සූරා අල්-කලම් pdf සිංහල

සූරා අල්-කලම්

PDF —

52 ආයාත් Meccan PDF

Built right in your browser — download starts automatically

සූරා අල්-කලම් pdf — බාගත කරන්න (සිංහල)

සූරා අල්-කලම් pdf සිංහල — බාගත කරන්න සූරා අල්-කලම් පරිවර්තනය. අල්-කලම් (Meccan) 52 ආයාත්.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

සූරා අල්-කලම්

52 ආයාත් · Meccan · සිංහල

ﮉﮊﮋﮌﮍﮎ

නූන්, පෑන හා ඔවුන් ලියන දෑ මත දිවුරමින්,

ﮏﮐﮑﮒﮓﮔ

නුඹේ පරමාධිපතිගේ පිහිටෙන් නුඹ උන්මත්තකයකු නොවේ.

ﮕﮖﮗﮘﮙﮚ

තවද සැබැවින්ම නුඹට නිමක් නොමැති ප්‍රතිඵලයක් ඇත.

ﮛﮜﮝﮞﮟ

තවද නියත වශයෙන්ම නුඹ අති උතුම් ගතිගුණ මත සිටින්නෙහිය.

ﮠﮡﮢ

නුඹ මතු දකිනු ඇත. තවද ඔවුහුද මතු දකිනු ඇත.

ﮣﮤﮥ

නුඹලා අතරින් කවරෙකු උමතුවෙන් පෙළෙන්නේදැයි (මතු දකිනු ඇත).

ﮦﮧﮨﮩﮪﮫﮬﮭﮮﮯﮰﮱ

නියත වශයෙන්ම නුඹගේ පරමාධිපති වන ඔහු ඔහුගේ මාර්ගයෙන් මූළා වී ගිය අය පිළිබඳ මැනවින් දන්නාය. තවද යහමග ලද්දවුන් පිළිබඳ ව ද මැනවින් දන්නාය.

ﯓﯔﯕﯖ

එහෙයින් නුඹ බොරු කළවුනට අවනත නොවනු.

ﯗﯘﯙﯚﯛ

නුඹ නම්‍යශීලී වන්නෙහු නම් එවිට ඔවුහු ද නම්‍යශීලි වන්නට කැමති වෙති.

ﯜﯝﯞﯟﯠﯡ

තවද අධික වශයෙන් දිවුරා සිටින නීච සෑම කෙනෙකුටම නුඹ අවනත නොවනු.

ﯢﯣﯤﯥ

ඔහු දොස් නගන්නෙකි. කේලාම් කියමින් සැරිසරන්නෙකි.

ﯦﯧﯨﯩﯪ

යහපත වළක්වන්නෙකි. සීමාව ඉක්මවා කටයුතු කරන්නෙකි. පාපිෂ්ඨයෙකි.

ﯫﯬﯭﯮﯯ

හිතුවක්කාරයෙකි. ඊටත් වඩා ඔහු අවජාතකයෙකි.

ﯰﯱﯲﯳﯴﯵ

ඔහු වස්තුව හා දරුවන් සතු ව සිටි කෙනෙකු වූ බැවින්;

ﯶﯷﯸﯹﯺﯻﯼﯽ

ඔහු වෙත අපගේ වදන් පරායනය කරනු ලැබූ විට “මෙය පැරැන්නන්ගේ ප්‍රබන්ධ යැයි කියයි.

ﯾﯿﰀﰁ

නාසය මත අපි ඔහුට සලකුණු තබන්නෙමු.

ﭑﭒﭓﭔﭕﭖﭗﭘﭙﭚﭛ

උයන් වැසියන් අපි පරීක්ෂාවට ලක් කළාක් මෙන්ම නියත වශයෙන්ම අපි (මක්කාවාසීන් වන) මොවුන් ව ද පරීක්ෂාවට ලක් කළෙමු. තමන් උදෑසනම එය (අස්වැනු) නෙළන්නට සපත කර ගත්තෝය.

ﭜﭝﭞ

තවද අල්ලාහ් අභිමත කළේ නම් (එනම් ඉන්ශා අල්ලාහ්) යැයි ඔවුන් පැවැසුවේ නැත.

ﭟﭠﭡﭢﭣﭤﭥﭦ

ඔවුන් නිදමින් සිටිය දී නුඹගේ පරමාධිපතිගෙන් වූ වැටලීමක් එය වටලා ගත්තේය.

ﭧﭨﭩ

එවිට එය (ගිනිබත් වී) අඳුරු රාත්‍රියක් මෙන් විය.

