Surat Al-Waqi'ah pdf Jawa

PDF —

96 Ayat Meccan PDF

Built right in your browser — download starts automatically

Surat Al-Waqi'ah pdf — Undhuh (Jawa)

Surat Al-Waqi'ah pdf Jawa — Undhuh Surat Al-Waqi'ah Terjemah. Surat Al-Waqi'ah (Meccan) 96 Ayat.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surat Al-Waqi'ah

96 Ayat · Meccan · Jawa

ﮃﮄﮅﮆ

56:1 Besuk nalikane dina qiyamat kelakon

ﮇﮈﮉﮊ

56:2 Kelakone dina qiyamat mau ora bakal goroh

ﮋﮌﮍ

56:3 Ing dina iku kenyataan ngasorake (wong kafir) lan junjung (wong mukmin)

ﮎﮏﮐﮑﮒ

56:4 Ing dina iku ana lindhu gedhe, bumi gonjang - ganjing

ﮓﮔﮕﮖ

56:5 Sakabehe gunung nganti padha ajur kabeh

ﮗﮘﮙﮚ

56:6 Nganti dadi bleduk kang mabul - mabul

ﮛﮜﮝﮞ

56:7 Ing kono sira diperang dadi telung warna

ﮟﮠﮡﮢﮣﮤ

56:8 Kang sapisan golongan tengen, iku wong begja banget

ﮥﮦﮧﮨﮩﮪ

56:9 Kang kapindho golongan kiwa, iku wong cilaka banget

ﮫﮬﮭ

56:10 Kaping telu wong kang dhisik dhewe anggone nglakone becik (para nabi)

ﮮﮯﮰ

56:11 Yaiku wong kang kecedhak Allah

ﮱﯓﯔﯕ

56:12 Bakal diganjar suwarga Na’im

ﯖﯗﯘﯙ

56:13 WOng mangkono mau kang akeh ummat kuna

ﯚﯛﯜﯝ

56:14 Dene ummat zaman wekasan iki mung sethithik

ﯞﯟﯠﯡ

56:15 Dheweke ana suwarga padha linggih ing kursi kang dipaesi emas lan berlian

ﯢﯣﯤﯥ

56:16 Padha sendhen adhep - adhepan karo kancane

ﭑﭒﭓﭔﭕ

56:17 Dheweke diladeni bocah enom kang ora bisa tua

ﭖﭗﭘﭙﭚﭛ

56:18 Padha ngladekake gelas, ceret lan pangomben kang dijupuk saka banyu kang mili

ﭜﭝﭞﭟﭠﭡ

56:19 Anggone ngombe mung enak, tanpa mendem utawa ngelu

ﭢﭣﭤﭥ

56:20 Lan ngladekake wong - wohan akeh tur warna - warna bisa milih

ﭦﭧﭨﭩﭪ

56:21 Lan uga ngladekake daging manuk kang bisa milih

ﭫﭬﭭ

56:22 Ana widadari kang paningale padha kocak

ﭮﭯﭰﭱ

56:23 Kaya dene mutiawa kang kasimpen becik

ﭲﭳﭴﭵﭶ

56:24 Tumanjak ganjaraning kabecikan kang wis padha dilakoni

ﭷﭸﭹﭺﭻﭼﭽ

56:25 Ana suwarga ora tau krungu celathu hala kang dadi dosa

ﭾﭿﮀﮁﮂ

56:26 Mung krungu pangucap, "Wilujeng, wilujeng" kang ngresepake

ﮃﮄﮅﮆﮇﮈ

56:27 Denen golongan tengen, begja banget golongan tengen

ﮉﮊﮋﮌ

56:28 Manggon ing suwarga kang ana wite Widora tanpa eri

ﮍﮎﮏ

56:29 Lan ana wite gedhang kang susun - susun

ﮐﮑﮒ

56:30 Kang eyub salawase

ﮓﮔﮕ

56:31 Lan ana banyu umbu anget salawase

ﮖﮗﮘ

56:32 Lan ana woh - wohane akeh tur warna - warna

ﮙﮚﮛﮜﮝ

56:33 Ora tau entek ora usah tuku (kena jupuk sak karepe)

