Сура Аль-Къалам pdf Нохчийн

PDF —

52 Аят Meccan PDF

Built right in your browser — download starts automatically

Сура Аль-Къалам pdf — Дахьа (Нохчийн)

Сура Аль-Къалам pdf Нохчийн — Дахьа Сура Аль-Къалам Гочдар. Сура Аль-Къалам (Meccan) 52 Аят.

← Аль-МулькСура Аль-Къалам Аль-Хьаккъа →

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сура Аль-Къалам

52 Аят · Meccan · Нохчийн

ﮉﮊﮋﮌﮍﮎ

68:1 Нỳн . Дуй боу Ас къоламах а‚ цара /наха/ яздеш долчух а:

ﮏﮐﮑﮒﮓﮔ

68:2 Хьо ма вац /хIай Мухьаммад/ хьо Кхиош–Кхобучун (Делан) къинхетамца жинийх.

ﮕﮖﮗﮘﮙﮚ

68:3 Баккъалла а, хьуна ма ю хадалур йоцу ял.

ﮛﮜﮝﮞﮟ

68:4 Баккъалла а, хьо ма ву сийлахь-доккха (хаза) гIиллакх хьайгахь долуш.

ﮠﮡﮢ

68:5 ТIаьхьа гур ду хьуна‚ царна а гур ду‚

ﮣﮤﮥ

68:6 мила ву шух питане лаьцнарг .

ﮦﮧﮨﮩﮪﮫﮬﮭﮮﮯﮰﮱ

68:7 Баккъалла а, хьан Кхиош-Кхобург – Цунна дика вевза Шен некъах тилавелларг а‚ Цунна дика бевза нийсачу новкъахь берш а.

ﯓﯔﯕﯖ

68:8 Хьо /хIай Мухьаммад/ муьтIахь ма хилалахь /дин/ харцдеш болчарна.

ﯗﯘﯙﯚﯛ

68:9 Уьш лууш бара хьо кIеда хила – тIаккха шаьш кIеда хир бара .

ﯜﯝﯞﯟﯠﯡ

68:10 Хьо муьтIахь ма хилалахь х1ор /харц/ дуйнаш дукха боуш сийсаз- волчунна‚

ﯢﯣﯤﯥ

68:11 /х1ор/ луьйш волчунна /нахана юьхь дуьхьал/‚ /царна юккъехь/ меттанаш дIасакхоьхьуш волчунна‚

ﯦﯧﯨﯩﯪ

68:12 дикачу /хIуманна/ новкъарло йеш волчунна‚ къинош деш дозанех ваьлла волчунна‚

ﯫﯬﯭﯮﯯ

68:13 къизачунна‚ цул совнаха а шен дуьненчу валар шеконехь долчунна (да мила ву ца хууш, боьха леларца вевзаш волчу).

ﯰﯱﯲﯳﯴﯵ

68:14 Шен даьхни а, к1ентий а хиларца /Делан дозанех а ваьлла, кура а ваьлла и/.

ﯶﯷﯸﯹﯺﯻﯼﯽ

68:15 Шена Тхан аяташ дешча, цо элира: "Хьалхалерачийн туьйранаш ду хIорш".

ﯾﯿﰀﰁ

68:16 Оха цуьнан мера тIе васт дуьллур ду.

ﭑﭒﭓﭔﭕﭖﭗﭘﭙﭚﭛ

68:17 Баккъалла а, Оха зийра уьш‚ Оха цхьана бешан дай зерах терра: цара дуй биира‚ шаьш /бешара/ стоьмаш бохур бу Iуьйранна аьлла‚

ﭜﭝﭞ

68:18 шаьш /х1умма а/ т1е ца тухуш ("Дала мукъалахь" ца олуш).

ﭟﭠﭡﭢﭣﭤﭥﭦ

68:19 ТIаккха цунна (бешана) го тесира хьан Кхиош-Кхобучуьнгара го тосуш долчо ‚ уьш наб йеш болуш.

ﭧﭨﭩ

68:20 /Ягна/ Iаржъелларг санна Iуьйренга елира и /церан беш/.

ﭪﭫﭬ

68:21 Iуьйренга бевлча, вовшашка кхайкхира цара:

ﭭﭮﭯﭰﭱﭲﭳﭴ

68:22 "Шайн беша чу гIо‚ шаьш стоьмаш бохур белахь"‚ – аьлла.

ﭵﭶﭷﭸ

68:23 Уьш буьйлабелира, меллаша вовшашка а луьйш:

ﭹﭺﭻﭼﭽﭾﭿ

68:24 "Тахана шуна тIе /шун беша/ цхьа а мисканиг ма вогIийла /стоьмаш боьхуш/".

ﮀﮁﮂﮃﮄ

68:25 Iуьйранна новкъа бевлира уьш, шайн дагахь /мисканиг/ духатоха ницкъ болуш.

ﮅﮆﮇﮈﮉﮊ

68:26 Иза шайна /ягна/ гича‚ цара элира: "Баккъалла а, вай тиладелла.

ﮋﮌﮍﮎ

68:27 ХIаъ‚ вай /и стоьмаш/ боцуш дисина".

ﮏﮐﮑﮒﮓﮔﮕﮖ

68:28 Царах кхечарал Iедале (веза) волчо элира: "Ас ца аьллера шуьга: аш /Далла/ хастам бинехьара"‚ – аьлла?

