Simoore Sad pdf Wolof

PDF —

88 Aaya Meccan PDF

Built right in your browser — download starts automatically

Simoore Sad pdf — Wàcce (Wolof)

Simoore Sad pdf Wolof — Wàcce Simoore Sad Tekki. Simoore Sad (Meccan) 88 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Simoore Sad

88 Aaya · Meccan · Wolof

ﭑﭒﭓﭔﭕﭖ

38:1 Saad. Maa ngi giiñ ci Alxuraan, miy boroom tur ci ne :

ﭗﭘﭙﭚﭛﭜﭝ

38:2 Ña weddi ña nga cag rëy-rëylu ak kaŋ-kaŋ !

ﭞﭟﭠﭡﭢﭣﭤﭥﭦﭧﭨ

38:3 Aka bari ñu nu faagaagal ca ña leen jiitu woon, ñu daan yuuxu, walla te du ñu man a raw?

ﭩﭪﭫﭬﭭﭮﭯﭰﭱﭲﭳﭴ

38:4 (Waa Màkka) daana yéeme ci waaraatekat bii leen digal te bokk ci ñoom, yéefar ya daan wax naan : “Kii dey ab njibarkat la bu di ab fenaakoon,

ﭵﭶﭷﭸﭹﭺﭻﭼﭽﭾ

38:5 Moo ndax dafa bëgg a def Yàlla yii muy jenn Yàlla ? Aa lii dey mbir mu yéeme la”.

ﭿﮀﮁﮂﮃﮄﮅﮆﮇﮈﮉﮊﮋﮌ

38:6 Kilifa ya ne leen : “Demleen, te muñ jàpp ci seen Yàlla yii : lii daal la nu bëgg.

ﮍﮎﮏﮐﮑﮒﮓﮔﮕﮖﮗ

38:7 Nun masunoo dégg lii ci diine ji fi mujj wàcc (Iisaa) ; lii daal ay sos rekk la !

ﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩ

38:8 Nuy wax naan, ak ni nu tollu ndax ci moom la [Alxuraan] di wàcc? ” Li wer moo di yéefar yaa ngay sikki-sàkka ci sama Téere bi. Xanaa kay dañoo mosagul mbugël !

ﮪﮫﮬﮭﮮﮯﮰﮱ

38:9 Walla ndabi yërmaandey sa Boroom tey Mayewaakoon, biy boroom Kàttan bi, da fa nekk ci ñoom.

ﯓﯔﯕﯖﯗﯘﯙﯚﯛﯜﯝﯞ

38:10 Walla dañoo moom nguurug asamaan yeek suuf si, ak li nekk ci seen diggënte? su fekkee ne looloo am kon nañu def pexe ci yéeg ci !

ﯟﯠﯡﯢﯣﯤﯥ

38:11 Ak nu seeni xarekat man a tollu ak ña leen di jàppale, danuy nërméelu !

ﯦﯧﯨﯩﯪﯫﯬﯭﯮ

38:12 ña leen fi jiitu woon, weddi woon nañu ña di nitu Nooh, ak Aad ak Firawna ma doon boroom dëx (tabax yu rëy),

ﯯﯰﯱﯲﯳﯴﯵﯶﯷ

38:13 k Samuud, ak nitu Lóot, ak waa Aykata, (ñoom ñépp weddi woon nañu seeni yonnent). Te ñoom ñoo di jàppalekat ya (farandoo ya).

ﯸﯹﯺﯻﯼﯽﯾﯿ

38:14 Ñoom ñépp weddi woon yonnent ya. Nu daldi leen mbugël !

ﰀﰁﰂﰃﰄﰅﰆﰇﰈﰉﰊ

38:15 Ñoom xaaruñu lu dul genn xaacu, gu dul tóllantiku wol.

ﰋﰌﰍﰎﰏﰐﰑﰒﰓ

38:16 Ñuy wax naan : “Yaw sunu Boroom, gaawal jox nu sunu wàll balaa wañoo ba”.

ﭑﭒﭓﭔﭕﭖﭗﭘﭙﭚﭛﭜﭝ

38:17 Muñal lii ñuy wax ; te ngay fàttaliku Sunu jaam ba Daawuda ma doonoon boroom doole, Moom ku faral daan dellu ci Boroomam la woon.

ﭞﭟﭠﭡﭢﭣﭤﭥ

38:18 Tàggataloon Nanu ko, tundi doj yi nu daan ànd ak moom, di sàbbaal Yàlla subaak ngoon,

ﭦﭧﭨﭩﭪﭫﭬ

38:19 picc yépp it dañuy dajaloo, di delloo kañ [Yàlla].

ﭭﭮﭯﭰﭱﭲﭳ

38:20 Dëgaralal Nanu ko nguuram jox ko xam-xamu xereñe ràññee ak xam-xamu àtte.