ﮞﮟﮠ

56:34 Lan ana kasur kandel kang empuk

ﮡﮢﮣﮤ

56:35 Allah gawe sarupaning widadari mau tanpa lahir dhisik (saka guwa garbaning ibu)

ﮥﮦﮧ

56:36 Pada Ingsun dadhekake perawan selawase

ﮨﮩﮪ

56:37 Padha sih tresna, kang nomerampak

ﮫﮬﮭ

56:38 Padha Ingsun paringake dadi jodhone golongan tengen

ﮮﮯﮰﮱ

56:39 Ummate (nabi) zaman kuna

ﯓﯔﯕﯖ

56:40 Lan para umat kang wekasan iki

ﯗﯘﯙﯚﯛﯜ

56:41 Lan golongan kiwa, sapa ta golongan kiwa

ﯝﯞﯟﯠ

56:42 Padha disiksa angin samun (kang panas banget) lan banyu kang umop

ﯡﯢﯣﯤ

56:43 Lan anan pepeteng saka kukus kang ireng banget

ﯥﯦﯧﯨﯩ

56:44 Ora pisan adhem lan ora nyenengake

ﯪﯫﯬﯭﯮﯯ

56:45 Nalika urip ana donya uripe padha leluwihan

ﯰﯱﯲﯳﯴﯵ

56:46 Lan dheweke terus - terusan anggone nindhakake dosa gedhe

ﯶﯷﯸﯹﯺﯻﯼﯽﯾﯿ

56:47 Lan padha ngucap, "Apa nyata besuk yen aku wis mati sarta dadi lemah, lan dadi balung, jarene bakal diuripake maneh

ﰀﰁﰂ

56:48 Apa dene bapak - bapakku zaman kuna, apa hiya diuripake maneh

ﰃﰄﰅﰆﰇ

56:49 Sira dhawuha, "Para bapakmu ing zaman kuna, lan para turunanmu kang saiki durung ana

ﰈﰉﰊﰋﰌﰍ

56:50 Besuk dina Qiyamat kang wis tinamtokake dening Allah, bakal padha dikumpulake

ﭑﭒﭓﭔﭕﭖ

56:51 He wong kang padha kesaar maido pangandikaning Allah

ﭗﭘﭙﭚﭛﭜ

56:52 Sawise mangkono sira padha mangan wohe kayu zaqum

ﭝﭞﭟﭠ

56:53 Nganti padha kebak wetenge

ﭡﭢﭣﭤﭥ

56:54 Nuli padha ngombe weang kang panas gegirisi

ﭦﭧﭨﭩ

56:55 Anggone ngombe kaya onta kang ngelak banget

ﭪﭫﭬﭭﭮ

56:56 Iki pangancame Allah marang para wong kafir, kelakone besuk dina qiyamat

ﭯﭰﭱﭲﭳ

56:57 Ingsun (Allah) iki kang gawe awakira, yagene sira padha ora ngandel (dina qiyamat)

ﭴﭵﭶﭷ

56:58 Kapriye panemunira bab nuthfah marang peranakane wong wadon? (banjur dadi bayi)

ﭸﭹﭺﭻﭼﭽ

56:59 Kang gawe bayi mau sira apa Ingsun

ﭾﭿﮀﮁﮂﮃﮄﮅ

56:60 Ingsun nemtokake mati marang sira kabeh, Ingsun kuwasa, ora ana kang bisa murungake karsaningsun

ﮆﮇﮈﮉﮊﮋﮌﮍﮎﮏ

56:61 Sanadyan Ingsun kersa gawe wong kang rupane ceples (padha) sarta disalini rupa sedhengah rupa kang sira ora weruh mesthi kaleksanan

ﮐﮑﮒﮓﮔﮕﮖ

56:62 Sira wis weruh bakale manungsa kawitan (hiya iku lemah) yagene sira ora padha niti periksa (yengingsun iki kawasa)

ﮗﮘﮙﮚ

56:63 Kapriye panemumu bab angginmu tetanen

ﮛﮜﮝﮞﮟﮠ

56:64 Kang nukulake wiji iku sira apa Ingsun

ﮡﮢﮣﮤﮥﮦﮧ

56:65 Umpama ana parenge karsa ningsun, metune woh mau Ingsun gawe gabug mesthi kelakon. sira banjur getun

