სურა ალ-ქალამი pdf ქართული

PDF —

52 აია Meccan PDF

Built right in your browser — download starts automatically

სურა ალ-ქალამი pdf — ჩამოტვირთვა (ქართული)

სურა ალ-ქალამი pdf ქართული — ჩამოტვირთვა სურა ალ-ქალამი თარგმანი. სურა ალ-ქალამი (Meccan) 52 აია.

📚 წაკითხვა 🎧 მოსმენა mp3 📜 წმინდა ყურანი

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

სურა ალ-ქალამი

52 აია · Meccan · ქართული

ﮉﮊﮋﮌﮍﮎ

68:1 ნუუნ . ვფიცავ კალამს და იმას, რასაც წერენ.

ﮏﮐﮑﮒﮓﮔ

68:2 (რომ) შენ (ო, მოციქულო), შენი უფლის წყალობით, არ ხარ შეპყრობილი (ეშმაკებით), (არც გონებადაკარგული და არც სულელი).

ﮕﮖﮗﮘﮙﮚ

68:3 და უეჭველად, შენთვისაა საზღაური უშრეტი (ყველა იმ სიძნელისთვის, რომელსაც ადამიანებამდე ჭეშმარიტების მისატანად მიმავალ გზაზე აწყდები).

ﮛﮜﮝﮞﮟ

68:4 და უეჭველად, შენ დიდებული ზნეობის მფლობელი ხარ.

ﮠﮡﮢ

68:5 მალე შენც იხილავ და ისინიც იხილავენ,

ﮣﮤﮥ

68:6 რომელ თქვენგანშია განსაცდელი [ვინ არის შეპყრობილი და შეშლილი].

ﮦﮧﮨﮩﮪﮫﮬﮭﮮﮯﮰﮱ

68:7 ჭეშმარიტად, შენი უფალი ყველაზე უკეთ იცნობს მათ, ვინც მის გზას ასცდა, და ის ყველაზე უკეთ იცნობს სწორი გზით მავალთ.

ﯓﯔﯕﯖ

68:8 მაშ, ნუ დაემორჩილები ცრუდ შემრაცხველებს (რომელთაც შენი არ სწამთ).

ﯗﯘﯙﯚﯛ

68:9 ისურვებდნენ, შენ რომ ლმობიერი იყო (მათ მიმართ), მაშინ ისინიც ლმობიერნი იქნებოდნენ (შენს მიმართ).

ﯜﯝﯞﯟﯠﯡ

68:10 და ნუ დაემორჩილები ყოველ ფიცის მოყვარულს (ვინც ცრუდ ხშირად იფიცება), არარაობას.

ﯢﯣﯤﯥ

68:11 ცილისმწამებელს [იმას, ვინც ადამიანს მისივე წინ ლანძღავს], და ჭორების გამავრცელებელს (ხალხს შორის, რათა მათ შორის ურთიერთობები დააზიანოს),

ﯦﯧﯨﯩﯪ

68:12 კეთილზე მომჭირნეს [ძუნწს], ზღვრის გადამლახავს (ადამიანებთან მტრობისას და აკრძალულით მოსარგებლეს), ცოდვებში ჩაძირულს,

ﯫﯬﯭﯮﯯ

68:13 უხეში და ამასთანავე, უგვაროს (ცრუდ რომ მიაწერს თავს სხვის გვარს).

ﯰﯱﯲﯳﯴﯵ

68:14 იმის გამო, რომ იგი სიმდიდრისა და შვილების პატრონია (ალლაჰისა და მისი შუამავლის რწმენას აერიდა ქედმაღლურად).

ﯶﯷﯸﯹﯺﯻﯼﯽ

68:15 როცა მას ჩვენი აიათები წაეკითხება, იტყვის: «წინაპართა ზღაპრებია!»

ﯾﯿﰀﰁ

68:16 ჩვენ მას დინგზე დავდაღავთ [ცხვირზე ნიშანს დავასვამთ, რათა ყველამ იცოდეს, ვინ არის იგი.]

