Surah Al-Hujurat Talata 12 - Basahin, Pakinggan, Salin, Filipino : o kayong sumasampalataya! Inyong iwasan ang maraming pagdududa, katiyakang ang…

Al-Hujurat · 12/18

Salin Transliterasyon — Surah Al-Hujurat

يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَب بَّعْضُكُم بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَّحِيمٌ ۝١٢

🔤 Transliteration

Yaaa ayyuhal lazeena aamanuj taniboo kaseeram minaz zanni inna ba`daz zanniismunw wa laa tajassasoo wa la yaghtab ba`dukum ba`daa; a yuhibbu ahadukum any yaakula lahma akheehi maitan fakarih tumooh; wattaqul laa; innal laaha tawwaabur Raheem

📖 Salin (Sa Filipino)

📖 Sa Filipino

o kayong sumasampalataya! Inyong iwasan ang maraming pagdududa, katiyakang ang ilang pagdududa (sa ilang katatayuan) ay mga kasalanan. At huwag kayong manubok, gayundin huwag kayong magpamalas ng panlalait sa bawat isa sa talikuran. Mayroon bang isa sa inyo ang ibig na kumain ng laman ng patay niyang kapatid? Tunay ngang kasusuklaman ninyo ito (kaya’t kamuhian ninyo ang panlalait sa talikuran), datapuwa’t inyong pangambahan si Allah, katotohanang si Allah ang Tanging Isa na tumatanggap ng pagsisisi, ang Pinakamaawain

🌐 Additional reference in Melayu

📖 Ayah 📜 Tafsir 📚 Al-Waseet 🔤 Ayah (I'rab)

🎧 Pakinggan

📜

Salin — Tafsir

Mga Kahulugan ng mga Salita:

Az-Zann (الظن): Ang paghihinala o pag-iisip ng masama tungkol sa ibang tao.
At-Tajassus (التجسس): Ang pag-espiya o pagmamanman sa mga lihim at kahinaan ng ibang tao.
Al-Ghibah (الغيبة): Ang pagbanggit sa iyong kapatid ng mga bagay na hindi niya gusto kapag wala siya, kahit pa totoo ang mga ito.

Interpretasyon ng Talata:

O kayong mga sumasampalataya kay Allah at sa Kanyang Sugo at kumikilos ayon sa Kanyang ipinag-utos, layuan ninyo ang karamihan ng paghihinala sa mga mananampalataya, sapagkat ang ilan sa paghihinala ay isang kasalanan—tulad ng paghihinala sa isang taong ang panlabas na kalagayan ay mabuti nang walang matibay na dahilan o ebidensya. Huwag kayong mag-espiya sa mga kahinaan ng mga Muslim at huwag ninyong hanapin ang kanilang mga pagkukulang na itinago ni Allah. At huwag banggitin ng isa sa inyo ang kanyang kapatid sa likuran niya ng mga bagay na hindi niya gusto, sapagkat ang pagbanggit sa kanya ng mga bagay na ito ay katulad ng pagkain ng laman ng kanyang kapatid na patay na—kung paanong kinasusuklaman ninyo ang pagkain ng laman ng patay, gayundin dapat ninyong kamuhian ang paglibak sa inyong kapatid. At matakot kayo kay Allah sa pamamagitan ng pagsunod sa Kanyang mga utos at pag-iwas sa Kanyang mga ipinagbabawal. Tunay na si Allah ay Mapagpatawad sa mga nagbalik-loob sa Kanya mula sa Kanyang mga alipin, at Mahabagin sa kanila.

Mga Aral na Makukuha:

Ang talatang ito ay nagtuturo sa atin ng mataas na moralidad sa pakikitungo sa isa't isa. Ipinapakita nito na ang Islam ay nag-aalaga sa kadalisayan ng mga puso at sa kaligtasan ng lipunan mula sa mga sakit tulad ng paghihinala, pag-espiya, at paglibak. Ang pagkakatulad ng paglibak sa pagkain ng laman ng patay na kapatid ay isang napakalinaw na larawan na nagpapakita ng kabigat ng kasalanang ito sa paningin ng Allah. Kapag iniwasan natin ang mga ito, napoprotektahan natin ang ating sarili mula sa galit ng Allah, napapalapit tayo sa Kanyang kapatawaran at awa, at nagkakaroon tayo ng mapayapang lipunan na puno ng tiwala at pagmamahalan. Ang Islam ay dumating upang linisin ang mga puso at itaguyod ang kapatiran sa pagitan ng mga mananampalataya, kaya't dapat nating panghawakan ang mga aral na ito upang maging karapat-dapat tayo sa Kanyang kapatawaran at awa.

