Surah Ad-Dukhan pdf Hausa

Surah Ad-Dukhan

PDF —

59 Aya Meccan PDF

Built right in your browser — download starts automatically

Surah Ad-Dukhan pdf — Sauke (Hausa)

Surah Ad-Dukhan pdf Hausa — Sauke Surah Ad-Dukhan Fassara. Ad-Dukhan (Meccan) 59 Aya.

📚 Karatu 🎧 Saurara mp3 📜 Alqur'ani Mai Tsarki

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Ad-Dukhan

59 Aya · Meccan · Hausa

ﭑﭒ

Ḥ. M̃.

ﭓﭔﭕ

Inã rantsuwa da Littãfi Mabayyani.

ﭖﭗﭘﭙﭚﭛﭜﭝﭞﭟ

Lalle ne, Mũ, Muka saukar da shi a cikin wani dare mai albarka. Lalle Mũ' Mun kasance Mãsu yin gargaɗi.

ﭠﭡﭢﭣﭤﭥ

A cikinsa (shi daren) ake rarrabe kõwane umurui bayyananne.

ﭦﭧﭨﭩﭪﭫﭬﭭ

Umurni na daga wurinMu. Lalle Mũ ne Muka kasanceMãsu aikãwã.

ﭮﭯﭰﭱﭲﭳﭴﭵﭶ

Sabõda rahama daga Ubangijinka. Lalle Shĩ, Shi ne Mai ji, Mãsani.

ﭷﭸﭹﭺﭻﭼﭽﭾﭿﮀ

(Shĩ ne) Ubangijin sammai da ƙasa da abin da ke a tsakãninsu, idan kun kasance mãsu yaƙĩni (za ku gãne haka).

ﮁﮂﮃﮄﮅﮆﮇﮈﮉﮊﮋﮌ

Babu abin bautãwa fãce Shi. Yana rãyarwa Kuma Yana kashẽwa. (Shi ne) Ubangijinku, kuma Ubangijin ubanninku na farko.

ﮍﮎﮏﮐﮑﮒ

A'a sũ, sunã wãsã a cikin shakka.

ﮓﮔﮕﮖﮗﮘﮙ

Sabõda haka, ka dakata rãnar da sama zã tã zo da hayãƙi bayyananne.

ﮚﮛﮜﮝﮞﮟﮠ

Yanã rufe mutãne. Wannan wata azãba ce mai raɗaɗi.

ﮡﮢﮣﮤﮥﮦﮧ

Ya Ubangijinmu! Ka kuranye mana azãba. Lalle Mũ, mãsu ĩmãni ne.

ﮨﮩﮪﮫﮬﮭﮮﮯ

Inã tunãwa take a gare su, alhãli kuwa, haƙĩƙa, Manzo mai bayyanãwa Ya je musu (da gargaɗin saukar azãbar, ba su karɓa ba)?

ﮰﮱﯓﯔﯕﯖﯗ

Sa'an nan suka jũya baya daga gare shi, Kuma suka ce: "Wanda ake gayãwa ne, mahaukaci."

ﯘﯙﯚﯛﯜﯝﯞﯟ

Lalle Mũ, Mãsu kuranyẽwar azãba ne, a ɗan lõkaci kaɗan, lalle kũ, mãsu kõmãwa ne (ga laifin).

ﯠﯡﯢﯣﯤﯥﯦ

Rãnar da Muke damƙa, damƙa mafi girma, lalle ne Mũ mãsu azãbar rãmuwa ne.

ﯧﯨﯩﯪﯫﯬﯭﯮﯯﯰ

Kuma lalle ne haƙĩƙa a gabaninsu, Mun fitini mutãnen Fir'auna, kuma wani Manzo karĩmi ya jẽ musu.

ﯱﯲﯳﯴﯵﯶﯷﯸﯹﯺﯻ

(Mazon ya ce): "Ku kãwo mini (ĩmãninku) ya bayin Allah! Lalle ni, Manzo ne amintacce zuwa gare ku."

ﭑﭒﭓﭔﭕﭖﭗﭘﭙﭚﭛ

"Kuma kada ku nẽmi ɗaukaka a kan Allah. Lalle nĩ mai zo muku ne da dalĩli bayyananne."

ﭜﭝﭞﭟﭠﭡﭢ

"Kuma lalle nĩ na nẽmi tsari da Ubangijĩna, kuma Ubangijinku, dõmin kada ku jẽfe ni."

ﭣﭤﭥﭦﭧﭨ

"Kuma idan ba ku yi ĩmãni sabõda nĩ ba, to, ku nĩsance ni."

ﭩﭪﭫﭬﭭﭮﭯ

Sai ya kirayi Ubangjinsa cẽwa waɗannan mutãnene mãsu laifi.

ﭰﭱﭲﭳﭴﭵ

(Allah Ya ce): "To, ka yi tafiyar dare da bayiNa, da dare. Lalle kũ, waɗanda ake bĩ ne (dõmin a kãma ku.)"

ﭶﭷﭸﭹﭺﭻﭼﭽ

"Kuma ka bar tẽku rarrabe. Lalle sũ, runduna ce abar nutsarwa."

ﭾﭿﮀﮁﮂﮃ

Da yawa suka bar gõnaki da marẽmari.

ﮄﮅﮆﮇ

Da shuke-shuke da matsayi mai kyau.

ﮈﮉﮊﮋﮌ

Da wata ni'ima da suka kasance a cikinta sunã mãsu hutu.

ﮍﮎﮏﮐﮑﮒ

Kamar haka! Kuma Muka gãdar da ita ga waɗansu mutãne na dabam.

