Qələm surəsi pdf — Yüklə (Azərbaycan)
Qələm surəsi pdf Azərbaycan — Yüklə Qələm surəsi Tərcümə. Qələm surəsi (Məkkə) 52 Ayə.
Related
- Qələm surəsi TərcüməAzərbaycan
- Qələm surəsi mp3Dinlə
- Quran Index Azərbaycan114
More Surə PDF
Qələm surəsi
ﮉﮊﮋﮌﮍﮎ
68:1
Nun. And olsun qələmə və qələmə alınanlara!
ﮏﮐﮑﮒﮓﮔ
68:2
Məhz Rəbbinin mərhəmətinə görə sən dəli deyilsən.
ﮕﮖﮗﮘﮙﮚ
68:3
Şübhəsiz ki, sənin üçün tükənməz bir mükafat hazırlanmışdır.
ﮛﮜﮝﮞﮟ
68:4
Həqiqətən də, sən böyük əxlaq sahibisən!
ﮠﮡﮢ
68:5
Sən də görəcəksən, onlar da –
ﮣﮤﮥ
68:6
hansınızın dəli olduğunu.
ﮦﮧﮨﮩﮪﮫﮬﮭﮮﮯﮰﮱ
68:7
Şübhəsiz ki, Rəbbin Onun yolundan azanları və haqq yolda olanları daha yaxşı tanıyır.
ﯓﯔﯕﯖ
68:8
Elə isə haqqı yalan sayanlara güzəştə getmə.
ﯗﯘﯙﯚﯛ
68:9
Müşriklər istəyirlər ki, sən onlara güzəşt edəsən, onlar da sənə güzəşt etsinlər.
ﯜﯝﯞﯟﯠﯡ
68:10
İtaət etmə hər tez-tez and içənə, alçağa,
ﯢﯣﯤﯥ
68:11
qeybət edənə, dedi-qodu yayana,
ﯦﯧﯨﯩﯪ
68:12
xeyrə mane olana, həddi aşana, günahkara,
ﯫﯬﯭﯮﯯ
68:13
daş ürəkliyə, bunlardan sonra da başqasının adını mənimsəyən fırıldaqçıya –
ﯰﯱﯲﯳﯴﯵ
68:14
o adam var-dövlət və oğul-uşaq sahibi olsa belə.
ﯶﯷﯸﯹﯺﯻﯼﯽ
68:15
Ayələrimiz ona oxunduğu zaman: “Bu, keçmişdəkilərin əsatirlərindəndir!”– deyər.
ﯾﯿﰀﰁ
68:16
Biz onun burnuna damğa vuracağıq.
ﭑﭒﭓﭔﭕﭖﭗﭘﭙﭚﭛ
68:17
Həqiqətən, Biz bağ sahiblərini sınağa çəkdiyimiz kimi onları da sınağa çəkdik. O zaman bağ sahibləri səhər açılanda bağda olan meyvələri mütləq dərəcəklərinə and içmişdilər
ﭜﭝﭞ
68:18
və heç bir istisna da etməmişdilər (“inşallah” deməmişdilər).
ﭟﭠﭡﭢﭣﭤﭥﭦ
68:19
Onlar yuxuda ikən Rəbbinin əzabı o bağı bürüdü.
ﭧﭨﭩ
68:20
Bağ yanıb zülmət gecə kimi qapqara oldu.
ﭪﭫﭬ
68:21
Onlar səhər qalxdıqda bir-birlərini çağırdılar:
ﭭﭮﭯﭰﭱﭲﭳﭴ
68:22
“Əgər meyvə dərəcəksinizsə, bağınıza erkən gedin!”
ﭵﭶﭷﭸ
68:23
Onlar bağa yollandılar, yol boyu da bir-birlərinə belə pıçıldayırdılar:
ﭹﭺﭻﭼﭽﭾﭿ
68:24
“Bu gün oraya – yanınıza heç bir kasıb girməsin!”
ﮀﮁﮂﮃﮄ
68:25
Onlar bu məqsədlə kasıbları bağa buraxmamağa qadir olacaqlarını zənn edib erkən getdilər.
ﮅﮆﮇﮈﮉﮊ
68:26
Bağı görəndə isə belə dedilər: “Deyəsən, biz düz gəlməmişik!
ﮋﮌﮍﮎ
68:27
Xeyr! Biz bu bağın xeyrindən məhrum olmuşuq!”
ﮏﮐﮑﮒﮓﮔﮕﮖ
68:28
Onların ən insaflısı dedi: “Məgər mən sizə Allahın şəninə təriflər söyləyin deməmişdimmi?”
ﮗﮘﮙﮚﮛﮜﮝ
68:29
Onlar dedilər: “Rəbbimiz pakdır, müqəddəsdir! Həqiqətən də, biz özümüzə zülm etmişik!”
ﮞﮟﮠﮡﮢﮣ
68:30
Onlar dönüb bir-birlərini qınamağa başladılar
ﮤﮥﮦﮧﮨﮩ
68:31
və dedilər: “Vay halımıza! Biz həddi aşanlarıq!
ﮪﮫﮬﮭﮮﮯﮰﮱﯓﯔﯕ
68:32
Ola bilsin ki, Rəbbimiz bizə bu bağın əvəzinə ondan daha yaxşısını versin. Əlbəttə, biz Rəbbimizə yönəlirik”.