ﭪﭫﭬ

ඔවුහු උදෑසන එකිනෙකා අමතන්නන් වූවෝය.

ﭭﭮﭯﭰﭱﭲﭳﭴ

නුඹලා නෙළන්නන් වූයෙහු නම් නුඹලාගේ ගොවි බිමට උදෑසන යා යුතු යැයි (අමතන්නන් වූවෝය.)

ﭵﭶﭷﭸ

(ඔවුන්) එකිනෙකාට කොඳුරමින් ගමන් ගත්තෝය.

ﭹﭺﭻﭼﭽﭾﭿ

එවිට අද දින නුඹලා වෙත කිසිදු දිළිඳෙකු එයට ඇතුළු නොවිය යුතු යැයි (ඔවුන් කොඳුරමින් ගමන් ගත්තෝය).

ﮀﮁﮂﮃﮄ

තවද (කිසිවකුට නො දී වැළකීමට) හැකියාව ඇත්තන් ලෙසින් ඔවුහු උදෑසන පිටත් වූවෝය.

ﮅﮆﮇﮈﮉﮊ

එවිට ඔවුහු එය දුටු කල්හි නියත වශයෙන්ම අපි මුළා වූවෝ වෙමු යැයි පැවසුවෝය.

ﮋﮌﮍﮎ

එසේ නොව අපි අහිමි කරනු ලැබූවෝ වෙමු.

ﮏﮐﮑﮒﮓﮔﮕﮖ

නුඹලා (අල්ලාහ්ට) සුවිශුද්ධ කළ යුතු නොවේ දැයි මම නුඹලාට නොකීවෙම් දැ?යි ඔවුන් අතරින් මධ්යස්ථ අයෙකු කීවේය.

ﮗﮘﮙﮚﮛﮜﮝ

“අපගේ පරමාධිපති සුවිශුද්ධය. නියත වශයෙන්ම අපි අපරාධකරුවන් වූයෙමු” යැයි ඔවුහු පැවසුවෝය.

ﮞﮟﮠﮡﮢﮣ

එවිට ඔවුන්ගෙන් ඇතැමෙකු ඇතැමෙකුට දොස් නගමින් ඉදිරියට ආවෝය.

ﮤﮥﮦﮧﮨﮩ

“අහෝ අපගේ විනාශය! නියත වශයෙන්ම අපි සීමාව ඉක්මවා යන්නන් වූයෙමු” යැයි ඔවුහු පැවසුවෝය.

ﮪﮫﮬﮭﮮﮯﮰﮱﯓﯔﯕ

“මීට වඩා යහපත් දෙයක් අපගේ පරමාධිපති අපට පෙරළා දෙන්නට පුළුවන. නියත වශයෙන් අපි අපගේ පරමාධිපති වෙත බලාපොරොත්තු තබන්නන් වෙමු.” (යැයි ඔවුහු පැවසුවෝය.)

ﯖﯗﯘﯙﯚﯛﯜﯝﯞﯟﯠ

එලෙසය (අපගේ) දඬුවම. තවද මතු ලොවෙහි දඬුවම අති බිහිසුණුය. ඒ ගැන ඔවුහු දැන සිටියාහු නම්.

ﯡﯢﯣﯤﯥﯦﯧ

නියත වශයෙන්ම බිය බැතිමතුන්ට සැප පහසුකම් සහිත ස්වර්ග උයන් ඔවුන්ගේ පරමාධිපති අබියස ඇත.

ﯨﯩﯪﯫ

එහෙයින් අවනත වූවන් වැරදිකරුවන් මෙන් අපි පත් කරන්නෙමුද?

ﯬﯭﯮﯯﯰ

නුඹලාට කුමක්වීද? නුඹලා තීන්දු කරනුයේ කෙසේද?

ﯱﯲﯳﯴﯵﯶ

නුඹලා හදාරන පුස්තකයක් නුඹලාට එහි තිබේ ද?

ﯷﯸﯹﯺﯻﯼ

නුඹලා තෝරා ගන්නා දෑ එහි නුඹලාට තිබේ (ද?).

ﯽﯾﯿﰀﰁﰂﰃﰄﰅﰆﰇﰈﰉ

එසේ නැතහොත් නුඹලා තීන්දු කරන දෑ නියත වශයෙන්ම නුඹලාට සතු යැයි පවසන මළවුන් කෙරෙන් නැගිටුවනු ලබන දින තෙක් පවතින ගිවිසුමක් අප වෙතින් නුඹලාට තිබේද?

