Simoore At-Tur pdf Wolof

Simoore At-Tur

PDF —

49 Aaya Meccan PDF

Built right in your browser — download starts automatically

Simoore At-Tur pdf — Wàcce (Wolof)

Simoore At-Tur pdf Wolof — Wàcce Simoore At-Tur Tekki. At-Tur (Meccan) 49 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Simoore At-Tur

49 Aaya · Meccan · Wolof

ﮞﮟ

Maa ngi giiñ ci Tuur (tund) !

ﮠﮡﮢ

Ak ca Téere ba ñu bind

ﮣﮤﮥﮦ

Ci ay xët yu ñu tasaare !

ﮧﮨﮩ

ak ca Néeg bu ñu dundal ba (nekk ca kaw asamaan) !

ﮪﮫﮬ

Ak ca Téeg mu ñu yëkati ma !

ﮭﮮﮯ

Ak ca géex ga nuy taal muy bérëxraji !

ﮰﮱﯓﯔﯕ

Giiñ naa ni : sa mbugalum Boroom du jaas luy rot la.

ﯖﯗﯘﯙﯚ

Kenn manu koo tee am.

ﯛﯜﯝﯞﯟ

Bis bi nga xam ne asamaan si dana yëngatu ànd ak am riir,

ﯠﯡﯢﯣ

tund doj yi di dox.

ﯤﯥﯦﯧ

Bu keroogee, weddikat danañu toskare,

ﯨﯩﯪﯫﯬﯭ

ña daan nuur ci am po

ﯮﯯﯰﯱﯲﯳﯴ

bis bu ñu leen gëyti-gëytee rëgët leen jëme Safara :

ﯵﯶﯷﯸﯹﯺﯻ

Naan leen Safara si ngeen daan weddee ngi nii.

ﭑﭒﭓﭔﭕﭖﭗ

Waaw lii ak njabar la ? Am dangeena gisul bu baax ?

ﭘﭙﭚﭛﭜﭝﭞﭟﭠﭡﭢﭣﭤﭥ

Xoyomleen ci biir ! Ngeen muñ ak ngeen ñàkk a muñ , ñoo ci yem képp : ci yéen ak lu man a xew dangay jot peyug la ngeen daan jëf.

ﭦﭧﭨﭩﭪﭫ

Ña ragaloon Yàlla ña nga ca biir Àjjana ya ak i xéewël,

ﭬﭭﭮﭯﭰﭱﭲﭳﭴ

ñangay xéewlóo la leen seen Boroom jox, te it fàggulna leen mbugalum Safara.

ﭵﭶﭷﭸﭹﭺﭻ

“Lekkleen te naan ndokkale, ngir la ngeen daan jëf,

ﭼﭽﭾﭿﮀﮁﮂﮃﮄ

ñangay sóonu ci ay lal yu ñu sësële”, te may Nanu leen ay soxna yu “huuru al iin” (am bët jekk),

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙ

Ña gëmoon te seen sët topp leen ca ngëm googee, Dananu def seeni sët ñu dab leen. Te duñu wàññi dara ci sen jëf, kenn ku nekk ay moom la mu sàkku.

ﮚﮛﮜﮝﮞﮟ

Te Dananu leen jox ay foytéef ak yàpp lépp lu ñu cay soxla.

ﮠﮡﮢﮣﮤﮥﮦﮧﮨ

Danuñu cay joqlante ak i kopp ci lu àndul ak i caaxaan waxatumalaa sobe.

ﮩﮪﮫﮬﮭﮮﮯﮰﮱ

Dananu am xale yuy wër ci ñoom, yu melni pepp.

ﯓﯔﯕﯖﯗﯘ

ku nekk jàkkaarlook moroomam tey laajante ;

ﯙﯚﯛﯜﯝﯞﯟﯠ

Ñanga naan : “Nun dey ba nu nekkee Àddina danoo ragaloon [Yàlla] ;

ﯡﯢﯣﯤﯥﯦﯧ

Yàlla daldi nuy baaxe fegal nu mbugalum Samuum.

ﯨﯩﯪﯫﯬﯭﯮﯯﯰﯱﯲ

Nun dey bu jëkk, ca Àddina danu ko daan woo di ko ñaan. Moom Yàlla, moo di Aji-baax ji , di Jaglewaakoon bi yërmaandeem”.

