Surat Al-Qamar pdf Jawa

PDF —

55 Ayat Meccan PDF

Built right in your browser — download starts automatically

Surat Al-Qamar pdf — Undhuh (Jawa)

Surat Al-Qamar pdf Jawa — Undhuh Surat Al-Qamar Terjemah. Surat Al-Qamar (Meccan) 55 Ayat.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surat Al-Qamar

55 Ayat · Meccan · Jawa

ﮬﮭﮮﮯﮰ

54:1 Saiki dina qiyamat wis cedhak lan rembulan sigar dadi loro

ﮱﯓﯔﯕﯖﯗﯘﯙ

54:2 Lan menawa dheweke (wong - wong musyrikin) deleng ayat kehelokan (mu’jizat) padha mlengos. Pangucape, "Iki sihir linuwih

ﯚﯛﯜﯝﯞﯟﯠﯡ

54:3 Lan dheweke maido (Nabi) lan gugu karepe dhewe. Samu barang prakara wis ana kepesten kang tetep

ﯢﯣﯤﯥﯦﯧﯨﯩ

54:4 Lan satemene wis teka marang dheweke pirang - pirang cerita isi pitutur pamenging (nyegah kafir)

ﯪﯫﯬﯭﯮﯯﯰ

54:5 Ayat mahu kawicaksanan kang bener banget, mula pepiling mau ora piguna (kanggo dheweke si kafir)

ﯱﯲﯳﯴﯵﯶﯷﯸﯹﯺ

54:6 Mulane sira mlengosa marang wong kafir mau. Besuk qiyamat nalika malaikat damu sempronge sarta ngundang - ngundang marang barang kang dipaido dening wong akeh

ﭑﭒﭓﭔﭕﭖﭗﭘﭙ

54:7 Pandelenge padha konjem, dene manungsa padha metu saka kubure memper walang kang bingung

ﭚﭛﭜﭝﭞﭟﭠﭡﭢﭣ

54:8 Padha rebut dhujang (rikat) marani pangundang mau. Wong - wong kafir padha ngucap, "iki dina kang rekasa

ﭤﭥﭦﭧﭨﭩﭪﭫﭬﭭﭮ

54:9 Sadurunge dheweke, para umate Nuh biyen hiya padha maido marang kawulaningsun Nuh. Pangucape, "Nuh iku wong edan", lan padha nganiaya

ﭯﭰﭱﭲﭳﭴ

54:10 Bareng wis lawas Nuh banjur nyenyuwun ing Pangerane, "Kawula kawon kaliyan ummat kawula, mila mugi Paduka paring pitulung

ﭵﭶﭷﭸﭹﭺ

54:11 Ingsun (Allah) banjur bukak lawanging langit nuli metu banyu kang sok - sokan

ﭻﭼﭽﭾﭿﮀﮁﮂﮃﮄ

54:12 Apadene bumi Ingsun kersakake ngetokake tuk banyu tanpa wilangan banjur tempuk banyu saka dhuwur lan banyu saka ngisor netepi perintah kang pinasthi

ﮅﮆﮇﮈﮉﮊ

54:13 Nuh sakancane Ingsun tunggangake perahu kang ginawe saka blabag nganggo dipaku

ﮋﮌﮍﮎﮏﮐﮑ

54:14 Mlaku ana ing ngarsaningsun, ganjarane Allah pitulung marang Nuh kang dipaido umate

ﮒﮓﮔﮕﮖﮗﮘ

54:15 Perahu mau dilestarekake nganti lawas minangka tandha yekti, mulane wong kang keri padha elinga lelakon mau

ﮙﮚﮛﮜﮝ

54:16 Mulane kepiye kahanane wewaden lan siksaningsun

ﮞﮟﮠﮡﮢﮣﮤﮥ

54:17 Saiki Allah wis gampangake al-Quran diweruhi surasane, mulane padha nyinaua

ﮦﮧﮨﮩﮪﮫﮬ

54:18 Biyen kaum ’Aad padha maido ing Rosule. Kapriye kahanane wewaden lan siksaningsun marang wong ’Aad

ﮭﮮﮯﮰﮱﯓﯔﯕﯖﯗ

54:19 Allah nglakokake angin lesus kang banter nemppuh marang wong ’Aad mau ing dina Sangar kang lestari terus - terusan

ﯘﯙﯚﯛﯜﯝﯞ

54:20 Angin mau numpes kabeh nganti glasah kaya wit kurma padha ambruk

ﯟﯠﯡﯢﯣ

54:21 Kapriye ta hanane wewaden lan siksaningsun

ﯤﯥﯦﯧﯨﯩﯪﯫ

54:22 Satemene Ingsun Allah wis gelarake al-Quran gampang diweruhi surasane mulane padha ngestokna

ﯬﯭﯮﯯ

54:23 Biyen wong Tsamud uga padha maido (wulangane Sholih)

ﯰﯱﯲﯳﯴﯵﯶﯷﯸﯹﯺ

54:24 Pangucape, "Ya gene aku manut marang wong siji tunggalku. yen mangkono aku rak klebu ing penasaran lan diarani wong edan

ﯻﯼﯽﯾﯿﰀﰁﰂﰃﰄ

54:25 Apa dhawuhing Allah mung didhawuake marang wong siji (Sholih wae) liyane ora diparingi dhawuh? Tetela Sholih iku tukang goroh lan gumedhe