📜 Talata 10-14 — Surah Al-Hujurat

10إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ

Katotohanan, ang mga sumasampalataya ay wala ng iba maliban na isang pagkakapatiran (sa Pananampalatayang Islam), kaya’t makipagpayapaan at makipag-unawaan sa pagitan ng inyong nagtutunggaliang mga kapatid, at pangambahan ninyo si Allah upang kayo ay magkamit ng Habag

11يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ ۖ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ ۖ بِئْسَ الِاسْمُ الْفُسُوقُ بَعْدَ الْإِيمَانِ ۚ وَمَن لَّمْ يَتُبْ فَأُولَٰئِكَ هُمُ الظَّالِمُونَ

O kayong sumasampalataya! Huwag hayaan ang isang pangkat sa inyong kalalakihan ay mangutya sa ibang pangkat. Maaaring ang huli ay higit na mainam kaysa sa una at huwag din namang hayaan na ang ilan sa inyong kababaihan ay mangutya sa ibang kababaihan, maaaring ang huli ay higit na mainam kaysa sa una. Gayundin naman, huwag ninyong siraan ang bawat isa, at gayundin, huwag ninyong tawagin ang bawat isa sa nakakasakit na mga palayaw. Tunay namang masama na inyong hiyain ang isang kapatid matapos na siya ay magkaroon ng Pananampalataya (alalaong baga, ang tawagin ang inyong Muslim na kapatid na naging isang matapat na mananampalataya ng: “o makasalanan, o o buktot”, atbp.). At kung sinuman ang hindi magsisi, katotohanang sila ang Zalimun (mga gumagawa ng kamalian, buktot, buhong, atbp)

12يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَب بَّعْضُكُم بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَّحِيمٌ

13يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ

o sangkatauhan! Aming nilikha kayo mula sa isang pares ng lalaki at babae, at Aming ginawa kayo sa maraming bansa [pamayanan] at mga tribo upang mangakilala ninyo ang isa’t isa (hindi upang kasuklaman ninyo ang isa’t isa). Katotohanan, ang pinakamarangal sa inyo sa paningin ni Allah ay (yaong sumasampalataya) na may At-Taqwa (siya na pinakamatuwid sa kabutihan, isa sa Muttaqun, alalaong baga, mga matimtiman at mabuting tao na labis na nangangamba kay Allah at umiiwas sa lahat ng mga kasalanan at masasamang gawa na Kanyang ipinagbawal at nagmamahal kay Allah ng higit at nagsasagawa ng lahat ng uri ng kabutihan na Kanyang ipinag-utos). Katotohanang si Allah ay Tigib ng Kaalaman at Lubos na Nakakabatid ng lahat ng bagay

14۞ قَالَتِ الْأَعْرَابُ آمَنَّا ۖ قُل لَّمْ تُؤْمِنُوا وَلَٰكِن قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ ۖ وَإِن تُطِيعُوا اللَّهَ وَرَسُولَهُ لَا يَلِتْكُم مِّنْ أَعْمَالِكُمْ شَيْئًا ۚ إِنَّ اللَّهَ غَفُورٌ رَّحِيمٌ

Ang mga Bedouin (mga Arabong nananahan sa disyerto) ay nagsasabi: “Kami ay sumasampalataya.” Ipagbadya: “Kayo ay hindi sumasampalataya, bagkus ay nagsasabi lamang” ng: “Kami ay nagsuko ng aming kalooban kay Allah (sa Islam)”, sapagkat hindi pa pumasok ang pananampalataya sa inyong puso. Datapuwa’t kung inyong susundin si Allah at ang Kanyang Tagapagbalita, hindi Niya mamaliitin ang inyong mga gawa at babawasan ang inyong gantimpala. Katotohanang si Allah ay Malimit na Nagpapatawad, ang Pinakamaawain

← Talata 11 📖 Al-Hujurat Talata 13 →

Al-HujuratTalaan ng Quran

18Talata

MedinanRevelation

12Talata

Salin — Al-Hujurat 12

Surah Al-Hujurat Talata 12 - Basahin, Pakinggan, Salin, Filipino : o kayong sumasampalataya! Inyong iwasan ang maraming pagdududa, katiyakang ang…

Surah Talata 12/18 — Surah Al-Hujurat الحجرات (Medinan). Basahin Pakinggan Salin (Filipino). Pakinggan: Surah Al-Hujurat Pakinggan, Surah Al-Hujurat Salin, Surah Al-Hujurat mp3, Surah Al-Hujurat pdf. Talata 10–14. Sa Filipino: Melayu.

📚 Banal na Quran 🎧 Pakinggan mp3 ⬇ mp3