٨١

📖 Salin Talata 81

Ang Pahayag bang ito (ang Qur’an) ay hindi ninyo (mga hindi sumasampalataya) gaanong pinapahalagahan

وَتَجْعَلُونَ رِزْقَكُمْ أَنَّكُمْ تُكَذِّبُونَ ۝٨٢

📖 Salin Talata 82

At sa halip (na inyong pasalamatan si Allah) sa mga biyaya na inyong ikinabubuhay mula sa Kanya, sa kabalintunaan ay inyong itinatwa Siya (sa kawalan ng pananalig)

فَلَوْلَا إِذَا بَلَغَتِ الْحُلْقُومَ ۝٨٣

📖 Salin Talata 83

Nguni’t bakit hindi ninyo (pinangahasan) nang ang ( kaluluwa ng isang mamamatay na tao) ay umabot na sa kanyang lalamunan

وَأَنتُمْ حِينَئِذٍ تَنظُرُونَ ۝٨٤

📖 Salin Talata 84

At kayo ay pansamantalang (nakaupo) at nakatingin lamang

وَنَحْنُ أَقْرَبُ إِلَيْهِ مِنكُمْ وَلَٰكِن لَّا تُبْصِرُونَ ۝٨٥

📖 Salin Talata 85

Datapuwa’t Kami (alalaong baga, ang Aming mga anghel na kumukuha ng kaluluwa) ay higit na malapit sa kanya kaysa sa inyo, subalit (sila) ay hindi ninyo nakikita

فَلَوْلَا إِن كُنتُمْ غَيْرَ مَدِينِينَ ۝٨٦

📖 Salin Talata 86

Kaya’t bakit hindi ninyo ginawa, - kung kayo nga ay hindi sakop ng (darating) na pagsusulit at kabayaran (kaparusahan, atbp)

تَرْجِعُونَهَا إِن كُنتُمْ صَادِقِينَ ۝٨٧

📖 Salin Talata 87

Inyong ibalik (muli ang kanyang) kaluluwa sa kanyang katawan, kung kayo ay nagsasabi ng katotohanan

فَأَمَّا إِن كَانَ مِنَ الْمُقَرَّبِينَ ۝٨٨

📖 Salin Talata 88

At kung siya (na mamamatay na) ay isa sa Muqaribun (siya na ang magiging kasama ay mga malalapit kay Allah)

فَرَوْحٌ وَرَيْحَانٌ وَجَنَّتُ نَعِيمٍ ۝٨٩

📖 Salin Talata 89

(Sasakanya) ang kapahingahan at kasiyahan sa Hardin ng Kaligayahan (Paraiso)

وَأَمَّا إِن كَانَ مِنْ أَصْحَابِ الْيَمِينِ ۝٩٠

📖 Salin Talata 90

At kung siya (na mamatay na) ay kasamahan ng Kanang Kamay

فَسَلَامٌ لَّكَ مِنْ أَصْحَابِ الْيَمِينِ ۝٩١

📖 Salin Talata 91

(Ay sasakanya ang pagbati): Sumainyo ang kapayapaan at kapanatagan mula sa mga kasamahan ng Kanang Kamay

وَأَمَّا إِن كَانَ مِنَ الْمُكَذِّبِينَ الضَّالِّينَ ۝٩٢

📖 Salin Talata 92

Datapuwa’t kung siya (na mamamatay) ay kasama roon sa mga nagtuturing na huwad (sa katotohanan ang Muling Pagkabuhay), at tumahak sa kamalian

فَنُزُلٌ مِّنْ حَمِيمٍ ۝٩٣

📖 Salin Talata 93

Sa kanya ay isasalubong ang kumukulong tubig

وَتَصْلِيَةُ جَحِيمٍ ۝٩٤

📖 Salin Talata 94

At pagkasunog sa Apoy ng Impiyerno

إِنَّ هَٰذَا لَهُوَ حَقُّ الْيَقِينِ ۝٩٥

📖 Salin Talata 95

Tunay ngang ito ang Lubos na Katotohanan, ang Katiyakan

فَسَبِّحْ بِاسْمِ رَبِّكَ الْعَظِيمِ ۝٩٦

📖 Salin Talata 96

Kaya’t ipagbunyi nang may pagpupuri ang Pangalan ng iyong Panginoon, ang Kataas-taasan

Surah Al-Waqi'ah – Filipino na Salin

Surah Al-Waqi'ah sa Arabe at Filipino

Basahin at Pakinggan ang Surah Al-Waqi'ah

Talata sa talata – Surah Al-Waqi'ah — 96 Talata