ﭑﭒﭓﭔﭕﭖﭗﭘﭙﭚﭛ

68:17 ჭეშმარიტად, ჩვენ გამოვცადეთ ისინი (ურწმუნოები გვალვით და შიმშილით), ისევე როგორც გამოვცადეთ ბაღის პატრონები, როცა დაიფიცეს, რომ დილით ადრე მოკრეფდნენ მას,

ﭜﭝﭞ

68:18 და გამონაკლისს არ უშვებდნენ [და არ თქვეს: "თუ ალლაჰი ინებებს მოვკრეფთ"]

ﭟﭠﭡﭢﭣﭤﭥﭦ

68:19 და მას [ბაღს] შემოუარა [ცეცხლმა] (რომელიც ჩამოიგზავნა) შენი უფლისგან, მაშინ, როცა მათ ეძინათ.

ﭧﭨﭩ

68:20 და მეორე დილით ის [ბაღი] სულ შავი დახვდათ [სულ გადამწვარი].

ﭪﭫﭬ

68:21 და განთიადისას ერთმანეთს დაუძახეს:

ﭭﭮﭯﭰﭱﭲﭳﭴ

68:22 «ადრიანად წადით თქვენს ყანაში, თუ მოსავლის აღებას აპირებთ (სანამ ღარიბები მოგაკითხავენ)»,

ﭵﭶﭷﭸ

68:23 და წავიდნენ და ერთმანეთს ეჩურჩულებოდნენ:

ﭹﭺﭻﭼﭽﭾﭿ

68:24 «დღეს არც ერთი ღარიბი არ შემოვიდეს თქვენთან (ბაღებში)».

ﮀﮁﮂﮃﮄ

68:25 და გაემართნენ დილით ადრე, დარწმუნებულნი, რომ შეძლებდნენ,

ﮅﮆﮇﮈﮉﮊ

68:26 როდესაც ის იხილეს (გაშავებული, დამწვარი), თქვეს: «ჭეშმარიტად, ჩვენ გზააბნეულნი ვართ!»

ﮋﮌﮍﮎ

68:27 ო, არა! ჩვენ მოკლებულნი ვართ (ჩვენი სიძუნწის გამო დაგვემართა ეს უბედურება)!

ﮏﮐﮑﮒﮓﮔﮕﮖ

68:28 თქვა მათგან ყველაზე სამართლიანმა: «განა არ გითხარით, რომ უნდა გედიდებინათ (ალლაჰი)?»

ﮗﮘﮙﮚﮛﮜﮝ

68:29 თქვეს: «დიდება ჩვენს უფალს! ჭეშმარიტად, ჩვენ უსამართლონი ვიყავით».

ﮞﮟﮠﮡﮢﮣ

68:30 და მიუბრუნდნენ ერთმანეთს და ერთმანეთს საყვედურობდნენ.

ﮤﮥﮦﮧﮨﮩ

68:31 თქვეს: «ვაი, ჩვენდა! უეჭველად, ჩვენ ვიყავით ზღვარგადასულნი!»

ﮪﮫﮬﮭﮮﮯﮰﮱﯓﯔﯕ

68:32 იქნებ ჩვენმა უფალმა ამის [ამ ბაღის] ნაცვლად უკეთესი გვიბოძოს. ჭეშმარიტად, ჩვენ ჩვენი უფლისკენ მივისწრაფვით (შენდობით)!

ﯖﯗﯘﯙﯚﯛﯜﯝﯞﯟﯠ

68:33 ასეთია სასჯელი. ხოლო იმქვეყნიური სასჯელი უფრო დიდია, ნეტავ, რომ სცოდნოდათ.

ﯡﯢﯣﯤﯥﯦﯧ

68:34 ჭეშმარიტად, ღვთისმოშიშთათვის თავიანთ უფალთან ნეტარების ბაღებია.

ﯨﯩﯪﯫ

68:35 ნუთუ მუსლიმებს (მორჩილებს) ისევე მოვექცევით, როგორც ამბოხებულებს [ურწმუნოებს]?

ﯬﯭﯮﯯﯰ

68:36 რა გემართებათ, როგორ განსჯით?!

ﯱﯲﯳﯴﯵﯶ

68:37 ან იქნებ გაქვთ წიგნი, რომლიდანაც სწავლობთ (თანასწორად მოპყრობას მორჩილსა და ურჩის მიმართ)?

ﯷﯸﯹﯺﯻﯼ

68:38 რომ ნამდვილად, თქვენთვის მასში (ყველაფერია), რასაც თავად აირჩევთ!

ﯽﯾﯿﰀﰁﰂﰃﰄﰅﰆﰇﰈﰉ

68:39 ან იქნებ აღთქმა გაქვთ ჩვენგან დადებული განკითხვის დღემდე, რომ თქვენია ყველაფერი, რასაც გადაწყვეტთ (თქვენს სასარგებლოდ)?!

