Surat At-Tur pdf Jawa

PDF —

49 Ayat Meccan PDF

Built right in your browser — download starts automatically

Surat At-Tur pdf — Undhuh (Jawa)

Surat At-Tur pdf Jawa — Undhuh Surat At-Tur Terjemah. Surat At-Tur (Meccan) 49 Ayat.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surat At-Tur

49 Ayat · Meccan · Jawa

ﮞﮟ

52:1 Demi gunung Thur

ﮠﮡﮢ

52:2 Demi Kitab Qur’an kang tinulis

ﮣﮤﮥﮦ

52:3 Ana ing papan kang gumelar

ﮧﮨﮩ

52:4 Demi "Baitul Makmur" (Omah kang dimulyakake)

ﮪﮫﮬ

52:5 Demi payon kang dhuwur (langit)

ﮭﮮﮯ

52:6 Demi segara kang banyune agung

ﮰﮱﯓﯔﯕ

52:7 Siksaning Allah Pangeranira kelakon temenan

ﯖﯗﯘﯙﯚ

52:8 Siksa mau ora ana kang bisa nulak

ﯛﯜﯝﯞﯟ

52:9 Kelakone besuk dina qiyamat nalika langit obah lan mubeng

ﯠﯡﯢﯣ

52:10 Lan gunung - gunung padha mlaku

ﯤﯥﯦﯧ

52:11 Ing dina iku siksa kang abot dadi patrapane wong kang padha maido (Rasul)

ﯨﯩﯪﯫﯬﯭ

52:12 Kang padha ketungkul nglakoni barang kang luput

ﯮﯯﯰﯱﯲﯳﯴ

52:13 Hiya iku nalikane wong kafir padha dijorokake marang neraka jahannam

ﯵﯶﯷﯸﯹﯺﯻ

52:14 Sarta didhawuhi, iki neraka kang padha sira paido biyen

ﭑﭒﭓﭔﭕﭖﭗ

52:15 Apa iki sihir, apa pandelengira rusak dadi ora weruh

ﭘﭙﭚﭛﭜﭝﭞﭟﭠﭡﭢﭣﭤﭥ

52:16 Padha rasakna piye rasane sira bantah panase utawa ora, iku padha wae, kang dipatrapi siksa neraka iku kaluputan kang wis sira lakoni biyen

ﭦﭧﭨﭩﭪﭫ

52:17 Para wong kang padha bekti ing Allah padha ana suwarga panggonan kapenak

ﭬﭭﭮﭯﭰﭱﭲﭳﭴ

52:18 Padha enak - enak nampani ganjaran paringe Pangeran sarta direksa ora kecemplung neraka jahannam

ﭵﭶﭷﭸﭹﭺﭻ

52:19 Padha tampa dhawuh padha mangana lan ngombea, kelawan enak ana suwarga ganjarane penggawe becik kang wis sira lakoni biyen

ﭼﭽﭾﭿﮀﮁﮂﮃﮄ

52:20 Wong ing suwarga padha linggih sendhen ing kursi kang ditata jejer - jejer, lan padha Ingsun dhawuhake widadari kang mripate blalak - blalak

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙ

52:21 Wong - wong kang percaya ing Allah kang anake ngatur melu manut percaya anak mau Ingsun helokake bapakne, diganjar padha ganjarane Bapa tanpa disuda sethitik - sethitika. Saben manungsa iku gandhenge karo ngamal sing ditindakake

ﮚﮛﮜﮝﮞﮟ

52:22 Wong ing suwarga padha Ingsun paringi tambahan woh - wohan lan daging kang dipingini

ﮠﮡﮢﮣﮤﮥﮦﮧﮨ

52:23 Ana ing suwarga dheweke padha rebutan gelas kang isine tanpa agawe mendem lan ora dadi pasulayan apa dene anggone ngombe ora duraka

ﮩﮪﮫﮬﮭﮮﮯﮰﮱ

52:24 Lan padha ngubengi sacedhake dheweke punakawane kang rupane bagus - bagus kaya mutiara kang isih ana ing congkoke

ﯓﯔﯕﯖﯗﯘ

52:25 Padha hadhep - hadhepan takon - tinakon karo kancane

ﯙﯚﯛﯜﯝﯞﯟﯠ

52:26 Pangucape, "Kala rumiyen kula nalika wonten ing tengah - tengahing keluarga ajrih sanget dhateng siksaning Allah

ﯡﯢﯣﯤﯥﯦﯧ

52:27 Allah lajeng paring pitulung dhateng kula, dipun reksa biten mlebet neraka

ﯨﯩﯪﯫﯬﯭﯮﯯﯰﯱﯲ

52:28 Sayektosipun rumiyen kula bektos ing Allah, sayektosipun Allah punika damel sahe tur Maha Asih

