စူရာ အလ်-ဖဂျ်ရ် — အာယာသ် 30

1. စကားလုံးများ၏ အဓိပ္ပာယ်ရှင်းလင်းချက်။

• ဝါဒ်ခုလီ (وَادْخُلِي) — ဝင်ရောက်လော့။
• ဂျန္နတီ (جَنَّتِي) — ငါ၏ဥယျာဉ်၊ ငါအရှင်မြတ် ပြင်ဆင်ထားတော်မူသော သုခဘုံ။

1. အာယသ်တော်၏ အဓိပ္ပာယ်ဖွင့်ဆိုချက်။

ဤအာယသ်တော်သည် အလ္လာဟ်အရှင်မြတ်က မိမိ၏ သစ္စာရှိသော ကိုးကွယ်သူများ၏ ဝိညာဉ်ကို သေချိန်၌ ခေါ်ယူတော်မူသောအခါ မိန့်ကြားတော်မူသည့် စကားတော်ဖြစ်သည်။ အရှင်မြတ်က ထိုဝိညာဉ်အား “အို ငြိမ်းချမ်းစိတ်ချမှုရရှိသော ဝိညာဉ်၊ အလ္လာဟ်အရှင်မြတ်ကို သတိရခြင်း၊ အရှင်မြတ်ကို ယုံကြည်ခြင်း၊ အရှင်မြတ် ကတိပြုထားတော်မူသော သုခများကို ယုံကြည်ခြင်းဖြင့် စိတ်နှလုံး ငြိမ်းချမ်းသော ဝိညာဉ်သည် မိမိ၏ အရှင်သခင်ထံသို့ ပြန်လာလော့။ အရှင်မြတ်က သင့်အား ဂုဏ်ပြုချီးမြှင့်တော်မူခြင်းကို ကျေနပ်စွာဖြင့် ပြန်လာလော့။ အရှင်မြတ်သည်လည်း သင့်အပေါ် ကျေနပ်တော်မူပြီဖြစ်သည်။ ထို့နောက် ငါအရှင်မြတ်၏ သစ္စာရှိ ကျေးကျွန်များထဲသို့ ဝင်ရောက်လော့။ သူတို့နှင့်အတူ ငါအရှင်မြတ် သူတို့အတွက် ပြင်ဆင်ထားတော်မူသော သုခဥယျာဉ်ထဲသို့ ဝင်ရောက်လော့” ဟု မိန့်ကြားတော်မူသည်။

ဤသည်မှာ ကောင်းမှုပြုသူများ၊ အလ္လာဟ်အရှင်မြတ်ကို ယုံကြည်ကိုးကွယ်သူများအတွက် အရှင်မြတ် ပေးတော်မူမည့် အမြင့်ဆုံးသော ဂုဏ်ပြုချီးမြှင့်မှုဖြစ်သည်။ သေခြင်းတရားသည် ထိုသူများအတွက် ဝမ်းနည်းဖွယ်မဟုတ်ဘဲ အရှင်မြတ်ထံ ပြန်လည်ရောက်ရှိရာ အခွင့်အလမ်းဖြစ်သည်။ သူတို့သည် လောကီဘဝတွင် အလ္လာဟ်အရှင်မြတ်ကို သတိရခြင်း၊ ကိုးကွယ်ခြင်း၊ ကောင်းမှုပြုခြင်းဖြင့် စိတ်နှလုံး ငြိမ်းချမ်းမှုရရှိခဲ့ကြသည်။ ထို့ကြောင့် သေချိန်၌ သူတို့၏ ဝိညာဉ်သည် ကြောက်ရွံ့ထိတ်လန့်ခြင်းမရှိဘဲ ငြိမ်းချမ်းစွာဖြင့် အရှင်မြတ်ထံ ပြန်လည်ရောက်ရှိကြသည်။ အရှင်မြတ်ကလည်း သူတို့အား ဂုဏ်ပြုချီးမြှင့်တော်မူပြီး သုခဥယျာဉ်ထဲသို့ ဝင်ရောက်ခွင့်ပြုတော်မူသည်။

1. ဤအာယသ်တော်မှ ရရှိနိုင်သော အကျိုးကျေးဇူးများနှင့် သင်ခန်းစာများ။

• အလ္လာဟ်အရှင်မြတ်ကို ယုံကြည်ကိုးကွယ်ခြင်း၊ အရှင်မြတ်ကို သတိရခြင်းသည် စိတ်နှလ