Suurat As-Saffat pdf Qafar af

PDF —

182 Aayat Meccan PDF

Built right in your browser — download starts automatically

Suurat As-Saffat pdf — Down-load (Qafar af)

Suurat As-Saffat pdf Qafar af — Down-load Suurat As-Saffat Tarjumaan. Suurat As-Saffat (Meccan) 182 Aayat.

📚 Akriya 🎧 Xasiis mp3 📜 Qhuraanul Kariim

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suurat As-Saffat

182 Aayat · Meccan · Qafar af

ﭑﭒﭓ

37:1 Yalli malaykay missoowiyyah missowtal xiibite

ﭔﭕﭖ

37:2 Kaadu Yalli qamburre foorisiyyah foorissa (wakayah wakayta) Malaykal xiibite

ﭗﭘﭙ

37:3 Kaadu Qhuraan kee Dikri akriyiyyah takriye malaykal xiibite

ﭚﭛﭜﭝ

37:4 Diggah seehaday sin Yallay taqbudeeni inkittuk qibaadá kaah caglisa iyyaanamal xiibite

ﭞﭟﭠﭡﭢﭣﭤﭥ

37:5 Usuk qaranwaa kee baaxóoy, ken nammayih fanal taniimih Rabbi, kaadu usuk ayrô mawqooqii kee ayrô kormaamî Rabbi kinni

ﭦﭧﭨﭩﭪﭫﭬ

37:6 Diggah Nanu addunyâ qaran cutuukat bilqisneh

ﭭﭮﭯﭰﭱﭲ

37:7 Kaadu ummaan sheetanay Yallih taaqatak yewqek, qaran cutuukat dacrisna

ﭳﭴﭵﭶﭷﭸﭹﭺﭻﭼ

37:8 Sheetoona qaran mataafaay, irô qaraanal tan Malaykah yab taabbem madudda, kaadu ummaan kabuk qambisimta

ﭽﭾﭿﮀﮁﮂ

37:9 Woo ankactuk xiiriysimaanaah, amurruqe wayta digaalá-lon akeeral

ﮃﮄﮅﮆﮇﮈﮉﮊ

37:10 Sheetoona Malaykak sissikuk qawta qangara akke waytek yaabbeenim maduudan, tokkel ura dabiitay ken cararisa ken kataata

ﮋﮌﮍﮎﮏﮐﮑﮒﮓﮔﮕﮖﮗﮘ

37:11 Nabiyow toysa ken esser ginóh usun gibdoonu innaa hinnay Nanu ginnem gibdim ginoonak? Diggah nanu xankab itta kallay gabat kaftak ken ginne (ken abba Aadam kinnuk)

ﮙﮚﮛﮜ

37:12 Wonna hinnay nabiyow koo dirabboysaanaah, qhiyaamah ayróh ugut yangaddeenim qajjibsittah usun kol anqaasak

ﮝﮞﮟﮠﮡ

37:13 Hawweeneenim ken kassiisan waqdi kas elle mageyaanaay, edde mayantifiqan

ﮢﮣﮤﮥﮦ

37:14 Kaadu atu Nabii kinnitom tascasse astá yablen waqdi teetil anqasaanaah qajjibsitan

ﮧﮨﮩﮪﮫﮬﮭ

37:15 Kaadu atu luk temeetem kalah tu- hinna, baxxaqqa iyya baab akke waytek kaak iyyen

ﮮﮯﮰﮱﯓﯔﯕﯖ

37:16 Rabneeh burtaay lafoofi nakke waqdi, nanu diggah nuwwuk ugtennoo ninni magooqak? (Qhiyaamah ayró kinnuk)

ﯗﯘﯙ

37:17 Kaadu nek naharsi abbobtiy warrayte ugtelee iyyen

ﯚﯛﯜﯝﯞ

37:18 Yeey, ugtetton keenik ixxic nabiyow; isin xixxibaaneey, qunxaane-luk

ﯟﯠﯡﯢﯣﯤﯥﯦ

37:19 Cagalah is Israafiil baantah inki xongoló, eddeluk usun magooqak ugtaanaah sinnik abaanam qambaalitan