ﯳﯴﯵﯶﯷﯸﯹﯺﯻ

52:29 Sira ditaberi nyurup - nyurupake (nerangake). Sira dudu guru pagorohan lan dudu wong edan, nanging diparingi kabungahan ing Pangeranira

ﯼﯽﯾﯿﰀﰁﰂﰃ

52:30 Wong mangro tingal malah padha kondha, "(Muhammad) iku pinter nganggit tembang, Hiya tak entenane horeging jagad kang wecana

ﰄﰅﰆﰇﰈﰉﰊ

52:31 Dhawuha, "Hiya padha ngentenana, aku uga ngenteni karo kowe

ﭑﭒﭓﭔﭕﭖﭗﭘﭙﭚ

52:32 Wong mangro tingal anggone kondha mangkono mau, thukul saka akale kang nasar, utawa saka kebangeten anggone dhemen padu

ﭛﭜﭝﭞﭟﭠﭡﭢ

52:33 Dheweke (wong mangro tingal) malah padha kandha, "Dheweke (Muhammad) iku anggone gawe - gawe". Satemene wong mangro tingal mau ora padha iman

ﭣﭤﭥﭦﭧﭨﭩ

52:34 Manawa pangucape temen padha gawea Kitab kang madhani al-Quran (terange lan bergase)

ﭪﭫﭬﭭﭮﭯﭰﭱﭲ

52:35 Ana wong mangro tingal iku padha digawe nanging ora ana kang gawe, utawa dheweke iku gawe awake dhewe

ﭳﭴﭵﭶﭷﭸﭹﭺﭻ

52:36 Utawa dheweke padha gawe bumi lan langit? Sejatine dheweke ora ngandel (kang kandhakake dhewe)

ﭼﭽﭾﭿﮀﮁﮂﮃ

52:37 Utawa dheweke mau nyekel gedhong pasimpene Pangeranira utawa dheweke kang kuasa

ﮄﮅﮆﮇﮈﮉﮊﮋﮌﮍﮎ

52:38 Apa dheweke duwe ondho (nyang langit) kanggo ngrungokake guneme malaikat ana ing andha mau. Yen mangkono, iya wong kang ngrungokake mau nganakna tandha yekti kang cetha

ﮏﮐﮑﮒﮓﮔ

52:39 Apa nyata Allah peputra putri, lan kowe (kang mangro tingal) padha manak lanang

ﮕﮖﮗﮘﮙﮚﮛﮜ

52:40 Apa anggonira ngondhangake perintah Ku, kango jaluk pituwas marang dheweke, nganti dheweke padha abot anggone nganakake pituwas

ﮝﮞﮟﮠﮡﮢ

52:41 Apa dheweke padha kadunungan kaweruh ghoib, weruh samu barang kang samar banjur padha ditulisi (kena dianggo madoni Muhammad)

ﮣﮤﮥﮦﮧﮨﮩﮪﮫ

52:42 Apa dheweke neja maheka marang Sira, pahekane malah bakal balik marang si kafir kabeh

ﮬﮭﮮﮯﮰﮱﯓﯔﯕﯖﯗ

52:43 Apa dheweke mau ngaku duwe Pangeran liyane Allah. Allah iku maha suci , adoh banget yen kaya panemune wong mangro tingal

ﯘﯙﯚﯛﯜﯝﯞﯟﯠﯡ

52:44 Manawa wong kafir mau padha deleng gempalaning langit runtuh, padha ngucap, "iki mega kang tumpuk - tumpuk

ﯢﯣﯤﯥﯦﯧﯨﯩ

52:45 Padha tokna wae nganti tekan dina anggone padha mati

ﯪﯫﯬﯭﯮﯯﯰﯱﯲﯳ

52:46 Yaiku dina kang ora ana gunane pahekane si kafir marang awake sethithik - thithika lan ora ana kang bisa nulungi marang dheweke

ﯴﯵﯶﯷﯸﯹﯺﯻﯼﯽﯾ

52:47 Lan satemene kanggo wong kang nganiaya ana siksa sak durunge mati. Ananging kang akeh ora padha weruh

ﯿﰀﰁﰂﰃﰄﰅﰆﰇﰈﰉﰊ

52:48 Lan padha sabara narima pranataning Pangeranira awit sira tansah Ingsun huningani lan sira nyebuta, "Maha suci" lan memuji ing Pangeranira nalikane sira ngadeg (arep sholat)

ﰋﰌﰍﰎﰏﰐ

52:49 Lan ing wayah wengi apadene ing wayah surupe lintang (waktu fajar) sira hiya nyebuta "Maha Suci" ing Allah

Al-Quran

Wednesday, September 9, 2026

Don't forget us in your sincere prayers