ﮓﮔﮕﮖﮗﮘﮙﮚﮛ

Sa'an nan samã da ƙasã ba su yi kũka a kansu ba, Kuma ba su kasance waɗanda ake yi wa jinkiri ba.

ﮜﮝﮞﮟﮠﮡﮢﮣ

Kuma lalle ne, haƙĩƙa Mun tsĩrar da Banĩ Isrã'ĩla daga, azãba mai wulãkantãwa.

ﮤﮥﮦﮧﮨﮩﮪﮫﮬ

Daga Fir'auna. Lalle shi, ya kasance maɗaukaki daga cikin mãsu ɓarna.

ﮭﮮﮯﮰﮱﯓﯔ

Kuma lalle ne, haƙĩƙa, Mun zãɓe su sabõda wani ilmi (na Taurata) a kan mutãne.

ﯕﯖﯗﯘﯙﯚﯛﯜ

Kuma Muka bã su, daga ãyõyin mu'ujizõji, abin da yake a cikinsa, akwai ni'ima bayyananna

ﯝﯞﯟﯠ

Lalle waɗannan mutãne, haƙĩka, sunã cẽwa,

ﯡﯢﯣﯤﯥﯦﯧﯨﯩ

"Babu wani abu sai mutuwarmu ta farko, kuma ba mu zama waɗanda ake tãyarwa ba."

ﯪﯫﯬﯭﯮﯯ

"Sai ku zo da ubanninmu, idan kun kasance mãsu gaskiya."

ﯰﯱﯲﯳﯴﯵﯶﯷﯸﯹﯺﯻﯼﯽ

shin, sũ ne mafĩfĩta kõ kuwa mutãnen Tubba'u, kuma da waɗanda ke a gabãninsu? Mun halaka su, lalle sũ, sun kasance mãsu laifi.

ﯾﯿﰀﰁﰂﰃﰄﰅ

Kuma ba Mu halitta slmmai da ƙasa da abin da ke a tsakãninsu ba, alhãli kuwa Munã mãsu wãsã.

ﰆﰇﰈﰉﰊﰋﰌﰍﰎ

Ba Mu halitta su ba fãce da manufa ta gaskiya, kuma amma mafi yawansu, ba su sani ba.

ﭑﭒﭓﭔﭕﭖ

Lalle rãnar rarrabẽwa, ita ce lõkacin wa'adinsu gabã ɗaya.

ﭗﭘﭙﭚﭛﭜﭝﭞﭟﭠﭡ

Rãnar da wani zumu bã ya amfãnin wani zumu da kõme kuma ba su zama anã taimakon su ba.

ﭢﭣﭤﭥﭦﭧﭨﭩﭪ

fãce wanda Allah Ya yi wa rahama. Lalle Shi (Allah), shĩ ne Mabuwãyi, Mai jin ƙai.

ﭫﭬﭭﭮ

Lalle itãciyar zaƙƙũm (ɗanyen wutã),

ﭯﭰﭱ

Ita ce abincin mai laifi.

ﭲﭳﭴﭵﭶ

Kamar narkakken kwalta yanã tafasa a cikin cikunna.

ﭷﭸﭹ

Kamar tafasar ruwan zãfi.

ﭺﭻﭼﭽﭾﭿ

(A cẽ wa malã'ikun wutã), "Ku kãmã shi, sa'an nan ku fizge shi zuwa ga tsakiyar Jahĩm."

ﮀﮁﮂﮃﮄﮅﮆﮇ

"Sa'an nan ku zuba, a kansa, daga azãbar ruwan zãfi."

ﮈﮉﮊﮋﮌﮍ

(A ce masã), "Ka ɗanɗana! Lalle kai, kai ne mabuwãyi mai girma!"

ﮎﮏﮐﮑﮒﮓﮔ

"Lalle wannan, shi ne abin da kuka kasance kunã shakka game da shi."

ﮕﮖﮗﮘﮙﮚ

Lalle mãsu taƙawa sunã cikin matsayi amintacce.

ﮛﮜﮝﮞ

A cikin gidãjen Aljanna da marẽmari.

ﮟﮠﮡﮢﮣﮤ

Sunã tufanta daga tufãfin alharĩni raƙĩƙi, da mai kauri, sunã mãsu zaman fuskantar jũna.

ﮥﮦﮧﮨﮩ

Kamar haka, kuma Mun aurar da su da mãtã mãsu kyaun idãnu, mãsu girmansu.

ﮪﮫﮬﮭﮮﮯ

Sunã kira, a cikinsu (gidẽjen) ga dukan 'ya'yan itãcen marmari, sunã amintattu (daga dukan abin tsõro).

ﮰﮱﯓﯔﯕﯖﯗﯘﯙﯚﯛﯜ

Bã su ɗanɗanar mutuwa, a cikinsu, fãce mutuwar farko, kuma (Allah), Ya tsare musu azãbar Jahĩm.

ﯝﯞﯟﯠﯡﯢﯣﯤﯥ

Sabõda falala daga Ubangijinka. Wancan shi ne babban rabo, mai girma.

ﯦﯧﯨﯩﯪﯫ

Dõmin haka kawai Muka sauƙaƙar da shi (Alƙur'ãni) da harshenka, tsammãninsu, su riƙa tunãwa.

ﯬﯭﯮﯯ

Sai ka yi jira. Lalle sũ, mãsu jira ne.

Al-Kur'ani

Tuesday, August 18, 2026

Don't forget us in your sincere prayers