ﯳﯴﯵﯶﯷﯸﯹﯺﯻ

Fàttalikul sa xéewali Boroom tax na ba doonoo buxaaba waxantumalaa ab dof ;

ﯼﯽﯾﯿﰀﰁﰂﰃ

Walla ñuy wax naan : “Kii waykat la ! Leegi tey mu dee jeexal”.

ﰄﰅﰆﰇﰈﰉﰊ

Waxal ne: “Xaarleen ! Man itam Maa ngi ànd ak ànd ag yéen di xaar”.

ﭑﭒﭓﭔﭕﭖﭗﭘﭙﭚ

Moo ndax ñoom seeni xol mooleen di digal ? Am dañoo di aw nit ñu faku ?

ﭛﭜﭝﭞﭟﭠﭡﭢ

Walla dañuy wax naan (Muhammad) : “Moo fent Alxuraan ? ” Li am kay moo di ne... dañoo gëmul.

ﭣﭤﭥﭦﭧﭨﭩ

Su fekkee ne, liñuy wax ngi ci ñoom, nanu indi lu melni Alxuraan.

ﭪﭫﭬﭭﭮﭯﭰﭱﭲ

Waaw ñoom ndax dañu leen sos bind leen wala ñoom ñooy binde di sos ?

ﭳﭴﭵﭶﭷﭸﭹﭺﭻ

Walla ñoom ñoo bind asamaan yeek suuf si ? Li am kay moo di ne ñoom wóoluwuñu.

ﭼﭽﭾﭿﮀﮁﮂﮃ

Moo ndax ñoom dañoo am sa ndàmbi Boroom ? Walla ñoom ñooy dogal ?

ﮄﮅﮆﮇﮈﮉﮊﮋﮌﮍﮎ

Walla ñoom dañoo am ab raas bu ñuy (yéege asamaan di déglu) ? Su fekkee loolu am na ka leen daan yëdujil na indi ay lay yu leer kon !

ﮏﮐﮑﮒﮓﮔ

Walla book Yàlla moom moo am ay doom yu jigéen, yéen ngeen am yu góor ? (mukk)

ﮕﮖﮗﮘﮙﮚﮛﮜ

Moo ndax dangeen leen di laaj ag pey, te ñoom nu diis gann ak i bor ?

ﮝﮞﮟﮠﮡﮢ

Walla ñoom ñoo ame Mbóot yi di ko bind ?

ﮣﮤﮥﮦﮧﮨﮩﮪﮫ

Wala ñoom dañoo am ay pexe ? Te kat pexe yépp ña ko def lay raas.

ﮬﮭﮮﮯﮰﮱﯓﯔﯕﯖﯗ

Walla ñoom dañoo am jeneen Yàlla ju dul Yàlla ? (Mukk) Tuddnaa Sellam ga soree na lool ak liñu koy bokkaale !

ﯘﯙﯚﯛﯜﯝﯞﯟﯠﯡ

Su ñu gIisaan mbugël sax muy wàcce asamaan, dañu naan : “Niir yu dajaloo la”.

ﯢﯣﯤﯥﯦﯧﯨﯩ

Bàyyileen , ba ñu dajeek bis ba ñu leen di mbugël,

ﯪﯫﯬﯭﯮﯯﯰﯱﯲﯳ

bu keroogee seen pexe duleen jariñ dara, te kenn duleen dimbali.

ﯴﯵﯶﯷﯸﯹﯺﯻﯼﯽﯾ

Te kat tooñkat ya ñoom danañu am mbugël mu yées lolu. Waaye li ëpp ci ñoom duñu xam.

ﯿﰀﰁﰂﰃﰄﰅﰆﰇﰈﰉﰊ

Nangay muñ li sa Boroom di dogal. Doo raw sunuy gët (Nun Yàlla). Te ne ngay sàbbaal sa Boroom di ko sant saa soo jógee ;

ﰋﰌﰍﰎﰏﰐ

Nangay sàbbaal it timis ak fajar (fa biddiw yi feqe ak fa muy sooxe).

Alxuraan bu Tedd bi

Tuesday, August 18, 2026

Don't forget us in your sincere prayers

Simoore At-Tur pdf

Simoore At-Tur pdf — Wàcce (Wolof)

Related

More Simoore PDF