ﰊﰋﰌﰍﰎ

මෙයට වගකිව යුත්තේ කවරෙකු දැයි (නබිවරය!) නුඹ ඔවුන්ගෙන් විමසනු.

ﰏﰐﰑﰒﰓﰔﰕﰖﰗ

එසේ නොමැති නම් ඔවුනට හවුල්කරුවන් සිටිත් ද? එසේ නම් ඔවුහු සත්‍යවාදීන් ලෙස සිටියෙහු නම් ඔවුන්ගේ එම හවුල්කරුවන් ඔවුන් ගෙනෙත්වා!

ﰘﰙﰚﰛﰜﰝﰞﰟﰠﰡ

එදින කෙණ්ඩයෙන් නිරාවරණය කරනු ලැබේ. තවද සුජූද් කිරීම සඳහා ඇරයුම් කරනු ලැබේ. එවිට ඔවුහු (ඒ සඳහා) හැකියාව නොදරති.

ﭑﭒﭓﭔﭕﭖﭗﭘﭙﭚﭛﭜﭝ

ඔවුන්ගේ බැල්ම පහත හෙළී පවතී. නින්දාව ඔවුන් වෙළා ගනී. ඔවුන් (මෙලොව) නිරෝගිව සිටිය දී සුජූද් කිරීම සඳහා ඇරයුම් කරනු ලබන්නන් වූවෝය. (නමුත් ඔවුහු එය ප්‍රතික්ෂේප කළෝය.)

ﭞﭟﭠﭡﭢﭣﭤﭥﭦﭧﭨﭩ

එහෙයින් නුඹ මා හා මෙම ප්‍රකාශය බොරු කළවුන් අතහැර දමනු. ඔවුන් නොදන්නා පරිදි පියවරෙන් පියවර අපි ඔවුන් හසු කර ගන්නෙමු.

ﭪﭫﭬﭭﭮﭯﭰ

තවද මම ඔවුනට කාල අවකාශය දෙමි. නියත වශයෙන්ම මාගේ උපාය තිරසාරය.

ﭱﭲﭳﭴﭵﭶﭷﭸ

එසේ නැතහොත් ඔවුන්ගෙන් නුඹ යම් කුලියක් ඉල්ලා ඒ හේතුවෙන් ඔවුන් ණය බරින් පෙළෙන්නන් වෙත්ද?

ﭹﭺﭻﭼﭽﭾ

එසේ නැතහොත් ඔවුන් වෙත ගුප්ත ඥානය තිබී ඔවුහු එය ලියන්නෝද?

ﭿﮀﮁﮂﮃﮄﮅﮆﮇﮈﮉﮊ

එහෙයින් (නබිවරය!) නුඹගේ පරමාධිපතිගේ තීන්දුවට නුඹ ඉවසීමෙන් සිටිනු. තවද නුඹ මත්සයා හා සම්බන්ධ පුද්ගලයා මෙන් නොවනු. ඔහු ශෝකයට පත් කරනු ලැබූවෙකු ලෙසින් (තම පරමාධිපති) ඇමතූ අවස්ථාව සිහියට නගනු.

ﮋﮌﮍﮎﮏﮐﮑﮒﮓﮔﮕ

ඔහුගේ පරමාධිපතිගේ පිහිට ඔහුට නොලැබුනේ නම් ඔහු අවමානයට ලක් කරනු ලැබූ තත්ත්වයේ නිසරු වෙරළට විසි කරනු ලබන්නට තිබුණි.

ﮖﮗﮘﮙﮚﮛ

නමුත් ඔහුගේ පරමාධිපති ඔහු ව තෝරා ගත්තේය. තවද ඔහු ව දැහැමියන් අතරට පත් කළේය.

ﮜﮝﮞﮟﮠﮡﮢﮣﮤﮥﮦﮧﮨ

තවද ප්‍රතික්ෂේප කළවුන් අනුශාසනාවට සවන් දුන් කල්හි ඔවුන්ගේ බැල්මෙන් ඔවුහු නුඹ ව ලිස්සා වට්ටන්නට තැත් කරති. “නියත වශයෙන්ම ඔහු උම්මත්තකයකු යැ”යි ඔවුහු පවසති.

ﮩﮪﮫﮬﮭﮮ

එහෙත් මෙය ලෝවැසියන්ට උපදෙසක් මිස නැත.

ශුද්ධ වූ අල් කුර්ආනය

Tuesday, August 18, 2026

Don't forget us in your sincere prayers