Сүрәсе Аз-Зарият pdf Татарча

Сүрәсе Аз-Зарият

PDF —

60 Аять Meccan PDF

Built right in your browser — download starts automatically

Сүрәсе Аз-Зарият pdf — Йөкләү (Татарча)

Сүрәсе Аз-Зарият pdf Татарча — Йөкләү Сүрәсе Аз-Зарият Тәрҗемә. Аз-Зарият (Meccan) 60 Аять.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сүрәсе Аз-Зарият

60 Аять · Meccan · Татарча

ﯤﯥﯦ

Таратучы каты җил белән ант итәм.

ﯧﯨﯩ

Дәхи авыр йөкне күтәрүче болытлар илә ант итәмен, болытлар күпме су күтәреп йөриләр.

ﯪﯫﯬ

Дәхи дәрьяләрдә вә диңгезләрдә җиңеллек илә йөрүче кораблар илә.

ﯭﯮﯯ

Дәхи Аллаһуның тәкъдирләрен бүлеп кешеләргә ирештерүче фәрештәләр илә ант итеп әйтәмен:

ﯰﯱﯲﯳ

"Ий кешеләр сезгә вәгъдә ителгән кыямәт, кубарылу вә җәннәт, җәһәннәм хактыр.

ﯴﯵﯶﯷ

Хисаб вә җәза, әлбәттә, була чакдыр.

ﭑﭒﭓﭔ

Дәхи йолдызлар юлы булучы күк белән ант итәмен.

ﭕﭖﭗﭘﭙ

Ий кешеләр, Коръән хакында төрле-төрле сүздәсез, кайберләрегез Коръән сүзләренә ышаныр вә кайберләрегез ышанмас, кайберләрегез Коръән белән гамәл кылыр вә кайберләрегез Коръән белән гамәл кылмас.

ﭚﭛﭜﭝﭞ

Ул Коръәннән кайтарылыр, ягъни качар Аллаһуның тәкъдирендә мәхрүм ителгән кеше.

ﭟﭠﭡ

Ләгънәт булсын ялган сөйләп Коръәннән качучы кешеләргә.

ﭢﭣﭤﭥﭦﭧ

Алар үзләренең наданлыклары вә гафиллекләре белән алданучылардыр.

ﭨﭩﭪﭫﭬ

Алар кыямәт көне кайчан була, дип, сорыйлар.

ﭭﭮﭯﭰﭱﭲ

Алар кыямәт көнне утта ґәзаб кылынырлар.

ﭳﭴﭵﭶﭷﭸﭹﭺ

Газабыгызны татыгыз, бу ґәзаб үзегез ашыктырган ґәзабтыр.

ﭻﭼﭽﭾﭿﮀ

Аллаһудан куркучы гөнаһтан вә хаталыклардан сакланучы тәкъва мөэминнәр, әлбәттә, җәннәтләрдә рәхәтлек елгасы янындалардыр.

ﮁﮂﮃﮄﮅﮆﮇﮈﮉﮊﮋ

Алар Раббылары биргән нигъмәтләрне алучылардыр, бит алар җәннәткә кермәс борын дөньяда яхшылыкны кылучы изге мөселман иделәр.

ﮌﮍﮎﮏﮐﮑﮒ

Төннәрдә алар аз йоклар булдылар.

ﮓﮔﮕﮖ

Алар сәхәр вакытларыңда намаз, Коръән укып Аллаһудан гафу сорый иделәр.

ﮗﮘﮙﮚﮛﮜ

Алар сораучы вә сорамаучы мохтаҗларга малларыннан садакалар бирә иделәр.

ﮝﮞﮟﮠﮡ

Җирдә дә ышанучы гакыллы кешеләр өчен галәмәтләр бардыр.

ﮢﮣﮤﮥﮦﮧ

Дәхи үзегезнең төзелешегездә дә галәмәтләр бардыр, әйә шуларны күрмисезме?

ﮨﮩﮪﮫﮬﮭ

Сезнең ризыкларыгыз күктәдер, ягъни яңгыр яуса гына ризыкларыгыз буладыр һәм сезгә вәгъдә ителгән Аллаһуның рәхмәте вә ґәзабы да күктәдер.

ﮮﮯﮰﮱﯓﯔﯕﯖﯗﯘ

Җир вә күкләр Раббысы белән ант итеп әйтәмен ки, ошбу әйтелгән нәрсәләр, әлбәттә, хактыр сезнең сөйләшкәнегез кеби. Ягъни кешеләр сөйләшмиләр дия алмассыз, шуның кеби Коръәннең һәр сүзе хактыр, юкка чыгара алмассыз.

ﯙﯚﯛﯜﯝﯞﯟ

Сиңа ирештеме Ибраһим пәйгамбәрнең хөрмәтле кунакларының хәбәре?

