Surat Ad-Dukhan pdf Jawa

Surat Ad-Dukhan

PDF —

59 Ayat Meccan PDF

Built right in your browser — download starts automatically

Surat Ad-Dukhan pdf — Undhuh (Jawa)

Surat Ad-Dukhan pdf Jawa — Undhuh Surat Ad-Dukhan Terjemah. Ad-Dukhan (Meccan) 59 Ayat.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surat Ad-Dukhan

59 Ayat · Meccan · Jawa

ﭑﭒ

Haa miim

ﭓﭔﭕ

Demi Kitab Al-Quran kang nerangake

ﭖﭗﭘﭙﭚﭛﭜﭝﭞﭟ

Ingsun nurunake kitab al-Quran mau ana ing wengi kang berkah, Ingsun ngelingake manungsa kelawan al-Quran

ﭠﭡﭢﭣﭤﭥ

Sarupaning perkara kang tinamtokake padha dipilah - pilan kanthi wicaksana

ﭦﭧﭨﭩﭪﭫﭬﭭ

Dipilah - pilah terang saka Ingsun, Ingsun kang ngutus para Rasul

ﭮﭯﭰﭱﭲﭳﭴﭵﭶ

Minangka sih piwalesing Pangeranira, satemene Allah iku mireng tur nguningani samu barang

ﭷﭸﭹﭺﭻﭼﭽﭾﭿﮀ

Kang ngratoni bumi lan langit lan samu barang kang ana antarane, menawa sira wis terang (yakin)

ﮁﮂﮃﮄﮅﮆﮇﮈﮉﮊﮋﮌ

Ora ana sesembahan kelawan bener kajaba mung Allah kang nguripi lan mateni yaiku Pangeranira lan leluhurira ing zaman kuna biyen

ﮍﮎﮏﮐﮑﮒ

(Wong kafir) padha mamang bakal uripe wong kang wis padha mati sarta nggeguyu

ﮓﮔﮕﮖﮗﮘﮙ

Sira mung ngentenana qiyamat nalika langit lan bumi ngetokake kebul ngebaki antarane langit lan bumi

ﮚﮛﮜﮝﮞﮟﮠ

Kebul mau nampek manungsa, siksa kang nglarani

ﮡﮢﮣﮤﮥﮦﮧ

Manung mau banjur munjuk ing Allah, "Pangeran kawula, Paduka mugi ngluwarna kawula saking siksa punika, sapunika kula sami pitados

ﮨﮩﮪﮫﮬﮭﮮﮯ

Manungsa wis padha didhawuhi terang dening Rasul mulane nalika turuning siksa panelangsane ora migunani

ﮰﮱﯓﯔﯕﯖﯗ

Banjur padha mlengos (marang Muhammad) Pangucape, "Iku muride wong edan

ﯘﯙﯚﯛﯜﯝﯞﯟ

Hiyata, Ingsun hentas saka siksa sawetara, nanging sira banjur bali kafir maneh

ﯠﯡﯢﯣﯤﯥﯦ

Ing kono Ingsun niksa marang wong kafir sarana nandukake gegaman kelawan sengit

ﯧﯨﯩﯪﯫﯬﯭﯮﯯﯰ

Biyen sadurunge dheweke (wong Mekkah) Ingsun nyoba Fir’aun sabalane kang mulya (Musa lan Harun)

ﯱﯲﯳﯴﯵﯶﯷﯸﯹﯺﯻ

(Dhawuhe Musa), Para kawulane Allah, aku iki utusaning Pangeran, dipercaya nerangake marang kowe padha mituruta marang aku

ﭑﭒﭓﭔﭕﭖﭗﭘﭙﭚﭛ

Lan kowe aja padha lumuhur - luhur ora gelem ngertekake dhawuhe Allah, tekaku iki kanthi tandha yekti kang terang. Mratandhani yen aku iki utusane Allah

ﭜﭝﭞﭟﭠﭡﭢ

Aku nyuwun pitulung ing Allah Pangeranku lan Pangeranmu aja nganti kok balangi watu

ﭣﭤﭥﭦﭧﭨ

Manawa kowe padha ora ngandel marang aku, mung aja nandukake pihala wae

ﭩﭪﭫﭬﭭﭮﭯ

(Musa) munjuk ing Pangerane mratelakake yen Fir’aun sabalane padha puguh kafir (muga ditindakna ana kang dadi bener)

ﭰﭱﭲﭳﭴﭵ

(Dhawuhing Allah marang Musa), "Sira lan para kawulaningsun padha lungaa (saka Mesir) mangkata ing wayah wengi sira bakal diburu

ﭶﭷﭸﭹﭺﭻﭼﭽ

Menawa sira tekan segara gitikna kelawan tekenira banyune mesthi piyak. Satemene Firaun sabalane bakal Ingsun tungkepi banyu ana satengahe segara

ﭾﭿﮀﮁﮂﮃ

Fir’aun ninggal palemahan lan kali pirang - pirang kang mili (ing Mesir)

ﮄﮅﮆﮇ

Lan ninggal tetanduran lan gedhung pirang - pirang kang indah

ﮈﮉﮊﮋﮌ

Lan ninggal bondho akeh kang mane dianggo bebungah

ﮍﮎﮏﮐﮑﮒ

Wis mangkono karsaningsun tininggalane Fir’aun sabalane mau, Ingsun paringake dadi warisan marang wong liyane

