Сүрәсе Аль-Хиджр pdf Татарча

Сүрәсе Аль-Хиджр

PDF —

99 Аять Meccan PDF

Built right in your browser — download starts automatically

Сүрәсе Аль-Хиджр pdf — Йөкләү (Татарча)

Сүрәсе Аль-Хиджр pdf Татарча — Йөкләү Сүрәсе Аль-Хиджр Тәрҗемә. Аль-Хиджр (Meccan) 99 Аять.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сүрәсе Аль-Хиджр

99 Аять · Meccan · Татарча

ﭑﭒﭓﭔﭕﭖﭗﭘ

Әлиф ләм ра. Ошбу аятьләр Аллаһудан иңгән китап аятьләредер вә ачык мәгънәле Коръән аятьләредер.

ﭙﭚﭛﭜﭝﭞﭟﭠ

Ахирәттә кяферләр күп вакыт мөселман булуны теләрләр, ягъни мөселманнарның җәннәткә кергәннәрен күргәч, кяферләр: "Кәшки без дә мөселман булган булсакчы", – диярләр.

ﭡﭢﭣﭤﭥﭦﭧﭨﭩ

Аларны ихтыярларына куй, ашасыннар, файдалансыннар вә күп яшәү өметенә алдалансыннар! Дөньяга алданганлыкларын тиздән белерләр.

ﭪﭫﭬﭭﭮﭯﭰﭱﭲ

Шәһәр кешеләрен һәлак итмәдек, мәгәр вакыты билгеләнеп язылганнан соң гына һәлак иттек, ягъни Аллаһ тарафыннан билгеләнгән гомерләре беткән булыр.

ﭳﭴﭵﭶﭷﭸﭹﭺ

Бернинди җәмәгать кешеләре билгеләнгән әҗәлләреннән алда да вә соңга калып та үлмәсләр, вакытында үләрләр.

ﭻﭼﭽﭾﭿﮀﮁﮂﮃ

Мәсхәрә кылып әйттеләр: "Ий сиңа Коръән иңдерелгән, Мухәммәд, син, әлбәттә, мәҗнүнсең.

ﮄﮅﮆﮇﮈﮉﮊﮋﮌ

Әгәр хак пәйгамбәр булсаң, сүзеңне дөресләр өчен безгә фәрештә китерсәң иде".

ﮍﮎﮏﮐﮑﮒﮓﮔﮕﮖ

Фәрештәне иңдерсәк, фәкать хаклык белән иңдерәбез, ул вакытта аларга тәүбә итәргә вакыт бирелмәс, фәрештә килү белән аларны һәлак итәр.

ﮗﮘﮙﮚﮛﮜﮝﮞ

Дөреслектә Без Коръәнне үзебез иңдердек һәм үзгәрүдән аны үзебез сакларбыз.

ﮟﮠﮡﮢﮣﮤﮥﮦ

Дөреслектә Без синнән әүвәлге өммәтләргә дә хак дин белән пәйгамбәрләр җибәрдек.

ﮧﮨﮩﮪﮫﮬﮭﮮﮯ

Мәгәр аларга пәйгамбәр килде исә, алар аны мәсхәрә кылыр булдылар.

ﮰﮱﯓﯔﯕﯖ

Залимнәр күңеленә шулай салырбыз ул мәсхәрәне, ягъни мәсхәрә итүне бик яратырлар.

ﯗﯘﯙﯚﯛﯜﯝﯞ

Ул залимнәр Коръәнгә иман китермәсләр, әүвәлге залимнәргә ґәзаб бирү гадәтебез үтте, боларга да шул ґәзаб булыр.

ﯟﯠﯡﯢﯣﯤﯥﯦﯧﯨ

Ул кяферларга күктән ишек ачсак, вә ул ишектән фәрештәләр югары менсәләр, кәферләр шуны күреп торсалар,

ﯩﯪﯫﯬﯭﯮﯯﯰﯱ

әлбәттә, әйтерләр иде: "Күзебез пәрдәләнде, бәлки без сихерләнгәнбез, Мухәммәд безне сихерләгән".

ﭑﭒﭓﭔﭕﭖﭗﭘ

Тәхкыйк күктә йолдызлар халык кылдык вә караучылар өчен күкне шул йолдызлар белән зиннәтле иттек.

ﭙﭚﭛﭜﭝﭞ

Вә ул күкне ләгънәт кылынган шайтаннан сакладык, ягъни аны күккә мендермәдек.

