Surah Al-Waqi'ah pdf Filipino

PDF —

96 Talata Meccan PDF

Built right in your browser — download starts automatically

Surah Al-Waqi'ah pdf — I-download (Filipino)

Surah Al-Waqi'ah pdf Filipino — I-download Surah Al-Waqi'ah Salin. Surah Al-Waqi'ah (Meccan) 96 Talata.

📚 Basahin 🎧 Pakinggan mp3 📜 Banal na Quran

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Al-Waqi'ah

96 Talata · Meccan · Filipino

ﮃﮄﮅﮆ

56:1 Kung ang Pangyayari na hindi maiiwasan (alalaong baga, ang Araw ng Muling Pagkabuhay) ay dumatal na

ﮇﮈﮉﮊ

56:2 Na walang (kaluluwa) ang makapagtatatwa tungkol sa pagdatal nito

ﮋﮌﮍ

56:3 Na ito ay magpapababa (sa ilan) at magtataas naman (sa iba)

ﮎﮏﮐﮑﮒ

56:4 Kung ang kalupaan ay makalog sa kanyang kailaliman

ﮓﮔﮕﮖ

56:5 Kung ang kabundukan ay gumulong at madurog

ﮗﮘﮙﮚ

56:6 At ito ay maging alabok na nagsisipangalat

ﮛﮜﮝﮞ

56:7 At kayong (lahat) ay pagbubukod-bukurin sa tatlong uri (alalaong baga, sa tatlong pangkat)

ﮟﮠﮡﮢﮣﮤ

56:8 (Ang una), ay mga kasamahan ng Kanang Kamay (alalaong baga, sila na bibigyan ng kanilang Talaan sa kanilang kanang kamay), - Sino baga sila na nasa Kanang Kamay (bilang paggalang sa kanila sapagkat sila ay papasok sa Paraiso)

ﮥﮦﮧﮨﮩﮪ

56:9 (At ang sumunod ) ay mga Kasamahan ng Kaliwang Kamay (alalaong baga, sila na bibigyan ng kanilang Talaan sa kanilang kaliwang kamay), - Sino baga sila na nasa Kaliwang Kamay (bilang kahihiyan sa kanila sapagkat sila ay papasok sa Impiyerno)

ﮫﮬﮭ

56:10 (At pangatlo) ang Pinakapangunahin (sa pagiging matimtiman sa Pananalig sa Islam at paniniwala sa Kaisahan ni Allah at gumagawa ng lahat ng mga pagsunod kay Allah at sa Kanyang Tagapagbalita), ay magiging tampok (sa Paraiso)

ﮮﮯﮰ

56:11 Sila ang magiging pinakamalapit kay Allah

ﮱﯓﯔﯕ

56:12 Sa Halamanan ng Kaligayahan (Paraiso)

ﯖﯗﯘﯙ

56:13 Ang karamihan ng mga tao (sa Pinakapangunahin) ay magmumula sa mga sinaunang henerasyon (na yumakap sa Islam)

ﯚﯛﯜﯝ

56:14 At ang iba pang karamihan (sa Pinakapangunahin), ay sila na galing sa mga huling panahon (ng henerasyon)

ﯞﯟﯠﯡ

56:15 (Sila ay malalagay) sa mga luklukan na nagagayakan ng ginto at mamahaling bato

ﯢﯣﯤﯥ

56:16 Na nakahilig dito at magkakaharap

ﭑﭒﭓﭔﭕ

56:17 Atsakanilaaynakapaligidang(mganagsisilbing) kabataan na nananatiling (sariwa) sa habang panahon

ﭖﭗﭘﭙﭚﭛ

56:18 Na may mga tangang kopita at (nangingislap) na bangang sisidlan at mga baso na puno ng dalisay na alak (mula sa batis)

ﭜﭝﭞﭟﭠﭡ

56:19 (Na sa pag-inom nito), sila ay hindi makakaramdam ng pananakit ng ulo at gayundin ng pagkalasing

