سورو دخان
PDF —
59 آيت Meccan PDF
Built right in your browser — download starts automatically

سورو دخان pdf — ڊائونلوڊ (سنڌي)

سورو دخان pdf سنڌي — ڊائونلوڊ سورو دخان ترجمو. دخان (Meccan) 59 آيت.

→ زخرفدخان جاثیہ ←

Related

More سورو PDF

بقرہ آل عمران نساء مائدہ یوسف ابراہیم حجر کہف مریم حج قصص عنکبوت سجدہ یس دخان فتح حجرات ق نجم رحمن واقعہ حشر ملک حاقہ انشقاق اعلی غاشیہ

📚 پڙهو 🎧 ٻڌو mp3 📜 قرآن ڪريم

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली
59 آيت · Meccan · سنڌي
bismillah
ﭑﭒ
44:1 حٰمٓ.
ﭓﭔﭕ
44:2 (ھن) پڌريءَ ڪتاب جو قسم آھي.
ﭖﭗﭘﭙﭚﭛﭜﭝﭞﭟ
44:3 ته بيشڪ اسان ھن (ڪتاب) کي برڪت واريءَ رات ۾ لاٿو بيشڪ اسين ڊيڄاريندڙ ھواسون.
ﭠﭡﭢﭣﭤﭥ
44:4 اُن (برڪت واريءَ رات) ۾ سڀڪو ڪم حڪمت وارو فيصل ڪبو آھي.
ﭦﭧﭨﭩﭪﭫﭬﭭ
44:5 (اھو) پاڻ وٽان (پنھنجي) حڪم سان (لاٿوسون) بيشڪ اسين (ئي پيغمبر کي) موڪلڻ وارا ھواسون.
ﭮﭯﭰﭱﭲﭳﭴﭵﭶ
44:6 تنھنجي پالڻھار جي ٻاجھ سبب (اُن کي لاٿوسون)، بيشڪ اُھوئي ٻڌندڙ ڄاڻندڙ آھي.
ﭷﭸﭹﭺﭻﭼﭽﭾﭿﮀ
44:7 (جو) آسمانن ۽ زمين جو ۽ جيڪي انھن جي وچ ۾ آھي تنھنجو پالڻھار آھي، جيڪڏھن اوھين وسھندڙ آھيو (ته وسھو).
ﮁﮂﮃﮄﮅﮆﮇﮈﮉﮊﮋﮌ
44:8 اُن کانسواءِ (ٻيو) ڪوبه عبادت جو لائق نه آھي (جو) جياريندو آھي ۽ ماريندو آھي (اُھوئي) اوھان جو پالڻھار ۽ اوھان جي اڳين پين ڏاڏن جو پالڻھار آھي.
ﮍﮎﮏﮐﮑﮒ
44:9 بلڪ ڪافر (قيامت) کان شڪ ۾ آھن جو راند ڪندا آھن.
ﮓﮔﮕﮖﮗﮘﮙ
44:10 پوءِ جنھن ڏينھن آسمان پڌرو دونھون آڻيندو (تنھن ڏينھن جو) تون انتظار ڪڍ.
ﮚﮛﮜﮝﮞﮟﮠ
44:11 جو ماڻھن کي ويڙھي ويندو، اھو ڏکوئيندڙ عذاب آھي.
ﮡﮢﮣﮤﮥﮦﮧ
44:12 (پوءِ چوندا ته) اي اسان جا پالڻھار اسان کان اِھو عذاب ٽار (جو) بيشڪ اسين مُسلمان ٿيون ٿا.
ﮨﮩﮪﮫﮬﮭﮮﮯ
44:13 کين نصيحت وٺڻي ڪيئن ٿيندي حالانڪ بيشڪ وٽن پڌرو پيغمبر آيو ھو.
ﮰﮱﯓﯔﯕﯖﯗ
44:14 وري کانئس مُنھن موڙيائون ۽ چيائون (ٿي) ته (ھيءُ) ماڻھو سيکاريل (۽) چريو آھي.
ﯘﯙﯚﯛﯜﯝﯞﯟ