ﯧﯨﯩﯪﯫﯬ

37:20 Nee gee finqaaw! ah cisaabaay galtóh ayró iyyan (qhiyaamah ayró kinnuk)

ﯭﯮﯯﯰﯱﯲﯳﯴ

37:21 Ah-meklah ayróy ginô fan qadlil edde meklaanay isin dirabboysak sugteeni keenik iyyan

ﯵﯶﯷﯸﯹﯺﯻﯼﯽ

37:22 Malaykak iyyaanah; koroosite maraa kee koroosannul ken kataateeh ken ceela maraay, usun Yallak kalah aqbaduk sugeenim gaaboysa

ﯾﯿﰀﰁﰂﰃﰄﰅ

37:23 Eddeluk jaciim deqsitta giráh gita keenih escessa

ﰆﰇﰈﰉﰊ

37:24 Kaadu siraat garil ken eyseeda, diggah usun addunyal abeenimik esserimaanahak

ﭑﭒﭓﭔﭕ

37:25 Maca litoonuuh, itta kah cate waytaanam addunyal itta kah catak sugten innah keenik iyyan ken sahitak

ﭖﭗﭘﭙﭚ

37:26 Wonna hinnay usun asaaku (qhiyaamah ayró kinnuk) Yallih amrih gabá yeceenih xixxibaane luk

ﭛﭜﭝﭞﭟﭠ

37:27 Korosuk mariiy marat afkanuk keemaaritak itta esseran

ﭡﭢﭣﭤﭥﭦﭧ

37:28 Diggah isin cakki-le kabuk nee gutuqak net amaatuk sugteeniih, baatil net bilqisak sugten iyyen kattaate mari katayen marak

ﭨﭩﭪﭫﭬﭭ

37:29 Katayen mari keenil gacisak, wonna hinnay isin nummayse marah ma-suginniton keenik iyyan

ﭮﭯﭰﭱﭲﭳﭴﭵﭶﭷﭸﭹ

37:30 Kaadu nanu sin amol qandey iimaanak sin edde waasna luk masuginnino, wonna hinnay isin dambit caddok tature marah sugten

ﭺﭻﭼﭽﭾﭿﮀﮁ

37:31 Tokkel ni-Rabbih maxcó inkih nel nummatteh, diggah nee kee sin digaalá tammoysenno

ﮂﮃﮄﮅﮆ

37:32 Eddeluk Yallih gitaa kee iimaanak sin makkosneh, diggah nanu siinik dumaak makkoote marah sugne

ﮇﮈﮉﮊﮋﮌ

37:33 Toysa diggah usun woo ayró (qhiyaamah ayró kinnuk) digaalál yangaleenih addunyal umaanél yengeleenimih sabbatah. (kattaate maraa kee katayen mara kinnuk)

ﮍﮎﮏﮐﮑ

37:34 Diggah nanu umeyniitik tamannah abna

ﮒﮓﮔﮕﮖﮗﮘﮙﮚﮛﮜ

37:35 Diggah usun (koros kinnuk) inki Yallak-sa cakkil yaqbuden Yalli mayan ixxica keenik iyyan waqdi, kaxxa-mariinitak sugen addunyal

ﮝﮞﮟﮠﮡﮢﮣ

37:36 Kaadu nanu diggah ninni yallitteh qibaadá gad-abê cabulih sabbatah cabnoo iyyen? (woh kak iyyaanam Yallih farmoyta kinnuk)

ﮤﮥﮦﮧﮨﮩ

37:37 Wonna hinnay Nabii cakki baaheeh (Qhuraan kee Yalla inkittoysaanam kinnuk) farmoytit nummaysak yemeete

ﮪﮫﮬﮭﮮ

37:38 A-korosey isin diggah qansarissa digaalá tammoysetton qhiyaamah ayró

ﮯﮰﮱﯓﯔﯕﯖ

37:39 Kaadu addunyal umaanék abak sugteenimik-sa elle galtimtaanam manton akeeral

