Аз-Зарият сүрөсү pdf Кыргызча

PDF —

60 Аят Meccan PDF

Built right in your browser — download starts automatically

Аз-Зарият сүрөсү pdf — Жүктөө (Кыргызча)

Аз-Зарият сүрөсү pdf Кыргызча — Жүктөө Аз-Зарият сүрөсү Котормо. Аз-Зарият сүрөсү (Meccan) 60 Аят.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Аз-Зарият сүрөсү

60 Аят · Meccan · Кыргызча

ﯤﯥﯦ

51:1 (Топуракты) тозгута желген шамалдарга ант

ﯧﯨﯩ

51:2 Көп сууга (жамгырга) кош бойлуу болгон булуттарга ант

ﯪﯫﯬ

51:3 Жеңил сызып жүрүүчүлөргө (кемелерге) ант

ﯭﯮﯯ

51:4 (Аллаһтын тапшырмасы менен ааламдык) иштерди бөлүштүрүүчү периштелерге ант

ﯰﯱﯲﯳ

51:5 (О, пенделер!) Силерге убада кылынган нерсе? — бул чындык

ﯴﯵﯶﯷ

51:6 Жана Кыямат сөзсүз болуучу

ﭑﭒﭓﭔ

51:7 Кооз-көркөм асманга ант

ﭕﭖﭗﭘﭙ

51:8 (Эй, мушриктер) силердин айткан-дегениңер аныгында туруксуз (сөздөр)

ﭚﭛﭜﭝﭞ

51:9 Андан (Кураандан) бурулган адам(ды чындыктан) буруп коюлат

ﭟﭠﭡ

51:10 Жалганчыларга өлүм

ﭢﭣﭤﭥﭦﭧ

51:11 Алар наадандык толкундарында адашкандар

ﭨﭩﭪﭫﭬ

51:12 (Сени сынап, жалганчыга чыгаруу үчүн): «Кыямат Күн качан?»-деп сурашат

ﭭﭮﭯﭰﭱﭲ

51:13 Ал Күнү тозокто азап тартышат

ﭳﭴﭵﭶﭷﭸﭹﭺ

51:14 (Анан аларга) «Азабыңарды тарткыла! Силер («качан-качан» деп) шаштырган күнүңөр — ушул» (деп айтылат)

ﭻﭼﭽﭾﭿﮀ

51:15 (Ал эми) такыба кишилер Бейиштерде, булактарда

ﮁﮂﮃﮄﮅﮆﮇﮈﮉﮊﮋ

51:16 Раббиси берген сыйлыктарды алышып. (Себеби), алар буга чейин (дүйнө жашоосунда) жакшылык (сооп иш) кылуучу болушкан

ﮌﮍﮎﮏﮐﮑﮒ

51:17 Алар түндөсү бир аз эле укташкан

ﮓﮔﮕﮖ

51:18 Таң мезгилдеринде (намаз окушуп, Раббисинен) кечирим сурашкан

ﮗﮘﮙﮚﮛﮜ

51:19 Алардын (адал эмгек менен тапкан) мал-дүйнөсүндө, тилемчилердин жана муктаждардын? акысы болгон

ﮝﮞﮟﮠﮡ

51:20 Жерде (андагы жандуу-жансыз макулуктарда) терең ишенген кишилерге (Аллаһтын Кудуретине) белгилер бар

ﮢﮣﮤﮥﮦﮧ

51:21 Силердин өзүңөрдө да (белгилер бар). Карабайсыңарбы

ﮨﮩﮪﮫﮬﮭ

51:22 Асманда силердин ырыскыңар! жана силерге убада кылынган нерселер бар

ﮮﮯﮰﮱﯓﯔﯕﯖﯗﯘ

51:23 Асман жана жердин Раббисине ант, (о, инсандар) албетте ал (Аллаһтын Лавхул-Махфуздагы убадасы) силердин сүйлөп жатканыңар сыяктуу эле Акыйкат

