Surah Al-Hujurat Talata 13 - Basahin, Pakinggan, Salin, Filipino : o sangkatauhan! Aming nilikha kayo mula sa isang pares ng…

Al-Hujurat · 13/18

Salin Transliterasyon — Surah Al-Hujurat

يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ ۝١٣

🔤 Transliteration

Yaaa ayyuhan naasu innaa khalaqnaakum min zakarinw wa unsaa wa ja`alnaakum shu`oobanw wa qabaaa`ila lita`aarafoo inna akramakum `indal laahi atqaakum innal laaha `Aleemun khabeer

📖 Salin (Sa Filipino)

📖 Sa Filipino

o sangkatauhan! Aming nilikha kayo mula sa isang pares ng lalaki at babae, at Aming ginawa kayo sa maraming bansa [pamayanan] at mga tribo upang mangakilala ninyo ang isa’t isa (hindi upang kasuklaman ninyo ang isa’t isa). Katotohanan, ang pinakamarangal sa inyo sa paningin ni Allah ay (yaong sumasampalataya) na may At-Taqwa (siya na pinakamatuwid sa kabutihan, isa sa Muttaqun, alalaong baga, mga matimtiman at mabuting tao na labis na nangangamba kay Allah at umiiwas sa lahat ng mga kasalanan at masasamang gawa na Kanyang ipinagbawal at nagmamahal kay Allah ng higit at nagsasagawa ng lahat ng uri ng kabutihan na Kanyang ipinag-utos). Katotohanang si Allah ay Tigib ng Kaalaman at Lubos na Nakakabatid ng lahat ng bagay

🌐 Additional reference in Melayu

📖 Ayah 📜 Tafsir 📚 Al-Waseet 🔤 Ayah (I'rab)

🎧 Pakinggan

📜

Salin — Tafsir

Mga Kahulugan ng mga Salita:

Shu’ub (شُعُوبًا): Mga malalaking pangkat o bansa na nagmula sa iba’t ibang lahi.
Qaba’il (قَبَائِلَ): Mga angkan o tribo na mas maliit kaysa sa mga bansa.
Li-ta’arafu (لِتَعَارَفُوا): Upang magkakilala at magkaintindihan ang bawat isa.
Atqakum (أَتْقَاكُمْ): Ang may pinakamataas na takot sa Allah at pagsunod sa Kanyang mga utos.

Interpretasyon ng Talata:

O mga tao, nilikha kayo ng Allah mula sa iisang ama na si Adan at iisang ina na si Eva. Kaya’t walang karangalan ang sinuman dahil sa kanyang lahi o pinagmulan. Ginawa Niya kayong iba’t ibang mga bansa at mga tribo—hindi upang mag-away o magmayabang sa isa’t isa—kundi upang magkakilala kayo, magtulungan, at magkaintindihan sa inyong mga pagkakaiba. Ang tunay na sukatan ng karangalan sa paningin ng Allah ay hindi ang kayamanan, katayuan, o lahi, kundi ang antas ng inyong takot sa Kanya at pagsunod sa Kanyang mga ipinag-uutos. Ang sinumang may pinakamataas na takot sa Allah (taqwa) ay siyang pinakamarangal sa Kanya. Tunay na ang Allah ay Ganap na Nakakaalam sa lahat ng inyong mga kalagayan, at Lubos na Nakababatid sa inyong mga lihim at lantad na mga gawa—walang anuman ang nakatatakas sa Kanyang kaalaman.

Mga Aral na Mapupulot:

Pagkakapantay-pantay ng Lahat ng Tao: Ang talatang ito ay nagtuturo na ang lahat ng tao ay magkakapantay sa harap ng Allah; walang superioridad ang isa sa iba dahil sa lahi, kulay, o pinagmulan. Ito ay isang dakilang aral na nagpapakita ng kagandahan ng Islam sa pagtataguyod ng katarungan at pagkakaisa.
Ang Tunay na Sukatan ng Karangalan: Ang karangalan ay hindi nasusukat sa panlabas na anyo o kayamanan, kundi sa taqwa—ang takot sa Allah at pagsunod sa Kanya. Ito ay nag-uudyok sa bawat isa na magsikap sa pagpapabuti ng kanilang relasyon sa Allah.
Pagkakaisa sa Kabila ng Pagkakaiba: Ang pagkakaiba-iba ng mga bansa at tribo ay isang biyaya mula sa Allah upang magkakilala at matuto sa isa’t isa, hindi upang mag-away. Ang Islam ay nagtuturo ng paggalang sa bawat isa anuman ang kanilang pinagmulan.
Ang Kaalaman ng Allah ay Ganap: Ang pagbanggit na ang Allah ay ‘Alim (Ganap na Nakakaalam) at Khabir (Lubos na Nakababatid) ay nagpapaalala sa atin na ang lahat ng ating ginagawa—mabuti man o masama—ay nakikita Niya, kaya’t dapat tayong maging tapat sa ating mga gawa at intensyon.