ﯗﯘﯙﯚﯛ

37:40 Yallih naqoosay qibaadá kaah caglissey Yalli isi racmat caglise akke waytek qansarissa digaalák naggowtam matan

ﯜﯝﯞﯟﯠ

37:41 Woo meqe maray Yalli doore yimixxige quusiy (rizqhiy) aggiriqqewaa lon

ﯡﯢﯣﯤ

37:42 Woo rizqhi maggo caxâ mixu, usun Yalli keenih abe konnabá luk

ﯥﯦﯧﯨ

37:43 Waara niqmat-le Jannootah addal yanin

ﯩﯪﯫﯬ

37:44 Qaraakiy amol sitta fan afkanuk

ﯭﯮﯯﯰﯱﯲ

37:45 Maqiin deqsitta daráh gocoyuk kibuk yan kaaqon keenit meksima

ﯳﯴﯵﯶ

37:46 Ama gocoy qadoh, yaaqube marah satta-le

ﯷﯸﯹﯺﯻﯼﯽﯾ

37:47 Usuk kas mabeyaay, amô berra mali kaadu usun kaat mayaskiran (madoomitan)

ﯿﰀﰁﰂﰃ

37:48 Kaadu ken xaqul saytun agabuy sinni baqoltik-sá num fanah waktewaay, qax-meqe intiita-le lon

ﰄﰅﰆﰇ

37:49 Ama agbih weeló dansinte naalay gabá xage wayteh inna-le qidih

ﰈﰉﰊﰋﰌﰍ

37:50 Tokkel jannatti mari, mariiy marat keenik yafkune addunyal keenil taturtem itta esserak

ﰎﰏﰐﰑﰒﰓﰔﰕ

37:51 Jannatti marak yaabe num iyyeh; diggah anu rabak lakal tan manó yangadde kataysa luk suge addunyal

ﭑﭒﭓﭔﭕ

37:52 Diggah atu nummaysa marâ tanitoo? yok axcuk suge

ﭖﭗﭘﭙﭚﭛﭜﭝ

37:53 Rabneeh, burtaay, lafoofi nakke waqdi, diggah nanu ugutnaah, cisab nek abaanaah, ninni taamoomil galtimennoo? yok axcuk suge

ﭞﭟﭠﭡﭢ

37:54 Woo moominti Jannatal isi kataysiisik, isin girát yoo lih maay boosittan woo korostih caalat nabaluh? Iyya

ﭣﭤﭥﭦﭧﭨ

37:55 Eddeluk bossu iyyeeh, jaciim deqsitta girák gudel (guddaqtal) kaa yuble

ﭩﭪﭫﭬﭭﭮ

37:56 Yallal xiibita immay, diggah yoo finqise raarte koo oggolinniyoy, kaak (kay kataysay addunyal rabak lakal manó tanim angadduk suge kinnuk) iyya woo moominti

ﭯﭰﭱﭲﭳﭴﭵ

37:57 Kaadu yi-Rabbi isi muxxóh tirri yoo heewannay, kôo luk girál xayyoysimeeh tet cule marih num akkuk-en

ﭶﭷﭸﭹ

37:58 Nanu waaraah rabewaa mara hinninom hinnaa

ﭺﭻﭼﭽﭾﭿﮀ

37:59 Marabna nek naharsi rabay addunyal abne akke waytek, kaadu nanu diggalsimewaa mara hinnino innaa Jannat culleek lakal

ﮁﮂﮃﮄﮅﮆ

37:60 Diggah nanu niqmatak edde nanim, usuk kaxxa affaafa

ﮇﮈﮉﮊﮋ

37:61 Annah yan niqmatay dudda- leh taamita mari toysa taamitay addunyal

ﮌﮍﮎﮏﮐﮑﮒ

37:62 Woo weeló kak taturte jannatih niqmatannaa, qibnaytiinoh taysem, hinnay zaqhqhuum deqsitta caxay cooxuk gactah taniy jahannam addal tani tayseeh

ﮓﮔﮕﮖﮗ

37:63 Diggah nanu korosuh aqayyaareh (mokkoroh) tet abne (zaqhqhuum kinnuk)