ﮓﮔﮕﮖﮗﮘﮙﮚﮛ

Bumi lan langit ora nangisi kasangsarane Fir’aun tumpes tanpa disrantekake maneh

ﮜﮝﮞﮟﮠﮡﮢﮣ

Wong Bani Israil wis padha Ingsun paringi slamet saka siksa lan siya - siya

ﮤﮥﮦﮧﮨﮩﮪﮫﮬ

Saka panggawane Fir’aun kang kebangeten anggone gumedhe

ﮭﮮﮯﮰﮱﯓﯔ

Satemene wong Bani Israil mahu padha Ingsun pilih, kaparingan kaweruh lan kapinteran akeh ngungkuli wong sajagad

ﯕﯖﯗﯘﯙﯚﯛﯜ

Lan Ingsun gelari kahelokan akeh kang tetela dadi coba

ﯝﯞﯟﯠ

Satemene dheweke (wong turun Qurais) iku temen - temen padha ngucap

ﯡﯢﯣﯤﯥﯦﯧﯨﯩ

Anggonku mati mesthi mung sapisan wae, ora bakal diuripake

ﯪﯫﯬﯭﯮﯯ

Yen pangucapmu mau bener pada uripna para leluhurku kang wis padha mati

ﯰﯱﯲﯳﯴﯵﯶﯷﯸﯹﯺﯻﯼﯽ

Apa dheweke (wong musyrikin) luwih gagah prakosa lan sugih karo ummate Tubba’ lan para ummat sadurunge. Hewa dene kabeh padha ditumpes awit padha kafir

ﯾﯿﰀﰁﰂﰃﰄﰅ

Anggon-Ku gawe bumi lan langit apadene barang kang ana antarane ora dolanan tanpa gawe

ﰆﰇﰈﰉﰊﰋﰌﰍﰎ

Anggon-Ku gawe bumi lan langit mau wis mesthi ana gunane, nanging kang akeh padha ora weruh

ﭑﭒﭓﭔﭕﭖ

Satemene besuk Qiyamat nalikane para kawulaningsun padha dipisah - pisah dina mau dadi karampungane perkara kabeh

ﭗﭘﭙﭚﭛﭜﭝﭞﭟﭠﭡ

Hiya iku dina nalikane para sanak utawa mitra padha ora bisa tulung - tinulung apa - apa, ora bisa nulak siksaning Allah

ﭢﭣﭤﭥﭦﭧﭨﭩﭪ

Kajaba wong kang diasihi Allah hiya iku para mukmin, satemene Allah iku Maha Mulya tur Maha Asih

ﭫﭬﭭﭮ

Satemene wit Zakkuum

ﭯﭰﭱ

Dadi pangane wong duroko

ﭲﭳﭴﭵﭶ

Rupane koyo lengo kang reged, yen dipangan ana sajeroning weteng umub

ﭷﭸﭹ

Kaya dene umube wedang

ﭺﭻﭼﭽﭾﭿ

(Wahai neraka) Wong kafir iku cekelen banjur laraken marang tengahe neraka jahim

ﮀﮁﮂﮃﮄﮅﮆﮇ

Nuli padha grujugen wedang, siksa saka dhuwuring endhase

ﮈﮉﮊﮋﮌﮍ

(Hai wong kafir), Rasakna siksaningsun, awit ngaku maha mulya tur wicaksana

ﮎﮏﮐﮑﮒﮓﮔ

Siksa iki kang padha sira paido biyen

ﮕﮖﮗﮘﮙﮚ

Sarupane wong kang padha bekti ing Allah, ana panggonan tentrem

ﮛﮜﮝﮞ

Hiya iku ana ing suwarga kang ana bengawane mili

ﮟﮠﮡﮢﮣﮤ

Padha nganggo sandhangan sutra tipis lan kandel, serta padha patemon karo kancane

ﮥﮦﮧﮨﮩ

Wis mangkono karsaningsun wong mukmin padha diparingi jodho widadari kang mripate blalak - blalak

ﮪﮫﮬﮭﮮﮯ

Wong mukmin mau ana suwarga jaluk woh - wohan warna - warna marang kang ngladeni, woh - wohan mau ora bisa entek

ﮰﮱﯓﯔﯕﯖﯗﯘﯙﯚﯛﯜ

Ing suwarga ora bakal nglakoni mati salawase, kajaba mati sapisan kang wis dilakoni ing donya. Allah ngreksa wong mukmin ora kacemplung neraka Jahim

ﯝﯞﯟﯠﯡﯢﯣﯤﯥ

Iku minongka sih kanugrahane Pangeran aran kabegjan kang gedhe

ﯦﯧﯨﯩﯪﯫ

Surasaning al-Quran iki Ingsun gampangake tembungira (Arab) supaya manungsa padha nampani pitutur

ﯬﯭﯮﯯ

Sira ngentenana pitulunging Pangeranira, wong kafir hiya padha ngarep - arep rusakira

Al-Quran

Tuesday, August 18, 2026

Don't forget us in your sincere prayers