ﯖﯗﯘﯙﯚﯛﯜﯝﯞﯟﯠ
68:33
Dünyadakı əzab belədir. Axirət əzabı isə daha böyükdür! Kaş biləydilər!
ﯡﯢﯣﯤﯥﯦﯧ
68:34
Şübhəsiz ki, müttəqilər üçün Rəbbin dərgahında Nəim bağları hazırlanmışdır.
ﯨﯩﯪﯫ
68:35
Biz heç müsəlmanları günahkarlara tay tutarıqmı?
ﯬﯭﯮﯯﯰ
68:36
Sizə nə olub, necə hökm verirsiniz?
ﯱﯲﯳﯴﯵﯶ
68:37
Yoxsa sizin elə bir kitabınız vardır ki, üsyankarla itaətkarın eyni olduğunu ondan oxuyursunuz?
ﯷﯸﯹﯺﯻﯼ
68:38
Ya da onda bəyəndiyiniz hər bir şeyin sizin olacağı yazılmışdır?
ﯽﯾﯿﰀﰁﰂﰃﰄﰅﰆﰇﰈﰉ
68:39
Yaxud Bizimlə Qiyamət gününədək əhd bağlamısınız ki, istədiyiniz hər şey sizin olacaqdır?
ﰊﰋﰌﰍﰎ
68:40
Onlardan soruş ki, kim buna zamin duracaqdır?
ﰏﰐﰑﰒﰓﰔﰕﰖﰗ
68:41
Yoxsa onların şərikləri vardır? Əgər doğru danışırlarsa, onda qoy şəriklərini gətirsinlər.
ﰘﰙﰚﰛﰜﰝﰞﰟﰠﰡ
68:42
Ayağın açılacağı və onlar səcdəyə çağırılacaqları, lakin buna qadir ola bilməyəcəkləri gün –
ﭑﭒﭓﭔﭕﭖﭗﭘﭙﭚﭛﭜﭝ
68:43
onların baxışları yazıq görkəm alacaq, özlərini də zillət bürüyəcəkdir. Hərçənd ki, onlar dünyada ikən sağ-salamat halda səcdə qılmağa dəvət olunurdular.
ﭞﭟﭠﭡﭢﭣﭤﭥﭦﭧﭨﭩ
68:44
Bu Sözü yalan sayanları Mənim öhdəmə burax. Biz onları tovlayıb bilmədikləri bir yöndən tədricən əzaba sürükləyirik.
ﭪﭫﭬﭭﭮﭯﭰ
68:45
Hələlik Mən onlara möhlət verirəm. Şübhəsiz ki, Mənim kafirlər üçün qurduğum hiyləm çox güclüdür.
ﭱﭲﭳﭴﭵﭶﭷﭸ
68:46
Yoxsa sən onlardan bir muzd istəyirsən və onlar da ağır bir borca düşüblər?
ﭹﭺﭻﭼﭽﭾ
68:47
Yoxsa qeyb onların əlindədir və onlar da ona baxıb istədiklərini yazırlar?
ﭿﮀﮁﮂﮃﮄﮅﮆﮇﮈﮉﮊ
68:48
Sən öz Rəbbinin hökmünə səbir et və balıq sahibi Yunus kimi olma! O zaman o, qəm-qüssə içində Rəbbinə dua etmişdi.
ﮋﮌﮍﮎﮏﮐﮑﮒﮓﮔﮕ
68:49
Əgər Rəbbinin mərhəməti ona yetişməsəydi, o, qınanmış halda heç bir bitki bitməyən boş yerə atılacaqdı.
ﮖﮗﮘﮙﮚﮛ
68:50
Lakin Rəbbi onu seçib əməlisalehlərdən etdi.
ﮜﮝﮞﮟﮠﮡﮢﮣﮤﮥﮦﮧﮨ
68:51
Həqiqətən, kafirlər Zikri (Quranı) eşitdikləri zaman öz baxışları ilə az qala səni gözə gətirələr. Onlar çarəsizlikdən: “O, dəlidir!”– deyirlər.
ﮩﮪﮫﮬﮭﮮ
68:52
Halbuki bu Quran aləmlər üçün öyüd-nəsihətdən başqa bir şey deyildir.
Qurani-Kərim
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Qurani-Kərim mp3
Complete Recitation — حفص عن عاصم
Abdul Basit Qurani-Kərim mp3
Complete Recitation — حفص عن عاصم
Mishary Rashid Alafasy Qurani-Kərim mp3
Complete Recitation — حفص عن عاصم
Al-Hussary Mahmoud Khalil Qurani-Kərim mp3
Complete Recitation — حفص عن عاصم
Muhammad Siddiq Al-Minshawi Qurani-Kərim mp3
Complete Recitation — حفص عن عاصم
Abdul Rahman Al-Sudais Qurani-Kərim mp3
Complete Recitation — حفص عن عاصم
Saud Al-Shuraim Qurani-Kərim mp3
Complete Recitation — حفص عن عاصم
Maher Al-Muaiqly Qurani-Kərim mp3
Complete Recitation — حفص عن عاصم