Suuratu Sad pdf Fulfulde

Suuratu Sad

PDF —

88 Aaya Meccan PDF

Built right in your browser — download starts automatically

Suuratu Sad pdf — Aawto (Fulfulde)

Suuratu Sad pdf Fulfulde — Aawto Suuratu Sad Jaaɓtinde. Sad (Meccan) 88 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suuratu Sad

88 Aaya · Meccan · Fulfulde

ﭑﭒﭓﭔﭕﭖ

Saad. Mi woondirii Alqur`aana, jom waaju

ﭗﭘﭙﭚﭛﭜﭝ

Si ko woni, yedduɓe ɓen wonii e townitaare e lurral

ﭞﭟﭠﭡﭢﭣﭤﭥﭦﭧﭨ

Ɗuuɗii e gire ɗen Men halki, ado maɓɓe, ɓen noddi faabo, kono tawi ko bonatno bonii

ﭩﭪﭫﭬﭭﭮﭯﭰﭱﭲﭳﭴ

Ɓe ŋalɗi, nde jertinoowo jeyaaɗo e maɓɓe, arata ɓe. Yedduɓe ɓen wi`i: "Oo, ko mbileejo heewuɗo fenaande

ﭵﭶﭷﭸﭹﭺﭻﭼﭽﭾ

Kere o waɗay reweteeɗi ɗin, reweteeɗo gooto? Pellet, ɗum ko huunde haawniinde non

ﭿﮀﮁﮂﮃﮄﮅﮆﮇﮈﮉﮊﮋﮌ

Mbatu maɓɓe ngun huccitiri wiide: "Yehee, tabiton e reweteeɗi mon ɗin. Ɗum ɗoo, ko huunde eɓɓanaande

ﮍﮎﮏﮐﮑﮒﮓﮔﮕﮖﮗ

Men nanaali fii ɗum, e diina sakkitiika kan. Ɗum wonaali, si wanaa ko fefindaa

ﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩ

Kere ko e makko Jantoore nden jippotoo hakkunde amen?" Si ko woni, ɓe wonii e sikkitagol Jantoore Am nden. Wurin, ko fii ɓe meeɗaali taho, lepte Am ɗen

ﮪﮫﮬﮭﮮﮯﮰﮱ

Kaa ɓe jogiti ngaluuji yurmeende Joomi maa, Fooluɗo, Dokko On

ﯓﯔﯕﯖﯗﯘﯙﯚﯛﯜﯝﯞ

Kaa ko kamɓe woodani laamagol kammuli ɗin e leydi ndin e kon ko woni hakkunde majji? Haray yo ɓe ƴeenŋu ɓe ƴawa

ﯟﯠﯡﯢﯣﯤﯥ

Ko ɓe konu hoyngu non, fooleteengu e feddeeji ɗin

ﯦﯧﯨﯩﯪﯫﯬﯭﯮ

Ado maɓɓe, yimɓe Nuuhu ɓen fennuno, e Aadi’en e Fir`awna jom-peme

ﯯﯰﯱﯲﯳﯴﯵﯶﯷ

e Samuuda’en, e yimɓe Luutu ɓen, e yimɓe pitaaji ɓen; ko ɓen woni feddeeji (fennuɓe) ɓen

ﯸﯹﯺﯻﯼﯽﯾﯿ

Kala ɓee wonaali, si wanaa o fennii Nulaaɓe ɓen. Lepte Am ɗen jojji e maɓɓe

ﰀﰁﰂﰃﰄﰅﰆﰇﰈﰉﰊ

Ɓee habbaaki, si wanaa haacaango gooto, ngo alaa ruttorde

ﰋﰌﰍﰎﰏﰐﰑﰒﰓ

Ɓe wi’: "Joomi amen, yaccinan men geɓal lepte amen, ado Ñalaande hasboore nden

ﭑﭒﭓﭔﭕﭖﭗﭘﭙﭚﭛﭜﭝ

Muñño e kon ko ɓe wi`ata; annditaa jeyaaɗo Amen on, Daawuuda, jom doole. Ko o ɗuuɗunooɗo tuubugol

