Zariyat surəsi pdf — Yüklə (Azərbaycan)
Zariyat surəsi pdf Azərbaycan — Yüklə Zariyat surəsi Tərcümə. Zariyat surəsi (Məkkə) 60 Ayə.
Related
- Zariyat surəsi TərcüməAzərbaycan
- Zariyat surəsi mp3Dinlə
- Quran Index Azərbaycan114
More Surə PDF
Zariyat surəsi
ﯤﯥﯦ
51:1
And olsun toz-torpağı ətrafa səpələyənlərə!
ﯧﯨﯩ
51:2
And olsun yağmur yükü daşıyanlara!
ﯪﯫﯬ
51:3
And olsun asanlıqla üzüb gedənlərə!
ﯭﯮﯯ
51:4
And olsun işləri paylaşdıranlara!
ﯰﯱﯲﯳ
51:5
Sizə vəd olunanlar həqiqətdir.
ﯴﯵﯶﯷ
51:6
Haqq-hesab da mütləq çəkiləcəkdir.
ﭑﭒﭓﭔ
51:7
And olsun gözəl görünüşü olan səmaya!
ﭕﭖﭗﭘﭙ
51:8
Sizin sözləriniz ziddiyyətlidir.
ﭚﭛﭜﭝﭞ
51:9
Ondan (Qurandan və Peyğəmbərdən) dönən kimsə döndərilər.
ﭟﭠﭡ
51:10
Məhv olsun yalançılar!
ﭢﭣﭤﭥﭦﭧ
51:11
O kəslər ki, cəhalət içində olan qafillərdir.
ﭨﭩﭪﭫﭬ
51:12
Onlar Haqq-hesab gününün nə vaxt olacağını soruşurlar.
ﭭﭮﭯﭰﭱﭲ
51:13
O gün onlara odda əzab veriləcəkdir.
ﭳﭴﭵﭶﭷﭸﭹﭺ
51:14
Onlara deyiləcək: “Dadın əzabınızı! Sizin tez-tələsik gəlməsini istədiyiniz şey budur!”
ﭻﭼﭽﭾﭿﮀ
51:15
Şübhəsiz ki, müttəqilər Cənnət bağlarında və bulaqlar başında olacaqlar,
ﮁﮂﮃﮄﮅﮆﮇﮈﮉﮊﮋ
51:16
öz Rəbbinin onlara verdiyini alacaqlar. Həqiqətən, onlar bundan əvvəl yaxşı iş görən adamlar olmuşdular.
ﮌﮍﮎﮏﮐﮑﮒ
51:17
Onlar gecələr ibadət edib az yatırdılar.
ﮓﮔﮕﮖ
51:18
Sübh çağı isə bağışlanma diləyirdilər.
ﮗﮘﮙﮚﮛﮜ
51:19
Onların mal-dövlətində dilənçinin və yoxsulun payı vardır.
ﮝﮞﮟﮠﮡ
51:20
Qəti inananlar üçün yer üzündə dəlillər vardır.
ﮢﮣﮤﮥﮦﮧ
51:21
Sizin özünüzdə də dəlillər vardır. Məgər görmürsünüz?
ﮨﮩﮪﮫﮬﮭ
51:22
Sizin ruziniz və sizə vəd olunan şeylər göydədir.
ﮮﮯﮰﮱﯓﯔﯕﯖﯗﯘ
51:23
Göyün və yerin Rəbbinə and olsun ki, bu vəd sizin danışmağa qüdrətiniz olduğu kimi həqiqətdir.
ﯙﯚﯛﯜﯝﯞﯟ
51:24
İbrahimin möhtərəm qonaqlarının əhvalatı sənə gəlib çatdımı?
ﯠﯡﯢﯣﯤﯥﯦﯧﯨﯩﯪ
51:25
Onlar onun yanına daxil olub: “Sənə salam olsun!”– dedilər. İbrahim: “Sizə də salam olsun! Siz yad adamlara oxşayırsınız!”– dedi.
ﯫﯬﯭﯮﯯﯰﯱ
51:26
O, təşviş içində ailəsinin yanına getdi və kök bir buzov qızardıb gətirdi.
ﯲﯳﯴﯵﯶﯷ
51:27
Onu qabaqlarına qoyub: “Yemək yeməyəcəksinizmi?”– dedi.
ﯸﯹﯺﯻﯼﯽﯾﯿﰀﰁﰂﰃ
51:28
O, qonaqların yemədiklərini görüb onlardan qorxuya düşdü. Onlar: “Qorxma!”– dedilər və ona elmli bir oğlan uşağı ilə müjdə verdilər.
ﰄﰅﰆﰇﰈﰉﰊﰋﰌﰍ
51:29
Zövcəsi qışqırıb üz-gözünə vura-vura dedi: “Axı mən sonsuz qoca qarıyam!”
ﰎﰏﰐﰑﰒﰓﰔﰕﰖﰗ
51:30
Onlar dedilər: “Sənin Rəbbin belə demişdir. Həqiqətən, O, Müdrikdir, Biləndir!”
ﭑﭒﭓﭔﭕﭖﭗ
51:31
İbrahim dedi: “Sizin işiniz nədir, ey elçilər?”
ﭘﭙﭚﭛﭜﭝﭞ
51:32
Onlar dedilər: “Biz günahkar bir qövmə göndərilmişik ki,
ﭟﭠﭡﭢﭣﭤ
51:33
onların üstünə gildən daşlar yağdıraq –
ﭥﭦﭧﭨﭩ
51:34
həddi aşanlar üçün sənin Rəbbinin yanında nişan qoyulmuş daşlar!”
ﭪﭫﭬﭭﭮﭯﭰ
51:35
Biz orada olan möminləri o kənddən çıxartdıq.