44:15 بيشڪ اسين ٿورو (وقت) عذاب ٽارڻ وارا آھيون بيشڪ اوھين (وري ڪُفر ۾) ڦِرڻ وارا آھيو.
ﯠﯡﯢﯣﯤﯥﯦ
44:16 جنھن ڏينھن تمام وڏي پڪڙ ڪنداسون (تنھن ڏينھن) بيشڪ اسين بدلو وٺڻ وارا آھيون.
ﯧﯨﯩﯪﯫﯬﯭﯮﯯﯰ
44:17 ۽ بيشڪ کائن اڳ فرعون جي قوم جي آزمائش ڪئي سون ۽ وٽن (ھن ڳالھ سان) سڳورو پيغمبر آيو.
ﯱﯲﯳﯴﯵﯶﯷﯸﯹﯺﯻ
44:18 ته الله جي ٻانھن کي منھنجي حوالي ڪريو، بيشڪ آءٌ اوھان وٽ امانت دار پيغمبر (آيو) آھيان.
ﭑﭒﭓﭔﭕﭖﭗﭘﭙﭚﭛ
44:19 ۽ (چوڻ آيو آھيان) ته الله جي آڏو ھٺ نه ڪريو، بيشڪ آءٌ اوھان وٽ پڌري حُجت آڻيندس.
ﭜﭝﭞﭟﭠﭡﭢ
44:20 ۽ بيشڪ مون پنھنجي پالڻھار ۽ اوھان جي پالڻھار جي پناھ ورتي ته (متان) مون کي پھڻن سان ماريو.
ﭣﭤﭥﭦﭧﭨ
44:21 ۽ جيڪڏھن مون تي ايمان نه آڻيو ته مون کان پاسو ڪريو.
ﭩﭪﭫﭬﭭﭮﭯ
44:22 پوءِ پنھنجي پالڻھار کي سڏيائين ته ھيءَ ڏوھاري قوم آھن.
ﭰﭱﭲﭳﭴﭵ
44:23 پوءِ (حُڪم ڪيوسون ته) منھنجن ٻانھن کي راتو رات وٺي نڪر جو اوھان جي پٺيان پوندا.
ﭶﭷﭸﭹﭺﭻﭼﭽ
44:24 ۽ (تون) سمنڊ کي سڪل ڇڏ، بيشڪ اُھي ٻڏڻ وارا لشڪر آھن.
ﭾﭿﮀﮁﮂﮃ
44:25 باغ ۽ تلاءَ گھڻائي ڇڏيائون.
ﮄﮅﮆﮇ
44:26 ۽ پوکون ۽ خاصيون جايون (به).
ﮈﮉﮊﮋﮌ
44:27 ۽ اُھي نعمتون (به) جنھن ۾ مزا ماڻيندا ھوا.
ﮍﮎﮏﮐﮑﮒ
44:28 اھڙي طرح (ٿيو)، ۽ ٻي قوم کي انھن (وسلن) جو وارث ڪيوسون.
ﮓﮔﮕﮖﮗﮘﮙﮚﮛ
44:29 پوءِ مٿن آسمان ۽ زمين نه رُنو ۽ نڪي اُنھن کي مُلت ڏني ويئي.
ﮜﮝﮞﮟﮠﮡﮢﮣ
44:30 ۽ بيشڪ بني اسرائيلن کي خوار ڪندڙ عذاب کان بچايوسون.
ﮤﮥﮦﮧﮨﮩﮪﮫﮬ
44:31 جو فرعون کان (پھچندو) ھونِ، بيشڪ اُھو ھٺيلو حد کان لنگھندڙن مان ھو.
ﮭﮮﮯﮰﮱﯓﯔ
44:32 ۽ بيشڪ بني اسرائيلن کي ڄاڻي واڻي (ساري) جھان وارن کان پسند ڪيوسون.
ﯕﯖﯗﯘﯙﯚﯛﯜ
44:33 ۽ کين اُھي مُعجزا ڏناسون جن ۾ پڌري آزمائش ھئي.
ﯝﯞﯟﯠ
44:34 بيشڪ اُھي (مُشرڪ) چوندا آھن.
ﯡﯢﯣﯤﯥﯦﯧﯨﯩ
44:35 ته (اسان جي پڄاڻي) رڳو اسان جو (ھيءُ) پھريون موت آھي ۽ اسين وري نه اُٿارباسون.
ﯪﯫﯬﯭﯮﯯ
44:36 جيڪڏھن اوھين سچا آھيو ته اسان جي ابن ڏاڏن کي (جياري) آڻيو.
ﯰﯱﯲﯳﯴﯵﯶﯷﯸﯹﯺﯻﯼﯽ
