Surah Adh-Dhariyat
PDF —
60 Aya Meccan PDF
Built right in your browser — download starts automatically

Surah Adh-Dhariyat pdf — Sauke (Hausa)

Surah Adh-Dhariyat pdf Hausa — Sauke Surah Adh-Dhariyat Fassara. Surah Adh-Dhariyat (Meccan) 60 Aya.

← QafSurah Adh-Dhariyat At-Tur →

Related

More Surah PDF

Al-Baqarah Aal-Imran An-Nisa Al-Maidah Yusuf Ibrahim Al-Hijr Al-Kahf Maryam Al-Hajj Al-Qasas Al-'Ankabut As-Sajdah Yasin Ad-Dukhan Al-Fath Al-Hujurat Qaf An-Najm Ar-Rahman Al-Waqi'ah Al-Hashr Al-Mulk Al-Haqqah Al-Inshiqaq Al-A'la Al-Ghashiyah

📚 Karatu 🎧 Saurara mp3 📜 Alqur'ani Mai Tsarki

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली
60 Aya · Meccan · Hausa
bismillah
ﯤﯥﯦ
51:1 Inã rantsuwa da iskõki mãsu shẽkar abũbuwa, shẽƙẽwa.
ﯧﯨﯩ
51:2 Sa'an nan da girãgizai mãsu ɗaukar nauyi (na ruwa).
ﯪﯫﯬ
51:3 Sa'an nan da jirãge mãsu gudãna (a kan ruwa) da sauƙi.
ﯭﯮﯯ
51:4 Sa'an nan da Malã'iku mãsu rabon al'amari (bisa umurnin Allah).
ﯰﯱﯲﯳ
51:5 Lalle abin da ake yi muku alkawari (da zuwansa), haƙĩƙa gaskiya ne.
ﯴﯵﯶﯷ
51:6 Kuma lalle sakamako (ga ayyukanku), haƙĩƙa, mai aukuwa ne
ﭑﭒﭓﭔ
51:7 Inã rantsuwa da samã ma'abũciyar hanyõyi (na tafiyar taurãri da sautin rediyo).
ﭕﭖﭗﭘﭙ
51:8 Lalle kũ, haƙĩƙa, kunã cikin magana mai sãɓa wa juna (game da Alƙur'ani).
ﭚﭛﭜﭝﭞ
51:9 Anã karkatar da wanda aka jũyar (daga gaskiya).
ﭟﭠﭡ
51:10 An la'ani mãsu ƙiri-faɗi.
ﭢﭣﭤﭥﭦﭧ
51:11 Waɗanda suke shagala a cikin zurfin jãhilci.
ﭨﭩﭪﭫﭬ
51:12 Sunã tambaya: "Yaushe ne rãnar sakamako zã ta auku?"
ﭭﭮﭯﭰﭱﭲ
51:13 Ranar da suke a kan wuta anã fitinar su.
ﭳﭴﭵﭶﭷﭸﭹﭺ
51:14 (A ce musu): "Ku ɗanɗani fitinarku, wannan shĩ ne abin da kuka kasance kunã nẽman zuwansa da gaggãwa."
ﭻﭼﭽﭾﭿﮀ
51:15 Lalle mãsu taƙawa, sunã a cikin lambunan itãce da marẽmari.
ﮁﮂﮃﮄﮅﮆﮇﮈﮉﮊﮋ
51:16 Sunã mãsu dĩbar abin da Ubangijinsu Ya bã su. Lalle sũ, sun kasance mãsu kyautatãwa a gabãnin haka (a dũniya).
ﮌﮍﮎﮏﮐﮑﮒ
51:17 Sun kasance a lõkaci kaɗan na dare suke yin barci.
ﮓﮔﮕﮖ
51:18 Kuma a lõkutan asuba sunã ta yin istigfãri.
ﮗﮘﮙﮚﮛﮜ
51:19 Kuma a cikin dũkiyarsu akwai hakki ga (matalauci) mai rõƙo da wanda aka hana wa rõƙo.