ﭱﭲﭳﭴﭵﭶﭷﭸ
51:36
Amma orada bir evdən başqa müsəlman tapmadıq.
ﭹﭺﭻﭼﭽﭾﭿﮀ
51:37
Ağrılı-acılı əzabdan qorxanlar üçün orada bir əlamət qoyduq.
ﮁﮂﮃﮄﮅﮆﮇﮈﮉ
51:38
Musanın əhvalatında da ibrət vardır. O zaman Biz onu Fironun yanına aydın bir dəlillə göndərmişdik.
ﮊﮋﮌﮍﮎﮏﮐ
51:39
O, öz camaatı ilə birlikdə üz çevirib: “Bu sehrbazdır, ya da dəlidir!”– dedi.
ﮑﮒﮓﮔﮕﮖﮗﮘ
51:40
Biz Fironu və əsgərlərini yaxalayıb dənizə atdıq. O, qınanmağa layiq idi.
ﮙﮚﮛﮜﮝﮞﮟﮠ
51:41
Ad qövmünün hekayətində də ibrət vardır. O zaman Biz onların üstünə xeyir-bərəkətsiz bir külək göndərmişdik.
ﮡﮢﮣﮤﮥﮦﮧﮨﮩﮪ
51:42
O külək üstündən keçdiyi hər bir şeyi sovurub külə döndərirdi.
ﮫﮬﮭﮮﮯﮰﮱﯓﯔ
51:43
Səmud qövmünün hekayətində də ibrət vardır. O zaman onlara: “Müəyyən vaxtadək dolanıb-keçinin!”– deyilmişdi.
ﯕﯖﯗﯘﯙﯚﯛﯜﯝ
51:44
Onlar öz Rəbbinin əmrindən çıxdılar və onları gözləri baxa-baxa ildırım vurdu.
ﯞﯟﯠﯡﯢﯣﯤﯥ
51:45
Onlar ayağa qalxa bilmədilər və onlara kömək edən də olmadı.
ﯦﯧﯨﯩﯪﯫﯬﯭﯮﯯ
51:46
Daha əvvəl Nuh qövmünü məhv etdik. Çünki onlar fasiq adamlar idilər.
ﯰﯱﯲﯳﯴﯵ
51:47
Biz göyü qüdrətlə yaratdıq və Biz onu genişləndiririk.
ﯶﯷﯸﯹﯺ
51:48
Yeri də Biz döşədik. Nə gözəl döşəyənlərik Biz!
ﯻﯼﯽﯾﯿﰀﰁﰂ
51:49
Biz hər şeydən erkək və dişi olmaqla cütlər yaratdıq ki, bəlkə, düşünüb ibrət alasınız.
ﰃﰄﰅﰆﰇﰈﰉﰊﰋﰌ
51:50
De: “Allaha tərəf qaçın! Mən sizi Onunla açıq-aşkar qorxudub xəbərdar edənəm!
ﰍﰎﰏﰐﰑﰒﰓﰔﰕﰖﰗﰘﰙ
51:51
Allahla yanaşı başqa bir məbud qəbul etməyin. Mən sizi Onunla açıq-aşkar qorxudub xəbərdar edənəm!”
ﭑﭒﭓﭔﭕﭖﭗﭘﭙﭚﭛﭜﭝﭞ
51:52
Beləcə, onlardan əvvəlkilərə də elə bir elçi gəlmədi ki, onun barəsində: “Sehrbazdır, ya da dəlidir!”– deməsinlər.
ﭟﭠﭡﭢﭣﭤﭥﭦ
51:53
Onlar bunu bir-birinə vəsiyyətmi etmişlər? Xeyr, onlar həddi aşan adamlardır.
ﭧﭨﭩﭪﭫﭬ
51:54
Artıq onlardan üz döndər! Sən buna görə qınanmazsan.
ﭭﭮﭯﭰﭱﭲ
51:55
Sən xatırlat! Çünki xatırlatmaq möminlərə fayda verir.
ﭳﭴﭵﭶﭷﭸﭹ
51:56
Mən cinləri və insanları ancaq Mənə ibadət etmək üçün yaratdım.
ﭺﭻﭼﭽﭾﭿﮀﮁﮂﮃ
51:57
Mən onlardan ruzi istəmirəm. Mən onlardan Məni yedirtmələrini də istəmirəm.
ﮄﮅﮆﮇﮈﮉﮊﮋ
51:58
Həqiqətən, Allah ruzi verəndir, qüvvət sahibidir, Mətindir.
ﮌﮍﮎﮏﮐﮑﮒﮓﮔﮕ
51:59
Şübhəsiz ki, zülm edənləri həmtaylarının qisməti kimi bir qismət gözləyir. Qoy onlar Məni tələsdirməsinlər!
ﮖﮗﮘﮙﮚﮛﮜﮝ
51:60
Onlara vəd olunmuş Gündən ötrü vay kafirlərin halına!
Qurani-Kərim
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Qurani-Kərim mp3
Complete Recitation — حفص عن عاصم
Abdul Basit Qurani-Kərim mp3
Complete Recitation — حفص عن عاصم
Mishary Rashid Alafasy Qurani-Kərim mp3
Complete Recitation — حفص عن عاصم
Al-Hussary Mahmoud Khalil Qurani-Kərim mp3
Complete Recitation — حفص عن عاصم
Muhammad Siddiq Al-Minshawi Qurani-Kərim mp3
Complete Recitation — حفص عن عاصم
Abdul Rahman Al-Sudais Qurani-Kərim mp3
Complete Recitation — حفص عن عاصم
Saud Al-Shuraim Qurani-Kərim mp3
Complete Recitation — حفص عن عاصم
Maher Al-Muaiqly Qurani-Kərim mp3
Complete Recitation — حفص عن عاصم