ﯠﯡﯢﯣﯤﯥﯦﯧﯨﯩﯪ

Ул кунаклар Ибраһим хозурына кергәч, сәлам, бирделәр, Ибраһим дә аларга сәлам бирде һәм күңеленнән болар ят кунаклар, танымыймын диде.

ﯫﯬﯭﯮﯯﯰﯱ

Ибраһим кунакларга кайда барганын белдермичә, хатыны янына аш хәзерләргә китте, бераз вакыт үткәч, симез бозау итен китерде.

ﯲﯳﯴﯵﯶﯷ

Ул итне кунакларның алларына якын куйды, кунаклар исә ашамадылар, чөнки алар фәрештә иделәр, ләкин Ибраһим белми иде. Ибраһим кунакларга ашамыйсызмы диде.

ﯸﯹﯺﯻﯼﯽﯾﯿﰀﰁﰂﰃ

Кунаклар ашамагач Ибраһимнең күңеленә курку төште, ихтимал бу кешеләр начар ният белән килгәннәрдер, дип уйлады. Кунаклар үзләренең фәрештәләр икәнне белдереп, Ибраһимгә курыкма, диделәр, һәм зур галәм буларак бер ир бала белән Ибраһимгә сөенеч бирделәр.

ﰄﰅﰆﰇﰈﰉﰊﰋﰌﰍ

Кунакларның сүзен ишетеп Ибраһимнең хатыны Сара кунаклар алдына тавышланып чыкты, вә йөзенә сугып әйтте: "Мин бала тапмый торган карчыкмын миндә кайдан бала булсын", – дип.

ﰎﰏﰐﰑﰒﰓﰔﰕﰖﰗ

Фәрештәләр әйттеләр: "Без әйткәнчә Раббың Аллаһ әйтте, тәхкыйк Ул – Аллаһ эшне белеп эшләүче вә һәрнәрсәне белүче", – дип.

ﭑﭒﭓﭔﭕﭖﭗ

Ибраһим җибәрелгән илчеләрдән: "Ий илчеләр, сез нинди эш белән килдегез?" – дип сорады.

ﭘﭙﭚﭛﭜﭝﭞ

Фәрештәләр: "Без бозыклык кылучы кавемне һәлак итәр өчен җибәрелдек,

ﭟﭠﭡﭢﭣﭤ

алар өстенә балчыктан ясалган ташларны яудырмак өчен,

ﭥﭦﭧﭨﭩ

ул ташлар Раббың, хозурында чиктән чыгып азган кавемнәрне үтерү өчен хәзерләнгән", – диделәр.

ﭪﭫﭬﭭﭮﭯﭰ

Без чыгардык ул шәһәрдән Лут кавеме эченнән мөэмин булган кешеләрне.

ﭱﭲﭳﭴﭵﭶﭷﭸ

Лут пәйгамбәр кавеме шәһәрләрендә бер генә мөселман йортын таптык, ягъни Лут пәйгамбәр йорты гына мөселман йорты иде.

ﭹﭺﭻﭼﭽﭾﭿﮀ

Алар яшәгән шәһәрләрдә, аларның һәлак булганлыгын күрсәтүче галәмәтләр калдырдык, рәнҗешүче Аллаһ ґәзабынннан куркучылар өчен.

ﮁﮂﮃﮄﮅﮆﮇﮈﮉ

Дәхи Муса пәйгамбәрдә галәмәтләр кылдык, Без аны ачык аңлатучы аятьләр белән Фиргаунгә җибәргәч,

ﮊﮋﮌﮍﮎﮏﮐ

Фиргаун ґәскәре белән бергә Ислам динен кабул итүдән йөз чөерде, вә әйтте: "Ул Муса сихерче яки җенләнгәндер", – дип.

ﮑﮒﮓﮔﮕﮖﮗﮘ

Без Фиргаунне һәм гаскәрен тоттык вә һәммәсен суга батырдык, Фиргаун суга бата башлагач, Ислам динен кабул итмәгәне өчен үзен-үзе шелтә кылган хәлдә батып һәлак булды.

ﮙﮚﮛﮜﮝﮞﮟﮠ

Дәхи Гад кавеменең һәлак булуында гыйбрәтләр бардыр, алар өстенә җибәрдек Без җимерүче рәхимсез җилне.

ﮡﮢﮣﮤﮥﮦﮧﮨﮩﮪ

Ул җил нәрсә өстенә килсә дә аны җимереп черегән сөяк кеби ясап үтәр.

ﮫﮬﮭﮮﮯﮰﮱﯓﯔ

Дәхи Сәмуд кавеменең һәлак булуында гыйбрәтләр бардыр, Аллаһуга дошманлык кылганнарыннан соң аларга дөньяда билгеле вакыткача файдаланыгыз диелде. Ягъни алар могъҗиза өчен бирелгән Салих пәйгамбәрнең дөясен үтерделәр, шуннан соң сезгә өч көннән ґәзаб килә диелде.