ﭴﭵﭶﭷﭸﭹﭺﭻﭼ

38:21 Moo ndax xibaari xulóokat ya agsi na ci yaw ba ñu bëttee ñagub mbaar ma (mihraab ba) !

ﭽﭾﭿﮀﮁﮂﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖ

38:22 Ba ñu duggee fekk fa Daawuda, mu tiit ci ñoom. Nu wax ko ne : “Bul tiit ! Ñaari way xuloo la nu ; kenn ci nun dafay néewal dole ka ca des. Kon àtteel sunu diggënte ci dëgg, te it nga gindi nu teg nu ci yoon wu jub xocc wa.

ﮗﮘﮙﮚﮛﮜﮝﮞﮟﮠﮡﮢﮣﮤﮥﮦ

38:23 Kii nag sama mbokk la : amna juróom-ñeenti fukki xar ak juróom ñenenta, man ma am menn xar doŋŋ. Mu wax ma ne : “Naa ko ko jox” ; daldi wane lool ; doole ca ba ñuy waqante”.

ﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫ

38:24 [Daawuda] ne ko : “Moo la tooñ ci laaj gi mu la laaj sam xar ngir dollee koy xaram”. Te ñiy faral a ànd di liggéey bariyaana ba ñennat ci ñoom jaayee doole ña ca des, ba mu des ña gëm tey def yiw – te ñooña ñu néew lañu ci. – Daawuda daldi xam nag ne dañu ko doon nattu. Mu daldi rot (rukuu) sëgg jàpp ci ay wóomam delluwaat ca Boroomam.

ﯬﯭﯮﯯﯰﯱﯲﯳﯴﯵﯶ

38:25 Nu daldi koy jégël loola. Te amna daraja ju Nu jige ak wàccuwaay wu jekk.

ﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕﰖ

38:26 “Éy yaw Daawuda, def Nanu la ngay sunu kuutlaay ci kaw suuf si. Na ngay àtte diggënte nit ñi ci dëgg te bul topp mukk bànneex : su ko defee dana la féewale ak yoonu Yàlla”. Te ñiy féewook yoon danañu am mbugël mu tar mitti ngir lañu fàtte bisub wañoo ba (Bis Pénc ba).

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣ

38:27 Te bindunu asamaan ak suuf ak li nekk ci seen diggënte cig neen. Loolu la yéefar ya njortu. Te yéefar yaa ngaay tuskare ca biir safara !

ﭤﭥﭦﭧﭨﭩﭪﭫﭬﭭﭮﭯﭰﭱ

38:28 Moo ndax dañuy jëflaantéek yàqkat yi nekk ci suuf ? walla danuy jëflaantéek ña ragal Yàlla kem ni ñuy jëflaantéek kàccoor yi ?

ﭲﭳﭴﭵﭶﭷﭸﭹﭺﭻ

38:29 [Lii] ab Téere la bu Nuy wàcce ci yaw bu barkeel nak, ngir ñuy settantal ay laayaam ak it ngir woroomi xel yi man ciy fàttalikoo!

ﭼﭽﭾﭿﮀﮁﮂﮃﮄ

38:30 May Nanu Daawuda (doomam ja) Sulaymaan, - ndaw jaam bu baax ! – Ku daan dellu ca boroomam la.

ﮅﮆﮇﮈﮉﮊﮋ

38:31 (Fàttalikul) ngoon ga, ñu ko gaarale fasi naari góor ya,

ﮌﮍﮎﮏﮐﮑﮒﮓﮔﮕﮖﮗ

38:32 Sulaymaan dellu wax ne : “Cëy man, maa ngi fees dell ak bëgg (àddina sii) mu fàbbi maa ba jant bi so te fàttalikuwuma sama Boroom.

ﮘﮙﮚﮛﮜﮝﮞﮟ

38:33 Delloosil ma fas yi.”. Ñu delloosil ko ko mu dagg yeel ya ak doq ya.

ﮠﮡﮢﮣﮤﮥﮦﮧﮨﮩ

38:34 Nattu Nanu Sulaymaan ci nu sànni ca toogoom ba (jëmm ju nu wotte). Mu delluwaat, màggal Boroomam.

ﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛ

38:35 Mu wax ne : “Yaw sama Boroom, na nga ma jégal te may ma nguur goo xam ne kenn dootu ko am sama ginnaaw. Yaw yaay Mayaakoon bi”.

ﯜﯝﯞﯟﯠﯡﯢﯣﯤ

38:36 Tàggatal Nanu ko ngelaw li, muy daw ci ndigëlam, ak fu mu jublu.

ﯥﯦﯧﯨﯩ

38:37 Tàggatal Nanu ko sayaane yi, ñu di ko tabaxal ak di ko nuural ci (ndox).