📜 Talata 11-15 — Surah Al-Hujurat

11يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ ۖ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ ۖ بِئْسَ الِاسْمُ الْفُسُوقُ بَعْدَ الْإِيمَانِ ۚ وَمَن لَّمْ يَتُبْ فَأُولَٰئِكَ هُمُ الظَّالِمُونَ

O kayong sumasampalataya! Huwag hayaan ang isang pangkat sa inyong kalalakihan ay mangutya sa ibang pangkat. Maaaring ang huli ay higit na mainam kaysa sa una at huwag din namang hayaan na ang ilan sa inyong kababaihan ay mangutya sa ibang kababaihan, maaaring ang huli ay higit na mainam kaysa sa una. Gayundin naman, huwag ninyong siraan ang bawat isa, at gayundin, huwag ninyong tawagin ang bawat isa sa nakakasakit na mga palayaw. Tunay namang masama na inyong hiyain ang isang kapatid matapos na siya ay magkaroon ng Pananampalataya (alalaong baga, ang tawagin ang inyong Muslim na kapatid na naging isang matapat na mananampalataya ng: “o makasalanan, o o buktot”, atbp.). At kung sinuman ang hindi magsisi, katotohanang sila ang Zalimun (mga gumagawa ng kamalian, buktot, buhong, atbp)

12يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَب بَّعْضُكُم بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَّحِيمٌ

o kayong sumasampalataya! Inyong iwasan ang maraming pagdududa, katiyakang ang ilang pagdududa (sa ilang katatayuan) ay mga kasalanan. At huwag kayong manubok, gayundin huwag kayong magpamalas ng panlalait sa bawat isa sa talikuran. Mayroon bang isa sa inyo ang ibig na kumain ng laman ng patay niyang kapatid? Tunay ngang kasusuklaman ninyo ito (kaya’t kamuhian ninyo ang panlalait sa talikuran), datapuwa’t inyong pangambahan si Allah, katotohanang si Allah ang Tanging Isa na tumatanggap ng pagsisisi, ang Pinakamaawain

13يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ

14۞ قَالَتِ الْأَعْرَابُ آمَنَّا ۖ قُل لَّمْ تُؤْمِنُوا وَلَٰكِن قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ ۖ وَإِن تُطِيعُوا اللَّهَ وَرَسُولَهُ لَا يَلِتْكُم مِّنْ أَعْمَالِكُمْ شَيْئًا ۚ إِنَّ اللَّهَ غَفُورٌ رَّحِيمٌ

Ang mga Bedouin (mga Arabong nananahan sa disyerto) ay nagsasabi: “Kami ay sumasampalataya.” Ipagbadya: “Kayo ay hindi sumasampalataya, bagkus ay nagsasabi lamang” ng: “Kami ay nagsuko ng aming kalooban kay Allah (sa Islam)”, sapagkat hindi pa pumasok ang pananampalataya sa inyong puso. Datapuwa’t kung inyong susundin si Allah at ang Kanyang Tagapagbalita, hindi Niya mamaliitin ang inyong mga gawa at babawasan ang inyong gantimpala. Katotohanang si Allah ay Malimit na Nagpapatawad, ang Pinakamaawain

15إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنفُسِهِمْ فِي سَبِيلِ اللَّهِ ۚ أُولَٰئِكَ هُمُ الصَّادِقُونَ

Ang mga sumasampalataya ay sila lamang na nananalig kay Allah at sa Kanyang Tagapagbalita, at hindi nagkaroon ng anumang pag-aalinlangan sa pasimula pa, bagkus ay nagsikhay na kasama ang kanilang mga ari-arian at kanilang buhay tungo sa Kapakanan ni Allah. Sila nga! Sila ang matatapat

← Talata 12 📖 Al-Hujurat Talata 14 →

Al-HujuratTalaan ng Quran

18Talata

MedinanRevelation

13Talata

Salin — Al-Hujurat 13

Surah Al-Hujurat Talata 13 - Basahin, Pakinggan, Salin, Filipino : o sangkatauhan! Aming nilikha kayo mula sa isang pares ng…

Surah Talata 13/18 — Surah Al-Hujurat الحجرات (Medinan). Basahin Pakinggan Salin (Filipino). Pakinggan: Surah Al-Hujurat Pakinggan, Surah Al-Hujurat Salin, Surah Al-Hujurat mp3, Surah Al-Hujurat pdf. Talata 11–15. Sa Filipino: Melayu.

📚 Banal na Quran 🎧 Pakinggan mp3 ⬇ mp3