ﮘﮙﮚﮛﮜﮝﮞ

37:64 Diggah is jaciim deqsitta girák ragidik tawqe caxa

ﮟﮠﮡﮢﮣ

37:65 Tet mexexi diggah usuk sheetoonâ moyyaayih inna-le qaxumaaneh

ﮤﮥﮦﮧﮨﮩﮪ

37:66 Eddeluk diggah usun teetik yakmeeniih, bagitte teetik kiban

ﮫﮬﮭﮮﮯﮰﮱﯓ

37:67 Tohuk lakal diggah tet bagul niqna kak caddok taturte leeh daragu-lon maaqabah

ﯔﯕﯖﯗﯘﯙ

37:68 Too digaaláh lakal diggah gacsimeyna keenik jaciim deqsitta girâ fanah takke

ﯚﯛﯜﯝﯞ

37:69 Diggah usun sinni abbobti makkoote marah geen

ﯟﯠﯡﯢﯣ

37:70 Usun wohul ken katayyuh yasissiken

ﯤﯥﯦﯧﯨﯩ

37:71 Kaadu Nummah nabiyow ku- marak duma naharsi marak maggo mari makkoote

ﯪﯫﯬﯭﯮ

37:72 Kaadu nummah Yallih digaalák ken meesissa farmoytit keenih rubne addunyal

ﯯﯰﯱﯲﯳﯴ

37:73 Tokkel meesiisen marih ellecabo kah tekke inna wagitey (cubbusey) nabiyow

ﯵﯶﯷﯸﯹ

37:74 Yallih naqoosay Yalli isi racmatat caglisey naggoyse akke waytek, qibaadá kaah cagliseenimih sabbatah

ﯺﯻﯼﯽﯾﯿ

37:75 Yalli xiibitak iyyeh; Nabii Nuuc neh seeceh kay maral qokol kaah nakkem keh, tokkel nanu kaa oggola marak yayse mara kinnino

ﰀﰁﰂﰃﰄﰅ

37:76 Kaadu kaa kee kay buxah maraay, moominiiniy kaâ luk teemene kaxxa gibdak naggosneh (leet xuunumaanamak, sutaanamak)

ﭑﭒﭓﭔﭕ

37:77 Kaadu kay samad raaqe mara ken abne, kay mari leet bayeek gamadal

ﭖﭗﭘﭙﭚ

37:78 Kaadu meqe xagar-xagoo kee fayla kay amol cabne ellecabô maray kaak lakal yamaatuwaah arrabat

ﭛﭜﭝﭞﭟﭠ

37:79 Sinam addal Nabii Nuucuh saayaay nagaynan cabne

ﭡﭢﭣﭤﭥ

37:80 Diggah nanu meqe mara tonnal galatna

ﭦﭧﭨﭩﭪ

37:81 Diggah Nabii Nuuc ni-naqoosay teemeney Yallah qibaadá caglissek numuk teyna

ﭫﭬﭭﭮ

37:82 Tohuk lakal aki maray kaa dirabboyse leet xuumusneeh (sutusne) finqisne

ﭯﭰﭱﭲﭳﭴ

37:83 Kaadu diggah kay (Nabii Nuuc kinnuk) gital kaa kataate marat Nabii Ibraahim yan

ﭵﭶﭷﭸﭹﭺ

37:84 Isi Rabbil saytun sorkocô baxa luk yemeete waqdi Yallat agleyta haamak

ﭻﭼﭽﭾﭿﮀﮁ

37:85 Isi abbaa kee isi marak Yallak kalah maca taqbudeniih iyye waqdi ken assacakkuk

ﮂﮃﮄﮅﮆﮇ

37:86 Yallak kalah gersi yallitte diraabah taqbudenim faxxaanaa

ﮈﮉﮊﮋﮌ

37:87 Tohul ginô Rabbi maca siinik abelem takkaleeniih, Yallak kalihim tuqbudeenik