ﭟﭠﭡﭢﭣﭤﭥﭦ

Мәгәр бер шайтан фәрештәләрнең сүзен урларга күккә менсә, ул шайтанга ялтыравыклы ут атылыр.

ﭧﭨﭩﭪﭫﭬﭭﭮﭯﭰﭱﭲ

Без җирне түшәдек вә ул җир өстенә зур-зур таулар салдык вә, ул җирдә һәрберсе үзенә тиешле үлчәү белән үлчәнгән күп төрле үсемлекләр үстердек.

ﭳﭴﭵﭶﭷﭸﭹﭺﭻ

Вә ул җирдә сезгә яшәү өчен кирәк нәрсәләрне һәммәсен бар кылдык, дәхи сез аларны ашатмый тәрбияләми торган кыр хайваннарын сезнең файдага бар кылдык.

ﭼﭽﭾﭿﮀﮁﮂﮃﮄﮅﮆﮇ

Вә һәрнәрсәнең хәзинәсе Безнең кулыбызда, вә аны иңдергәндә мәгълүм үлчәү белән генә иңдерәбез.

ﮈﮉﮊﮋﮌﮍﮎﮏﮐﮑﮒﮓﮔ

Дәхи болытны китерүче җилне җибәрдек вә күктән яңгыр иңдереп, сезне суга тук иттек, боларны сез булдыручы вә саклаучы да түгелсез, фәкать Безнең рәхмәтебездәндер.

ﮕﮖﮗﮘﮙﮚﮛ

Вә тәхкыйк Без тергезәбез вә үтерәбез, вә Без һәр нәрсәгә варис-хуҗабыз.

ﮜﮝﮞﮟﮠﮡﮢﮣ

Сезнең элек яшәп киткәннәрегезне дә, вә сездән соң яшәргә киләчәк кешеләрегезне дә Без бик яхшы беләбез.

ﮤﮥﮦﮧﮨﮩﮪﮫﮬ

Дәхи сезнең Раббыгыз кыямәт көнне кешеләрне каберләреннән кубарыр, Ул хөкем итүче, белүче.

ﮭﮮﮯﮰﮱﯓﯔﯕﯖ

Тәхкыйк Без Адәм ґәләйһис-сәләмне кибеп беткән шыгырдап торган балчыктан халык кылдык, ул балчык күп еллар ятып, сасыган иде.

ﯗﯘﯙﯚﯛﯜﯝﯞ

Вә Адәмнән элек җенне ялкынлы уттан халык кылдык.

ﯟﯠﯡﯢﯣﯤﯥﯦﯧﯨﯩﯪﯫ

Аллаһу тәгалә фәрештәләргә әйтте: "Әлбәттә, Мин күп еллар ятып үзгәргән коры балчыктан Адәм ґәләйһис-сәләмне халык кылачакмын.

ﯬﯭﯮﯯﯰﯱﯲﯳﯴﯵ

Мин аны төзеп тәмам итсәм вә үз тарафымнан рух кертеп җанлы итсәм, аңа сәҗдә кылыгыз!

ﯶﯷﯸﯹﯺ

Фәрештәләр барчасы җыелып сәҗдә кылдылар.

ﯻﯼﯽﯾﯿﰀﰁﰂ

Мәгәр Иблис сәҗдә кылмады, сәҗдә кылучылардан булудан баш тартты.

ﭑﭒﭓﭔﭕﭖﭗﭘﭙ

Аллаһу тәгалә әйтте: "Ий Иблис, сиңа ни булды сәҗдә кылучылардан булмаска?"

ﭚﭛﭜﭝﭞﭟﭠﭡﭢﭣﭤﭥ

Иблис әйтте: "Иске, кибеп үзгәреп беткән балчыктан яратылган Адәмгә сәҗдә кылачагым юк, мин олугъмын.

ﭦﭧﭨﭩﭪﭫ

Аллаһ әйтте: "Алай булса, син җәннәттән чык! Фәрештәләрдән булма, чөнки син ләгънәт кылынган вә рәхмәтемнән сөрелгәнсең!

ﭬﭭﭮﭯﭰﭱﭲ

Тәхкыйк сиңа кыямәт көненә чаклы ләгънәт булачак.

ﭳﭴﭵﭶﭷﭸﭹ

Иблис әйтте: "Йә Рабби, миңа мәхшәр көненә чаклы дөньяда яшәргә рөхсәт бир".

ﭺﭻﭼﭽﭾ

Аллаһу тәгалә әйтте: "Ий Иблис, сиңа мәхшәр көненә чаклы яшәргә рөхсәт бирелде.