44:37 اُھي ڀلا آھن يا تبع (حميري) جي قوم ۽ جيڪي کائن اڳ ھوا سي؟ اُنھن (سڀني) کي ناس ڪيوسون، بيشڪ اُھي ڏوھاري ھوا.
ﯾﯿﰀﰁﰂﰃﰄﰅ
44:38 ۽ آسمان ۽ زمين کي ۽ جيڪي اُنھن جي وچ ۾ آھي سو راند ڪري نه بڻايوسون.
ﰆﰇﰈﰉﰊﰋﰌﰍﰎ
44:39 انھن کي پوريءَ رِٿ کانسواءِ نه بڻايوسون پر انھن مان گھڻا نه ڄاڻندا آھن.
ﭑﭒﭓﭔﭕﭖ
44:40 بيشڪ انھن مڙني جو انجام نبيري جو ڏينھن آھي.
ﭗﭘﭙﭚﭛﭜﭝﭞﭟﭠﭡ
44:41 جنھن ڏينھن ڪوبه دوست ڪنھن دوست کان ڪجھ به (عذاب) نه ٽاريندو ۽ نڪي کين مدد ڏبي.
ﭢﭣﭤﭥﭦﭧﭨﭩﭪ
44:42 سواءِ اُنھيءَ جي جنھن تي الله رحم ڪيو، بيشڪ الله ئي غالب مھربان آھي.
ﭫﭬﭭﭮ
44:43 بيشڪ ٿوھر جو وڻ.
ﭯﭰﭱ
44:44 گنھگار جو کاڄ آھي.
ﭲﭳﭴﭵﭶ
44:45 پگھريل ٽامي جان، پيٽن ۾ ٽچڪندو.
ﭷﭸﭹ
44:46 تَتل پاڻي جي ٽچڪڻ وانگر.
ﭺﭻﭼﭽﭾﭿ
44:47 (ملائڪن کي چونداسون ته) ھن (ڏوھيءَ کي پڪڙيو) ۽ دوزخ جي وچ ڏانھن گھليوس.
ﮀﮁﮂﮃﮄﮅﮆﮇ
44:48 وري سندس مٿي تي تَتل پاڻي ھاريو جو (اِھو) عذاب (اٿس).
ﮈﮉﮊﮋﮌﮍ
44:49 (چئبس ته اِھا سزا) چَک ڇوته تون (پنھنجي گمان ۾) سگھورو مان وارو آھين.
ﮎﮏﮐﮑﮒﮓﮔ
44:50 بيشڪ ھيءُ اُھو عذاب آھي جنھن ۾ اوھين شڪ ڪندا ھئو.
ﮕﮖﮗﮘﮙﮚ
44:51 بيشڪ پرھيزگار امن واريءَ جاءِ ۾ ھُوندا.
ﮛﮜﮝﮞ
44:52 باغن ۽ تلاون ۾.
ﮟﮠﮡﮢﮣﮤ
44:53 سنھي پَٽ جا (ڪپڙا) ۽ ٿُلھي پَٽ جا (ڪپڙا) ھڪ ٻئي جي آمھون سامھون ٿي ڍڪندا.
ﮥﮦﮧﮨﮩ
44:54 (سندن حال) ائين ھوندو، ۽ کين وڏين (سھڻين) اکين واريون حورون پرڻائينداسون.
ﮪﮫﮬﮭﮮﮯ
44:55 منجھس سڀڪو ميوو گھرندا اھڙي حال ۾ جو امن وارا ھوندا.
ﮰﮱﯓﯔﯕﯖﯗﯘﯙﯚﯛﯜ
44:56 پھرين موت کانسواءِ (جو دنيا ۾ مري چڪا) اتي (ٻيو) موت نه چکندا، ۽ (الله) کين دوزخ جي عذاب کان بچايو.
ﯝﯞﯟﯠﯡﯢﯣﯤﯥ
44:57 تنھنجي پالڻھار جي فضل سبب، اھائي وڏي مراد ماڻڻ آھي.
ﯦﯧﯨﯩﯪﯫ
44:58 قرآن کي تنھنجيءَ ٻوليءَ ۾ آسان ڪيوسون ته مانَ اُھي نصيحت وٺن.
ﯬﯭﯮﯯ
44:59 پوءِ (تون) انتظار ڪڍ بيشڪ اُھي به انتظار ڪڍڻ وارا آھن.
القرآن الكريم ☾ قرآن

قرآن ڪريم
Tuesday, August 18, 2026

Don't forget us in your sincere prayers