ﮍﮎﮏﮐﮑ

37:88 Tokkel ken qiidih keenil luk yawqeemik malkitih cutuukâ fanah wagittoh wagga hee

ﮒﮓﮔﮕ

37:89 Edde luk diggah anu biyaakitah keenik iyye

ﮖﮗﮘﮙ

37:90 Edde luk derre kaat cabba heenih gexen

ﮚﮛﮜﮝﮞﮟﮠ

37:91 Eddeluk ken yallitte fan sissikuk kelli iyyeeh (malgiyeh) matakmaanaa? iyye keenil anqasak

ﮡﮢﮣﮤﮥ

37:92 Maca liton kah yaabe waytaanaah essero yol kah gacse waytaanam keenik iyye Nabii Ibraahim

ﮦﮧﮨﮩﮪ

37:93 Edde luk Nabii Ibraahim keenit yufkuneh migdi gabah godmat ken aagaruk

ﮫﮬﮭﮮ

37:94 Tokkel sissikuk naqabu luk kay mari kaah fan yufkuneeh nanu tet naqbudeeh, atu tet taggilee kaak iyyen

ﮯﮰﮱﯓﯔ

37:95 Isin sinni gabah urtaanam taqbudeenii, sin gine Rabbî qibaadá cabba hayteenih keenik iyye

ﯕﯖﯗﯘﯙ

37:96 Yalli sin kee isin abba haytaanam gineh anuk

ﯚﯛﯜﯝﯞﯟﯠﯡ

37:97 Nabii Ibraahim Yaabah keenik yeyse waqdi, tokkel kay mari uma malah kaah malseeh xiso kaah xisaay jaciim deqsitta girát kaa gasiya (qambisa) iyyen

ﯢﯣﯤﯥﯦﯧ

37:98 Kay mari uma malah kaah malseeh, guba raaqa mara ken abneeh, Nabii Ibraahim girák amaanah yewqe

ﯨﯩﯪﯫﯬﯭﯮ

37:99 Kaadu Nabii Ibraahim iyyeh; diggah anu guuroh inni Rabbî fan gexaah usuk tirri yoo heele (yoo ascassele)

ﯯﯰﯱﯲﯳﯴ

37:100 Nabii Ibraahim Yi-Rabbow meqe marih loowot yan baxa yoh acuw iyye

ﯵﯶﯷﯸ

37:101 Eddeluk dooqá kaak oggolleeh kaxxa xiq-le baxal kaa aytikumusne (berrakisne)

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ

37:102 Ismaaqil yembeeh barak abballuk taamáh edde gexa caddo yoofe waqdi, yi-baxaw diggah anu soonol koo asguudem ublek, a-caagid wagitey maca kot ceela? Kaak iyye. Yi-babbaw elle amrisimtem ab, wohul Yalli faxek yisbire marih numuh yoo geettok kaak iyye

ﭑﭒﭓﭔﭕ

37:103 Edde luk Yallih amri oggolen waqdi (Nabii Ibraahim kee baxa kinnuk) abba seltah (xabanah) kaa oobise kaa yasgaaduh

ﭖﭗﭘﭙ

37:104 Kaadu kaa secneh kee Ibraahimow axcuk

ﭚﭛﭜﭝﭞﭟﭠﭡﭢ

37:105 Nummah tuble soonó nummasseh, diggah nanu tonnal galatna meqe mara iyye Yalli

ﭣﭤﭥﭦﭧﭨ

37:106 Diggah ta-amri (ku baxih masgaada kinnuk) is-baxxaqqa itta aqayyaare kinni

ﭩﭪﭫﭬ

37:107 Kaadu nanu kaxxa maruwih (marugih) masgaadal kaa wadne (Ismaaqil kinnuk)

ﭭﭮﭯﭰﭱ

37:108 Kaadu Nabii Ibraahimih meqe xagar-xagoo kee fayla kay amol cabne elle cabô maray kaak lakal yamaatuwaah arraabat