ﮨﮩﮪ

56:66 Pangucapmu, "Aku iki kapitunan

ﮫﮬﮭﮮ

56:67 Aku iki dipenet rizkiku

ﮯﮰﮱﯓﯔ

56:68 Kapriye panemumu bab banyu udan kang padha sira ombe

ﯕﯖﯗﯘﯙﯚﯛﯜ

56:69 Kang nurunake banyu udan saka mega, sira apa Ingsun

ﯝﯞﯟﯠﯡﯢﯣ

56:70 Upama ana parenge karsaningsun, banyu udan Ingsun dadekake asin mesthi kelakon. Yagene ora padha gedhe panuwunmu

ﯤﯥﯦﯧﯨ

56:71 Kapriye panemumu, mungguh geni anggonira ngurubake

ﯩﯪﯫﯬﯭﯮﯯ

56:72 Kang nganakake kayu sira apa Ingsun

ﯰﯱﯲﯳﯴﯵ

56:73 Geni iku Ingsun anggo sasmitaning (geni nerika) lan dianggo kabungahaning wong kang padha melaku

ﯶﯷﯸﯹﯺ

56:74 Mulane sira nyebutho Maha Suci asmaning Pangeranira kang Maha Agung

ﯻﯼﯽﯾﯿﰀ

56:75 Ingsun supata kelawan panggonan metune lan suruping lintang

ﰁﰂﰃﰄﰅﰆ

56:76 Manawa sira weruh, supata mau supata gedhe

ﭑﭒﭓﭔ

56:77 Kang didhawuhake marang sira iku Quran kang mulya

ﭕﭖﭗﭘ

56:78 Tinuli ana kitab kang rineksa (Lauhil Mahfudz)

ﭙﭚﭛﭜﭝ

56:79 Ora bakal anggeplok Qur’an kajaba wong kang padha suci, (saka hadast cilik lan gedhe)

ﭞﭟﭠﭡﭢ

56:80 Diturunake saka Allah pangerane wong sajagad

ﭣﭤﭥﭦﭧ

56:81 Apa sira padha ngremehake utawa maido Qur’an iki

ﭨﭩﭪﭫﭬ

56:82 Sira ganthi rizki (kang diparingake Allah) kanti gorohake (Allah)

ﭭﭮﭯﭰﭱ

56:83 Ya gene nalika nywane mayit lagi tekan gurung

ﭲﭳﭴﭵ

56:84 Ing kono sira mung padha ngedeleng marang mayit

ﭶﭷﭸﭹﭺﭻﭼﭽ

56:85 Ingsun luwih cedhak marang wong lelaku mau tinimbang sira, ewodene sira padha ora weruh

ﭾﭿﮀﮁﮂﮃ

56:86 Ya gene yen sira ngaku ora kawengku wasesaning Allah

ﮄﮅﮆﮇﮈ

56:87 Teka ora bisa balekake nyawa marang wadhage, yen pengakuira temen, mara sira balekna nyawa mau

ﮉﮊﮋﮌﮍﮎ

56:88 Manawa mayit mau ewone wong kachedak ing Allah

ﮏﮐﮑﮒﮓ

56:89 Matine mesthi kepenak kanthi bungah lan oleh ganjaran suwarga kanikmatan

ﮔﮕﮖﮗﮘﮙﮚ

56:90 Dene yen kalebu golongan tengen

ﮛﮜﮝﮞﮟﮠ

56:91 Wong mau mesthi selamet amarga sira klebu golongan tengen

ﮡﮢﮣﮤﮥﮦﮧ

56:92 Dene yen hewone wong maido pangandikanging Allah kang padha kesasar

ﮨﮩﮪﮫ

56:93 Mesthi kecemplung wedang kang umop (panas banget)

ﮬﮭﮮ

56:94 Lan diobong ana neraka

ﮯﮰﮱﯓﯔﯕ

56:95 (Kang kasebut iki) satemene keyakinan kang bener

ﯖﯗﯘﯙﯚ

56:96 Mulane sira nyebuto Maha Suci asmaning Pangeranira kang Maha Agung

Al-Quran

Wednesday, September 9, 2026

Don't forget us in your sincere prayers