ﯙﯚﯛﯜﯝﯞﯟ

51:24 (О, Мухаммад!) сага Ибрахимдин урматтуу конокторунун кабары келди беле

ﯠﯡﯢﯣﯤﯥﯦﯧﯨﯩﯪ

51:25 Бир кезде алар (адам түспөлүндөгү эки периште) ага кирип «Салам» дешти. Ал дагы «салам (эй) бейтааныш кишилер» деди

ﯫﯬﯭﯮﯯﯰﯱ

51:26 Анан, сездирбей гана үй-бүлөсүнө барып, семиз музоону(н бышкан этин) алып келди

ﯲﯳﯴﯵﯶﯷ

51:27 Аны аларга жакын коюп «Эмнеге жебейсиңер?» деди

ﯸﯹﯺﯻﯼﯽﯾﯿﰀﰁﰂﰃ

51:28 Андан соң алардан кооптоно түштү. «Сен коркпогун»-дешти алар жана ага (келечекте) аалым (боло турган) перзенттин куш кабарын беришти

ﰄﰅﰆﰇﰈﰉﰊﰋﰌﰍ

51:29 Анын (Ибрахимдин) аялы (таңыркап) кыйкырган бойдон, бетине шапаттап, айтты: «Мен туубас кемпирмин го?!»

ﰎﰏﰐﰑﰒﰓﰔﰕﰖﰗ

51:30 «Раббиң ушундай деди. Ал Бир Өзү гана Даанышман, Билүүчү» -дешти (периштелер)

ﭑﭒﭓﭔﭕﭖﭗ

51:31 «О, элчилер, эмне жумуш менен?» деди. (Ибрахим)

ﭘﭙﭚﭛﭜﭝﭞ

51:32 (Периштелер) айтты: «Биз күнөөкөр коомго (Лут коомуна) жиберилдик

ﭟﭠﭡﭢﭣﭤ

51:33 Алардын үстүнө чопо-таштарды жаадырыш үчүн

ﭥﭦﭧﭨﭩ

51:34 Ал ысырапчылар үчүн Раббиңдин алдында (ар бирине тие турган ташка ысымдары) белгиленип коюлган

ﭪﭫﭬﭭﭮﭯﭰ

51:35 Биз ыймандууларды (шаардан) чыгардык

ﭱﭲﭳﭴﭵﭶﭷﭸ

51:36 Ал жерде бир гана (Лутка тиешелүү) үйдөн! башка мусулмандарды таппадык

ﭹﭺﭻﭼﭽﭾﭿﮀ

51:37 Жана биз ал жерде катуу азаптан корко турган элдер үчүн (апааттын) белгилер(ин) калтырдык

ﮁﮂﮃﮄﮅﮆﮇﮈﮉ

51:38 Муса(нын окуясын)да дагы (азаптан корко турган элдер үчүн) белгилер бар. Бир кезде Биз аны Фираунга анык далил (дин) менен жибердик эле

ﮊﮋﮌﮍﮎﮏﮐ

51:39 (Фираун) далысын салып, тескери карады жана: «(Муса) сыйкырчы жана жинди»-деди

ﮑﮒﮓﮔﮕﮖﮗﮘ

51:40 Биз аны жана аскерлерин (азап менен) кармап, толкундардын арасына ыргыттык. Ал айыпталган (күнөөкөр) болчу

ﮙﮚﮛﮜﮝﮞﮟﮠ

51:41 Жана Аад (окуясын)да (сабак) бар: бир кезде Биз аларга кысыр? шамалды жибердик

ﮡﮢﮣﮤﮥﮦﮧﮨﮩﮪ

51:42 Ал эмнеге тийген болсо, баарын чириген сөөк сыяктуу кылып койду

ﮫﮬﮭﮮﮯﮰﮱﯓﯔ

51:43 Жана Самуд (элинин окуясын) да (белги) бар. Бир кезде аларга: «Убактысы келгенге чейин (үч күн дүйнө жыргалынан) пайдаланып калгыла» деп айтылды

ﯕﯖﯗﯘﯙﯚﯛﯜﯝ

51:44 Алар Аллаһтын буйругуна каршы чыгышты. Анан (капыстан) аларды, карап турган абалдарында ач айкырык кармады!”