ﭞﭟﭠﭡﭢﭣﭤﭥ

Men eltii pelle ɗen, hiɗe subbunhinoda e makko, ka kiikiiɗe e ka weetugol

ﭦﭧﭨﭩﭪﭫﭬ

e colli ɗin, hiɗi mooɓindiraa, kala e majji no tuubana Mo

ﭭﭮﭯﭰﭱﭲﭳ

Men semmbini laamu makko ngun, Men yeɗi mo Annabaaku e fasinteegal

ﭴﭵﭶﭷﭸﭹﭺﭻﭼ

Hara kumpital wenjunooɓe ɓen arii maa, nde ɓe ƴawunoo ka ganngunal

ﭽﭾﭿﮀﮁﮂﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖ

Nde ɓe naatuoo ka Daawuuda, o ɗenƴii ɓe. Ɓe wi`i: "Wata a hulu ! Ko wennjuɓe ɗiɗo; goɗɗo e amen tooñii oya. Ñaawir goonga hakkunde amen, wata a tooñu, tinndinaa men e laawol focciingol ngol

ﮗﮘﮙﮚﮛﮜﮝﮞﮟﮠﮡﮢﮣﮤﮥﮦ

Oo ko musiɗɗo am: himo jogii baali cappanɗe jeenay e jeenay, min miɗo jogii baalii gootii. O wi`i: "Henndinam ngii"; o foolimi e yewtere

ﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫ

O maaki: "Pellet, o tooñirii ma lamndagol baalii maa ngii, waɗtugol e baali makko ɗin". Ɗuuɗii ko hawtuɓe tooñindirta hakkunde maɓɓe, si wanaa ɓen gomɗimɓe, ɓe golli moƴƴuɗi - ɓen non no fanɗi. - Daawuuda felliti, wonnde Men jarribike mo. O insinanii Joomi makko, o suuyiri sujjugol, o tuubi

ﯬﯭﯮﯯﯰﯱﯲﯳﯴﯵﯶ

Men yaafanii mo ɗum. Pellet non, hino woodani mo ko Amen, ɓadal e moƴƴude ruttorde

ﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕﰖ

Ko an yo Daawuuda, Men waɗii ma lomto ka leydi. Ñaawir goonga hakkunde yimɓe ɓen, wata a jokku mbeleeɗe, sakko ɗe majjine e laawol Allah ngol". Pellet, ɓen majjooɓe e laawol Allah ngol, hino woodani ɓe lepte tiiɗuɗe, sabu ko ɓe yejjitiri kon, Ñalaande hasboore nden

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣ

Men tagiraali kammu ngun e leydi ndin e ko woni hakkunde majji kon, meere. Ɗum ko sikke yedduɓe ɓen. Bone woodanii ɓen yedduɓe, e Yiite ngen

ﭤﭥﭦﭧﭨﭩﭪﭫﭬﭭﭮﭯﭰﭱ

Ka Men waɗay ɓen gomɗimɓe ɓe golli moƴƴi, wano bonnooɓe ɓen ka hoore leydi? Kaa Men waɗay gomɗuɓe ɓen, wano faajireeɓe ɓen

ﭲﭳﭴﭵﭶﭷﭸﭹﭺﭻ

Ko Deftere barkinaande, woni ko Men jippini e maaɗa, fii no ɓe taskora Aayeeje mayre, e ko joomiraaɓe haqqille ɓen waajitora

ﭼﭽﭾﭿﮀﮁﮂﮃﮄ

Men yeɗi Daawuuda Sulaymaana, - jeyaaɗo moƴƴo - Ko o ɗuuɗuɗo tuubugol-ruttoo

ﮅﮆﮇﮈﮉﮊﮋ

Janto nde o hollanoo kiikiiɗe, pucci yooɗuɗi yaawuɗi

ﮌﮍﮎﮏﮐﮑﮒﮓﮔﮕﮖﮗ

o maaki: "Min ɓurnorii yiɗugol jawdi, dii ko mi jantotoo Joomi am kon, haa [naange] ngen mutoyii

ﮘﮙﮚﮛﮜﮝﮞﮟ

Ruttee lam ɗi". O woni e sodugol ɗi ka taape e ka daaɗe

ﮠﮡﮢﮣﮤﮥﮦﮧﮨﮩ

Gomɗii Men jarribike Sulaymaana, Men werlii e jullere makko nden ɓanndu. Refti o tuubi

ﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛ

O maaki: "Joomi am, haforanam, yeɗaa lam laamu, ngu heertantaako goɗɗo goo, ɓaawo am. Pellet, ko An woni yeɗoowo On

ﯜﯝﯞﯟﯠﯡﯢﯣﯤ

Men eltani mo henndu ndun, tawi hindu wifira e sago makko, neweende, nokku kala ko o yiɗi

