Suuratu An-Nur — Aaya 2

1. Maanaaji kelme ɗe ngonka ɗiɗi e nder aaya nden:

• الزانية والزاني: debbo jinanɗo e gorko jinanɗo, ɓe ngonaa tiggaaɓe (ɓe ceeraani, ɓe resaani tawo).
• فاجلدوا: ndarnee ɓe, piyee ɓe.
• جلدة: piyde gootel e ɓoggol.
• رأفة: yurmeende ɓurnde newaade, hinna e ɓernde.
• طائفة: fedde, yoga e yimɓe.

1. Firo aaya nden:

Debbo jinanɗo e gorko jinanɗo, ɓe ngonaa tiggaaɓe, piyee kala gootel e maɓɓe ɓoggol teemedere. Wata yurmeende e newaare ɓernde jogu on e maɓɓe haa ndu haɗa on waɗde ñaawoore Alla nden walla usta nde, si tawii on ngondi e gomɗinal Alla e Ñalnde Sakkitiinde nden. Yo fedde e nder gomɗimɓe ɓen tawitoo nde ñaawoore nden wonnde e maɓɓe, ndarnde e maɓɓe, fii yo ɓe seedtoo, ɓe njejjito, tawi ko ɗum woni kadi waaju e janngirde wonande woɗɓe ɓen.

1. Nafaaji ɗi aaya nden addanta:

• Aaya nden no holliri wonde Alla no yiɗi laamu makko e dow leydi ndi wona ko laaɓi, ko selli, ko ndimaagu woni e mun.
• No holliri wonde gomɗinal Alla e Ñalnde Sakkitiinde nden no ɗaɓɓiri gomɗimɓe ɓen nde ɓe mbaɗata ñaawooje Alla ɗen no ɓe mbaɗiri, tawa yurmeende ɓernde wata haɗe ɓe.
• No holliri wonde ñaawoore nden ko jaɓnde e yeeso yimɓe, fii yo woɗɓe ɓen njanngu e mun, ɓe njejjito, ndeen bone nden saɗta e nder renndo ngo.
• No holliri wonde lislaamu ko diina laaɓal e ndimaagu, no rena kadi renndo ngo e bone mawɗo ngo bonnata ɓesngu e renndo fof.
• No holliri wonde Alla ko O nunɗuɗo, O newiɗo, kono newaare nden wata yawt e nder ñaawooje makko ɗen, tawa ko ɗum woni newaare goonga nden wonande renndo ngo fof.