ﯪﯫﯬﯭﯮ

38:38 Ak ñeneen, ñu ñu lëkkële ak i njéng.

ﯯﯰﯱﯲﯳﯴﯵﯶ

38:39 “Lii mooy sunug may ; mayeel walla nga téye ko kenn du ko waññook yaw”.

ﯷﯸﯹﯺﯻﯼﯽ

38:40 Te mooy am na daraja ju Nu jege ak wàccuwaay wu jekk.

ﯾﯿﰀﰁﰂﰃﰄﰅﰆﰇﰈﰉ

38:41 Fàttalikul sunu jaam Ayyuuba , ba muy woo Boroomam naan ko : “Yaw sama Boroom Saytaane teg na ma coono ak i tiis”.

ﰊﰋﰌﰍﰎﰏﰐﰑ

38:42 (Yàlla ne ko) dóoral sa tànk fi ci suuf : am ndox ngi nii mu sedd mu man a sangu neex a naan.

ﭑﭒﭓﭔﭕﭖﭗﭘﭙﭚﭛ

38:43 Nu delloowaat ko njabootam joxaat ko lu na tollu, muy yërmande ju bawoo ci Nun ak fàttili woroom xel yi.

ﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬ

38:44 “Ŋëbal sëqub ñax, te dóor ko ko (soxnaam sa). Te bul gàddu bàkkaarub ngiiñ”. Moom, muñkat la di jaam bu baax. Kuy farlu di dellu ci Boroomam la.

ﭭﭮﭯﭰﭱﭲﭳﭴﭵ

38:45 Fàttalikul suñu jaam ña Ibraahiima, ak Ishaaq ak Yaaquub ? Woroomi kàttan la ñu woon ak i gis-gis (xel).

ﭶﭷﭸﭹﭺﭻ

38:46 Noo leen ràññi woon ngir sellalug : fàttaliku bis pénc ba.

ﭼﭽﭾﭿﮀﮁ

38:47 Te ñoom, bokk nañu, ca tànnéef ya gën a ràññiku.

ﮂﮃﮄﮅﮆﮇﮈﮉﮊﮋ

38:48 Fàttalikul Ismaahiila ak Ilyaas, ak Suul kifli, ñoom ñépp ay tànnéef la ñu.

ﮌﮍﮎﮏﮐﮑﮒﮓ

38:49 Lii ag fàttali la. Te ne ñay ragal Yàlla, am nañu, wàccuwaay wu jekk,

ﮔﮕﮖﮗﮘﮙ

38:50 Àjjanay Adan, seen wunt ya ne ŋàll ngir ñoom,

ﮚﮛﮜﮝﮞﮟﮠﮡ

38:51 dañu fay, sóonu, di woo ay futéef yu bari ak i naan.

ﮢﮣﮤﮥﮦﮧ

38:52 Amnañu fa ay jigéen (jabar) ñu di ay lamsalkat, yu maase ay at.

ﮨﮩﮪﮫﮬﮭ

38:53 Lii mooy li Nu leen dégóon ci bisub wañoo ba.

ﮮﮯﮰﮱﯓﯔﯕﯖ

38:54 Lii moo di sunu xéewal gi te du jeex mukk.

ﯗﯘﯙﯚﯛﯜﯝ

38:55 Yëgal it ne ! ñay bew am nañu wàccuwaay wu yées,

ﯞﯟﯠﯡﯢ

38:56 Mooy Safara su ñuy xoyomoo. ndaw kër gu bon !

ﯣﯤﯥﯦﯧ

38:57 Mi ngi nii ! Nu cay tokamtiku : ndox muy tàng ak a wañax,

ﯨﯩﯪﯫﯬ

38:58 ak yeneeni xeeti mbugël yu mu témbóol.

ﯭﯮﯯﯰﯱﯲﯳﯴﯵﯶﯷﯸ

38:59 Ñii ay mbooloo la ñu ñuy buuxanteek yéen, kenn dalaluleen. Te ñooy xoyomu ca Safara.

ﯹﯺﯻﯼﯽﯾﯿﰀﰁﰂﰃﰄﰅﰆ

38:60 Ñuy wax naan : “Yéen kay la kenn dul dalal, lii, Yéen la ñu ko waajal”. Te ndaw saxuwaay bu bon !

ﰇﰈﰉﰊﰋﰌﰍﰎﰏﰐﰑﰒ

38:61 Ñuy wax naan : “Yaw sunu Boroom na nga dolli, ki nu waajalal lii, mbugël muy fulandiku ca biir Safara ”.

ﭑﭒﭓﭔﭕﭖﭗﭘﭙﭚﭛ

38:62 “Ana lan moo xew ba gisunu fi gaa ya nu daan limaale ci saay-saay si ?

