Suuratu At-Tur pdf Fulfulde

PDF —

49 Aaya Meccan PDF

Built right in your browser — download starts automatically

Suuratu At-Tur pdf — Aawto (Fulfulde)

Suuratu At-Tur pdf Fulfulde — Aawto Suuratu At-Tur Jaaɓtinde. Suuratu At-Tur (Meccan) 49 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suuratu At-Tur

49 Aaya · Meccan · Fulfulde

ﮞﮟ

52:1 Mi woondirii [Fello] Tuuri ngon

ﮠﮡﮢ

52:2 E Deftere winndaande nden

ﮣﮤﮥﮦ

52:3 e ɗeri fontaaɗi

ﮧﮨﮩ

52:4 E Suudu wuurniraandu ndun

ﮪﮫﮬ

52:5 E Kippoodi toowundi ndin

ﮭﮮﮯ

52:6 E maayo heewuno ngon

ﮰﮱﯓﯔﯕ

52:7 Pellet, lepte Joomi maa ɗen ko yanooje

ﯖﯗﯘﯙﯚ

52:8 Alaa duñoowo ɗe

ﯛﯜﯝﯞﯟ

52:9 Ñalnde kammu ngun dillirta dillere

ﯠﯡﯢﯣ

52:10 pelle ɗen wona e yahugol

ﯤﯥﯦﯧ

52:11 haray nden ñalnde, bone woodanii fennuɓe ɓen

ﯨﯩﯪﯫﯬﯭ

52:12 ɓen wonuɓe e jumpugol, hiɓe fija

ﯮﯯﯰﯱﯲﯳﯴ

52:13 Ñalnde ɓe duñiroytee doole ka Yiite Jahannama duñannde

ﯵﯶﯷﯸﯹﯺﯻ

52:14 [Ɓe wi`anee] : "Ko ngee Yiite woni ko fennaynoɗon

ﭑﭒﭓﭔﭕﭖﭗ

52:15 E ko mbilewu nii? Kaa hara on alaa yi’ude

ﭘﭙﭚﭛﭜﭝﭞﭟﭠﭡﭢﭣﭤﭥ

52:16 Sumee e magge! Muññiɗon maa on muññaaki, fow no fota e mon. Anndee ko yoɓeteɗon, ko kon ko gollaynoɗon

ﭦﭧﭨﭩﭪﭫ

52:17 Pellet, gomɗuɓe ɓen hino e Aljannaaji e neemaaji

ﭬﭭﭮﭯﭰﭱﭲﭳﭴ

52:18 ko ɓe dakimitotooɓe kon ko Joomi maɓɓe okki ɓe, Joomi maɓɓe daɗndi ɓe lepte Jahiimi ɗen

ﭵﭶﭷﭸﭹﭺﭻ

52:19 [Ɓe wi`anee] : "Ñaamee yaron, ko newi moɗdeum, sabu kon ko gollaynoɗon

ﭼﭽﭾﭿﮀﮁﮂﮃﮄ

52:20 hara ko on soɓɓindiiɓe e hoore danɗe weertindiraaɗe", Men resina ɓe kadi yooɗa e yaaJa giteeɓe

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙ

52:21 Ɓen gomɗimɓe, geyngol maɓɓe ngol kadi jokki ɓe e gomɗinal, Men tawtindinay ɓe e geyngol maɓɓe ngol. Men ɗuytantaa ɓe huunde e golle maɓɓe ɗen; neɗɗo kala ko faggitii kon no tiginaa

ﮚﮛﮜﮝﮞﮟ

52:22 Men ɓeydani ɓe muuyanteeɗi e tebbeeli kala ko tuuyetee

ﮠﮡﮢﮣﮤﮥﮦﮧﮨ

52:23 Hiɓe jaaɓondira ton, ñedduɗe ɗe jillaa meere wanaa ko bakkondinta

ﮩﮪﮫﮬﮭﮮﮯﮰﮱ

52:24 Sukaaɓe no eltanaaɓe hino wanngoo hakkunde maɓɓe, wa’uɓe wa kaŋŋe maraaɗe

ﯓﯔﯕﯖﯗﯘ

52:25 Yoga maɓɓe fewtita yoga, ɓe lamndondira

ﯙﯚﯛﯜﯝﯞﯟﯠ

52:26 ɓe wi`a: "Pellet, men laatino ado [hannde], hulunooɓe [lepte ɗen] hakkunde yimɓe amen

ﯡﯢﯣﯤﯥﯦﯧ

52:27 Allah moƴƴii e amen, O daɗni men lepte Norngal

ﯨﯩﯪﯫﯬﯭﯮﯯﯰﯱﯲ

52:28 Men laatino ado [hannde], torotonooɓe Mo. Pellet, ko Kanko woni Moƴƴo, Hinnotooɗo On