ﭢﭣﭤﭥ

56:20 At mga bungangkahoy, anuman ang kanilang piliin

ﭦﭧﭨﭩﭪ

56:21 At anumang karne ng mga pabo (at kauri nito) na kanilang maibigan

ﭫﭬﭭ

56:22 At sila ay (magkakaroon) ng mga Houris (kasamahang babae na may magaganda, mapuputi at may maniningning na mga mata [bilang asawa ng mga matimtiman)

ﭮﭯﭰﭱ

56:23 Na tulad ng mga natatagong Perlas

ﭲﭳﭴﭵﭶ

56:24 Bilang gantimpala sa kanilang ginawa ng nakalipas (na buhay)

ﭷﭸﭹﭺﭻﭼﭽ

56:25 At doon ay wala silang maririnig na malalaswang salita o anumang salita ng kapintasan o kasalanan (tulad ng paninirang puri, atbp)

ﭾﭿﮀﮁﮂ

56:26 Maliban lamang sa pagsasabi ng : Kapayapaan! (at muli ay) Kapayapaan

ﮃﮄﮅﮆﮇﮈ

56:27 At sila na kasamahan ng Kanang Kamay, - Sino baga sila na magiging kasamahan ng Kanang Kamay

ﮉﮊﮋﮌ

56:28 (Sila) ay mananahan sa gitna ng mga punong lote na walang tinik

ﮍﮎﮏ

56:29 Sa gitna ng punong Talh (punong saging), na may mga bulaklak (at bunga) na kumpol-kumpol

ﮐﮑﮒ

56:30 Sa malabay (at nakaladlad) na lilim

ﮓﮔﮕ

56:31 Sa tabi ng tubig na patuloy na dumadaloy

ﮖﮗﮘ

56:32 At mga bungangkahoy na sagana

ﮙﮚﮛﮜﮝ

56:33 Na hindi nagmamaliw ang bunga (kahit wala sa panahon) at hindi nauubusan ng ani

ﮞﮟﮠ

56:34 At sa mga luklukan (ng karangalan) na nakataas

ﮡﮢﮣﮤ

56:35 Pagmasdan! Katotohanang nilikha Namin ang kanilang Kasamahan (mga Dalaga), sa natatanging paglikha

ﮥﮦﮧ

56:36 At (Aming) ginawaran sila ng pagiging birhen

ﮨﮩﮪ

56:37 Na inaalagaan (ng kalikasan) ng pantay-pantay sa gulang

ﮫﮬﮭ

56:38 Na nalalaan sa mga kasamahan ng Kanang Kamay

ﮮﮯﮰﮱ

56:39 Ang karamihan sa mga tao (ng Kanang Kamay) ay magmumula sa sinaunang henerasyon (ng mga yumakap sa Islam)

ﯓﯔﯕﯖ

56:40 At ang iba pang karamihan ng mga tao (ng Kanang Kamay) ay sila na galing sa (henerasyon) ng huling panahon

ﯗﯘﯙﯚﯛﯜ

56:41 At sila na kasamahan ng Kaliwang Kamay, - Sino nga ba sila na magiging kasamahan ng Kaliwang Kamay

ﯝﯞﯟﯠ

56:42 (Sila ay magigitna) sa nakakapasong Lagablab ng Apoy at kumukulong tubig

ﯡﯢﯣﯤ

56:43 At sa Anino (Lilim) ng Maitim na Usok

ﯥﯦﯧﯨﯩ

56:44 (Ang Lilim) na ito ay walang anumang lamig o kaginhawahan

ﯪﯫﯬﯭﯮﯯ

56:45 Katotohanang bago pa ito (ang Kaparusahan), sila ay nalulong sa karangyaan (at luho sa kayamanan)

ﯰﯱﯲﯳﯴﯵ

56:46 At nagpatuloy sa pamimihasa sa kahiya- hiyang kabuktutan (tulad ng pagsasama ng katambal sa pagsamba kay Allah, pagpatay, paggawa ng mga krimen, atbp)

ﯶﯷﯸﯹﯺﯻﯼﯽﯾﯿ

56:47 At lagi nilang ipinagbabadya: “Ano? Kung kami ba ay mamatay at maging alabok at kalansay, kami ba ay tunay na ibabangong muli sa pagkabuhay?”