ﭲﭳﭴﭵ

37:109 Yallih xaquk nagaynan Nabii Ibraahimil yanay

ﭶﭷﭸﭹ

37:110 Nabii Ibraahim kah galatne innah meqe mara tonnal galatna

ﭺﭻﭼﭽﭾ

37:111 Diggah Nabii Ibraahim ni- naqoosay teemenek numuk teyna

ﭿﮀﮁﮂﮃﮄ

37:112 Kaadu Nabii Ibraahim Iscaaqh deqsita baxay Nabii yakkuwaay meqe marak numuk teynah yanil kaa ayti-kumusne (berrakisne)

ﮅﮆﮇﮈﮉﮊﮋﮌﮍﮎﮏﮐ

37:113 Kaadu kaa (Ibraahim) kee Iscaaqhal barkat oobisne, kaadu ken nammayih samadak isi nafsih meqe num keenik yaniih, baxxaqqa-le dulmih koroosannut isi nafsi yadlume num keenit yanih

ﮑﮒﮓﮔﮕﮖ

37:114 Yalli nummah xiibitak iyyeh; Nabii Muusaa kee Nabii Haaruun nabuwwannut gunneh

ﮗﮘﮙﮚﮛﮜ

37:115 Kaadu ken nammay kee ken mara naggosneh kaxxa gibdak (xuumiyya kinnuk)

ﮝﮞﮟﮠﮡ

37:116 Kaadu ken qokolleeh, usun firqawnaa kee firqawni marak yayse mara yekken

ﮢﮣﮤﮥ

37:117 Kaadu tawraat kitaabay baxxaqqa iyya ken nammayah necee

ﮦﮧﮨﮩ

37:118 Kaadu ken nammay massa-le gital (Islaam diini kinnuk) tirri hayne

ﮪﮫﮬﮭﮮ

37:119 Kaadu meqe xagar-xagoo kee fayla ken nammayih amol cabne ellecabô maray keenik lakal yamaatuwaah arrabat

ﮯﮰﮱﯓﯔ

37:120 Yallih xaquk nagaynan Nabii Muusaa kee Nabii Haaruunul yanay

ﯕﯖﯗﯘﯙ

37:121 Diggah ken nammay kah galatne innah nanu meqe mara tonnal galatna

ﯚﯛﯜﯝﯞ

37:122 Diggah ken nammay Ni-naqoosay teemenek nammayak teyna

ﯟﯠﯡﯢﯣ

37:123 Kaadu diggah Nabii Ilyaas rubsumte farmoytiitik numuk teyna

ﯤﯥﯦﯧﯨﯩ

37:124 Isi marak israa-iil xaylok Yallak ma-meesittaanaa? iyye waqdi keenih cus nabiyow

ﯪﯫﯬﯭﯮﯯ

37:125 Numtin-welluy baqla deqsita taqbudeeniih, ginó-abák yayse gineynih qibaadá cabtaanaa

ﯰﯱﯲﯳﯴﯵ

37:126 Yalli sin Rabbiy sin gineey, siinik naharsi abbobti gine Rabbi kinni

ﭑﭒﭓﭔ

37:127 Eddeluk kay mari kaa dirabboyseeh, diggah usun gaaboysime loonuuh xayyowsime-lon girâ digaaláh

ﭕﭖﭗﭘﭙ

37:128 Yallih naqoosay Yalli isi racmat caglisey naggoyse akke waytek qibaadá kaah cagliseenimih sabbatah

ﭚﭛﭜﭝﭞ

37:129 Kaadu Nabii Ilyaas meqe xagar- xagoo kee fayla kay amol cabne ellecabô maray kaak lakal yamaatuwaah arrabat

ﭟﭠﭡﭢﭣ

37:130 Yallih xaquk nagaynan Nabii ĮIlyaasal yanay

ﭤﭥﭦﭧﭨ

37:131 Diggah Nabii Ilyaas kah galatne innah Nanu meqe mara tonnal galatna

ﭩﭪﭫﭬﭭ

37:132 Diggah Nabii Ilyaas ni-naqoosay teemenek numuk teyna

ﭮﭯﭰﭱﭲ

37:133 Kaadu diggah Nabii Luut rubsumte farmoytiitik numuk teyna

ﭳﭴﭵﭶﭷ

37:134 Nabiyow keenih cus; Nabii Luut kee kaal yeemene mara inkih digaalák naggosne waqdi