ﭿﮀﮁﮂﮃ

Бер билгеле мәгълүм көнгә кадәр яшәрсең!"

ﮄﮅﮆﮇﮈﮉﮊﮋﮌﮍﮎ

Иблис әйтте: "Йә Рабби, Адәм сәбәпле мине аздырганың өчен кешеләргә җир йөзендәге хәрам нәрсәләрне зиннәтле вә яхшы итеп күрсәтәчәкмен һәм барчаларын аздырырмын.

ﮏﮐﮑﮒﮓ

Мәгәр ихлас, сиңа гыйбадәт кылучы колларыңа көчем җитмәс, аларны аздыра алмам".

ﮔﮕﮖﮗﮘﮙ

Аллаһу тәгалә әйтте: "Бәндәләремнең миңа буйсынып, миңа гына гыйбадәт кылулары Минем туры юлымдыр.

ﮚﮛﮜﮝﮞﮟﮠﮡﮢﮣﮤﮥ

Әлбәттә, итагать итүче ихлас колларым, алар зарарына йөрергә сиңа ирек юк, мәгәр берәү азып, сиңа иярсә, ул азган кешене үзеңә ияртә алырсың.

ﮦﮧﮨﮩﮪ

Ий Иблис, сиңа ияргәннәрнең (зарчасының вәгъдә ителгән урыннары җәһәннәмдер.

ﮫﮬﮭﮮﮯﮰﮱﯓﯔ

Ул җәһәннәмнең җиде ишеге бар, һәрбер ишегеннән кертү өчен бүленгән кешеләр булыр.

ﯕﯖﯗﯘﯙﯚ

Тәхкыйк Аллаһ хөкемнәренә хыйлафлык кылудан һәм гөнаһлардан сакланучы тәкъва мөселманнар җәннәтләрдә тәмле елгалар буенда рәхәттә булырлар.

ﯛﯜﯝﯞ

Фәрештәләр әйттеләр: "Һәр тарафтан имин, тыныч вә сәламәт булып ошбу җәннәтләргә керегез".

ﯟﯠﯡﯢﯣﯤﯥﯦﯧﯨﯩ

Аларның күңелләреннән көнчелек кенә, ачу вә кайгы кеби начар нәрсәләрне чыгарырбыз да бер-берсенә чын кардәш булып, хыялларга да килмәгән хуш диваннарга кара-каршы утырып, рәхәтләнеп сөйләшерләр.

ﯪﯫﯬﯭﯮﯯﯰﯱﯲ

Аларга җәннәттә бернинди мәшәкать булмас һәм алар җәннәттән мәңге чыгарылмаслар.

ﯳﯴﯵﯶﯷﯸﯹﯺ

Минем хак мөэмин бәндәләремә хәбәр бир, тәхкыйк Мин үземә итагать итүче бәндәләремне ярлыкаучы вә аларга рәхмәт итүчемен.

ﯻﯼﯽﯾﯿﰀ

Дәхи Минем ґәзабым Миңа итагать итмәгәннәргә бик каты ґәзабтыр.

ﰁﰂﰃﰄﰅ

Дәхи бәндәләремә Ибраһимнең кунакларыннан хәбәр бир!"

ﭑﭒﭓﭔﭕﭖﭗﭘﭙﭚ

Кунаклар Ибраһим янына кергәч, сәлам бирделәр, алар фәрештәләр иде, Ибраһим: "Мин сездән куркамын", – диде.

ﭛﭜﭝﭞﭟﭠﭡﭢ

Фәрештәләр әйттеләр: "Син бездән курыкма, без сиңа шатлыклы хәбәр китердек, сездән бер галим бала туачак".

ﭣﭤﭥﭦﭧﭨﭩﭪﭫ

Ибраһим ґәләйһис-сәләм әйтте: "Ґәҗәб, сез миңа карт көнемдә бала белән сөенеч бирәсезме? Нинди ґәҗәб нәрсә белән хәбәр бирәсез!"

ﭬﭭﭮﭯﭰﭱﭲﭳ

Фәрештәләр әйттеләр: "Без сиңа булачак хак хәбәр белән сөенеч бирәбез, син өмет өзүчеләрдән булма!"

ﭴﭵﭶﭷﭸﭹﭺﭻﭼ

Ибраһим әйтте: "Әлбәттә, мөэмин бәндә Раббысының рәхмәтеннән өмет өзмәс, мәгәр адашкан кешеләр генә өмет өзәрләр".