ﭜﭝﭞﭟﭠﭡﭢ

38:63 Moo ndax dañu leen ko daan tooñe walla danu làqu sunu gëm ? ”

ﭣﭤﭥﭦﭧﭨﭩ

38:64 Lii daal tigi mooy xulóob waa Safara

ﭪﭫﭬﭭﭮﭯﭰﭱﭲﭳﭴﭵﭶ

38:65 Waxal ne : “Man daal ab xuppekat laa. Te jenn Yàlla amul judul, Yàlla jiy jenn , Notaakoon ba,

ﭷﭸﭹﭺﭻﭼﭽﭾ

38:66 Mooy Boroom asamaan yeek suuf si ak li nekk ci seen diggënte, te mooy boroom Kàttan gi, di Jégëlaakoon bi”.

ﭿﮀﮁﮂﮃ

38:67 Waxal ne : “Xibaar bu rëy la,

ﮄﮅﮆﮇ

38:68 waaye yéen dumóoyu ngeen ko.

ﮈﮉﮊﮋﮌﮍﮎﮏﮐﮑ

38:69 Amuma woon xam-xam ca xulóob kilifa ya gën a kawe.

ﮒﮓﮔﮕﮖﮗﮘﮙﮚ

38:70 Li nu may soloo doonul lu dul ne man mii ab xuppe kat laa waaraatekat bu bir”.

ﮛﮜﮝﮞﮟﮠﮡﮢﮣﮤ

38:71 (Fàttalitul) ba sa Boroom waxee Malaaka ya ne leen : “Man de maa ngi sàkk mbindéef ci ban.

ﮥﮦﮧﮨﮩﮪﮫﮬﮭﮮ

38:72 Suma ko móolee ba ëf ci Sama Ruu, na ngeen daldi rot, sujuudal ko”.

ﮯﮰﮱﯓﯔ

38:73 Malaaka ya yépp daldi sujuud,

ﯕﯖﯗﯘﯙﯚﯛ

38:74 ba mu des Ibliis moom dafa rëy-rëylu bokk ca yéefar ya.

ﯜﯝﯞﯟﯠﯡﯢﯣﯤﯥﯦﯧﯨﯩﯪﯫ

38:75 (Yàlla) daldi ne : “yaw Ibliis, lan moo la tere nga sujuud ci lii ma bind ci samay yoxo ? Dangay rëy-rëylu walla dangaa bokk ci ña kawe ? ”

ﯬﯭﯮﯯﯰﯱﯲﯳﯴﯵﯶ

38:76 “[Ibliis,] tontu ne ko : maa ko gën ndax yaa ngi ma bind ci safara moom nga bind ko ci ban”.

ﯷﯸﯹﯺﯻﯼ

38:77 (Yàlla) ne ko : “Génnal ca biti, dàkku naa la ;

ﯽﯾﯿﰀﰁﰂﰃ

38:78 te Samam rëbb dal na la ba baa saa di taxaw”.

ﰄﰅﰆﰇﰈﰉﰊ

38:79 “[Ibliis,] ne ko : yaw sama Boroom, muñal ma, ba bisub dekkiwaat ba”.

ﰋﰌﰍﰎﰏ

38:80 (Yàlla) ne ko : “may Nanu la dig boobu,

ﰐﰑﰒﰓﰔ

38:81 ba ca bisub waxtu wu ñu xam wa (Bis Pénc ba)”.

ﰕﰖﰗﰘﰙ

38:82 “[Ibliis ne ko] giiñ naa ci sa màgg gi ne ! Danaa leen lajj loo ñoom ñépp,

ﰚﰛﰜﰝﰞ

38:83 ba mu des sa jaam ñiy sellal”.

ﭑﭒﭓﭔﭕ

38:84 (Yàlla) daldi wax ne : “Maa ngi waat, ci dëgg ne dëgg laay wax,

ﭖﭗﭘﭙﭚﭛﭜﭝ

38:85 Danaa feesal Safara ci yaw ak ña la topp ñépp”.

ﭞﭟﭠﭡﭢﭣﭤﭥﭦﭧﭨ

38:86 Waxal ne : “Laajumaleen ci ag pey ; te it yanuwuma ci.

ﭩﭪﭫﭬﭭﭮ

38:87 [Alxuraan] jii daal ag fàttali la ñeel waa àddina si yépp.

ﭯﭰﭱﭲﭳ

38:88 Te dangeen xam ay xibaaram ci ndiir su yàggatul ! ”.

Alxuraan bu Tedd bi

Wednesday, September 9, 2026

Don't forget us in your sincere prayers

Simoore Sad pdf

Simoore Sad pdf — Wàcce (Wolof)

Related

More Simoore PDF