ﭸﭹﭺﭻﭼ

37:135 Idaltô daaqaynay (Nabii Luut barra kinnuk) digaalát raaqe maray finqitê luk raqte akke waytek koroositteemih sabbatah

ﭽﭾﭿﮀ

37:136 Lakat Nabii Luut marak aka maray raqqayey kaa dirabboyse bayisneh

ﮁﮂﮃﮄﮅ

37:137 Kaadu diggah isin Makki maraw ken abuural taturak maacissan

ﮆﮇﮈﮉﮊ

37:138 Kaadu bar elle taturtaanahak kas elle mageytaanaa? Ken geytem sin geytaamak

ﮋﮌﮍﮎﮏ

37:139 Kaadu diggah Nabii Yuunus rubsumte farmoytiitik numuk teyna

ﮐﮑﮒﮓﮔﮕ

37:140 Nabiyow keenih cus ; Nabii Yuunus isi marih naqabuh sinaamak kibuk tan doynik fan kude waqdi

ﮖﮗﮘﮙﮚ

37:141 Kaxxa haffó woo doynik marteeh tokkel meesiten waqdi doynik mari saami caxxa qideeh, Nabii Yuunus saami-caxxal kak yeysen marih num yekke

ﮛﮜﮝﮞﮟ

37:142 Badat kaa qideeniih, eddeluk kullunti kaa yunxuqe, usuk assacokka lem baahe numuh anuk

ﮠﮡﮢﮣﮤﮥ

37:143 Diggah usuk Yalla maggom cusa marih numuh suge wannay

ﮦﮧﮨﮩﮪﮫﮬ

37:144 Kullinti bagut edde ugtan ayrô fan sugak yen (qhiyaamah ayró kinnuk)

ﮭﮮﮯﮰﮱﯓ

37:145 Eddeluk kullinti baguk baddi afal deebol kaa qambisne usuk lakmisak

ﯔﯕﯖﯗﯘﯙ

37:146 Yaqhtiin deqsita cooxuk caxá (xalâ caxá kinnuk) kay amol nuysubuke

ﯚﯛﯜﯝﯞﯟﯠ

37:147 Kaadu kay marak bool alfi yakke marah kaa rubne, hinnay wohuk fulaanah

ﯡﯢﯣﯤﯥ

37:148 Eddeluk kaa nummayseeniih, edde raban wakti keenik yamaatem fanah ken hatkisneh

ﯦﯧﯨﯩﯪﯫ

37:149 Eddeluk nabiyow ken esser; ku- Rabbi say-xaylo leeh, usun lab- xaylo loonuu

ﯬﯭﯮﯯﯰﯱﯲ

37:150 Hinnak Malayka sayyoh ginnee usun abaluk

ﯳﯴﯵﯶﯷﯸ

37:151 Oobbiyooy! diggah usun sinni diraabah iyyaanah

ﯹﯺﯻﯼﯽ

37:152 Yalli xaleh iyyan, diggah usun dirableelá kinnuk

ﯾﯿﰀﰁﰂ

37:153 Yalli say-xayló dooritee lab- xaylok

ﭑﭒﭓﭔﭕ

37:154 Kee a-maraw maca liton! Mannal mekeltan Yallah say-xayló teexegeeniih, sinnih lab-xaylo teexegen waqdi

ﭖﭗﭘ

37:155 Makassittaanaa! Yalli barráa kee xaylo aallewaah, kak saytunnoowem

ﭙﭚﭛﭜﭝ

37:156 Hinnak baxxaqqa iyya sumaq litoonuu a-ittaanamal

ﭞﭟﭠﭡﭢﭣ

37:157 Toysa sin kitaabay Yallih xaquk litoonu baahay, a-ittaanamal numma yacee mara tekkeenik keenik iyyan