ﯥﯦﯧﯨﯩ

E seytanuuji ɗin, mahaynooɗi e mutaynooɗi

ﯪﯫﯬﯭﯮ

Goɗɗi ɗin, ko dummbaaɗi e penɗe

ﯯﯰﯱﯲﯳﯴﯵﯶ

Ɗum ko dokkal Amen. Okkitir, maa jogitoraa ko aldaa e lamnditoreede

ﯷﯸﯹﯺﯻﯼﯽ

Ko pellet, hino woodani mo ka Amen, ɓadal e moƴƴude ruttorde

ﯾﯿﰀﰁﰂﰃﰄﰅﰆﰇﰈﰉ

Janto kadi jeyaaɗo Amen on Ayyuuba, nde o noddunoo Joomi makko, wonnde : "Seytaane memirii lam tampere e muuseendi

ﰊﰋﰌﰍﰎﰏﰐﰑ

[Allah wi`ani mo]: "Latir tunndawal maa ngal [ka leydi]: Ɗam ɗoo, ko lootorɗam, ɓuuɓuɗal e njaram

ﭑﭒﭓﭔﭕﭖﭗﭘﭙﭚﭛ

Men yeɗi mo ɓeynguure makko nden, e yeru maɓɓe tawti ɓe, yurmeende immorde e Amen, e waaju wonannde marɓe haqqille ɓen

ﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬ

Nanngir sookewo maa ngon, tamere huɗo, piyiraa ɗum [suddiiɗo maa on], fii wata a firtu (woondoore nden)". Men tawu mo, muññiiɗo. O moƴƴii jeyaaɗo. Pellet, ko o ɗuuɗuɗo tuubugol-ruttoo

ﭭﭮﭯﭰﭱﭲﭳﭴﭵ

Janto kadi, jeyaaɓe Amen ɓen, Ibraahiima e Ishaaqa e Yaaquuba, joomiraaɓe cemmbe e yi`anɗe

ﭶﭷﭸﭹﭺﭻ

Men heertinanii ɓe heertinannde, annditugol galle (laakara) ɗen

ﭼﭽﭾﭿﮀﮁ

E kadi ɓee ka Amen, ko jeyaaɓe e suɓaaɓe moƴƴuɓe suɓaaɓe

ﮂﮃﮄﮅﮆﮇﮈﮉﮊﮋ

Janto kadi Ismaa’iila, e Yuusa’u, e Zal-Kifli, kala maɓɓe, ko jeyaaɓe e suɓaaɓe

ﮌﮍﮎﮏﮐﮑﮒﮓ

Ɗum ko waaju. Ko pellet, hino woodani gomɗuɓe ɓen, ruttorde moƴƴunde

ﮔﮕﮖﮗﮘﮙ

Ɗum ko Aljannaaji ñiiɓal, ɗi ɓe udditanaa dame mun

ﮚﮛﮜﮝﮞﮟﮠﮡ

hara ko ɓe soɓɓindii ɓe ton, hiɓe nodda ton muuyanteeɗi ɗuuɗuɗi e njaram

ﮢﮣﮤﮥﮦﮧ

Hino woodani ɓe (ton): raɓɓiduɓe ndaarɗe, goreeɓe

ﮨﮩﮪﮫﮬﮭ

Ko ɗum woni ko fodaɗon, fii Ñalaande hasboore nden

ﮮﮯﮰﮱﯓﯔﯕﯖ

Pellet, ɗum ko arsike Amen, gasugol alanaa mo

ﯗﯘﯙﯚﯛﯜﯝ

Ɗum, [ko njoɓdi maɓɓe]. Pellet, hino woodani kadi bewɓe ɓen, ko ɓuri bonnde e ruttorde

ﯞﯟﯠﯡﯢ

woni Jahannama, nge ɓe naatoyta. Nge bonii ndaɗɗudi

ﯣﯤﯥﯦﯧ

Ɗum, ko yo ɓe meeɗu: ko fatata, e ƴeƴƴiri

ﯨﯩﯪﯫﯬ

goɗɗe ɗen, nannduɗe e majje, ko nooneeji

ﯭﯮﯯﯰﯱﯲﯳﯴﯵﯶﯷﯸ

E hino dental naatiroyay ngal doole e mon, toolii alanaa ɓe; tawde ko ɓe naatooɓe Yiite