ﮝﮞﮟﮠﮡ
51:20 Kuma a cikin ƙasã akwai ãyõyi ga mãsu yaƙĩni.
ﮢﮣﮤﮥﮦﮧ
51:21 Kuma a cikin rãyukanku (akwai ãyõyi). To, bã zã ku dũbã ba?
ﮨﮩﮪﮫﮬﮭ
51:22 Kuma a cikin sama arzikinku (yake fitõwa) da abin da ake yi muku alkawari.
ﮮﮯﮰﮱﯓﯔﯕﯖﯗﯘ
51:23 To, kuma Ina rantsuwa da Ubangijin sama da ƙasã, lalle shĩ (abin da ake yi muku alkawari), haƙĩƙa gaskiya ne, kamar abin da kuka zamo kunã karantãwa na magana,
ﯙﯚﯛﯜﯝﯞﯟ
51:24 Shin, lãbãrin Bãƙin Ibrãhĩm, waɗanda aka girmama, ya zo maka?
ﯠﯡﯢﯣﯤﯥﯦﯧﯨﯩﯪ
51:25 A lõkacin da suka shiga gare shi, sai suka yi sallama; ya ce "Aminci ya tabbata a gare ku, mutãne bãƙi!"
ﯫﯬﯭﯮﯯﯰﯱ
51:26 Sai ya jũya zuwa ga iyãlinsa, sa'an nan ya zo da maraƙi tutturna,
ﯲﯳﯴﯵﯶﯷ
51:27 Sai ya kusantar da shi zuwa gare su, ya ce: "Bã zã ku ci ba?"
ﯸﯹﯺﯻﯼﯽﯾﯿﰀﰁﰂﰃ
51:28 Sai ya ji tsõro daga gare su. Suka ce: "Kada kaji tsõro." Kuma suka yi masa bushãra da (haihuwar) wani yaro mai ilmi.
ﰄﰅﰆﰇﰈﰉﰊﰋﰌﰍ
51:29 Sai matarsa ta fuskanta cikin ƙyallõwa, har ta mari fuskarta kuma ta ce: "Tsõhuwa bakarãriya (zã ta haihu)!"
ﰎﰏﰐﰑﰒﰓﰔﰕﰖﰗ
51:30 Suka ce: "Kamar haka Ubangijinki Ya faɗa. Lalle Shĩ, Shĩ ne Mai hikima, Mai ilmi."
ﭑﭒﭓﭔﭕﭖﭗ
51:31 (Ibrãĩm) ya ce: "To mẽne ne babban al'almarinku, yã kũ Manzanni!"
ﭘﭙﭚﭛﭜﭝﭞ
51:32 Suka ce: "Lalle mũ, an aike mu zuwa ga waɗansu mutãne, mãsu laifi.
ﭟﭠﭡﭢﭣﭤ
51:33 "Dõmin mu saka musu waɗansu duwãtsu na wani yumɓu (bom).
ﭥﭦﭧﭨﭩ
51:34 "Waɗanda aka yi wa alãma daga wajen Ubangijinka, dõmin mãsu ɓarna."
ﭪﭫﭬﭭﭮﭯﭰ
51:35 Sa'an, nan Muka fitar da wanda ya kasance a cikinta daga mũminai.
ﭱﭲﭳﭴﭵﭶﭷﭸ
51:36 Sai dai ba mu sãmu ba, a cikinta, fãce gida guda na Musulmi.
ﭹﭺﭻﭼﭽﭾﭿﮀ
51:37 Kuma Muka bar wata ãyã, a cikinta, ga waɗanda ke jin tsõron azãba, mai raɗaɗi.
ﮁﮂﮃﮄﮅﮆﮇﮈﮉ
51:38 Kuma ga Mũsã, a lõkacin da Muka aiko shi zuwa ga Fir'auna da wani dalĩli bayyananne.
ﮊﮋﮌﮍﮎﮏﮐ
51:39 Sai ya jũya bãya tãre da ƙarfinsa, kuma ya ce: "Mai sihiri ne kõ kuwa mahaukaci!"
ﮑﮒﮓﮔﮕﮖﮗﮘ
51:40 Sabõda haka, Muka kama shi tãre da rundunarsa, sa'an nan Muka jẽfa su a cikin tẽku, alhãli kuwa yanã wanda ake zargi.
ﮙﮚﮛﮜﮝﮞﮟﮠ