ﰊﰋﰌﰍﰎ

68:40 ჰკითხე მათ, რომელი მათგანია ამის თავდები?!

ﰏﰐﰑﰒﰓﰔﰕﰖﰗ

68:41 ან იქნებ მათ ჰყავთ თანაზიარნი? მაშინ მოიყვანონ თავიანთი თანაზიარნი, თუ მართალნი არიან.

ﰘﰙﰚﰛﰜﰝﰞﰟﰠﰡ

68:42 იმ დღეს, როდესაც გამოჩნდება წვივი , და მათ [ქმნილებებს] მოუწოდებენ, რომ სეჯდა აღასრულონ, ისინი კი [ურწმუნოები და თვალთმაქცები] ამას ვერ შეძლებენ.

ﭑﭒﭓﭔﭕﭖﭗﭘﭙﭚﭛﭜﭝ

68:43 დაცემული (შიშისგან) მზერებით მათ დაეწიათ (მძიმე) დამცირება, ხოლო ადრე — მიწიერ ცხოვრებაში — მათ მოუწოდებდნენ, რომ სუჯუდი აღესრულებინათ, მაშინ როდესაც ისინი კეთილდღეობაში იყვნენ.

ﭞﭟﭠﭡﭢﭣﭤﭥﭦﭧﭨﭩ

68:44 დამტოვე კი მე (ო, მოციქულო) მათთან, ვინც სიცრუედ მიიჩნევს ამ უწყებას [ყურანს]. ჩვენ ნელ-ნელა შევიყვანთ მათ (სასჯელისკენ), (მათთვის სიმდიდრისა და შვილების ბოძებით), ისე რომ თვითონაც ვერ შეამჩნიონ [ვერც გააცნობიერონ].

ﭪﭫﭬﭭﭮﭯﭰ

68:45 და თანაც ვადროვებ მათ [ხანგრძლივი ცხოვრებით], უეჭველად, ჩემი მახე მტკიცეა.

ﭱﭲﭳﭴﭵﭶﭷﭸ

68:46 ან იქნებ საზღაურს სთხოვ მათ და ისინი ვალებით არიან დამძიმებულნი?!

ﭹﭺﭻﭼﭽﭾ

68:47 ან მათთანაა უხილავი (ცოდნა) და ისინი იწერენ (იქიდან არგუმენტებს შენს საწინააღმდეგოდ)?!

ﭿﮀﮁﮂﮃﮄﮅﮆﮇﮈﮉﮊ

68:48 ამიტომ, მოითმინე კი (ო, მოციქულო) შენი უფლის გადაწყვეტილებამდე და ნუ დაემსგავსები ვეშაპის თანამგზავრს [წინასწარმეტყველ იუნუსს], (რომელიც განრისხდა თავის ხალხზე და, სათანადო მოთმინების გამოუჩენლად, დატოვა ისინი). და აი, მან მიმართა (თავის უფალს ვედრებით), დაღონებულმა.

ﮋﮌﮍﮎﮏﮐﮑﮒﮓﮔﮕ

68:49 და რომ არა მისი უფლის წყალობა, იგი ვეშაპის მუცლიდან იქნებოდა გადაგდებული უკაცრიელ ადგილას (სადაც დაიღუპებოდა), და იქნებოდა გაკიცხული.

ﮖﮗﮘﮙﮚﮛ

68:50 და აირჩია იგი მისმა უფალმა და მართალთა შორის დაადგინა.

ﮜﮝﮞﮟﮠﮡﮢﮣﮤﮥﮦﮧﮨ

68:51 და ჭეშმარიტად, ისინი, ვინც ურწმუნოები გახდნენ, თითქმის წაგაქცევდნენ შენ (ო, შუამავალო) თავიანთი (მუქარისმომცველი) მზერებით, როდესაც ისინი ისმენენ შეგონებას [ყურანს], და ამბობენ: «ჭეშმარიტად, იგი შეშლილია!»

ﮩﮪﮫﮬﮭﮮ

68:52 ხოლო ის [ყურანი] სხვა არაფერია, თუ არა შეგონება სამყაროთათვის [ჯინებისა და ადამიანებისთვის].

წმინდა ყურანი

Wednesday, September 9, 2026

Don't forget us in your sincere prayers