ﭽﭾﭿﮀﮁﮂ

Ибраһим фәрештәләрдән сорады: "Миңа сөенеч бирүдән башка тагын нинди эшегез бар, ий илчеләр!?"

ﮃﮄﮅﮆﮇﮈﮉ

Фәрештәләр әйттеләр: "Без азган, чиктән чыккан кәфер халыкны һәлак итәр өчен җибәрелдек.

ﮊﮋﮌﮍﮎﮏﮐ

Мәгәр Лутны өй җәмәгате белән һәлак итмәбез, барчасын коткарырбыз.

ﮑﮒﮓﮔﮕﮖﮗ

Мәгәр Лутның хатыны азгыннардан, шуның өчен кәферләр белән бергә һәлак булачак".

ﮘﮙﮚﮛﮜﮝ

Бу фәрештәләр Лут ґәләйһис-сәлам янына баргач,

ﮞﮟﮠﮡﮢ

Лут әйтте: "Сез ят кунакларсыз, без сезне танымыйбыз".

ﮣﮤﮥﮦﮧﮨﮩﮪ

Фәрештәләр әйттеләр: "Кәферләр шик тоткан ґәзаб белән килдек, ягъни Лут үзенең кауменә: әгәр фәхеш эшләрегездән тәүбә итмәсәгез һәм исламны кабул итмәсәгез, сезгә тиздән каты ґәзаб киләчәк дигән сүзенә ышанмадылар.

ﮫﮬﮭﮮﮯ

Без сиңа хак хәбәрне китердек, сүзебез хак, без әйткәнчә булыр.

ﮰﮱﯓﯔﯕﯖﯗﯘﯙﯚﯛﯜﯝﯞﯟ

Син җәмәгатеңне алып, төннең бер вакытында шәһәрдән чыгып кит, вә үзең артларыннан бар, сездән һичберегез артына борылып карамасын, яки аерылып калмасын һәм әмер ителгән урыныгызга барыгыз!

ﯠﯡﯢﯣﯤﯥﯦﯧﯨﯩ

Шәһәрдән чыгып китәргә Лутка әмер бирдек, чөнки таң вакытында кауменең арты киселәсе, ягъни һичберсе калмыйча һәлак булачаклар".

ﯪﯫﯬﯭﯮ

Кеше кыяфәтендә килгән фәрештәләрне шәһәр халкы күргәч, лавата кылабыз, дип, йөгерешеп килделәр, шатланып.

ﯯﯰﯱﯲﯳﯴﯵ

Лут кауменә әйтте: "Болар минем кунакларым, алар хакында мине рисвай кылмагыз!

ﯶﯷﯸﯹﯺ

Аллаһудан куркыгыз, мине оятлы итмәгез!"

ﯻﯼﯽﯾﯿﰀ

Кәферләр әйттеләр: "Без сине егетләрне кунак итүдән тыймадыкмы? Рисвай булырга теләмәсәң, егетләрне кунак итмә."

ﭑﭒﭓﭔﭕﭖﭗ

Лут әйтте: "Сез әгәр шәһвәтегез кушканча йөрсәгез, менә бу минем кызларым никах кылып алыгыз!"

ﭘﭙﭚﭛﭜﭝ

Фәрештәләр әйттеләр: "Ий Лут, синең гомер белән ант итеп әйтәбез, алар шәһвәт исереклеге белән хәйран калып йөриләр, синең нәсыйхәтеңне ишетмәсләр".

ﭞﭟﭠﭡ

Кояш чыгып торганда, аларга бер ямьсез каты тавыш иреште.

ﭢﭣﭤﭥﭦﭧﭨﭩﭪ

Шул вакыт шәһәрнең өстен аска әйләндереп һәлак иттек һәм җәһәннәмдә кыздырылган ташларны өсләренә яудырдык.

ﭫﭬﭭﭮﭯﭰ

Тәхкыйк фикерләп караучылар өчен аларның һәлак булуында, әлбәттә, гыйбрәтләр бар.

ﭱﭲﭳﭴ

Вә ул һәлак булган шәһәр юл өстендәдер, үткән кешеләр күреп үтәләр.

ﭵﭶﭷﭸﭹﭺ

Бу каумнең һәлак булуында мөэминнәр өчен могҗизалар бар.

ﭻﭼﭽﭾﭿﮀ

Дәхи Шоґәеб г-м җибәрелгән Әйкә шәһәре халкы да залим булдылар.

ﮁﮂﮃﮄﮅﮆ

Вә аларга да ґәзаб иңдереп, үчебезне алдык, боларның да һәлак булган шәһәре юл өстендә күренеп тора.