ﰀﰁﰂ

56:48 (Kami) at ang aming mga ninuno (noong pang panahong sinauna)

ﰃﰄﰅﰆﰇ

56:49 Ipagbadya (o Muhammad): “Tunay nga! Silang (mga tao) ng panahong sinauna at silang (mga tao) ng huling panahon.”

ﰈﰉﰊﰋﰌﰍ

56:50 walang pagsala na titipunin ang lahat ng sama-sama sa natataningang pakikipagtipan sa Bantog na Araw

ﭑﭒﭓﭔﭕﭖ

56:51 Katotohanang kayo na mapaggawa ng kamalian, kayo na humahalakhak (sa katotohanan) at nagtatatwa (sa Muling Pagkabuhay)

ﭗﭘﭙﭚﭛﭜ

56:52 Katotohanang inyong matitikman ang puno ng Zaqqum

ﭝﭞﭟﭠ

56:53 At inyong pupunuin ang inyong sikmura ng mga ito

ﭡﭢﭣﭤﭥ

56:54 Tangi pa rito, kayo ay iinom ng kumukulong tubig

ﭦﭧﭨﭩ

56:55 Katotohanang kayo ay magsisiinom (nito) na katulad ng kamelyong may sakit na sumisingasing sa pagkauhaw

ﭪﭫﭬﭭﭮ

56:56 Ito ang kanilang magiging pasalubong sa Araw ng Kabayaran

ﭯﭰﭱﭲﭳ

56:57 Kami (Allah) ang lumikha sa inyo; bakit hindi ninyo saksihan ang Katotohanan

ﭴﭵﭶﭷ

56:58 Nakikita ba ninyo ang binhi ng tao (semilya) na inyong inilalabas

ﭸﭹﭺﭻﭼﭽ

56:59 Kayo ba ang lumikha sa mga ito (semilya, na nagiging isang ganap na tao), o Kami ba ang Manlilikha

ﭾﭿﮀﮁﮂﮃﮄﮅ

56:60 Itinakda Namin ang kamatayan sa inyong lahat na inyong maranasan at Kami ay hindi manlulupaypay

ﮆﮇﮈﮉﮊﮋﮌﮍﮎﮏ

56:61 Na baguhin ang inyong anyo at muli kayong likhain sa (bagong) anyo na hindi ninyo nababatid

ﮐﮑﮒﮓﮔﮕﮖ

56:62 At katotohanang batid ninyo ang unang anyo ng paglikha (alalaong baga, ang paglikha kay Adan). Bakit nga ba hindi ninyo ipinagbubunyi ang pagpupuri sa Kanya o (kayo ay) tumatalima

ﮗﮘﮙﮚ

56:63 Sabihin ninyo sa Akin! Nakikita ba ninyo ang butong (binhi) na inyong itinatanim sa lupa

ﮛﮜﮝﮞﮟﮠ

56:64 Kayo ba ang nagpatubo sa mga ito o Kami ba na Manlilikha ang nagpatubo

ﮡﮢﮣﮤﮥﮦﮧ

56:65 Kung Aming nanaisin ay magagawa Namin na maging tulyapis ito at kayo ay magsisisi (o maiiwan sa pagkamangha)

ﮨﮩﮪ

56:66 Na magsasabi: “Katotohanang kami ay Maghramun (mga nabibigatan sa pagkakautang o nalugi at naparusahan sa kawalan ng pakinabang)

ﮫﮬﮭﮮ

56:67 Katotohanang kami ay hindi nakinabang (sa bunga ng aming paghihirap)

ﮯﮰﮱﯓﯔ

56:68 Sabihin ninyo sa Akin! Nakikita ba ninyo ang tubig na inyong iniinom

ﯕﯖﯗﯘﯙﯚﯛﯜ

56:69 Kayo ba ang nagpamalisbis nito mula sa mga ulap o Kami ba na Nagpapahintulot ang nagpamalisbis nito

ﯝﯞﯟﯠﯡﯢﯣ

56:70 Kung Aming ninais ay magagawa Namin ito na maging mapait (at maalat na hindi maiinom). Bakit nga ba kayo ay hindi nagbibigay pasalamat (kay Allah)