ﮗﮘﮙﮚﮛﮜﮝ

68:29 Цара элира: "Вонах цIена ву-кх и вай кхиош-кхобуш волу Дела‚ баккъалла а, вай хили-кх зуламхой".

ﮞﮟﮠﮡﮢﮣ

68:30 Уьш вовшашна бехкаш бохуш, дуьхьалбирзира.

ﮤﮥﮦﮧﮨﮩ

68:31 Цара элира: "Ма бала бу вайна: вай хилира /Делан дозанех/ тIехдовлурш.

ﮪﮫﮬﮭﮮﮯﮰﮱﯓﯔﯕ

68:32 Вай кхиош-кхобуш волчу вай Дала вайна цул дикачуьнца /и беш/ хийца а тарло. Баккъалла а, вай кхиош-кхобуш волчу вайн Делан /дикане/ дог дохуш ду-кх".

ﯖﯗﯘﯙﯚﯛﯜﯝﯞﯟﯠ

68:33 Иштта ду Iазап‚ ткъа эхартан Iазап вунō доккха ду, уьш хууш хиллехь.

ﯡﯢﯣﯤﯥﯦﯧ

68:34 Баккъалла а, /Делах/ кхоьручарна шаьш кхиош-кхобуш волчу Далла гергахь ниIматийн бошмаш ю.

ﯨﯩﯪﯫ

68:35 Ткъа Оха хуьлуьйту /Далла/ муьт1ахь болу нах къинош дечарах тера?

ﯬﯭﯮﯯﯰ

68:36 Шуна хIун хилла /иштта ойла ял/? Аш муха хьукма до?

ﯱﯲﯳﯴﯵﯶ

68:37 Я шуна жайна ду‚ аш шена чохь доьшуш /и хьукма/?

ﯷﯸﯹﯺﯻﯼ

68:38 Баккъалла а, шуна цу /жайни/ чохь долуш аш мел хоржург?

ﯽﯾﯿﰀﰁﰂﰃﰄﰅﰆﰇﰈﰉ

68:39 Я шун Тхоьца биъна дуйнаш бу къематде кхаччалц‚ баккъалла а, шайна аш дина хьукма хир долуш?

ﰊﰋﰌﰍﰎ

68:40 Хатта цаьрга /хIай Мухьаммад/‚ мила ву царах /цу т1ера/ дош лур дерг.

ﰏﰐﰑﰒﰓﰔﰕﰖﰗ

68:41 Я церан накъостий бу? Схьабалабе цара шайн и накъостий, шаьш бакълуьйш хиллехь.

ﰘﰙﰚﰛﰜﰝﰞﰟﰠﰡ

68:42 Оцу дийнахь настарш ерзина хир ю ‚ уьш кхойкхур бу сужуде – царна мегар дац‚ –

ﭑﭒﭓﭔﭕﭖﭗﭘﭙﭚﭛﭜﭝ

68:43 бIаьргаш охьадахна‚ сийсазалла тIейоьжна. Цаьрга сужуде кхойкхуш дара уьш могуш болуш .

ﭞﭟﭠﭡﭢﭣﭤﭥﭦﭧﭨﭩ

68:44 Вита Со-суо хIара хабар харцдеш болчарца. Оха схьалоцур бу уьш кIез-кIеззиг /хIаллакбарца/ царна ца хуучухула.

ﭪﭫﭬﭭﭮﭯﭰ

68:45 Ас хан лур ю царна . /Церан мекарлонна дуьхьал/ Сан мекарло чIогIа ю-кх.

ﭱﭲﭳﭴﭵﭶﭷﭸ

68:46 Я ахь цаьрга мах боьху /х1ай Мухьаммад/, уьш декхарша базбина болуш?

ﭹﭺﭻﭼﭽﭾ

68:47 Я цаьргахь гушдоцург /девзаш Iилма/ ду, цара дIаяздеш?

ﭿﮀﮁﮂﮃﮄﮅﮆﮇﮈﮉﮊ

68:48 Собар де хьуо кхиош-кхобуш волчу хьан Делан хьукманна‚ ма хилалахь чIеран накъостах тера: цо /Деле/ кхайкхира ша /чIеран кийрахь пашмаллица/ гатвелла волуш.

ﮋﮌﮍﮎﮏﮐﮑﮒﮓﮔﮕ

68:49 Ша Кхиош-Кхобучун ниIмат шех ца кхиънехьара, иза кхоьссина хир вара /чIеран кийрара/ ара, сийсаз а хилла.

ﮖﮗﮘﮙﮚﮛ

68:50 Ша Кхиош-Кхобучо хаьржира иза‚ цо хилийтира иза дикачарах.

ﮜﮝﮞﮟﮠﮡﮢﮣﮤﮥﮦﮧﮨ

68:51 Цатешнарша маь11аргона шайн бIаьргашца хьо хIаллаквийр ма вара шайна хьехам хезначул тIаьхьа‚ цара олу: "Баккъалла а, иза жинийх ву-кх".

ﮩﮪﮫﮬﮭﮮ

68:52 Иза-м дац массо а Iаламна хьехам бен.

Делера Куръан

Wednesday, September 9, 2026

Don't forget us in your sincere prayers