ﰅﰆﰇﰈﰉﰊ

54:26 Besuk ing akherat bakal weruh nyatane sapa kang gumedhe lan tukang goroh

ﰋﰌﰍﰎﰏﰐﰑﰒ

54:27 Sejatine Ingsun bakal ngirimake onta wadon minangka tandha yekti lan panyoba, kanggo wong Tsamud. Saiki (Shalih) narimoha wae titenana piye

ﭑﭒﭓﭔﭕﭖﭗﭘﭙﭚ

54:28 Wong Tsamud padha dhawuhana anane banyu iku didumake marang onta lan dheweke, Kabeh padha kena gilirane. (sakdine kanggo wong Tsamud lan sedina maneh ontane)

ﭛﭜﭝﭞﭟ

54:29 Dheweke wong Tsamud banjur ngundang kancane nedya mateni. Onta mau banjur dicekel banjur dipateni

ﭠﭡﭢﭣﭤ

54:30 Kepriye ta kahanane wewaden lan siksaningsun

ﭥﭦﭧﭨﭩﭪﭫﭬﭭ

54:31 Allah banjur ngutus Jibril kanthi suwara banter, wong Tsamud banjur tumpes sanalika ambruk kaya kayu garing wis mopol

ﭮﭯﭰﭱﭲﭳﭴﭵ

54:32 Satemene Allah wis gampangake al-Quran kanggo diweruhi surasane mulane padha ngestokna

ﭶﭷﭸﭹﭺ

54:33 Biyen umate Luth uga padha maido wulangane

ﭻﭼﭽﭾﭿﮀﮁﮂﮃﮄﮅ

54:34 Para umate Luth padha diudani watu tumpes kabeh kajaba mung Luth sakancane padha diparingi slamet ing wayah esuk

ﮆﮇﮈﮉﮊﮋﮌﮍﮎ

54:35 Peparinge Allah kabungahan kaya mangkono walese marang wong syukur

ﮏﮐﮑﮒﮓﮔ

54:36 Lan satemene Luth wis ngelingake dheweke para ummate siksa ancamane Allah. Nanging padha maido ancaman mau

ﮕﮖﮗﮘﮙﮚﮛﮜﮝﮞ

54:37 Lan para ummate Luth padha bujuk (supaya masrahake) dhayohe. Mulane banjur Ingsun picakake mripate. Padha ngrasakna siksa lan ancaman Ku

ﮟﮠﮡﮢﮣﮤ

54:38 Lan satemene ing wayah esuke dheweke tinempuh ing siksa kang lestari

ﮥﮦﮧﮨ

54:39 Padha ngrasakna siksaningsun lan ancaman - ancamanKu

ﮩﮪﮫﮬﮭﮮﮯﮰ

54:40 Lan satemene Allah wis gampangake al-Quran diweruhi surasane mulane padha ngestokna

ﮱﯓﯔﯕﯖﯗ

54:41 Lan satemene para Rasul wis padha reka nerangake ancaman - ancaman marang Fir’aun

ﯘﯙﯚﯛﯜﯝﯞﯟ

54:42 Nanging dheweke gorohake kabeh tandha yekti kahelokaningsun, mulane padha ditumpes kelawan siksaning Allah kang Maha Mulya tur Maha Kuasa

ﯠﯡﯢﯣﯤﯦﯧﯨﯩﯪ

54:43 He wong kafir, apa kancamu luwih becik karo Firaun sabalane, utawa apa sira wis kasebut ana kitab kang kuna - kuna bakal luput saka siksa

ﯫﯬﯭﯮﯯﯰ

54:44 Utawa dheweke (wong kafir) padha kondo, "Aku iku kumpulan kang ditulungi Allah

ﯱﯲﯳﯴﯵ

54:45 Ing tembe pakumpulane (wong Mekkah) keplayu, wonge padha lumayu sasaran (mundhur)

ﯶﯷﯸﯹﯺﯻﯼ

54:46 Besuk Qiyamat bakal kelakone pangancam marang wong kafir siksane bebayani banget

ﯽﯾﯿﰀﰁﰂ

54:47 Satemene wong sing padha dosa ana donya nandhang siksa lan bakal dicemplungake neraka

ﰃﰄﰅﰆﰇﰈﰉﰊﰋﰌ

54:48 Yaiku nalikane dheweke digeret nyang neraka marang rahi - rahine. Pangandikane Allah, "Padha ngrasakna tumindake siksa neraka Saqor

ﰍﰎﰏﰐﰑﰒ

54:49 Sateme samu barang kang dumadi iku digawe kanthi papesthen

ﭑﭒﭓﭔﭕﭖﭗ

54:50 Lan dhawuhe Allah mung sapisan wae suwene mung sak kedheping mripat

ﭘﭙﭚﭛﭜﭝﭞ

54:51 Lan satemene biyen Ingsun wis numpes para wong kafir kaya kowe, mulane kowe padha elinga ngestokna perintah

ﭟﭠﭡﭢﭣﭤ

54:52 Kabeh kang wis dilakoni padha dicathet ana buku - buku cathetan

ﭥﭦﭧﭨﭩ

54:53 Lan kabeh perkra gedhe utawa cilik kabeh mesthi ditulis

ﭪﭫﭬﭭﭮﭯ

54:54 Sarupane wong kang bekti ing Allah padha ana suwarga kang ana bengawane

ﭰﭱﭲﭳﭴﭵﭶ

54:55 Ana ing palungguhan kang nyata indah ana ngarsane Allah kang Kuasa

Al-Quran

Wednesday, September 9, 2026

Don't forget us in your sincere prayers