ﯤﯥﯦﯧﯨ

56:71 Sabihin ninyo sa Akin! Nakikita ba ninyo ang apoy na inyong pinagdiringas

ﯩﯪﯫﯬﯭﯮﯯ

56:72 Kayo ba ang nagpatubo sa mga punongkahoy na pinagkukunan ng apoy (at panggatong) o Kami ang nagpatubo nito

ﯰﯱﯲﯳﯴﯵ

56:73 Ginawa Namin ito bilang Paala-ala (saApoy ng Impiyerno sa Kabilang Buhay); at isang bagay ng kaginhawahan sa mga naninirahan sa ilang (at sa lahat ng iba pa rito sa mundo)

ﯶﯷﯸﯹﯺ

56:74 Kaya’t ipagdiwang ng may pagpupuri ang Pangalan ng iyong Panginoon, ang Kataas-taasan

ﯻﯼﯽﯾﯿﰀ

56:75 Tunay nga! Aming tinawag upang magpatotoo ang Mawaqi (ang paglubog o malalaking palasyo ng mga bituin)

ﰁﰂﰃﰄﰅﰆ

56:76 At katotohanang ito ay dakilang pagsumpa, kung inyo lamang nalalaman

ﭑﭒﭓﭔ

56:77 At katotohanang (ito) ang pinakamarangal (at banal) na pagdalit (ang Qur’an)

ﭕﭖﭗﭘ

56:78 Sa isang Aklat na ganap na napapangalagaan (na kay Allah sa Kalangitan, alalaong baga ang Al Lauh Al Mahfuz)

ﭙﭚﭛﭜﭝ

56:79 Na walang sinuman ang makakahipo niyaon (Aklat ni Allah) maliban sa (kanila) na dalisay at malilinis sa kasalanan (alalaong baga, ang mga anghel)

ﭞﭟﭠﭡﭢ

56:80 Isang Kapahayagan (ang Qur’an) mula sa Panginoon ng lahat ng mga nilalang

ﭣﭤﭥﭦﭧ

56:81 Ang Pahayag bang ito (ang Qur’an) ay hindi ninyo (mga hindi sumasampalataya) gaanong pinapahalagahan

ﭨﭩﭪﭫﭬ

56:82 At sa halip (na inyong pasalamatan si Allah) sa mga biyaya na inyong ikinabubuhay mula sa Kanya, sa kabalintunaan ay inyong itinatwa Siya (sa kawalan ng pananalig)

ﭭﭮﭯﭰﭱ

56:83 Nguni’t bakit hindi ninyo (pinangahasan) nang ang ( kaluluwa ng isang mamamatay na tao) ay umabot na sa kanyang lalamunan

ﭲﭳﭴﭵ

56:84 At kayo ay pansamantalang (nakaupo) at nakatingin lamang

ﭶﭷﭸﭹﭺﭻﭼﭽ

56:85 Datapuwa’t Kami (alalaong baga, ang Aming mga anghel na kumukuha ng kaluluwa) ay higit na malapit sa kanya kaysa sa inyo, subalit (sila) ay hindi ninyo nakikita

ﭾﭿﮀﮁﮂﮃ

56:86 Kaya’t bakit hindi ninyo ginawa, - kung kayo nga ay hindi sakop ng (darating) na pagsusulit at kabayaran (kaparusahan, atbp)

ﮄﮅﮆﮇﮈ

56:87 Inyong ibalik (muli ang kanyang) kaluluwa sa kanyang katawan, kung kayo ay nagsasabi ng katotohanan

ﮉﮊﮋﮌﮍﮎ

56:88 At kung siya (na mamamatay na) ay isa sa Muqaribun (siya na ang magiging kasama ay mga malalapit kay Allah)

ﮏﮐﮑﮒﮓ

56:89 (Sasakanya) ang kapahingahan at kasiyahan sa Hardin ng Kaligayahan (Paraiso)

ﮔﮕﮖﮗﮘﮙﮚ

56:90 At kung siya (na mamatay na) ay kasamahan ng Kanang Kamay

ﮛﮜﮝﮞﮟﮠ

56:91 (Ay sasakanya ang pagbati): Sumainyo ang kapayapaan at kapanatagan mula sa mga kasamahan ng Kanang Kamay