ﯕﯖﯗﯘﯙﯚﯛﯜﯝ

Алар Раббыларының әмереннән баш тарттылар ягъни аятькә вә пәйгамбәргә иман китермәделәр шуның өстенә дөяне дә үтерделәр. Алар ґәзабның килгәнен карап торган вакытларында, аларны бер тавыш тотты һәм һәлак итте.

ﯞﯟﯠﯡﯢﯣﯤﯥ

Урыннарыннан торырга көчләре җитмәде һәм бер-берсенә ярдәм дә итә алмадылар.

ﯦﯧﯨﯩﯪﯫﯬﯭﯮﯯ

Бу һәлак булган кавемнәрдән элек Нух пәйгамбәр кавеменең Туфан суы белән һәлак булуында да зур гыйбрәт бардыр, тәхкыйк алар азган фәсыйк кавем булдылар.

ﯰﯱﯲﯳﯴﯵ

Без күкне куәт вә кодрәт илә бина кылдык, тәхкыйк Без барча мәхлукның ризыкларын киң кылучыбыз.

ﯶﯷﯸﯹﯺ

Җирне яшәргә һәр мәхлукка яраклы итеп түшәдек, ни хуш түшәүчеләрдәнбез.

ﯻﯼﯽﯾﯿﰀﰁﰂ

Барча нәрсәне парлы ирле-хатынлы итеп яраттык, шаять вәгазьләнеп гакыл фикерләрегезне эшләтеп яратучы Аллаһ Үзе генә икәнлеген, вә һәр мәхлук Аллаһ тарафыннан яратылганлыгын белерсез.

ﰃﰄﰅﰆﰇﰈﰉﰊﰋﰌ

Дөньяның алдавыннан Аллаһ юлына, Аллаһуга гыйбадәткә качыгыз, дөреслектә мин Аллаһудан, ий кешеләр, сезнең өчен җибәрелгән ачык куркытучымын.

ﰍﰎﰏﰐﰑﰒﰓﰔﰕﰖﰗﰘﰙ

Хак булган Аллаһуга икенче Илаһәне шәрик тиңдәш итмәгез, әлбәттә, мин Аллаһудан сезнең өчен җибәрелгән ачык куркытучымын.

ﭑﭒﭓﭔﭕﭖﭗﭘﭙﭚﭛﭜﭝﭞ

Ий Мухәммәд г-м, сине сихерче, мәҗнун дигәннәре кеби, синең кавемеңнән әүвәлге кавемнәргә килмәде һичбер расүл мәгәр килде исә, ул расүлгә әйттеләр: "Бу кеше сихерчедер яки җенләнгәндер", – дип.

ﭟﭠﭡﭢﭣﭤﭥﭦ

Әйә алар бу яраксыз батыл сүзләре белән бер-берсенә васыять кылып иттифак кылалармы? Бәлки алар байлык белән чиктән чыгып азган кавемнәрдер.

ﭧﭨﭩﭪﭫﭬ

Син алардан кисел, аларның шул хәлдә булулары өчен сиңа һич шелтә юктыр.

ﭭﭮﭯﭰﭱﭲ

Кешеләрне вәгазьлә, Аллаһ хөкемнәрен ирештер вә Коръән белән гамәл кылырга чакыр тәхкыйк Коръән вәгазе ышанучыларга файда бирәдер.

ﭳﭴﭵﭶﭷﭸﭹ

Кеше илә җенне халык кылмадым, мәгәр Миңа гыйбадәт кылсыннар өчен генә халык кылдым.

ﭺﭻﭼﭽﭾﭿﮀﮁﮂﮃ

Мин кешеләрдән һич ризык теләмим, ягъни сорамыйм, дәхи Мине ризыкландыруларын да сорамыйм.

ﮄﮅﮆﮇﮈﮉﮊﮋ

Шиксез, Ул – Аллаһ барча мәхлукатны бик ризыкландыручы вә бик олугъ куәт ияседер.

ﮌﮍﮎﮏﮐﮑﮒﮓﮔﮕ

Тәхкыйк төрле залимнәр өчен үзләре кеби бер юлда булган залим юлдашларының ґәзабыннан өлеш бардыр, ягъни бер юлда булган залимнәрнең әүвәлгеләренә нинди ґәзаб булса, ахыргыларына да шундый ґәзаб булыр, алар ашыкмасыннар әле ґәзабны күтәрергә, өлгерерләр.

ﮖﮗﮘﮙﮚﮛﮜﮝ

Коръән белән гамәл кылып мөселман булудан баш тартып кәфер булган кешеләргә ни үкенеч, ни хурлык, һәлакәтлектер аларга вәгъдә ителмеш кыямәт көнендә, ягъни тиешле булган ґәзабларына кыямәт көнендә ирешерләр.

Изге Коръән

Tuesday, August 18, 2026

Don't forget us in your sincere prayers