ﭤﭥﭦﭧﭨﭩﭪﭫﭬﭭﭮﭯ

37:158 Koros Yallaa kee Malaykâ fanal ramaddiinuu kee lagó heen, nummah malayká teexegeh diggah usun (koros kinnuk) girá digaalál gaaboysime loonuuh xayyoysime loonum qhiyaamah ayró

ﭰﭱﭲﭳﭴ

37:159 Yalli saytunnooweh kaa ceele waytaamay koros kaa edde weelossak

ﭵﭶﭷﭸﭹ

37:160 Yallih naqoosay Yalli isi racmatat caglisey kaa ceele wayta weelot kaa weeloyse wayta akke waytek

ﭺﭻﭼﭽ

37:161 Toysa diggah korosey sin kee isin yallitte axcuk uqbuddu haytaanam

ﭾﭿﮀﮁﮂ

37:162 Isin Yallih giták num makot beya mara hinniton

ﮃﮄﮅﮆﮇﮈ

37:163 Koroosannuh Jaciim deqsitta girá cula numuy Yalli tet culim elle mekle akke waytek

ﮉﮊﮋﮌﮍﮎﮏ

37:164 Malayka itteh; nek inki malaykatti mayan, qaraanal yimixxige arac-le kaa akke waytek

ﮐﮑﮒﮓ

37:165 Kaadu diggah nanu Yallih qibaadáh saffih sollá

ﮔﮕﮖﮗ

37:166 Kaadu diggah nanu Yalla ceele waytaamak Yalla saytunnosna

ﮘﮙﮚﮛ

37:167 Diggah nabiyow atu rubsumtak naharat Makki koros axcuk sugte

ﮜﮝﮞﮟﮠﮡﮢ

37:168 “Kitoobaa kee anbiyak naharsi maral temeetem nel amaatinnay diggah oggolak nen

ﮣﮤﮥﮦﮧ

37:169 Yallih naqoosay Yalli isi racmatat caglise akkuk-nen”

ﮨﮩﮪﮫﮬﮭ

37:170 Makki koros Qhuraan keenil yemeete waqdi kaal koroositeeniih, akeeral digaalák loonum sarrah aaxige-lon

ﮮﮯﮰﮱﯓﯔ

37:171 Nummah Ni-qangará Ni-naqoosa farmoytiitih taturteh

ﯕﯖﯗﯘ

37:172 Diggah usun sinni naqboytiitil qoklima mara kinnon

ﯙﯚﯛﯜﯝ

37:173 Kaadu diggah Ni-qande maysó lem addunyaay akeeral

ﯞﯟﯠﯡﯢ

37:174 Toysa nabiyow derre keenit (Makki koros kinnuk) cab dago waktî fanah

ﯣﯤﯥﯦ

37:175 Kaadu ken qambal nabiyow digaalák keenil obtuwaytam sarrah ableloonuk

ﯧﯨﯩ

37:176 Tokkel edde qataatakaanam Ni- digaalá innaa nabiyow

ﯪﯫﯬﯭﯮﯯﯰ

37:177 Tokkel Ni-digaalá ken dabooqal (maaftal) keenil obta waqdi, toysa meesiisen marih maaci maxxu yoomeeh

ﯱﯲﯳﯴﯵ

37:178 Kaadu nabiyow derre keenit cab yimixxige waktî fanah

ﯶﯷﯸﯹ

37:179 Kaadu nabiyow ken qambal Ni-digaalák keenil obtuwaytam sarrah ableloonuk

ﯺﯻﯼﯽﯾﯿﰀ

37:180 Nabiyow ku-Rabbi saytunnooweh maysó-le Rabbi, kaa ceele waytaamay kaa edde weelossu haanak

ﰁﰂﰃﰄ

37:181 Kaadu Yallak nagaynan farmoytiitil yanay

ﰅﰆﰇﰈﰉ

37:182 Kaadu faylá Yalli-le, ginô Rabbi

Qhuraanul Kariim

Wednesday, September 9, 2026

Don't forget us in your sincere prayers

Suurat As-Saffat pdf

Suurat As-Saffat pdf — Down-load (Qafar af)

Related

More Suurat PDF