51:41 Kuma ga Ãdãwa, a lõkacin da Muka aika iska ƙẽƙasasshiya a kansu.
ﮡﮢﮣﮤﮥﮦﮧﮨﮩﮪ
51:42 Bã ta barin kõme da ta jẽ a kansa, fãce ta mayar da shi kamar rududdugaggun ƙasũsuwa.
ﮫﮬﮭﮮﮯﮰﮱﯓﯔ
51:43 Kuma ga Samũdãwa, a lõkacin da aka ce musu: "Ku ji ɗan dãɗi har wani ɗan lõkaci,"
ﯕﯖﯗﯘﯙﯚﯛﯜﯝ
51:44 Sai suka yi girman kai ga umurnin Ubangijinsu, sabõda haka tsãwa ta kãma su, alhãli kuwa sunã kallo.
ﯞﯟﯠﯡﯢﯣﯤﯥ
51:45 Ba su kõ sãmu dãmar tsayãwa ba, kuma ba su kasance mãsu nẽman ãgaji ba.
ﯦﯧﯨﯩﯪﯫﯬﯭﯮﯯ
51:46 Da mutãnen Nũhu a gabãnin haka, lalle sun kasance waɗansu irin mutãne ne fãsiƙai.
ﯰﯱﯲﯳﯴﯵ
51:47 Kuma sama, mun gina ta da wani irin ƙarfi, alhãli kuwa lalle Mũ ne Mãsu yalwatãwa.
ﯶﯷﯸﯹﯺ
51:48 Kuma ƙasã Mun shimfiɗa ta, To, madalla da mãsu shimfiɗãwa, Mũ,
ﯻﯼﯽﯾﯿﰀﰁﰂ
51:49 Kuma daga kõme Mun halitta nau'i biyu, watakila zã ku yi tunãni.
ﰃﰄﰅﰆﰇﰈﰉﰊﰋﰌ
51:50 Sabõda haka ku gudu zuwa ga Allah, lalle nĩ mai gargaɗi kawai ne a gare ku, mai bayyanannen gargaɗi.
ﰍﰎﰏﰐﰑﰒﰓﰔﰕﰖﰗﰘﰙ
51:51 Kuma kada ku sanya, tãre da Allah wani abin bautãwa na dabam, lalle nĩ, mai gargaɗi kawai ne a gare ku, mai bayyanannen gargaɗi.
ﭑﭒﭓﭔﭕﭖﭗﭘﭙﭚﭛﭜﭝﭞ
51:52 Kamar haka dai wani Manzo bai jẽ wa waɗanda ke gabãninsu ba fãce sun ce: "Mai sihiri ne kõ mahaukaci."
ﭟﭠﭡﭢﭣﭤﭥﭦ
51:53 shin, sunã yi wa jũna wasiyya da shi ne? Ã'a, sũ dai mutãne ne mãsu girman kai.
ﭧﭨﭩﭪﭫﭬ
51:54 Sai ka jũya daga barinsu, kuma kai ba abin zargi ba ne.
ﭭﭮﭯﭰﭱﭲ
51:55 Kuma ka tunãtar, dõmin tunãtarwa tanã amfãnin mũminai.
ﭳﭴﭵﭶﭷﭸﭹ
51:56 Kuma Ban halitta aljannu da mutãne ba sai dõmin su bauta Mini.
ﭺﭻﭼﭽﭾﭿﮀﮁﮂﮃ
51:57 Bã Ni nufln (sãmun) wani arziki daga gare su, Bã Ni nufin su (yi Mini hidimar) ciyar da Ni.
ﮄﮅﮆﮇﮈﮉﮊﮋ
51:58 Lalle Allah, Shĩ ne Mai azurtãwa, Mai ĩkon yi, Mai cikakken ƙarfi.
ﮌﮍﮎﮏﮐﮑﮒﮓﮔﮕ
51:59 To, lalle waɗanda suka yi zãlunci sunã da masaki (na ɗĩban zunubi) kamar masakin abõkansu, sabõda haka kada su yi Mini gaggãwa.
ﮖﮗﮘﮙﮚﮛﮜﮝ
51:60 Sabõda haka, bone ya tabbata ga waɗanda suka kãfirta, daga rãnar su wadda aka yi musu alkawari.
القرآن الكريم ☾ Alqur'ani

Al-Kur'ani
Wednesday, September 9, 2026

Don't forget us in your sincere prayers