ﯞﯟﯠﯡﯢﯣﯤﯥ

51:45 (Жаткан, олтурган орундарынан) турганга да үлгүрбөй (кыйрап) калышты! Алар жардам берилгендерден болушпады

ﯦﯧﯨﯩﯪﯫﯬﯭﯮﯯ

51:46 Биз андан мурун Нух(тун каапыр) коомун да (кыйраткан элек). Алар бузуку коом болгон

ﯰﯱﯲﯳﯴﯵ

51:47 Биз асманды Күч-Кудурет менен курдук жана Биз аны кеңейтүүчүбүз

ﯶﯷﯸﯹﯺ

51:48 Жерди болсо (төшөк кылып) жазып (жашоого даярдап) койдук. Биз эң жакшы даярдоочубуз

ﯻﯼﯽﯾﯿﰀﰁﰂ

51:49 Жана Биз ар бир нерсени жубу менен жараттык. Кана эми, эскерсеңер

ﰃﰄﰅﰆﰇﰈﰉﰊﰋﰌ

51:50 (Бардык күнөөдөн) Аллаһка гана качкыла! Мен силерге Андан (жиберилген) анык эскертүүчүмүн

ﰍﰎﰏﰐﰑﰒﰓﰔﰕﰖﰗﰘﰙ

51:51 Аллаһ менен бирге (өзүңөргө) башка кудай тутпагыла! Мен силерге Андан (жиберилген) анык эстетүүчүмүн

ﭑﭒﭓﭔﭕﭖﭗﭘﭙﭚﭛﭜﭝﭞ

51:52 Ошентип, алардан (Макка мушриктеринен) мурунку элдерге да (качан) бир пайгамбар келсе, «сыйкырчы» же болбосо «жинди» дешкен

ﭟﭠﭡﭢﭣﭤﭥﭦ

51:53 Алар бири-бирине («пайгамбарды укпагыла» деп) осуят калтырышты беле? Жок! (Андай эмес. Болгону) алар(дын бардыгы Аллаһка) каршы чыккан элдер

ﭧﭨﭩﭪﭫﭬ

51:54 (О, Мухаммад), сен алардан жүзүңдү бур! (Алардын күнөөгө батканы үчүн) сен айыптуу эмессиң

ﭭﭮﭯﭰﭱﭲ

51:55 Ал эми, (ыймандууларга Раббисин) эстет! Чынында, эскертүү ыймандууларга пайда берет

ﭳﭴﭵﭶﭷﭸﭹ

51:56 Мен жин жана инсанды Бир Өзүмө ибадат кылуулары үчүн гана жараттым

ﭺﭻﭼﭽﭾﭿﮀﮁﮂﮃ

51:57 Мен алардан ырыскы сурабаймын. Мени тамактандырууларын да сурабаймын.”

ﮄﮅﮆﮇﮈﮉﮊﮋ

51:58 Чынында, Аллаһ бекем кубат Ээси болгон Ырыскы Берүүчү

ﮌﮍﮎﮏﮐﮑﮒﮓﮔﮕ

51:59 Эми, зулум кылган адамдарга болсо, өздөрүнүн (мурунку замандардагы) шериктеринин азабына окшош (түбөлүк) азап бар. (Ал азапты) шаштырбай турушсун

ﮖﮗﮘﮙﮚﮛﮜﮝ

51:60 Каапыр адамдар үчүн аларга убада кылынган күндө (Кыяматта) өлүм болсун

Ыйык Куран

Wednesday, September 9, 2026

Don't forget us in your sincere prayers