ﮇﮈﮉﮊﮋﮌ

Дәхи Хиҗер дигән җирнең Сәмуд исемле халкы пәйгамбәрләре Салих г-мне ялганчы диделәр.

ﮍﮎﮏﮐﮑﮒ

Без ул Сәмуд кауменә дәлилләр вә могҗизалар бирдек, ләкин алар һәммәсеннән баш тарттылар.

ﮓﮔﮕﮖﮗﮘﮙ

Ґәзабтан котылыр өчен таш тавын тишеп өйләр ясадылар.

ﮚﮛﮜﮝ

Аларга да таң вакытыңда каты тавыш иреште вә һәлак булдылар.

ﮞﮟﮠﮡﮢﮣﮤ

Тырышып ясаган таш өйләре аларга һич тә файда бирмәде.

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖ

Җирне вә күкләрне һәм араларында булган нәрсәләрне мәхкәм итеп, халык белән төзедек, сукыр булмаган кешеләргә дәрес алырга була. Әлбәттә, кыямәт көне киләчәк, син кәферләрдән дөньяда уч алырга тырышма, аларга яхшылык күрсәт!

ﯗﯘﯙﯚﯛﯜ

Дөреслектә синең Раббың – Улдыр, һәрнәрсәне халык кылучы вә һәр нәрсәне белүче.

ﯝﯞﯟﯠﯡﯢﯣﯤ

Дөреслектә Без сиңа һәр намазда укыла торган җиде аятьле Фатихә сүрәсен вә ґәзәмәтле Коръән Кәримне бирдек.

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴ

Кәферләрдән бер таифәгә Без биргән дөнья малына кызыгып карамагыл һәм аларның иман китермәгәннәре өчен кайгырмагыл вә мөэминнәргә канатыңны җәйгән кеби шәфкать кыл!

ﯵﯶﯷﯸﯹﯺ

Кешеләргә әйт: "Мин Аллаһуга итагать итмәгән вә Аңа гыйбадәт кылмаган кешеләрне җәһәннәм ґәзабы белән ачык куркытучымын."

ﯻﯼﯽﯾﯿ

Хаҗга баручыларны диннән дүндерү өчен бүленеп, алар юлына чыккан кәферләргә ґәзаб иңдергәнебез кеби башкаларга да иңдерербез.

ﭑﭒﭓﭔﭕ

Ул ґәзабка тиешле кешеләр Коръәннең бәгъзе аятьләренә ышаналар вә бәгъзе аятьләргә ышанмыйлар яки Коръән аятьләрен сайлап, нәфескә туры килгәне белән генә гамәл кылалар.

ﭖﭗﭘﭙ

Раббың исеме илә ант итеп әйтәмен ки кыямәт көнне, әлбәттә, бик каты сорарбыз барчаларыннан да.

ﭚﭛﭜﭝ

Ул кешеләрнең кылган эшләреннән кем Коръәнгә ышанган, кем ышанмаган, кем гамәл кылган, кем кылмаган, кем мәетләргә укып тамак туйдырган һәм акча алган – бу хакта хөкем каты булыр.

ﭞﭟﭠﭡﭢﭣﭤ

Инде ислам динен изһар кыл! Кешеләрне иманга вә Коръән белән гамәл кылырга ачыктан-ачык өндә! Һичкемнән курыкма! Вә мөшрикләрдән кисел, алар белән булышып вакытыңны өрәм итмә!

ﭥﭦﭧﭨ

Сине мәсхәрә итә торган кешеләрне һәлак итәргә вә сине сакларга Без җитәбез!

ﭩﭪﭫﭬﭭﭮﭯﭰﭱﭲ

Ул саташкан бидеґәтчеләр Аллаһудан башка тагын берәр кемне яки берәр нәрсәне Аллаһ урынына тоталар, алар тиздән белерләр бу эшләренең һәлакәтлек икәнлеген.

ﭳﭴﭵﭶﭷﭸﭹﭺ

Әлбәттә, беләбез кәферләрнең вә бидеґәтчеләрнең хакка каршы ялган сүзләренә күңелең тарыгып хәтерең каладыр.

ﭻﭼﭽﭾﭿﮀﮁ

Раббыңны мактап тәсбихләр әйт вә сәҗдә кылучылардан бул!

ﮂﮃﮄﮅﮆﮇ

Вә Раббыңа гыйбадәт кылгыл, хәтта мәгълүм булган көн килгәнче, ягъни үлем килгәнче!

Изге Коръән

Tuesday, August 18, 2026

Don't forget us in your sincere prayers