ﯹﯺﯻﯼﯽﯾﯿﰀﰁﰂﰃﰄﰅﰆ

Ɓen wi`a: bismilla alanaa mon, ko onon defi men ɗum". Nge bonii ñiiɓirde

ﰇﰈﰉﰊﰋﰌﰍﰎﰏﰐﰑﰒ

Ɓe wi`a: "Joomi amen, defuɗo men ɗum on, ɓeydan mo leptte cowalle ka Yiite

ﭑﭒﭓﭔﭕﭖﭗﭘﭙﭚﭛ

Ɓeya wi`i: "Ko haɗi men yi’ugol worɓe, ɓe men limtaynoo e bomɓe ɓen

ﭜﭝﭞﭟﭠﭡﭢ

Hara men jogitorno ɓe ton jalnori, kaa ko gite (amen) yawti ɓe

ﭣﭤﭥﭦﭧﭨﭩ

Pellet, ka goonga, ko ɗum woni yeddondiral yimɓe Yiite ɓen

ﭪﭫﭬﭭﭮﭯﭰﭱﭲﭳﭴﭵﭶ

Maaku: "Anndee ko mi jertinoowo. Reweteeɗo woo alaa, si wanaa Allah Gooto, Fooluɗo On

ﭷﭸﭹﭺﭻﭼﭽﭾ

Jeyɗo kammuuli ɗin e leydi ndin, e kon ko woni hakkunde ɗin ɗiɗi, Fooluɗo, Haforoowo On

ﭿﮀﮁﮂﮃ

Maaku: "(Ndee Alqur`aanaare), ko nde kabaaru mawɗo

ﮄﮅﮆﮇ

kono hiɗon ɗuurnii ɗum

ﮈﮉﮊﮋﮌﮍﮎﮏﮐﮑ

Ganndal alanaano lam, e fii mbatu ngun dowrowu, tuma nde ɓe wennjaynoo

ﮒﮓﮔﮕﮖﮗﮘﮙﮚ

Wahayinaaka e am, si wanaa wonnde min on, ko mi jertinoowo ɓanngina

ﮛﮜﮝﮞﮟﮠﮡﮢﮣﮤ

Janto nde Joomi maa daalannoo Malaa’ika’en: "Min ko Mi tagiroowo ɓanndinke, immorde loopal

ﮥﮦﮧﮨﮩﮪﮫﮬﮭﮮ

si Mi fotindirii mo, Mi wuttii e makko ruuhu Am on, haray suuyanee mo sujjon

ﮯﮰﮱﯓﯔ

Malaa’ika’en fow sujji ɓe denndaangal

ﯕﯖﯗﯘﯙﯚﯛ

si wanaa Ibuliisa, o mawnintinii, o woni jeyaaɗo e yedduɓe ɓen

ﯜﯝﯞﯟﯠﯡﯢﯣﯤﯥﯦﯧﯨﯩﯪﯫ

(Allah) daali: "Ko an yo Ibuliisa, ko haɗu maa sujjangol ko Mi tagiri juuɗe Am? A mawnintini kaa a jeya e townitiiɓe ɓen?" @Corrected

ﯬﯭﯮﯯﯰﯱﯲﯳﯴﯵﯶ

O wi`i: "Ko min ɓuri mo moƴƴude. A tagirii lam e yiite, A tagirii mo kanko e loopal

ﯷﯸﯹﯺﯻﯼ

O daali: "Yaltu ton, an on, ko a riiwaaɗo

ﯽﯾﯿﰀﰁﰂﰃ

pellet, kuddi Am ndin fawike ma haa Ñalnde njoɓdi diina

ﰄﰅﰆﰇﰈﰉﰊ

(Ibuliisa) wi`i : "Joomi am, nennitanam, haa ñalnde nde ɓe immintintee

ﰋﰌﰍﰎﰏ

O daali: "A jeyaama e nennitanteeɓe ɓen

ﰐﰑﰒﰓﰔ

haa e ñalaande happu anndaaɗo

ﰕﰖﰗﰘﰙ

O wi`i: "Mi woondirii mawngu Maa ngun ! Ma mi bewnuɓe fow maɓɓe

ﰚﰛﰜﰝﰞ

si wanaa jeyaaɓe Maa, laɓɓinaaɓe ɓen e maɓɓe

ﭑﭒﭓﭔﭕ

(Allah) daali: "Mi woondirii goonga, ko goonga mi wowlata

ﭖﭗﭘﭙﭚﭛﭜﭝ

ma Mi hebbinire Jahannama, e ɓen jokkuɓe ma fow e maɓɓe

ﭞﭟﭠﭡﭢﭣﭤﭥﭦﭧﭨ

Maaku: "Mi lamndaaki on njoɓdi e fii ɗum; mi wonaali jeyaaɗo e sincooɓe(deftatoobe)

ﭩﭪﭫﭬﭭﭮ

Ndee [Alqur’aanaare] wonaali, si wanaa waaju tageefo ngon

ﭯﭰﭱﭲﭳ

Ma on anndu (fii) kabaaru mayre, ko neeɓaa

Al-Qur'aana

Tuesday, August 18, 2026

Don't forget us in your sincere prayers