ﯳﯴﯵﯶﯷﯸﯹﯺﯻ

52:29 Anndintin tun, sabu neema Joomi maa on, a wonaa ndureejo wanaa a feetuɗo

ﯼﯽﯾﯿﰀﰁﰂﰃ

52:30 Kaa ɓe wi`ay wonnde : "Ko yimoowo ! Men habbitani mo tun jikke maayde

ﰄﰅﰆﰇﰈﰉﰊ

52:31 Maaku : "Awa habbitee ! Min kadi miɗo habbitodi e mon

ﭑﭒﭓﭔﭕﭖﭗﭘﭙﭚ

52:32 Kaa ko haqqille maɓɓe ɗen yamirɓe ɗum? Kaa hara ko ɓe yimɓe bewuɓe tun

ﭛﭜﭝﭞﭟﭠﭡﭢ

52:33 Kaa ɓe wi`ay wonnde : "O sincu nde?" Si ko woni, wanaa ɓe gomɗinooɓe

ﭣﭤﭥﭦﭧﭨﭩ

52:34 Awa yo ɓe addii yewtere sugu mayre, si wonii ko ɓe goonguɓe

ﭪﭫﭬﭭﭮﭯﭰﭱﭲ

52:35 Kaa ɓe tagira ɓaawo taguɗo? Kaa ko kamɓe woni taguɓe ɓen

ﭳﭴﭵﭶﭷﭸﭹﭺﭻ

52:36 Kaa (ko) kamɓe tagi kammuuli ɗin e leydi ndin? Ko woni kon, ɓe yananaaka

ﭼﭽﭾﭿﮀﮁﮂﮃ

52:37 Kaa ɓe jogiti ngaluuji Joomi maa ɗin? Kaa ko kamɓe woni huɓindiiɓe ɓen

ﮄﮅﮆﮇﮈﮉﮊﮋﮌﮍﮎ

52:38 Kaa ɓe jogiti ɓargal ngal ɓe jentorta? Awa yo heɗitiiɗo maɓɓe on addu hujja ɓannguɗo

ﮏﮐﮑﮒﮓﮔ

52:39 Kaa hara ko ɓiɗɓe rewɓe woodanta Mo, onon kan worɓe ɓen

ﮕﮖﮗﮘﮙﮚﮛﮜ

52:40 Kaa a lamndi ɓe njoɓdi, hara yoɓugol ndi no teddani ɓe

ﮝﮞﮟﮠﮡﮢ

52:41 Kaa ɓe anndu fii wirniiɗi ɗin, hara hiɓe winnda

ﮣﮤﮥﮦﮧﮨﮩﮪﮫ

52:42 Kaa ɓe faala fewjoore? Doo ko yedduɓe ɓen, woni fooleteeɓe pewje ɓen

ﮬﮭﮮﮯﮰﮱﯓﯔﯕﯖﯗ

52:43 Kaa hiɓe mari reweteeɗo ko woori Allah? Senaade woodanii Allah, e kon ko ɓe sirkata

ﯘﯙﯚﯛﯜﯝﯞﯟﯠﯡ

52:44 Si ɓe yi`ii taƴatine immornde ka kammu no yani, ɓe wi`a: "Ko duule fawondirɗe

ﯢﯣﯤﯥﯦﯧﯨﯩ

52:45 Terto ɓe, haa ɓe hawroya e ñalaande maɓɓe nde ɓe leptoytee e mun

ﯪﯫﯬﯭﯮﯯﯰﯱﯲﯳ

52:46 Ñalnde nde pewje maɓɓe duncanoytaa ɓe hay huunde, ɓe wonaa kadi walloyteeɓe

ﯴﯵﯶﯷﯸﯹﯺﯻﯼﯽﯾ

52:47 Ko pellet, hino woodani tooñuɓe ɓen, lepte goo ko wanaa ɗen ɗon. Kono ko ɓuri ɗuuɗude kon e maɓɓe, ɓe anndaa

ﯿﰀﰁﰂﰃﰄﰅﰆﰇﰈﰉﰊ

52:48 Muñño ñaawoore Joomi maa nden. Tawde pellet, hiɗa e ndenka Amen. Seniniraa yettugol Joomi maa, tuma ɓaŋotoɗaa

ﰋﰌﰍﰎﰏﰐ

52:49 Jemma on kadi, subbunhinanoɗaa Mo e ka mutugol koode

Al-Qur'aana

Wednesday, September 9, 2026

Don't forget us in your sincere prayers